عَـــــادات وخُرافات القدامى .. هل ذهبت مع الريـــح !!

[خلطات المذهله]

دايما احاول ماتابع الخرافات لاني صراحه احسها تجرني الي خرافات وفتنه

 

[زَهر تِشرينْ]

 

[ساكورا]

امممممممم في خرافة عند الاجداد
وهي لازم اذا الطفل انولد ينحط تحت فراشة او عند راسه خنجر او حديدة
ومالقيت لها تفسير للحين
واذا جت فراشة تطير ودخلت البيت يعني ضيف ...........وللحين عند جدتي هالخرافة
وصدق الي اثر عليا للحين هو اكل السمك مع لبن يقولون تسبب مرض العضال ........وللحين مستحيل اكلهم مع بعض رغم انها مو صدق ولا لها دليل طبي ..
ويسلمووو على موضوعك نااايس

 

[JANAA]

مشكورة حبيبتي على هل الموضوع

مع الامثله الي ذكروتها وفي من الخرافات اشياء كثيره ومنها ما يدخل في البدع

مثلا :

اذا صبتي القهوه التركيه وظهرت فقاعه من الهواء في ناس اتفسرها رزق وفي ناس اتفسرها عين شكو ما ادري

لا تفتحي وتسكري المقص يجلب الشيطان اعوذ بالله

لا تكنسي البيت بعد الساعه 6 علشان ما يضيع الرزق من البيت ( لا حول ولا قوة الا بالله العلي العظيم )

لا تسوين الروب بالبيت وانتي عليكي الدوره بيخرب اللبن علشان اللبن حساس ( طلع عنده احساس شكو اللبن بالحاله )

اذا كنتي معذوره او قاصه شعرك او لابسه دهب لا تزوري امراه توها ولاده ليش علشان ما تتنكس المراه وتصير مريضه ؟( نفسي افهم ليش )

واذا طلعتي سياره جديده ادبحي خروف او معزه او دجاجه وحطي الدم على عجل السياره علشان الحسد واذا ما قدرتي اكسري بيض نعمة ربنا انقطها على العجل .

وانتي حامل وحسيتي بحموضه سببها شعر البيبي بالمعده ( انحرق شعر البيي )

​

 

[سفييره الكويت]

العادات والتقاليد هي التي تنشر الخرافات مثل ماقلتي تبدأ بفكره وتنتشر ..!


فسواء جيده هذه العادات او سيئه ليست سوى مضحكه للعقول فالعقول الناضجه هي التي تفكر وليست التي تعيش تحت

ستار المجتمع نفعل ذلك لانه الناس يفعلون ذلك ..!

العادات والتقاليد تصلح للمتبعين وليس الاحرار..

في الغرب اصبحوا ينبذون هذه العادات والتقاليد ونتمنى هذا يحدث ايضا لدينا لنرتقي ولو قليلا ..!

 

[حديث الروح]

الله يعطيك العافية يازهر على طرافة الموضوع و عرضه الجميل والحقيقة أن هناك أشياء أعرفها وأخرى لا. تعليقاتك على الأمثلة خفيفة الدم تبعث الإبتسام
احيي حسن اختيارك . دائماً تجدين طريقاً لإبداع مختلف !!! وتطبعين بصمتك الخاصة على كل موضوع تكتبينه.

 

[فطوم 84]

سبحان اكثر الخرافات هاذي سامعتها وماره علي من عيايزنا والله يضحكوووون وفي شغلات مرات تصدف يعني تكون صدفه فاهلنا اول يصدقون يعني اعطيج مثال امي قبل تحكهاايدها اليمين فبنفس اللحظه تجيها فلوس فتصير كل ماتحكها ايدها تقول بتجيني فلوس .... وانا بصراحه معاكم ما اومن بهالشغلات ايمانا فقط بكتاب الله وسنة نبيهً عليه الصلاة والسلام ))

 

[* ليــــدي *]

قبل كنت شيطانه كانوا يخرعوني بس ماكنت اخاف
يوم كبرت قمت اخاف عكس الاوادم

 

[شموخ المملكه]

موضووع روعه اهي صج خرافات بس احيان تصدف معي وتصيرصحيح
إن حكّك خشمك
بتاكل ذبيحة
هااذي صج عن تجربه:eh_s(15):

إن حكّتك يدك اليمين
بتجيك فلوس

إن حكتك يدك اليسار
بتصرف فلوس
وهاااذي تصيرمعي:eh_s(15):
ولي رجعه​

 

[بدوردا الأموره]

نسيت شي

اذا صاحت اذانك اليمين يتكلم فيج عدو مبين واذا صاحت اذنك اليسار يتكلم فيج صديق سار

 

[أم علي المندوبة]

خرافة طبقوها علي و انا صغيرة، المحرم ما يصير يحك!! كانوا يقولون لي طقي مكان الحكة على خفيف، متخيلين شكلي و انا اطق خشمي او ويهي؟ كنت ياهل مادري شسالفة!

أم السعف و الليف يخرعون فيها اليهال قبل و هي النخلة!

الحادة على زوجها ما تطالع القمر و لما تخلص عدتها تفج ويهها على البحر!

التبخر بشب و حرمل عن العين و اي شكل يطلع يصدقونه!

ما يصير نطق مسمار بالطوفة بالليل!

لما نلقى خبزة طايحة على الأرض بالسكة نحبها و نحطها تحت الساس!

خرافات صدقوها الأولين معذورين لجهل غالبهم بس الحين الله يهدي اللي يصدقون هالخرابيط!

 

[قمر بيت أبوها]

الخرافه اللي جننتني فيها أمي لا قمت أصفر بالليل أيام الطفوله تقول الحين بيجي لك ثعبان من الشارع يرقص
والله من هالخرافه نسيت التصفيره ولا كان يحطوني بدال الحكم بالملعب
وسوالف الضيوف كنت اسمعها من جدتي حتي الكأس لاانكسر قالوا شر وراح هههههههه
والمضحك ان هالخرافات مأثره بوحده من صديقاتي وأمها اجنبيه كل ماتشوف شي مقلوب تعدله نمشي بالجامعه ونعدل كأنا بلديه بالجامعه

 

[X SHOOSH]

رفة العين واايد منتشره ههههه