(((عيوووون تحمل الغرق)))والله ماتندموون دخلووو

[((قاهرتهم))]

ياقلبي سلامة الاسفااااار وسلامتك ماتشوفين شر يارب والله يحفظك يارب

الله يسلمج
اتمنى البنات يتاااابعووون قصتي:bbbiu:لانج قلتي لهم انها موجوده ما اتوووقع بيتااابعوووني

 

[((قاهرتهم))]

هيفاء : يمه الله يسامحك مو لهالدرجه ,, احنا مو متعمدين نزعجك بس الظروف حكمتنا ,, انتي تعرفين غلاتك عندي
ام طلال : اعرفها يا هيفاء هذا وانتي ما كلفتي على نفسك ودقيتي على تشوفين اوضاعي وش صار معي ,,يا هيفاء لا ترخصين غلاك عندي بتصرفاتك ,, فهد اعتذر وجاء عندك كم مره وانتي رافضه ترجعين ,, وش تبين الواحد يسوي ابي افهم يذبح عمره عشان ترضين ,, ولفت نامت على جنبها ما تبي تكمل كلامها مع هيفاء ,,,
هيفاء تركت لمياء مع جدتها وطلعت لغرفتها ,, قعدت على مكتبها وفيها قهر على الوضع كله ,, جدتها زعلانه زعل كايد عليها ,, ومنقهرها على عمرها تشوف انها سوت الشي اللي يرضيها ,, لكن الظاهر انه موعاجب الجميع انها تختار الابتعاد عنهم ,,
ضاقت بقوووه وقعدت تفكر وش تسوي وكيف ترضي جدتها ,, الا يجيها اتصال من رقم فهد ,,
فهد : هيفاء ما دخلت المحاضرة للحين وش صار على جدتي ,, ما قدرت ادخل وانا بالي عندكم ,,
هيفاء : ما فيها شي قلت لك دلع بس وانا بوسع صدرها ,, ما حبت تعطيه اجابات واضحه عن الوضع
فهد : متى جاتكم جدتي ,, كان قصده بالسؤال ذا انه يعرف الوضع اللي صاير ,,
هيفاء : من كم يوم وما فيها شي والله ,, بس جاء في خاطرها تكلمك ,, هذا كل الموضوع
فهد : ممكن اطلب منك شي ,,​

هيفاء وهي متردده ,, : تفضل ,,,
فهد :ممكن تراعين خاطر جدتي شوي وما تزعلينها بعنادك ,,
انصدمت هيفاء من كلمته,, الحين انا غلطانه ومعانده ,, ونسيت نفسك وش سويت ,,
هيفاء : فمان الله وسكرت الخط ما عطته فرصه يقول شي ,, وفهد عرف انها زعلت من طريقته معها ,, يووو يا هيفاء ترى بطفشيني عاد ,,,

عصبت هيفاء على فهد وش فاكر نفسه يعطي اوامر لا يقول عني عنيده ,, اكيد الفكره ذي في راسه عني ,, متى صرت عنيده ,, عشان ما ارضى بالغلط ,,
والا لازم ارضى به واقول سامحوني ,,
اي منطق ذا ,,,
قامت من غرفتها بتطلع جتها نغمة مسج ,,فتحتها شافت فهد مرسل لها (( اذا لي باقي قدر عندك ارجوك تهتمين بجدتي انا برتب اموري وبرجع اشوفها كم يوم ,,,ارتبكت هيفاء ومادرت شتسوي بعد رسالة فهد ,, شافت انها ملزمة وانها لازم تخفف عن جدتها وجدتها ما راح ترضى الا انها ترجع معها لفهد ,,,,,
احتارت وش تسوي فعلا هي ما تبي ترجع عشانهم ,, تبي هي مقتنعه فعلا بقرارها ,,
جت عند امها لطيفه ,, وقعدت جنبها وهي على سجادتها تصلي العصر ,,
لطيفه عارفه حيرة هيفاء ,, حطت هيفاء راسها في حضن امها وغمضت عيونها وقعدت تنزل دموعها ما بغت امها تشوفها وهي تصيح ,,
لطيفه مربيه هيفاء وعارفه كل مشاعرها واحساسيها ولو ما قالتها ,, مسحت دموع هيفاء بيدها وكلمتها وهي تمسح شعرها ,,
لطيفه : هيوفه ياعمري ,, انا عارفه وش تحسين به ,, انتي مو هاينه عليك جدتك بس ماودك يغصبونك على شي
هيفاء : يمه انا ما ارضى انها تتعب وتتضايق عشاني ,, بس هم جرحوني جرح ما يوديه شي ابي ارضى بس ما قدرت ,, يمه انتي تحسبين ما احبها ولا احب فهد ,, لكنهم صدقوا في اول شي سمعوه ,, هنت عليهم بسهوله وطلقني ,,, والحين يبون ارجع كذا بس ,,,
لطيفه : اذا انتي عاقله وتفكرين لبعدين ومستقبلك ,, ففهد مثل كل الرجاجيل اذا زعل ,, لا تاخذين على زعله ,,
والله مو عشانك ترجعين بس والله يا فهد ما ينتعوض ,, هيفاء عارفه ذا بس كله منك يا فهد انت اللي قسيتني ,,
لطيفه : هيفاء ارجعي مع جدتك والله بيساعدك وبيرضيك ,,,
هيفاء : انا مني براجعه الا وانتي معي ,, وانا برجع عشان جدتي ,, اما فهد فبدري الكلام عليه ,,, جاهم فيصل هذاك اليوم
واول ما دخل على جدته ما تطمن على حالها ابد ,, وعزم يرجعون للرياض يسون لها فحوصات ويتاكدون انها مافيها شي ,,
جاه اتصال من فهد يبي يتطمن على جدته ,,,كان فيصل قاعد مع لمياء في المجلس
فيصل : هلا بك يا فهد وش اخبارك ,,
فهد : الاخبار عندكم ,, وش فيها جدتي ,, هيفاء ما قالت عنها شي ,,
فيصل : وش اقولك يمكن تحتاج فحوصات جابوا لها دكتور هنا قال لازم ترتاح بس ,, لكن انا مو متطمن ,,
فهد : اوكي متى بترجع الرياض ,,
فيصل بكره ان اشالله ,,
​

​

​

 

[((قاهرتهم))]

بنااات انا ما قلت اني كاتبه القصه شفيكم كلكم كاتبين للكاتبه ريم الحجري
ما اتووقع احد سألكم خربتوو علي نقل الروايه

 

[كوين74]

مساك الله بالخير و النور و السرور

حبيبتي ..... كملي إحنا مقدرين تعبج و إهتمامج للتواصل معانا

و إنتي من بداية القصه ما قلتي إنج كاتبه القصه

لا تضايقين يا قلبي​

 

[((قاهرتهم))]

مساك الله بالخير و النور و السرور ​

حبيبتي ..... كملي إحنا مقدرين تعبج و إهتمامج للتواصل معانا​

و إنتي من بداية القصه ما قلتي إنج كاتبه القصه ​

لا تضايقين يا قلبي​

فديـــــــت اعيــــوووونج كوووين وربي احبــج والمحـــبـــه من الله تـــــجي بدووون اسباااب
والحين بنزلج احلا بااارت

 

[((قاهرتهم))]

هيفاء قعدت جنب جدتها ,,,
خذت يديها وحبتها ومسكتها بقوووه في يدها ,,
هيفاء : يمه وش تحسين به الحين ,,
ام طلال : بخير ,, ودي ارجع للرياض وادخل المستشفى ,,
هيفاء : يمه انتي تحسين بشي ,,
ام طلال : تعبانه وفيني ضيقه ,,انا ما ابي اغصبك ترجعين معي ,, ودي تكونين مرتاحه في حياتك ,, لكن ما اقول الا الله يهديكم ,,
هيفاء : برجع معك يمه ,,,
ام طلال : صحيح ,, صحيح يا هيفاء ,,وخذتها لصدرها وضمتها وهي تحس براحه عجيبه من قرار هيفاء ,,,,

طلع فيصل ولمياء في السيارة معاهم ام طلال ولطيفه وهيفاء ,,
وتركوا شنطهم مع الشغالات في السياره الثانية ورجعوا للرياض في رحلة يملأها الأمل من كل الأطراف بمستقبل احسن للجميع ,,,​

ريما قاعده تجهز كل شي عشان وصولهم من غرفة جدتها لغرفة هيفاء ,, للمجلس واستقبال الضيوف ,, الى كل شي يبي تجهيز ,, كانت تساعدها خديجه في تحضير الاساسيات وتشرف على كل صغيره وكبيره ممكن يحتاجونها

طلال وسلطانه مرت حياتهم بشكل روتيني ,, مكتفين ببرنامجهم وما حبوا يضيفون له اي تغيير ,, كلهم يحبون الهدوء والاستمتاع بوقتهم بعيد عن مسؤليات العمل والبيت ,,

فهد اتفق مع نواف على حجز بعد بكره انه يجي الرياض كم يوم ,, واستغل نواف هالفرصه اذا جاء فهد بيخطب ريما رسمي ويملك عليها ,, ويخليها تتجهز براحتها ,, رب ضاره نافعه ,, مرض جدته وتعبها بيترك له فرصه انه يكلم فهد اذا جاء ,,

وصل فيصل للقصر بعد مشوار كم ساعه ,, تعبت لمياء من الطريق عشان ظهرها فكان يسوق بشويش عشانها ,,, نزل وفتح الباب لجدته اللي كانت جالسه جنب هيفاء ومتسنده عليها ,, وخذ يدها ومشى معها للقصر ,, ومشوا البنات وراه ,,,
اول ما دخلوا ,, استراحت ام طلال على الكرسي ,, وحست بدوخه ,, فقالت يمكن انها من الطريق ,,,
ريما وهي واقفه وفاتحه يدينها بكبرها لهيفاء ,, كان عناقهم مؤثر لدرجه صيحت الباقين ,, من طلال وسلطانه ولمياء وحتى لطيفه ,,,
بكوا الثنتين بشكل يحزن وما عرفوا قيمة بعض وغلا بعض الا لما بعدوا عن بعض
ريما وهي تشد شعر هيفاء : يا ويلك اذا رحتي مره ثانيه ,, انا ارضى ان فهد يزعل بس انتي لا لا ,,,
هيفاء وهي تضمها مره ثانيه : الله لا يجيب الزعل يا عمري ,,,
دخلت ام طلال تستريح في غرفتها ,, واتفق معها فيصل بياخذها للمستشفى بكره بيسون لها فحوصات ,,
ريما خذت هيفاء بعد ما نامت جدتهم وطلعت معها لغرفتها ,,,
ريما : نورتي مكانك يا قلبي ,,, اشتقت لك والله
هيفاء : تدرين بغلاتك عندي يا ريما لكن اللي صار يخلي الواحد يفكر في نفسه ومكانته عند الاخريين
ريما : انتي ما تعرفين مكانتك عند فهد ,, انتي لو تشوفين بس كيف سوى تحريات ما قدر يصدق انك بتسوين هالشي صحيح الغضب اعماه في البدايه لكنه رفض يرضخ للموقف ووراهم لحد ما اكتشف كل شي ,,
هيفاء : قولي لي ,, ومسكتها ريما وقعدت تقص عليها كل السالفة ,,
ريما : ومن يومها مشاعل مادخلت بيتنا ونواف محرم عليها تطلع الا في اضيق الحدود ,, صارت تقول للعنود اول حد بيتقدم لي باخذه ان شالله وشو ولا هالعيشه ,, اما عبير ,, فدرت بمشاعل واللي صار لها ومن يومها حرمت بنفسها تجي خايفه حد يشرشحها ,, لان مشاعل قالت للعنود ان عبير متقفها معها ,, وعنود قالت لي ,,

راح نص الليل وهم يسولفون ,, وفي الاخير هيفاء قالت لريما انها بتروح تنام عند جدتها هاليومين لانها حاسه انها ممكن تبي شي في اي لحظه ,,,
في الصباح بدري ,, قامت ام طلال واستعدت تبي تروح للمستشفى فأصرت هيفاء انها تجي معهم هي وفيصل ,, ما تقدر تترك جدتها لحالها ,,
ام طلال : يمك انا بروح انا وفيصل بنكفي ,, واذا احتجتك بكلمك ,,
هيفاء : مستحيل يمه انا بروح معك ,,
طلعوا مع فيصل للمستشفى الخاص ,, واول ما وصلوه وقاموا بفحوص لأم طلال , اقترح عليهم الدكتور ان ام طلال تنام في المستشفى كم يوم ,, عشان يتمون كل الفحوصات على رواقه ,,
وافقت ام طلال ,, ورتب لها الدكتور اجراءت الدخول ,,, هيفاء على طول كلمت ريما تجهز لهم اغراض للمستشفى وتجيبها لهم ,, بعد فتره بسيطه طلعت ام طلال فوق لغرفتها في المستشفى ,,,,وهيفاء معاها في كل لحظه ما تغيب من عينها ,,,
تركهم فيصل في الغرفة عشان يرتاحون ,, وأكد لهم انه بيرجع لهم العصر بيشوف الطبيب وش اخر اخباره ,,,
قامت هيفاء كعادتها اذا جت المكان ورتبته اكثر مماهو مرتب ,, رتبت سرير جدتها وطلعتها عليه ,,, وكلمت لمياء وعطتها اخبارهم ووصتها على امهم تهتم فيها هاليومين اللي بيغيبون فيها ,,,

قبل الظهر جتهم ريما محملة بكل شي من مفرش لام طلال ,, الى غيار لهيفاء حق يومين ,, وشنطة ام طلال وملابسها ,,
وما نست انها تجيب لهم القهوة والشاي والمكسرات للمستشفى ,,,
ظلت هيفاء وريما يرتبون المكان ,, ووصت ريما السواق يجيب ورد عشان يضفي للغرفه شكل ,, اكيد صديقات ام طلال اول ما يعرفون انها في المستشفى بيزرونها ,,,

ام طلال حست بأسترخاء تام في المستشفى ,, وحست ان اعصابها مرتاحه من يوم رجعت معهم هيفاء ,, ما باقي الا فهد انه يلتم شمله معهم ,, تمنت ذيك اللحظه بفارغ الصبر ,,
بعد ما طلعوا منهم الزوار بعد المساء ,, خذت ام طلال هيفاء عنده ومسكت يدها ,, وقعدت توصيها في اغراضها ,, لان الدنيا ما تنضمن ,, ووممكن الانسان يفارقها في اي لحظه بدون مقدمات ,, حاولت هيفاء تخفف عن جدتها مشاعرها الطبيعية ,, اكيد ان جدتي خايفه لحد ما تطلع الفحوصات وتطمنها ,, بس ان شالله ما يكون فيها اي شي ,,,
ما سمعت من فهد اي شي وما رجع يكلمها وما ارسلت له شي بعد ,, فتوقعت ان فيصل يقول له عن كل شي ,, حاولت انها ترسم صورة عن لقاءها بفهد اذا فكر انه يجي فعلا ,, وش راح تقول له ,, كيف بتسلم عليه ,, فكرت مده طويله وفي الأخير توصلت الى حل ,,,

بعد ما نامت جدتها , بدلت ملابسها ولبست لها قميص قطن عادي ,, وحررت شعرها وقربت لها شرشف للصلاه صغير ,, في حال ان اي حد ممكن يدخل فجأه ,, وتعطرت بعطرها اللي تحبه حيييل ونامت على كرسي المرافق للمريض ,,

مع وصول الخطوط السعوديه فجر ذاك اليوم قادمه من لندن ,,, كانت مشاعرفهد مثل هدير محركات الطائره ,, تدور بسرعه ثم تقف عند نقطه معينه لتعيد الكره مره اخره ,,,
ما في باله الا شيئين صحة جدته اللي تطمن عليها قبل يركب الطايرة لما كلمه فيصل ,, وهيفاء هل رضت وبترجع حياتهم طبيعي والا لا ,,,

اول ما طلع من ارض المطار كان السواق في استقباله وطلع معاه على المستشفى على طول ,,,
وصل فهد لمركز الممرضات وسئل عن غرفة جدته ,, واكدت له الممرضه انها نايمه ,, وياليت يزورها بعدين ,, فهد ما التفت لها وكمل طريقه لغرفة جدته ,, دخلها وشاف جدته نايمه على السرير وهي شبه مغمضه ,, وفتحت عيونها اول ما شافته وحست به ,, وهيفاء اللي نايمه على الكرسي وما اشبهها بنفس ذاك اليوم واول مره يشوفها نايمه في سرير جدتها ,, قرب يم جدته ,, وباس راسها ,, والتفت لهيفاء اللي لحافها نزل منها ,, فخذه ولحفها ,,, ومسح على شعرها وما قدر يمسك نفسه وباس خدها وهي نايمه ,,
رجع لجدته يبي يسألها عن حالها ,, لكن هيفاء اللي فتحت عيونها بعد حركته ما شافت الا ظهره ,, حطت اللحاف على وجهها وسوت نفسها نايمه ,, وقلبها يدف بقوه ,, انحرجت منه يشوفها بذا الشكل وهي نايمه خصوصا انها من زماااان ما شافته ,,
قعد فهد يسولف مع جدته بهدوء عشان ما يصحون هيفاء اللي صاحيه وهما مو حاسين ,, ثم طلع منها وقال بيرجع على الظهر عشان يشوف فحوصاتها ,,,

اول ما طلع وسمعت هيفاء تسكيرة الباب ,, قامت مستعجله ودخلت الحمام تبي تغير ملابسها يمكن يجي في اي لحظه ,, لكنها سمعت ام طلال تناديها من ورى الباب ,, هيفاء تعالي كملي نوم ,, فهد مو جاي قبل الظهر ,,,,
هيفاء وهي تغسل وجهها : يا حبي لك يا جدتي ,, لا تحاتيني انا طالعه الحين ,,,
هيفاء تشوف ان اليوم غير طبيعي بحضور فهد ,,,
الله يعينها على الساعات القادمة وكيف بتحكي معه ,,,
​

 

[((قاهرتهم))]

فديت المتاابعين شكلهم نااموو نوووم العووافي

 

[القوارير]

صباح الورد ياالغاليه
يعطيج العافيه على النقل الراقي
واذا نقلج بالمستوى هذا فكملي وكلنا معاج
موفقه يارب

 

[((قاهرتهم))]

صباح الورد ياالغاليه
يعطيج العافيه على النقل الراقي
واذا نقلج بالمستوى هذا فكملي وكلنا معاج
موفقه يارب

فديتج يا الغاليه​

 

[((قاهرتهم))]

جاهم الدكتور الصباح واخبرهم ان ام طلال مافيها اي شي الا ارهاق بسيط وقل غذاء ولازم تهتم في حالها ,, حتى لو يعطيها مقويات تحت اشرافه كطبيب ,,,

هيفاء متوترة من جية فهد ,, ما تبي تسوي نفسها عاادي ,, لازم يعرف انها راجعه عشان جدتها وبس ,, واذا هي تبي ترجع له بترجع باقتناع منها ,,,

غيرت لجدتها وعطتها بعض الفاكهة ,, وقعدت تسولف معها ,,
ام طلال تحب طريقة هيفاء معها ,, تشوفها غير متكرره مع اي احد قبل ,.. لها طريقه في مسك الاشياء وترتيبها ومشيتها ورزتها في قعدتها ,, لها دور كبييير ,,
وهم يسولفون وهيفاء تضحك جدتها تبيها تستانس ,, ما شافوا الا فهد يدخل عليهم ,,, وعينه على هيفاء ,,
فهد : مساء الخير ,,

هيفاء : مساء النور
فهد ما بغى يمد يديه لها بعد يمكن تفشله ,, فأكتفى بالسلام
ام طلال : وشلونك يمه ان شالله ارتحت ,, شكلك ما نمت ,,
فهد وهو ما رفع عينه من هيفاء ويحاول يتبعها بنظره ,, لانها حست به ان يركز عليها فحاولت تسوي بعض الترتيبات في الغرفة ,,
فهد : الا نمت يمه بما فيه الكفاية بس مشتاااق ...... هيفاء التفت عفوي له تبي تشوف تكملة كلمته ,,
بس مشتاااق اعرف الطبيب وش عنده
صدت منه هيفاء وهي تضحك ,, ما قدرت تمسك ضحكتها ,,علي هالحركات يا فهد
فهد شاف كتفها يهتز عرف انها ضحكت ,,
فهد :بعض الناس شكلهم فيه شي مونسهم يا ليت يشاركونا فيه ,,,,
هيفاء سفهته وكملت شغلها ورتبت الورد في الفازا

ام طلال :لا ابشرك الدكتور طمنا ,, الحمدلله ما فيني الا العافيه ,,

فهد : اي مريت عليه وقال لي علومه كلها ::: بس انا ما راح اعتمد على كلامه ,, عشان كذا بعد اسبوع بسافر انا وانتي وهيفاء لندن !!!
وعينه على هيفاء يبي يشوف ردة فعلها ,,
هيفاء : ما في داعي جدتي تسافر دامها طيبه بالعكس السفر راح يكون متعب عليها ,,,
فهد كان قاعد على الكرسي وقف وقرب لهيفاء وهي تتكلم : اذا طلبت رأيك يا قلبي علميني به ,, لكن هذا قراري ,, وما عليكم الا انكم تتجهزون ,,

وطلع من الغرفة وهو يضحك في قلبه على هيفاء ,,, ما صدقت يا هيفاء انك رجعتي في حماي تبين اخليك ,,,

طلعت ام طلال للقصر وهي فرحانه بأنها طيبه وبخير وما فيها اي شي يقلق ,, وزادت فرحتها ان هيفاء وفهد راح تنحل مشكلتهم اذا مو اليوم فبكره ,, اهم شي في نظرها انهم يكونون مع بعض ,, بعد ما وصلوا للقصر ,, دخلت سلطانه تساعد ام طلال ,, وريما اللي جهزت سرير جدتها ,, كانت مرتبه ملابس جدتها عشان تبدل ,, هيفاء تعبانه من المستشفى وقعدته ,, فأستئذنت منهم تبي تطلع ترتاح شوي ,,
طلعت بسرعه قبل يجي فهد ,, وخذت لها ملابس وبعض اغراضها الشخصية ودخلت جناح عمتها مريم ,, ما ودها تحتك في فهد ابدا لحد , ما تحس انها راضية من داخل فلبها عليه ,, كل شي يهون في نظرها الا اخر سالفة وطلاقها اللي آلمها كثيييير,,,
ما يمديها تسكر الباب وتقعد على الكنبة الا تسمع صوت دق على الباب ,, ما توقعت انه يكون فهد ابدا فقالت ادخل ,,
دخل فهد عليها وهي حايسه اغراضها وللحين ما بدت ترتبها ,, قعد يتأمل الغرفة واغراضها المتناثره على السرير ,, وفتح عيونه شوي بأستغراب
فهد : ليش جايه هنا ؟؟
ما درت وش ترد به ,, وشافت انها تقول له الحقيقه ابرك ,,
هيفاء : ابي اقعد لحالي اذا ما عندك مانع ,,,
فهد : واذا تبين لحالك ليه رجعتي وهو يقولها بحده وسخرية شوي ,,,
هيفاء : ما رجعت عشانك ,, انا رجعت عشان جدتي اذا كان هذا يرضيك ,,
فهد كان وده انه هيفاء ترضى ويرجعون لحياتهم الطبيعية وخصوصا انه من جاها ذاك اليوم في الديره وهي شاغله كل جزءمن االساعه في وقته ,,
فهد : الا يرضيني ,, وكثر الله خيرك ,,طلع منها وصفق الباب بقوووه وراح لجناحه وهو يحس بقهر من هيفاء ,,,
هيفاء قعدت ترتجف في مكانها انها ردت على فهد باللي في خاطرها ,, كانت عارفه ان ردها ضيق عليه وكدر خاطره ,, بس بعد لازم يتقبل انها رجعت مو عشان تبي ترجع له ,, واذا مو عشان جدتها كان ما تحركت من الديرة الا لما يرجع عشانها مره ثانيه ,,,

اول ما دخل الجناح دغل غرفتها على ماكان متعود عليه قبل ,, فتح ازرار ثوبه وهو يحس انه مخنوق من تصرف هيفاء ,,
وقعد يدخن بطريقته المعتاده اذا قفلت معه ,,, طال السهر وهو يشوف التلفزيون ,, وفي الاخير تطلع لبكره وعزم انه يغير هيفاء ولو طال الوقت معها ,,,
هيفاء قامت الصباح بدري وتجهزت بنفس ,, مهما صار مع فهد لكن ودها في اي لحظه يشوفها انها في اجمل شكل لها ,, يمكن يرضي غرورها ذا الشي ,,
رجعت هيفاء لأناقتها ومزاجها مروووق انها تتأنق ,, فلبست لها تنوره بلون الاخضر القاتم مع بلوزه بتنقيط النمر ,,, لكن بدرجة اللون الزيتي ,,,,
ورفعت شعرها على فوق وردته ثاني بأكسسوار حلوو ,, حطت مكياج هادي جدا ,, حلاه الجلوس الوردي الباهت ,,,
لبست لها صندل مرتفع شوي ,, وخذت جوالها ونزلت ,, شافت خديجه في الممر تشيل البخور لأم طلال ,, فخذته منها وشكرتها عليه ,,
عطرته بكسر العود ودخلت لجناح جدتها ,, فاجأها فهد انه قاعد يتقهوى مع جدته ,, متى امداك قمت بسم الله ,,,
اول ما شافتها ام طلال قالت لها بخري فهد يمك ,,,
ناولته هيفاء البخور بس هو قدم وجهه ومد يده في الهواء يشمه وما حاول ياخذه منها ,,
هيفاء شلونكم اليوم​

 

[((قاهرتهم))]

ام طلال : ابشرك بأحسن حال ,, لكن فهد ما رد عليها ابدا وحاول انه يتجاهلها حتى ,,
وكملت ام طلال : عندي لك خبر حلوووو
هيفاء : خير يمه ,,
ام طلال : نواف يبي يملك على ريما هاليومين ,,
هيفاء : والله ,, خير حلووو بصراحه ,, وريما وينها الدبه ما قالت لي ,,
ام طلال : ما عندها خبر للحين ,, نواف كلم فهد البارح وتوه يقول لي ,,,
هيفاء : عسى والله الله يبارك لهم يا ربي ,, بغت تقعد لكن كملت وقفتها وانشغلت انها ترتب شغله على طاولة جدتها ,, وعقبها جت بتطلع ,, قالت لها ام طلال : وين يا هيفاء ,,
هيفاء : هنا ما راح ابعد يمه ,,

طلعت متضايقه من فهد ,, ليه ما يعاملني عادي لحد ما احس نفسيا اني متقبله ارجع برضا نفس ,, ليه يبي يعاقبني على كل شي ,,
دخلت المطبخ التحضيري ,,
وسوت لها قهوة مره وقعدت على الطاولة ,, كلمتها الشغاله اذا تبي فطور ,, لكنها رفضت مالها مزاج تاكل ,, عكس من ساعه اول ما قامت كانت في مووود مرره راائع ,,,
تنهدت بقوووه وحطت يدها الثنتين على جبهتها ونزلت عيونها في القهوة ,,,
دخل فهد وهي موحاسه بشي كانت مركزه تفكيرها في حياتها ,,,
فهد : وش هالشي اللي شاغل بالك مررره ؟؟؟
هيفاء : لبيه ونزلت عيونها في قهوتها , , وكملت ,, ما شي ,,
فهد : اللي يشوفك يقول عندك مأساه وتبين تحلينها ,,, ما بغت هيفاء تضعف امامه ,,
هيفاء : شي عادي مو مهم ,,, كان وده فهد انها تكمل بس هي عادتها كذا تقط كلمه وتخليك تبني عليها ,,,,
فهد : كنت ابي منك خدمه ,,
هيفاء مركزه عيونها في عيونه وهي تقول له : تفضل ,,
فهد : انا ما قلت لريما للحين وانا متأكد انها بتقول لسى وما تجهزت وما امداني وعطني فرصه ,,, انتي تعرفين ريما ,,
ابيك تخلصين معها امورها الا خطبه صغيره ومعها عشاء للعايله ,, بعد بكره ان شالله ,,
استانست هيفاء انه كلفها بشي حتى لو هو من واجبها تسويه بس انها رغبته هو شي اسعدها ,,
هيفاء : ان شالله ولا يهمك ,,
فهد : تسلمين ,,, وطلع برى المطبخ واتجه لريما ,, لأن، عنده اشغال كثيير يبي يخلصها ,,,,
اول ما وصل للفيلا لقى امه تفطر مع ابوه وسلم عليهم ,,, سولف معهم شوي وعقبها فتح موضوع نواف ,,,, سلطانه ابد ما مانعت بالعكس ودها تفرح في ريما ,, اما طلال فحزن ان ريما بتتزوج وتطلع من عندهم ,, لكن مع ذلك وده بفرحتها ,,, فهد طلع لغرفة ريما فوق ,,,
وحصلها تبي تنزل تحت ,, مسكها فهد من كتفها ,, وطالعها بنظره ابويه اكثر من انه اخ
فهد : ريما انتي تعرفين معزة نواف عندي صح والا لا,,
ريما توترت ما تدري وش يقصد فهد ,,
فهد : وتعرفين حتى لو ما كان ولد عمتي اني ودي انه يكون نسيبي قبل يكون صديق حتى لأن فيه معاني رجولة نفتقدها الحين ,,
ريما : طيب
فهد : وانتي عارفه من متى تقدم لك لكن الظروف حالت ,, والحمدلله جدتي طلعت من عدتها وهي طيبه وبخير وبتروح معي لندن كم شهر وبتغير جو,,,
ريما : انت تقصد نواف يبي الزواج الحين ,,
فهد : لا مو الحين ,, اذا رجعت انا يبي لي ستة اشهر ,, ويمكن اقدر قبلها بعد ,, بس هو يبي الخطبةمع الملكة رسمي وانا وافقت وان شالله بعد بكره ,,,
ريما كنه صب عليها مويه بارده : فهد من جدك ,, لا لا ما اقدر اذا رجعت من سفرك خله زواج بالمره ,, لكن ملكة الحين لا لا ,,
انا ما يمديني اسوي اي شي ,, لا لا
فهد : انا بقول لهيفاء تساعدك بسرعه ,, بعدين الا خطبه مو عرس اقصاها بيشوفك ويملك عليك ,, الحين ابيك تكلمين هيفاء تروح معك سوي الفحص وصيتهم عليك عشان يخلصونه ,,,
​

 

[هجران الليالي]

مشكورة أختي قاهرتهم على نقل القصة
وانا بصراحة من متابعينك .. والقصة عاجبتني
تسلمين على النقل المتميز وحمد الله على السلامة

 

[((قاهرتهم))]

مشكورة أختي قاهرتهم على نقل القصة
وانا بصراحة من متابعينك .. والقصة عاجبتني
تسلمين على النقل المتميز وحمد الله على السلامة

فديت اعيووونج تسلمين يا الغاليه :yaaaaaarb: يارب ربي يرزقج الذريه الصالحه

 

[((قاهرتهم))]

ثم وش تبين عندك اليوم وبكره ,, ضمها فهد ومسح على شعرها
فهد : انتي تدرين اني ما اقدر افرط فيك لأي احد لكن نواف رجال عن مية وما ودي أخره اكثر من كذا ,,,,
سكتت ريما مستحيه من اخوها ,, واول ما طلع وعلى طوووول دقت على هيفاء ,,, ما ردت عليها شافت عندها انتظار ,,, اكيد فهد يوصيها ,, مادرت ان فهد قد قال حق هيفاء
وخلص ,,
فهد : اذا ممكن وما عندك شغل ابيك تفضين نفسك حق ريما اليوم عشان يمديها تخلص ,, انا عطيتها خبر وقلت لها انك بتساعدينها ,,,
بعد شوي هيفاء رجعت الاتصال حق ريما واول ما سمعت صوتها : مبرووووك يالدبه ,,,
ريما : الله يبارك فيك ,,الحقي ياهيفاء حاسه بروووع ,,
هيفاء : تعوذي من ابليس ويالله قومي خلينا نستغل الوقت ,,,
عطت هيفاء ام طلال وامها لطيفه خبر انهم بيطلعون ,, وخذت عبايتها وشنطتها وطلعت لريما اللي تنتظرها بالسياره ,,
اول ما وصلت السياره ودخلت وشافت ريما ,,, لقتها تصيح وهي متأثره ,,
هيفاء : وشفيك اسم الله عليك ,,
ريما متأثره ما قدر صوتها يطلع : ما في شي ,,,
هيفاء : قلبي انتي ما تبين نواف المفروض تفرحين والا لا,,
ريما : ما اتخيل نفسي برى هالمكان ويكون لي عالم ثاني صعبه يا هيفاء والله صعبه ,,
ضمتها هيفاء لها ومسكت خدها بشويش : يالله بلا دلع بنات ,, مصيرك تتزوجين احمدي ربك انه نواف ,, مو انتي اللي ذبحتي عمرك حقه تطبخين له وتسوين له حركات غير شكل ,,كانت
تبي تضحكها عشان تطلع من الجووو والا هي عارفه ريما قلبها طيوب ويتأثر بسرعه ,,
دقت لمياء عليهم تبي تشوف وينهم ونسوا منها تماما ,,, زعلت اول مادرت ,, ليش ما فرحوها بالخبر ,, لكن هيفاء اكدت لها هذه عمايل فيصل ,, ما صرنا نشوفك الا اخر الليل
وش تسوي عااد ,, سكرت منهم لمياء وهي فرحانه جدا لريما,,,

فهد طلع للمكتب , والتقى بنواف اللي عطاه الموافقه انهم يجون بعد بكره ويخلص اموره عشان الملكة ,, واتفقوا انهم يسهرون برى ,,بس نواف اصر على فهد انه يشوفه العصر في محل
مجواهرات معروف يبي ياخذ رايه في شغله ,,
اتفقوا وكل واحد منهم راح في شغله ,,, فهد وهو في زحمة الاوراق يبي خلص شغله تخص عقارات له ,, جاه اتصال من عبير ,,, استغرب من وقاحتها انها متصله عقب عمايلها مع
مشاعل ,, طول عمرهم كانوا سوستين ما ترحم ,,,
بغى يسفه اتصالها كنه فضل في النهاية انه يرد عليها ويشوف وش عندها
فهد وبدون نفس : نعم
عبير وهي تتمسكن : نعم ,, معقوله فهد يكلمني كذا
فهد : وش عندك ,,
عبير : فهد انت ليش تكلمني كذا
فهد : مزاج وش عندك ,, خير وش عندك متصله ,,
عبير : فهد انا ضايعه من يوم سافرت ,, انا تعبانه يا فهد وتحاول تتغنج بصوتها ,, انا محتاجه لك ,,
فهد : علم ياصلك ويتعداك ,, اذا رجعتي تتصلين علي ,, بقول لنايف عنك وعن سوالفك انتي ومشاعل ,, وعندي تسجيل بكل شي ,,
فاقصري الشر يا عبير ,, وسكر في وجهها ,, هو يبي يهددها لانه وصلت معه حركاتها وطريقتها السخيفه ولازم تعرف حدها معه ,,,
عبير بعد ما سكر الخط بغت تموت ,, فشلها فهد ولا بعد يهدد ,, كله من خططك يا مشاعل ودتنا في داهيه ,,,,

كملوا هيفاء الفحص وطلعوا للسوق ,, يختارون فستان لريما يليق بالمناسبه ,, طلعوا للبوتيكات المعروفه ,, واستقر رايهم على فستان رااااقي شيفون حرير بلون الزهر مع شريطه ساتان
على الخصر ويدها تكسير صغير كت مربوط بشريطه صغيره مره ,, معطيها شكل راااااقي جدا ,,, استانست ريما انها لقت شي ,,,وشكرت هيفاء من قلبها على مساعدتها لها بأختيار شي
مميز ,, مروا على المشغل واتفقوه معاهم يجونه بكره عشان بعض العنايه من صبغة شعر وتجميل وغيره ,, ورجعوا وهم منهدين مررره من المشوار ,,
هيفاء تعشت مع امها وجدتها وهي تحس انها تعبانه وودها تنام لأن وراهم بكره الصباح طلعه للمشغل ,,,
دخلت جناح عمتها مريم وهي ما تفكر الا بريما وكيف بيصير شكلها يوم الخطبه ,,,
قامت هيفاء كعادتها نشيطه وكلها تفاؤل ,, خذت شاور سريع ولبست لها جينز سكيني ومعاه فستان من القطن البنفسج الراقي ,,
عكفت شعرها عشان يريحها في المشوار ,,وصلوا هي وريما وصارت ريما في يدهم كنها عروسه من عرايس الف ليله والف ليله ,,,
اصرت ريما على هيفاء تغير في قصة شعرها ,, وبعد الحاح وضغط من ريما اكتفت هيفاء بتدريجه شوي ,,
ما بقى لهم الا يمرون لمحل الورد يحجزون عنده بعض الباقات الصغيرة تكون متناثره على طاولات المجلس ,,,
بعد ما خلصوا شغلهم رجعوا للقصر وابتدوا بترتيبات الضيافه لبكره من حجز للتصوير على اختيار الاكل للعشاء , على تفاصيل صغيره لكنها تاخذ وقت كبير من الانسان ,,,
لمياء كان اكثر اشرافها على الافكار وطريقة تنفيذها بمساعدة الشغالات , ,, فيصل معطيها تحذيرات قويه انها ما تشيل اي شي ابد ,,,,
فما كان منها الا الالتزام بكلامه ,, قامت بترتيب المفارش على الطاولات واختيار نوع يليق بالمناسبه وقاموا الشغالات بتنسيق منها واختيارها لنوعية الصحون بترتيب مائدة الطعام ,,, وتوزيع
الورد المجفف والشموع فيها ,,
وبخرت المكان وسكرته وحست بالفعل انها سوت شي يذكر لريما ,,,,
ام طلال تشعر بالسعاده ترجع للقصر بعد فتره من الحزن والمشاكل وتمنت ان زواج ريما خاتمة الاحزان باذن الله ,,,,

دخلت هيفاء جناح عمتها صار لها يومين تقريبا ما شافت فهد ابد لانها ما قرت في القصر ,, على طول برى وحست انها سوت انجاز كبير جدا مع ريما هاليومين,, لانه اختصار لأسابيع ولكن
بفضل الله واختيارهم للالوان والتشكيلات الحلوة اللي ساعدتهم في تحقيق مهمتم بسرعه ,,
لبست هيفاء قميص ناعم وحررت شعرها المرول برولات كبيره لما كانت بالمشغل وتموج على جبينها مثل الشرايط الحريرية العريضة
ودخلت في فراشها وهي مبسوطه انها سوت اللي عليها ,, لما حطت راسها على المخده فكرت في بكره ,, اكيد مشاعل بتجي مع عمتي هدى ,, كيف بقابلها وشلون بتكلم معها وهل لها
وجه تدخل عندنا ,,,سرحت هيفاء في شكلها كيف بيكون وحطت يدها على جبينها وصرخت أأأأأأخ,,, ما درت هيفاء وش بتلبس حق بكره ولا حطت في بالها اي شي ,, تذكرت فساتينها
واي واحد تلبس ,, لكنها بعد مشكلتها ضعفت وما تدري وش بيناسب على جسمها اكثر ,, خذت اللحاف منها وتسحبت لجناحها كانت الساعه 2 ,, اكيد فهد نايم ولا راح يحس فيني
,,, مشت بشويش وفتحت باب الجناح لفت النور طافي ,, فتحت غرفتها ولقت نورها بعد طافي ,, جت بتفتحه لكنها عدلت عن رايها ,, يمكن فهد يشوف اضاءه في المكان ويجي
وهي ما صدقت انه نام ,, فتحت غرفة الملابس واضاءت النور وفتحت دولابها ,,, وقعدت تلف فساتينها من الى واستقرت على ثلاثه ,,, طلعتهم وعلقتهم على باب الدولاب ,,
فصخت قميصها ورمته ولبست اول واحد ,,, قعدت تسكره وتثبتها على جسمها وتشوف نفسها في المرايه ,,وتدور مره فكت شعرها على جنب وصارت ترفعه بيديها الثنتين كيف بيكون شكلها
,, وبعد فتره فصخته ولبست الثاني ونفس الكلام مره تدور به بالصندل ومره ترفعه تشوف كيف بيكون على جنب ومره تجيب شعرها على قدام ,, استانست عليه بس بعد بقت تتأكد من الاخير
فصخت هذا ولبست الاخير حلووو عليها لكن الثاني كان احلى بكثير ,, وهي ترفع شعرها من على جبهتها وتطالع المرايه ,, سمعت صوت فهد يقول لها : احلى واحد الثاني ,,,,
وصرخت هيفاء بقوه وشافت الغرفة المظلمه ,, الا فهد نايم في السرير وقاعد يبحلق فيها ,,,
حطت هيفاء يدها على فمها من الاحراج ,, انت من متى هنا ’’
فهد : انا انام هنا انتي اللي اقتحمتي المكان ,,,
​

 

[هجران الليالي]

فديتهم المعاريس ويارب هيفاء وفهد يصيرون معاريس بعد ويردون لبعض

 

[كلي أحزان وهموم]

هههههههههههههههههه ضحكني اخر موقف موووو صج
الله يعطيييج العافية حبوبة
نااطرينج

 

[((قاهرتهم))]

هههههههههههههههههه ضحكني اخر موقف موووو صج
الله يعطيييج العافية حبوبة
نااطرينج

انشالله بنزل باااارت

 

[نور .خلود]

نتى الباااارت

 

[Fa6mu]

الروااايه عجيييييييبه

نااااطرييين

و يعطيج الف عافيه

و حسبيني من متااابعينج

 

[نور .خلود]

متى البارت ؟ في بارت اليووم ولا لا ؟