(((عيوووون تحمل الغرق)))والله ماتندموون دخلووو

[((قاهرتهم))]

رد : (((عيوووون تحمل الغرق)))والله ماتندموون دخلووو

كملي حبيبتي ناطريج والله قمت اتشوق :eh_s(9): :eh_s(9): :eh_s(9):​

اوكي يااا قلبي الحين اكمل

 

[((قاهرتهم))]

رد : (((عيوووون تحمل الغرق)))والله ماتندموون دخلووو

كملي ناطرينج
:ggdw::ggdw::ggdw:

انشاء الله حبيبتي الحين انزل بااارت:eh_s(17)::eh_s(17)::eh_s(17):

 

[((قاهرتهم))]

رد : (((عيوووون تحمل الغرق)))والله ماتندموون دخلووو

فهد : انا مالي رغبه فيك ولولا جدتي ما خذتك لكن الحين انا ماقدر اكمل معك
احنا بنرجع للقصر بكره وبنتفاهم هناك ,,,

نزل فهد ودخل على جدته بالغرفه لما شافها مبسوطه وتشوف التلفزيون ما بغى يغثها في هالليل بس قال لها انهم بيمشون بكره الصبح

عبير ومشاعل طايرين من الفرح عشان اللي صار وتأكدوا ان اللي يبونه قرب
عبير : اسكتي يا مشاعل مدري وشلون اشكرك اخيرا ,,, اخيرا فهد بيطلقها وبنفتك ,,,

مشاعل : قلت لك يا حبيبتي اتركي كل شي علي بس انتي الله يهديك فيك قل صبر

عبير وهي ما ندري وش تسوي تقوم وتدور في الغرفه مثل الخبله فرحانه باللي صار

ما جاء فهد للغرفه وطلع للشباب وعطاهم خبر انهم بيرجعون بكره وكلم ابوه وقال له ان الشغل محتاجينهم ولازم يرجعون

هيفاء بعد ما طلع فهد خذت شنطتها ورتبت اغراضها بالكامل ولان بالها مشغول ما جاء الترتيب على الخاطر بس حاولت كل شي تحطه في مكانه المعتاد

لمت اغراضها اللي في الدرج وهي توظب الاشياء تذكرت كيف كان طريقته من كم يوم معقوله هو ذا بس ما بغت تحسف نفسها

نامت وهي ماسكه نفسها ما تبي تشكي لحالها يمكن يجي يرتب اغراضه ,,,

نامت على الكنبة ولا قامت الا وقت صلاة الفجر,,, توعت ما شافت فهد صلت ورجعت تكمل نومتها ::::,,,

جهزت نفسها بشكل رسمي ما حطت مكياج ولا شي ما نزلت ابدا من غرفتها وقت الفطور وكلمت ريما وقالت لها اذا بيطلعون للسياره تكلمها
جدتها استغربت الوضع وحست انه فيه اعصار لكن ما تدري بشي الله يستر

ونفس ما كان وضعهم وهم جااين نفسه كذلك وهم راجعين

هيفاء اللي تصارع افكارها وتبي بس توصل للقصر علشان تشوف مين بيوصلها لأمها لطيفه خلاص ما تبي تقعد معاه

شافت جدتها ساكته وتشوف قدامها اااه عليك يا جدتي والله مو ودي بس ما اقدر اقعد مع واحد يبي وحده ثانيه

وميلت راسها على زجاج السياره وغمضت عينها ما تبي دمعتها تنزل لما تذكرت لمياء وانها بتفترق عنها

طاحت دمعة حاره على خدها وحاولت ما تتحرك علشان محد ينتبه لها بس فهد اللي كان يراقب الوضع من مراية السياره

قلب الراديو وتركها على اذاعة غنائيه وصوت ابو عبده يطرب السامع

(( يا ليل خبرني عن امر المعاناة هي من صميم الذات والا اجنبية))

ريما حاولت تكلم مع هيفاء كذا مره بس هيفاء مالها مزااج ابد وقفلت كل المواضيع ,,

اول ما وصلوا للقصر نزلوا بتعبهم وهمومهم وهيفاء ما تفكر الا في جدتها كيف بتقولها الموضوع

نزلت ام طلال ونزل مع فهد يعنز لها ويمسك شنطة يدها

ونزلت هيفاء وريما وانتظروا لحد ما ام طلال دخلت قبلهم للقصر

دخلت للمجلس الجانبي المطل على الحديقه وجت هيفاء تبي تكمل طريقها فوق نادتها جدتها بصوت مرتفع ممكن انه يخرق الأذن

ام طلال : هيـــــــفاء

هيفاء : لبيه يمه
ام طلال : تعالي هنا وهي تلتفت لفهد وش صاير بينكم ,,
هيفاء : يمه اناا ب....
ام طلال : اسكتي انتي ,,, وش صاير يا فهد
فهد : انا ما اقدر اكمل معها انا قبلت عشانك بس بعد هذا قرار لازم انا اللي اتخذه بنفسي وانتي ما عطيتيني فرصه

ام طلال : يعني تبي تكسر كلامي وتعصاني
فهد : ما كان عصيت كلامك لو ان بنتك قصرت شرها وطاعتني في اللي اقولها

تمشي بكلام مو صدق ولا حشمت اهلي عشاني هذا غير عن امور كثيره ما ابي اذكرها
هيفاء تطالع فيه مصدومه صدقت كلام ريما انه يعصب ويقط كم كلمه وبعدين يرضى تمنت هالشي

وتمنت يعتذر لها عن اللي صار ويقولها انا اعرف عبير كذابه

بس هو شكله يدور السبايب علشان ينفصل

هيفاء كانت قاعده وقفت : يمه اذا لي خاطر عندك انا بعد ما ابيه فلا تجبريني عليه ,,,,

ام طلال : فهد طلاق ما في طلاق وهيفاء ما راح تطلع من هالبيت الا على وفاتي

وانت مسموح ارجع لبيت اهلك ومو هاذي هقوتي فيك يا فهد وقامت من مكانها ,,,,

فهد يطالع جدتها اللي معطيته ظهرها وتمشي للمصعد

الله يسامحك يمه ليه كذا بس ليه ,,,,,))
ريما مو مصدقه اللي يقوله فهد
ريما صحيح انت مو صاحي شصار في عقلك ,,, معقول انت فهد اللي اعرفه زين
فهد : وفري محاضرتك وما ابي اسمع شي,,,
ريما : انت الحين مصدق خرابيط عبير ومشاعل ماهما اللي قالوا انك بتأخذ عبير وش الغريب يقولون عن نواف
فهد : يعني وشو أخذ عبير
ريما : مشاعل ذاك اليوم تقنعني بأنك قلت لهم انك بتتزوج عبير بس انا سفهتها ,,,
فهد : متى هالكلام وليش ما قلتي لي
ريما : يوم طاحت هيفاء عن الحصان بعدين ليش احط السالفه في مخك ماله داعي اصلا ادري كله تأليف
فهد تضايق بقوه من الكلام ,, لكن ماله خلق لأي شي الحين يبي يطلع من الديره بكبرها

ام طلال وهي في غرفتها حزينه فعلا على اللي صار كلمت خديجه تنادي هيفاء ما تبيها تقعد لحالها في الوضع ذا
ودعت الله سبحانه ان يفرج همها ,,,

هيفاء مو مستوعبه اللي حصل وحست كل شي مر بسرعه بتقرب تخلص شهر من زواجها وهي اصبحت معلقه
معقوله انا يصير لي كذا يا رب انا راضيه بحكمك ,, اللهم لا اعتراض,,,
تمددت على فراشها والحزن يعصر قلبها ما توقعت كذا يا فهد ,,, انا ما قدرت اسكت عن الكلام اللي صار لكن انت كيف تصدقهم وتكذبني اناااا ,,,
صاحت دموعها بهدوء على خدودها وهي تاركتها تنساب لعلها تخفف عنها ضيقتها,,, رن الجوال وشافت رقم ريما
مالها خلق ترد ابدا بس ريما ما تستاهل ولا لها دخل فأرسلت لها مسج انها بتكلمها بعدين
ريما لما شافت رد المسج ما قدرت تملك نفسها وطلعت بسرعه من فيلتهم متوجهه لهيفاء ,,, هي ما تقدر تتركها بالحالها في الوضع الصعب هذا ,,,
سمعت هيفاء طق الباب وهي للحين في سريرها ,,,
هيفاء : ادخل ,, دخلت خديجه وقالت لها ان ام طلال تبيها في الجناح فأكدت لها انها بتبدل ملابسها وبتجي,,,

على طلعة خديجه دخلت ريما وشافت هيفاء في فراشها وجت يمها فما كان من هيفاء الا احضنتها وقعدت تصيح على كتفها وحست انها مالها احد في الدنيا هاذي ,,,
ريما : لا تصيحين يا قلبي الناس ما يخلون حد في حاله وانتي وفهد ما شالله اكيد فيه ناس حاسدينكم وما يبونكم تتهنون لا تخلينهم يخربون عليك ,,, اعتبريها سحابة صيف,,,,,
هيفاء تحاول تسكت وصوتها رخيم جدا : ما اظن يا ريما الناس لهم دخل ,, احنا مو متفاهمين من قبل وطريقة زواجنا غلط و...
ريما : لا تقولين كذا ما في زواجكم الا العافيه , اي طريقة اللي تقولين ,, فهد لو ما يبي ما عليه من جدتي لا تدخلين الفكره في راسك بس هو اكيد صار بينكم سوء تفاهم وخلاكم تبدون غلط ,,, كل شي يتصلح يا عمري انتي هدي بس
هيفاء : ما اظن انها تتصلح خلاص النفوس تجافت ولا به اللي يجبرها وش تبين نحافظ عليه على الحب اللي بينا ولا على العشرة ولا على ايش ,, مابه شي منها علشان اقول كل شي يتصلح ,,,


:bbbiu::bbbiu::bbbiu:​

 

[الـــ غ ـــلا]

كملي كملي
اندمجت حيييييييييل
:eh_s(11):وهيفاء تعور القلب

 

[((قاهرتهم))]

رد : رد: (((عيوووون تحمل الغرق)))والله ماتندموون دخلووو

كملي كملي
اندمجت حيييييييييل
:eh_s(11):وهيفاء تعور القلب

فديتج الحين انزل بااارت لعيووونج

 

[((قاهرتهم))]

رد : (((عيوووون تحمل الغرق)))والله ماتندموون دخلووو

ريما :: ممكن تقومين تأخذين شاور الحين ,, انتي لازم ترتاحين وبعدين يصير خير ,,,
خذتها ريما وجهزت لها ملابس خفيفه وخلتها تبدل على وطلعت لقسم جدتها عشان تشوفها وبالمره وصت خديجه تأمرهم يحضرون ساندويتشات خفيفه اكيد هيفاء محتاجه شي يقويها ,,

ام طلال : وين اخوك
ريما : مدري عنه يمه بس لاتكدرين خاطرك يمه فهد ما راح يلقى احسن من هيفاء و..
ام طلال : خساره ما عرف قيمتها وصيته عليها لكنه خيب ظني ما هقيتها يا فهد ما هقيتها وهي تتنهد بقوه
طلال وسلطانه اللي عرفوا بالخبر انصدموا منه وراحوا لأم طلال يبون يعرفون وش صار خصوصا ان فهد طلع من البيت ورفض يعطيهم اي تفاصيل,,,,,

طلال : يمه وش صاير بالله عليكم فهموني ,,
ام طلال ,, اسئل ولدك يعلمك ما هقيتها من فهد !
سلطانه : لا حول ولا قوة الا بالله ,, والله ما عندي خبر عن اي شي وفهد ما قد شكى منها مدري وش صار,,,

ام طلال بحده : الخبر هذا ما ابي حد يعرفه حطوا في بالكم هالشي ,,, الله بيحلها وبتزين الامور بس خلهم يرتاحون شوي ونحلها بأذن الله ,

طلال وسلطانه مع بعض : ان شالله طال عمرك ,,

دخلت هيفاء على نهاية الحديث وقام لها عمها طلال وحضنها وقبل راسها وحاولت انها تكون متماسكة ومو متأثره ما تبي اي احد يشفق عليها ,,
سلطانه بصوت متأثر : يسهل الله يا بنتي ولا تفكرين ان فهد اغلى منك كلكم عيالنا والأمور بتزين ,,,
سلمت عليها هيفاء ومرت تبي تسلم على جدتها

غلفت الرسمية والمجاملة نهاية الجلسه لأن مابه شي يتكلمون عنه وطلع طلال وسلطانه
اما ريما فظلت مع هيفاء يسولفون مع جدتهم اللي حاولت ما تذكر لهيفاء اي شي ولا تكدر عليها خلاص صار اللي صار لازم اعطيها فرصة ترتاح ,,,,

رجع فهد متأخرجدا ولا له مزاج ابد يرجع للقصر ,, لكن لازم انه يحل الموضوع يا بالطلاق او انهم يرجعون لبعض
اما كذا حس انه وضع غير طبيعي بالمره له ,,,

دخل فيلتهم وطلع لغرفة ريما على طول ,,طق الباب كم مره بس محد جاوب فدخل وما حصلها فيها رجع للمدخل ثاني ويدق عليها جوال,

ريما كانت مع هيفاء في غرفتها بعد ما دخلت جدتهم تنام ,,جاها اتصال فهد ارتبكت من هيفاء بس شافت انها لازم ترد

ريما : الوو
فهد : وينك
ريما : انا عند هيفاء
فهد ببرود شوي : شلونها الحين
ريما : طيبه انا بنام عندها الليله تبي شي
فهد : سلامتك,, وسكر الخط وحس انه السبب فعلا في كل اللي صار بس هيفاء قوتها هاذي لازم تعرف حدها بعد

طلع لغرفته وفي راسه الف شي يبي يسويه لكن عزم على شي واحد وبس ,,


كلم فيصل سعود وعطاه تفاصيل الرحلة علشان يثبت حجوزاتهم لأنهم جايين نهاية الاسبوع واكد عليه محد يعرف لانهم يبونها مفاجأه للجميع ,,,

قرر فهد انه يسافر لأسيا هو ونواف عندهم شغل مع بعض الشركات مسبقا وحب انه يخلصها في هالوقت لأنه محتاج يغير الوضع اللي هو فيه

صار له يومين ما دخل على جدته واكيد زعلانه عليه لكن ما في يده شي يقدر يغيره قرر انه يطلع يسلم عليها خصوصا هي بعد ما كلمت تسأل عن غيابه فمابغى يزيد من زعلها وتوكل على الله وطلع لجناحها
,,
شاف خديجة وسألها مين موجود فعرفت خديجه قصده وقالت له ان ام طلال بالحالها
دخل الجناح وشاف جدتها قاعده في مصلاها تقرأ القرآن حب راسها ويديها وجلس بجنبها ما التفتت عليه وكملت قراية في المصحف
وهو انتظر لحد ما خلصت ,,
فهد : ادري انك زعلانه علي بس انا ابيك تعطينا فرصه ,, النفوس الحين متوتره ومالنا خلق بعض بس اوعدك انها تزين ,,
ام طلال : وش بقيت يا فهد هانت عليك بنت عمك اللي مالها احد الا احنا تكدر خاطرها عشان وحده ما تسوى
لو هيفاء مخطيه كان قلت الحق معك لكن انا اعارفه انها ما راح تغلط على احد ابد ,,,
انت تحسب اني مدري وش يصير اشوفها عبير تلزق فيك هي تبي تأخذك من اول لكن اذا انت ولدي اللي اعرفه
فعبير ما تستاهل ظفرك ,,,​

 

["الزين كله"]

يسلموووو حبوبه
وناطرينج يالغلا لا وآخرين علينا

 

[((قاهرتهم))]

رد : رد: (((عيوووون تحمل الغرق)))والله ماتندموون دخلووو

يسلموووو حبوبه
وناطرينج يالغلا لا وآخرين علينا

تسلمين يا الغلا
​

 

[القوارير]

رد : (((عيوووون تحمل الغرق)))والله ماتندموون دخلووو

يعطيج العافيه
متابعينج :eh_s(7):

 

[القوارير]

رد : (((عيوووون تحمل الغرق)))والله ماتندموون دخلووو

يعطيج العافيه
متابعينج:eh_s(7):

 

[القوارير]

رد : (((عيوووون تحمل الغرق)))والله ماتندموون دخلووو

يعطيج العافيه
متابعينج:eh_s(7):

 

["الزين كله"]

كملي :eh_s(16):

 

[taboolaaaa]

رد : (((عيوووون تحمل الغرق)))والله ماتندموون دخلووو

كملي حياتي كملي بس انشالله يفهم بأسرع وقت ويتفاهم معاها ويأدب عبيير
ويحليلهم لمياء وفيصل انشالله الله يوفقهم ويبعد عنهم الحاقدين ​

 

[((قاهرتهم))]

رد : (((عيوووون تحمل الغرق)))والله ماتندموون دخلووو

يعطيج العافيه
متابعينج:eh_s(7):

الله يعافيج:eh_s(7)::eh_s(7):

 

[((قاهرتهم))]

رد : رد: (((عيوووون تحمل الغرق)))والله ماتندموون دخلووو

كملي :eh_s(16):

انشاء الله

 

[((قاهرتهم))]

رد : (((عيوووون تحمل الغرق)))والله ماتندموون دخلووو

كملي حياتي كملي بس انشالله يفهم بأسرع وقت ويتفاهم معاها ويأدب عبيير


ويحليلهم لمياء وفيصل انشالله الله يوفقهم ويبعد عنهم الحاقدين ​

حبيبتي يسعدني مرورج:eh_s(17)::eh_s(17):​

 

[((قاهرتهم))]

رد : (((عيوووون تحمل الغرق)))والله ماتندموون دخلووو

فهد : يمه انا ما جيت هنا الا ابيك ترضين علي انا بسافر عندي شغل وما ابي اروح وانتي في قلبك علي شي
ام طلال : قلبي ما راح يرتاح لين ترتاح هيفاء وعقبها يصير خير,,
فهد وهو يسرح بعيد : صارت هيفاء اغلى مني يمه وهي اللي ما صار لها عندنا شهر
قام فهد منها وهو يوعدها بكل خير ,,,
هيفاء كانت في غرفتها وتحس بشعور وهن وضيقه من حالتها تبي تقبل الحياة وتمارس عادتها زي اول تبي تلبس بنفس وتتكلم بنفس بس حست ان فهد كسر شي في نفسها حتى لو بينت له قوتها وانها ماعليها منه
رن جوالها وشافت اسم فهد يتصل امسكته وقلبها يرقع بقوه ويدها ترتجف فجأه حست باطرافها بردت
جت بترفع الخط وتعرف وش يبي ما قدرت ,, رجع الاتصال ثاني يتكرر وهي مو قادره ترد عليه يمكن لانه اتصل في وقت مشاعرها كانت هشه مره وروحها تحسها ضعيفه
اثرت انها ترد وتحاول تتماسك يمكن فيه شي ضروري
فهد : الوو
هيفاء : نعم
فهد وهو حاس بضعف نبرتها : ابي ادخل غرفتي فيه اغراض مهمه ابيها
هيفاء : تفضل الباب مفتوح ,,
فتحت هيفاء الباب بسرعه ورجعت لغرفتها وسكرت الباب وقعدت تأخذ نفس طالعت شكلها في المرايه وحست انه باهت وما فيه اي حيويه وعنفت نفسها لو انه دخل فجأه وشاف شكلها بيقول هاذي متأثره من فراقي يووووه
وسمعت روحها تكلمها : وانتي مو متأثره من فراقه ؟؟
حطت يدها على بطنها ومسكته بقوه لانها حست زي السكين فيه لما طرى عليها فهد ليش متضايقه هالكثر منه هو ما يهمني صح
لكن رجع الصوت يتكرر في نفسها : ما اظن يا هيفاء انه ما يهمك ,ما كملت حديث نفسها الا وباب غرفتها يطق طق خفيف
قامت بسرعه من الباب وسكتت شوي تبي تشوف يتكرر الطق او لا
رجع الطق ثاني : فهد من ورى الباب : هيفاء ابيك شوي ,,,
هزت راسها بلا وهي ساكته لا لا ما اقدر اشوفه الحين بالوضع ذا ما اقدر اكلمه حتى
هيفاء افتحي الباب ابيك شوي ,, رجع يكرر عليها الكلام
حست الوقت يمر ببطء وما تدري تفتح الباب او لا راحت للباب وافتحت القفل ورجعت على ورى وقفت كانت فعلا باهته لابسه بيجاما رمادي فيها زهره كبيره بالنص باللون الوردي وشعرها تاركته يتكيف على كتوفها براحه
وجها الوردي باهت من كثر ما بكت على نفسها وصاير لونه شاحب للبياض اكثر شفايفه الوحيده هي اللي لها لون من كثر ما تمسح خشمها وشفايفها اذا صاحت ,,,
دخل فهد مع الباب وشاف شكلها اللي تغير في ظرف يومين من اللي صار
فهد : مساء الخير
هيفاء : مساء النور
فهد وهو يحاول يطلع الكلام بحذر : انا بسافر عندي شغل يمكن اسبوعين
هيفاء سكتت ونزلت عيونها تحت ما تبي تحط عيونها في عيونه ويقرا اللي في نفسها
فهد : ابي تعرفين انها ازمة وان شالله بتنحل باللي يرضيك ما خلص جملته هاذي الا وهيفاء تعطيه ظهرها بتروح داخل الغرفه وهي تقول له : كثر الله خيرك
استغرب من ردة فعلها حتى ما بغت تأخذ وتعطي معه في الكلام ليه هو لازم يطلع منها الحكي
دخلت غرفة الملابس وتركته في الغرفه ما تبي تضعف قدامه ويحس انها تبيه وبتموت اذا طلقها خلاص يسوي اللي يبيه
فهد ظل واقف في الغرفه محتار وش يسوي ثم طلع وسكر الباب بقوة ,,
سمعت هيفاء دفته للباب وحست انه سكر باب قلبه من دونها نهائي بعد تصرفها معه
يعني وش تبين منه يا هيفاء يجيك ويحب يدك ويقول سامحيني ,, لا لا مو كذا انا بس بغيته يفهمني وظلت تصارع نفسها لحد ما تعبت وقعدت على الارض وما حست الا انها نامت على رجلها من التعب,,,
لمياء وهي ترتب اغراضها في الشنطه وفرحانه بالهدايا اللي خذتها لهيفاء وجدتها ,و ريما,, حست ان الوقت قرب انهم يرجعون للرياض بعد شهر عسل قضوه بسعاده حقيقيه
دخل عليها فيصل وهي تابع شغلها ومسكها ولفها يبي يشوف جمالها اللي ما يشبع منه
تم يطالع عيونها الفاتحه وحس انه يسبح فيها وان مال اعماقها اخر
خذ يدها وطبع عليها قبله حنونه وضمها يبي يحس بكل دقيقه معها
فيصل : تدرين انك عالم ثاني
لمياء وهي تضحك : ما ينفع اشرح لي كيف
فيصل : معك احس اني مو في العالم ذا واحس ان عيونك فيها الأمان لي وتشعرني بأشياء كثييييره كنها تتكلم على لسانك
لمياء : وبعد
فيصل: وفي عالمك انسى اهلي وربعي ابيك انتي وبس
لمياء مبسوطه على كلمات فيصل اللي حسستها بمدى حبه لها : ضمته لها بقوه ونزلت دمعه على خذها وحس فيها
فيصل : افااااا كله ولا دموعك يا قلبي ليه تصيحين
لمياء وهي تحاول تمسك نفسها : انا احبك احبك وخايفه عليك يا عمري انا ما صدقت اني لقيتك بعد ما فقدت امي وابوي وحسيت معك انك اهلي ودنيتي كلها الله لا يحرمني منك
ظل فيصل ولمياء على حالهم ينهلون من نهر العشق ودهم ان الزمن يتوقف على لحظة الحب اللي عايشينها ,,,,
سافر فهد ونواف من بدري لأن عندهم كذا محطة ترانزيت يمرون عليها لين يوصلون لمقصدهم
سافر وترك هيفاء تصارع مشاعرها بالحالها ووحيده وما ترك لها فرصه ولا ترك لنفسه فرصه انهم يتناقشون بحريه في اللي صار ,,,
ريما اللي حاسه بالوضع كامل ,, اصرت علي هيفاء انهم يطلعون يتغدون برى هما من زمان ما راحوا اي مكان وهاذي جتها فرصه انها تفسحها شوي قأقترحت عليها انهم ينزلون للسوق ثم يروحون مطعم يتغدون
كلموا العنود اللي فرحت بأقتراح ريما وجهزت عشان يمرون عليها
هيفاء وهي تحاول تتأقلم على وضعها طلعت لها ملابس مريحه للمشي بنطلون جينز مع فستان قصير فضفاض ولمت شعرها على فوق ولبست عبايتها وطلعت تنتظر ريما
جتها ريما ومروا على جدتهم يسلمون عليها ويقولون لها عن طلعتهم
حاولت ريما انها تغير جووو هيفاء بأي طريقه وما حبتها تستسلم لوضعها وتدخل في داومة احباط مالها نهايه
لانها متأكده انو مو هذا فهد اخوها اللي تعرفه وان الايام الجاية بتحمل معها تباشير الفرح,,,,
وهم في الطائرة تكلم نواف مع فهد في بعض الامور ومنها انه يبي خلاص يتم موضوع زواجه بريما ووعده فهد انهم اذا رجعوا يكلم ريما ويرتبون زواجهم ارتااح نواف للفكره وتمنى ذاك اليوم اللي بيشوف فيه ريما وخذته افكاره لأخر مره شاف فيها ريما كانت من كم شهر
وهي تنتظر العنود في ساحة الفيلا وهي بالسياره كان داخل بسيارته ونزل والتفت لسيارة ريما كانت لابسه نظارتها اللي تحاول تخفي فيها عيونها اول ما لمحت نواف بيمر من عندها
مر من جنب سيارتها والتفت عليها وهي نظرتها على قدام ما التفتت له ,,, ضحك وهو في طريقه وتذكر كم مره يلتقي بها صدفه ما كانت تعطيه اي فرصه لا للكلام ولا حتى للغة العيون ,,,
اما فهد اللي غمض عينه ورجع راسه للكرسي تذكر شكل هيفاء حس بتانيب الضمير
وفكر ان يمكن بعدهم عن بعض يغير اللي في نفوسهم شوي ,,,
ام طلال بعد العشاء وهي تشوف التلفزيون وعندها البنات قرروا انهم يباتون عند هيفاء
رن الجوال ورفعته ام طلال ,,,
ام طلال : الووو
فهد : هلا يمه ابي اطمنك اني وصلت
ام طلال : الحمدلله على سلامتك
فهد وهو حاس انها زعلانه : اشوفك على خير
هيفاء وهي تسمع كلام جدتها عرفت انه وصل وتطمنت عليه حتى لو بينهم جفاء ما يمنع انها تحس انه طيب وبخير
شافت جوالها الا فيه اشارة مسج على طول افتحته , وشافت اسم فهد
((وصلت الحمدلله دعواتك لي))
قامت فرحانه انه ذكرها وفي نفس الوقت مرتبكه من طريقته بغت ترد عليه
بس في اخر لحظه قررت انها ما ترد لأنها ما تبي تكتب شي رسمي مثله ,,

(( الجزء الثالث عشر ))

في صباح يوم جميل جدا وصلت طائرة العروسين قادمه من باريس بعد ان قضوا اجمل ايام حياتهم فيها بعد نزولهم من الطائره
كان سعود في استقبالهم وخلص المندوب امور شنطهم وطلعوا للسياره ..
سعود : نورت الرياض بكم ,, يالله حيه
فيصل ,, يحي نباك ,, والرياض منوره بأهلها
سعود : كيفك يا لمياء ,, وشلون باريس عجبتك
لمياء خجله من سعود : ابشرك طيبه ,, حلوووه باريس تستحق الواحد يزورها
فيصل : هاااا على اتفاقنا ما قلت لأحد :,,,
سعود وبتأكيد شديد : ت ط م ن ,,
فيصل : بعدي والله
ام طلال وهيفاء جالسين يفطرون كلمتهم سلطانه
سلطانه : وشلونك ياخالتي ,,
ام طلال بخير نحمد الله
سلطانه : كلمك سعود ,,
ام طلال : لا لا يكون فهد في شي
فزت هيفاء وهي قاعده لا يكون فيه شي صحيح,,
ام طلال: اشوى الحمدلله ,,, لا احنا قاعدين حياكم ,,
ام طلال تكلم هيفاء : هذا سعود مكلم امه يقول روحي عند جدتي انتي وريما عندي مفاجأه لكم جايب لكم شي ابي اخذ رايكم فيه
هيفاء قامت : اجل انا بروح لغرفتي عشان يأخذ راحته
ام طلال : لا لا هو يبيك انتي بعد ويبي رأيك البسي عبايتك وتعالي ,,,
طلعت هيفاء لغرفتها وخذت الجوال قرت مسج فهد مره ومره ومره كان ودها ترسل له اي حرف ما تبي تكون سلبيه بس استحت تكتب له شي
جهزت ولبست عبايتها وخذت جوالها معها ونزلت
جت للمجلس المطل على الحديقه وحصلت خالتها سلطانه وريما وصلوا وعندهم خديجه تبخر المكان بالعود المعطر ,,,
حست هيفاء مع هالاجواء كأنه يوم عيد ,واحساس الفرح طاغي على المكان حتى بدون ما يتكلمون ,,
قعدوا يسولفون شوي الا صوت السيارة يطلع بشكل موسيقي كأن فيه احتفال
ريما نطت للنافذه تبي تشوف وش عنده سعود يصوت بالسياره ,,
اول ما شافت فيصل صاحت بأعلى صوتها فييييييييييصل ولمياء
ريما : يمه وصلوا وصلوا وطلعت جري برى تبي تستقبلهم ,,
ام طلال : يالله لك الحمد ,وسلطانه قامت من مكانها وابتسامتها ماليه وجهها
هيفاء تبي تطلع بس استحت من عيال عمها واثرت انها تنتظرها عند المدخل
ريما وهي تركض للسياره :
سعود : اقولك اختك خبله ما صدقتني
فيصل وهو يضحك : خلها ياخي وشعليك ويلتفت لها فيصل وهو نازل ويلمها لصدره ويحب راسها
فيصل : هلا وغلا بزينة البنات
ريما : اشتقت لكم يالدب ,, ليه ما تتصل ,,,
ريما وهي تروح لجهة لمياء وتنزل غطاها تبي تشوف خشتها : تعالي يالدبه نسيتي مني مررره وحده ولا تكلمين ولا تسألين ,,
لمياء وهي تلمها وتضحك : قدري ظروفي ,,وهي تغمز لها بفرح
هيفاء اللي كانت تنتظرهم عند الباب ,, دخل فيصل وسعود
وهما مارين شلونك يا بنت فيصل وشلون فهد ,, وسعود يسألها : اذا بغيتي شي بس انتي تأمرين ما يردك الا لسانك
هيفاء الله يطول عمرك ما قصرت ,,,
وطلعت للمياء وهي فاتحه لها ايدينها تبي تضمها بقووووه
لقاء اقل ما يقال عنه مؤثر لدرجة ان ريما طالعتهم وقعدت تصيح متأثرة منهم وهما كأنهم اول مرة يشوفون بعض بعد فراق طويل
حست ريما بمشاعرهم وتمنت ان لها اخت تحس فيها زيهم لكن يالله قدر الله وما شاء فعل,,,,,
هيفاء وهي تمسك لمياء وتلمس وجهها وشعرها : شلونك يا عمري طولتي علينا
لمياء ودموعها تنزل : اشتقت لكم ,, واشتقت لأمي وينها ,,,
هيفاء ترددت تقولها : امي راحت للديرة ما تقدر تترك بيتها
لمياء وبصوت عالي : لا لا حرام عليكم ليه تتركينها تروح
هيفاء : انتي ارتاحي الحين وبعدين نحكي ودخلوا عند جدتها
سلمت لمياء على خالتها سلطانه وحضنتها واستحت من سعود انه موجود بس ما قدرت تقاوم انها تحضن جدتها في لقاء عاااطفي جدا
في مكان ثاني وبعيد جدا
نواف وفهد ابتدوأ يومهم بجد ونشاط واتفقوا انهم ما يريحون الا بعد المغرب من كل يوم عشان ينجزون اكبر قدر من الشغل اللي جاو ا علشانه
اما هيفاء ولمياء وريما قضوا مع بعض اياااام كلها سوالف عن شهر العسل وكيف قضته لمياء ووين راحت ,, فرجتهم على الصور اللي خذوها هناك وحسوا البنات من كثر ما لمياء تحكي لهم بالتفصيل انهم معها في نفس المكان
سلطانه جهزت باقي تفاصيل االفيلا حقت العروسين وريما اضفت لها نوع من الرومانسية والورود والشموع ما باقي الا ان العرسان يتهنون بالاقامة فيها ,,,
مر عليهم اسبوع سريع جدا قضوه وهم يتطلعون لنهاية الاسبوع سلطانه قررت تسوي عشاء لصديقاتها بمناسبة زواج عيالها ,,,
ام طلال اصرت على سلطانه تسوي العشاء عندها وتأخذ اكبر مساحه من الحديقة وترتب فيها العشاء ,,
تجهزوا البنات على يد خبيره لبنانية حجزتها ريما لهم ,,,
لمياء بغت تلبس فستان ستريش خفيف بللون الذهبي المطفي علشان يبرز جمال جسمها وخذت لها تاج من الالماس صغير ورفعت به الغره على بداية الشعر على شكل (( بف)) حلوووو وطلبت من الكوافيره انه ترسم عيونها وتخليها زي حوريات البحر اللي تسمع عنهم
ضخكت على المزينه : انتي ما شالله عليك احلى منهم بكتير يا بخته بيك طويل يالعمر ,,
ريما وهي تقول لها قولي ما شالله ,,
المزينه : ماشا الله ما شالله انا عيني بااارده كتير
ريما حبت تلبس على النمط الهندي فصففت شعرها على فوق وتركت السلاسل الذهبيه تنزل من الجبهة على شكل دمعة
ولبست كل الأكسسوارت الهندية اللي عندها وحطت لها المزينة بودره برونزاج عشان تكتمل هيئتها ورسمت لها على الذراع تاتوا بطريقة اضفت عليها شكل مميز جدا
اما هيفاء ما حست ابدا انها تبي تلبس بشكل غير عادي وحست ان روحها تعبانه ,, لكن ما تقدر تغير في الوضع شي اكيد عبير ومشاعل بيجون ولابد انهم بيشوفونها فعزمت انها تلبس شي يظهر مفاتنها اكثر واكثر
فتحت دولابها وبحثت في الفساتين اللي خذتها مع عمتها مريم وقررت تلبس فستان بللون الوردي الممزوج بخيوط ذهبيه
بشكل فرنسي كامل الا اذا جاء على تحت صار قصات دائريه عطتها فخامة وهي تمشي
هالمره كانت مستسلمة للكوافيره وما طلبت منها اي تغيير مثل المره اللي طافت وتفننت لها المزينة وخصوصا عيونها اللي لما ترسمها تحس فيها شي غريب جدا شافت عيون كثييييره لكن مثل عيون هيفاء ولمياء قليل مرررره ,,,​

 

[((قاهرتهم))]

رد : (((عيوووون تحمل الغرق)))والله ماتندموون دخلووو

:yaaaaaarb::yaaaaaarb:

 

[القوارير]

رد : (((عيوووون تحمل الغرق)))والله ماتندموون دخلووو

كملي نشفتي ريجي:rgewrg:

 

[كويتيه - بدويه]

ابي باااااااااااااااااااااااااااااااااااااااااارت :eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11):