(((عيوووون تحمل الغرق)))والله ماتندموون دخلووو

[((قاهرتهم))]

رد : (((عيوووون تحمل الغرق)))والله ماتندموون دخلووو

مادري ليش احس بالنهايه بيحبها !!:denya:​

اصلا اكيد بيحبها اول شي ضميره راح يأنبه بعدين اهي بنت عمه شلون يذلها:gr4uu:
الله يهديه انشالله :bbbiu:

ناطرينج حبيبتي كملي :wqedqw:

اسعدني مرورج​

 

[((قاهرتهم))]

رد : (((عيوووون تحمل الغرق)))والله ماتندموون دخلووو

طلعت هيفاء فوق وحست بنكد ثقيل على صدرها اول من تصرف فهد وتهزيئه لها الصبح
في القصر ثم شنطته ثم سوالفه مع عبير والحين الاخ صار ولي امرهم ما يسون شي
الا يقولون له ما صارت
دخلت غرفتها وبدلت ملابسها خذت قميصها القطن اللي متعوده تلبسه دايم ولبسته
وفكرت وين تنام بس هي قد حلتها سلفا وتوجهت للكنبه وحطت مخدتها ولحافها عليها

اطفت النور وتركت نور جانبي ينور في الغرفه ومسكت جوالها ودخلت صندوق الرسائل
كتبت رساله جديده (( انا مشتاقه لك حدي ))
وارسلتها للمياء زفرت بحراره اااه يالمياء وينك عني
قلبت الجوال وماشافت اي شي جديد حطته على الطاوله وتلحفت ونامت على جنبها
وتغطت زين
انتظرت ساعه خافت ان فهد يجي ما يجي وما حست الا بالنوم يتسلل لجفونها غصب
عنها

فهد اللي كان مبسوط على جلسة الشباب وما حس بالوقت الا على 3 طلع منهم وراح
للفيلا وهو يفكر في وضعه مع هيفاء
دخل للفيلا وومالقى اي احد في المكان وطلع فوق لغرفته فتحها بهدوء
شافها نايمه على الكنبه وهي مستغرقه ما بين منها الا طرف خدها وشاف الجوال
يولع برساله جديده استغرب
االشي هذا في االوقت المتأخر واستغرب انه ما يعرف جوالها
خذ الجوال ودق على رقمه وخزنه بأسم فهد عندها وجاه فضول تجاه الرساله هل
يفتحها ففضل انه يروح للرسائل المرسله
فشاف المسج (( انا مشتاقه لك حدي )) استغرب من لهجة المسج من تقصد بها وشاف
الوقت وعرف ان هذا ممكن رد عليها ما قدر الا انه يفتحها عشان يرضي فضوله
(( هيوفه وانا مشتااقه لك اكثر ,, انتي مو مبسوطه مع فهد ,, حسيت هالشي من
المسج ردي علي ))))

حس بشي في قلبه مثل الوخزة البسيطه وشافها نايمه مرتاحه (( ما اعرف اتصرف معك
الا كذا
حط الجوال وهو متأكد انها بتعرف بسالفة المسج هي ذكيه مررره وما راح تطوف
عليها شكل المسج من اختها اكيد ,,,
دخل في فراشه وطفى النور وحط راسه عقب يوم طويل
مع ضوء الفجر قامت هيفاء تصلي وشافت فهد مو في مكانه ,, يمكن ما جاء
شافت الجوال خذته تبي تشوف لمياء ردت بس ما حصلت شي في الشاشه وتركته وقامت
صلت بعد ما صلت راحت لنافذتها تبي تشوف المزرعه فتحتها شوي وشمت الهواء مالفت
انتباها اي شي
رجعت تمدد على الكنبه وخذت الجوال تلعب فيه شوي استغربت ان لمياء ما راسلت
لها شي فتحت الرسائل المرسله تبي تشوف تم الارسال ,, تم رجعت للوارد وشافت
المسج من لمياء مفتوح
كانت متمدده وقعدت فزت معقول يفتح جوالي
خذتها افكارها الا فهد راجع من الصلاة مع الشباب
فهد : صباح الخير
هيفاء : صباح النور
فهد : احنا بنطلع بعد شوي لمحمية قريبه علينا تجين معها
هيفاء : حست بلهجته عدم اصرار شكله ما يبيها تجي
هيفاء: شكرا مابي
فهد وهو يصد عنها وما حاول يقنعها حتى كمل طريقه يبي يبدل
هيفاء : انت فتحت جوالي
فهد: عندك مانع
هيفاء : اعتقد انه شي خاص فيني
فهد وهو يمر من جنبها : انتي بكبرك شي خاص فيني
رقمي خزنته في جوالك في حال بغيتي شي ومر لغرفة الملابس بيبدل ويطلع
قعدت هيفاء في مكانها تحس انها منهاره منه ومن مواقفه اللي ما ترحم ورنت وصية
جدتها في اذانها
هيفاء : بروح معاك
التفت لها فهد مستغرب منها وبدون اهتمام قال : براحتك
دخل فهد يأخذ شاور ويبدل ملابسه
وهي رتبت غرفتها بالكامل في هالاثناء وجهزت ملابسها
خلص فهد وجاء يجفف شعره عند التسريحه وتطيح عينه على الصندوق الفضي
من وين ذا
هيفاء : من جدتي
عرف فهد ان جدته عطتها العطر ((اكيد هيفاء غاليه عندك اللي عطيتيها هديتي ))
تحس احيانا انها تبي ترفسه مرات يكلمها عادي اذا بغى يعرف شي ومرات يطنشها
ويسفهها
بس بعد هي تحس انها رافعه ضغطه خصوصا اذا هددها
لبست بنطلون جينز سكيني معاه توب وردي خفيف كت ولبست عبايتها وخذت طرحتها
ما حبت تحط مكياج على الصبح وجلست تجهز نفسها بسرعه خصوصا ان فهد سبقها تحت
نزلت بسرعه وحصلت مشاعل وريما والعنود واختهم مها الصغيره
اكيد عبير بتروح وينها بالله للحين ما جت
جلسوا يفطرون خفايف وشوي جت عبير من فوق
هيفاء ( غريبه ما نامت عند امها ,, اكيد تبي تكون قدام فهد في الرايحه
والجايه,,,
وهي تكلم في الجوال : الا نزلت يا قلبي
هيفاء دق قلبها بقوه لا يكون فهد ,,, والله يا فهد ما يحصل خير اذا كنت انت
اماعاد بتسوين شي يا هيفهاء ))
عبير : صباح الخير
الجميع بأستثناء هيفاء : صباح النور
مشاعل متعمده : من اللي يكلمك على هالصبح
عبير : فهد فديته يستعجلني
هيفاء : حست يدها بارده شكلها بتخربها معها جت بتقول شي يسكت عبير مسكت نفسها
في اخر لحظه
قامت من الطاوله وطلعت جوالها
ودقت رقم فهد : هلا حبيبي سمعت كلامك وفطرت زين اطلع لك الحين ,,,,
فهد على الخط الثاني منصدم بقوووه من هيفاء وش تهذي ذي اكيد انها هي
فهد حس فيه شي : اي اطلعي
عبير اللي انقهرت وما توقعت الشي ذا قامت يالله يا بنات ما نبي نتأخر على فهد

طلعت هيفاء وشافت فهد عند سيارته وجت يمه وركبت جنبه وهو بالمررره مستغرب
منها اكيد في معركه داخل بينهم
ريما جت بسرعه وركبت ورى
والسياره الثانية فيها نواف واخته مشاعل والعنود ومها
وسيارة نايف فيها عبير
الظاهر ان عبير كانت راسمه تروح مع فهد واخوها وروحة هيفاء خربت عليهم
تخطيطهم
عشان كذا فهد ما اصر علي
تحركت السياره وهي افكارها تتحرك معها
معقوله انزل لمستوى عبير بالطقاق فيه وفيها وانا شدخلني
,,,, وشو شدخلك يا هيفاء هذا زوجك يعني بتتركينه لعبير
:: اي زوج زوج على الورق بس هو شكله علشان جدته
اما فهد اللي فكر في اللي صار وشاف كيف هيفاء سرحانه مو معاهم اسرع شوي على
الرمل ومر على مطب بقوه جت هيفاء على قدام لكنه رجعها بيده وترك يده شوي على
يدها تلقائي من اثر السرعه
هيفاء لفت بسرعه للجهة الثانية وهي تفكر يعني كنت خايف علي والا ايش
وصلوا للمحمية ودخلوا يشوفونها وهم يدورون بالسياره فيها
ريما وهي تشوف المها ::: الله حلوو منظره وتاخذ له صوره كذا مره
هيفاء ما حست بالمتعه ابدا كنها تشوف خيال بس وفكرها في مكان ثاني هي شلون
تبرر له الي صار
هل بيسألها ليه قالت او هل هي بتبرر له عذرها طيب وش يعني هالشي غيره عليه
وسؤال يجر سؤال لحد ما حست انها توترت
قالت ريما لفهد يوقف شوي تبي تصور ونزلت من السياره
تأخذ بعض الصور استغل فهد هالشي
فهد : حبيبك مره وحده ولا تغيظين احد
هيفاء : بكيفي انا حره في اللي اسويه مثل ما انت تسوي اللي تبيه
\
فهد وهو يضحك : شكلك تبين تنتصرين على عبير باي شكل ,,, على فكره ترى انتي ما
هميتيني ابداً
جت بتقول له عبير تهمك وغيرت رايها
هيفاء : شكرا لك وصدت على جنب
خذوا ساعه وشوي وهم يفرون على المحمية وطلعوا راجعين للمزرعه
ريما حست ان الجو مكهرب بالكامل شفيهم ساكتين ,,,,
اول ما وصلوا جت عبير يم السياره وهي تاشر لفهد ونايف يروحون للخيول
فهد اسئذنهم قال بعدين والبقيه تفرقوا كلن على حده
فهد راح للخيمة وهيفاء على طول طلعت لغرفتها حست نفسها ضعيفه مررره من اسلوبه

(( اقول لجدتي ما ابيه ,,, يا ربي شسوي ,,,))

في مكان ثاني بعيد تماما عنهم
لمياء كانت توقظ فيصل يقوم يصلي الظهر قعدت تحرك شعره ويالله انه صحى
مسك وجهها الطفولي وحب جبهتها بحنيه رفع اللحاف منه وقام يتوضاء ولمياء كانت
مشغوله عند التسريحه تسوي شعرها
شافت جوال فيصل يولع بأتصال وهو كان سايلنت جت تبي تشوف الرقم شافت nnn يتصل
استغربت بس قالت بسئل فيصل
طلع فيصل وخذها يلمها على صدره قالت فيه رقم يتصل عليك nnnمين
فيصل تلعثم شوي : اي هذا نواف له رقمين هذا الرديف عشان افرق بينهم
ارتاحت لمياء ( حرام راح فكري بعيد )
لمياء وهي تبي تتخلص من فيصل انت مو ناوي تصلي
فيصل : الا وبفطر معك الحين !!
لمياء وهي تضحك له الحين بطلب لك فطور معتبر
فيصل يغمز لها : يعجبني ذكائك يا عمري :::,,,

دخلت هيفاء وغسلت وجهها وبردت على نفسها كيفه كيفه كيفه
تمددت على الكنبه ونامت بتعب ما حست بشي
جاء فهد للغرفه حس بعد بتعب ويبي يريح للظهر وشافها كيف نايمه مثل البزر على
الكنبه
سكر الستاير وخذ لحافها وغطاها وطلع من الغرفه بهدوء
نزل عند جدته بيسلم عليها وبالمره يريح عندها
ام طلال : هلا وغلا بنور العين
فهد وهو يجي جنبها ويحضنها ويمسك يدها في يده : الله يطول بعمرك يمه ما تدرين
شكثر وناستي وانا اشوفك مبسوطه,,
ام طلال , الله يخليك لي يا ولدي شخبار هيفاء ان شالله انك راضي عنها
فهد : اكيد يمه وانتي تختارين لي شي ما يستحق الرضا
ام طلال : الله الله بهيفاء ترى مالها الا انت
فهد وهو يأشر حاضر بعيونه ,,,,
قامت هيفاء وهي تحس ان ظهرها وجعها من الكنبه وشافت الساعه 3 شهقت وحست انها
نامت وقت طويل
تحركت بتقوم وشافت اللحاف على جسمها استغربت مين جابه ,, فهد ؟؟
قامت توضت وصلت وفتحت دولابها تبي تختار شي حلووو
خذت بنطلون جينز ومعاه فستان قصير ابيض مورد بزهور اورنج وموف علاق ماله كم
وخذت كورشيه وحطته على كتوفها
ضبطت شكلها ونزلت
دخلت عند جدتها وشافت فهد نايم ( اكيد يبيني اخذ راحتي ,,,
طلعت تدور جدتها ما حصلتها قالت يمكن تتمشى برى وهي تبي تدخل المجلس تشوف اذا
البنات موجودين سمعت
مشاعل تتكلم : حبيبتي فهد مو مقتنع فيها ابد هو قال هالشي لامي
ريما : مستحيل هالكلام فهد لو يدور الدنيا كلها ما يحصل مثل هيفاء
مشاعل : لا تنسين انه يبي عبير من زمان بس جدتي تبي مصلحة بنات ولدها
ريما : لو يبي عبير كان تكلم هو اصلا ما يبيها
مشاعل :شكلك مو عايشه معنا فهد اصلا بأذوني قالها انه بيأخذها الثانيه
هيفاء اللي رجعت على ورى بسرعه عشان محد يشوفها مشت بسرعه وطلعت من الباب
اللي يطلع على الحديقة من ورى
وانتبهت ان ما عليها حجاب بغت تكمل طريقها بس لا رجعت وغصبت نفسها تدخل ثاني
طلعت فوق على طول تأخذ عبايتها وحصلت فهد قدامها توه داخل الغرفه
شاف عيونها تحمل شرارة غضب مو معهوده ,,, ما سألها
كان ودها انه يكلمها وتطلع اللي في نفسها بس هو شكله جدار بمزاجه يتكلم
مسكت يدها مقبض الباب :: وجت تطلع التفت له وقالت : تصدق انت ما يناسبك الا
عبير
فهد اللي استغرب منها تماما وصراحتها : ليه لا عبير بنت حبوبه
هيفاء : اشبع بها وصفقت الباب بقوووه وراها وطلعت
فهد ضحك من حركتها : الحمدلله والشكر
وهي طلعت تشوف وين رجولها توديها مشت بسرعه وحصلت العنود عند جهة الخيول راحت
لها تبي تنفس عن غضبها شوي
مشت بسرعه تبي اللي في نفسها يروح اذا استعجلت خطواتها وصلت لحد العنود اللي
ماسكة الحصان
كانت تلهث من سرعتها فخذت نفس عميق وحست الدنيا مثل خرم الأبرة ضايقه بالحيل
العنود : هلا هيفاء ودك تركبين خيل
هيفاء : لا ما قد ركبت قبل بس مو مشكله بجرب
العنود : لا لا اذا ما قد ركبتي من اول لازم تتدربين ثم تقدرين تطلعين
بالحالك
هيفاء حست انها تبي تغامر بأي شي وش يهم في الدنيا ذي :: طيب خليني اجرب
بحاول امسكها زين
رفضت العنود وماكان امامها من اصرار هيفاء الا انها تخليها تجرب
ركبت هيفاء الحصان وضربت رجلها عليه تبيه يتحرك لكن ضربتها كانت قويه بدون
احساس منها فكرها كان في مكان ثاني
فما كان من الحصان الا وثب بسرعه وجرى بشكل خلاها ما تتحكم فيه ولا قدرت
تسيطر عليه ابداً وما حست بنفسها الا طايحه من ظهر الحصان على الارض
العنود اللي صاحت بقوه كلن سمعها وراح لها جري ,,,,

((الجزء الحادي عشر))


جرت العنود بسرعه لهيفاء اللي ارتمت على الارض وهي تئن بصوت مكتوم وجتهم سلطانه اللي كانت تتمشى مع ام طلال في الحديقة
هيفاء مهي قادره تفتح عيونها من الالم وحست ان عظامها تدقدقت كلها وخصوصا قدمها اللي ارتكت عليها
العنود اللي صاحت بقوة طلعت ريما على صياحها ومشاعل وراها وجتهم تجري ,,ريما وهي تمسك راس هيفاء في حضنها
ريما : هيوفه تقدرين تقومين والا نشيلك
هيفاء وهي ما قدرت تكلمها الالم متمكن منها ودموعها تنزل بهدوء وهزت راسها انها ما تقدر
سلطانه : يالله خلونا نشيلها ما نقدر نتركها كذا يمكن صار لها كسر والا شي
العنود وهي تحاول تمسك رجلها تبي توقفها وريما مسندتها
الا فهد واقف بينهم في لحظه ما دروا عنه الظاهر صرخة العنود سوت خبر
فهد : وش صاير متى طاحت وكيف وهو يكلم ريما
ريما : مدري بس ييالله مو وقته لازم ناخذها المستشفى
هيفاء وهي تهز راسها بلا ما تبي تروح شالها فهد بخفه وخذها على داخل الفيلا بسرعه
ما تقدر تفكر في اي شي ذيك اللحظه الا ان فيها الم في رجلها ما قدرت تقاومه وام طلال عند باب الفيلا وهي ماسكه عصاتها
ام طلال : اسم الله عليك يا بنتي ,,, الله يكفيك الشر :: انا عارفه انها بيجيها شي وفهد مو في حالها وام طلال خذها لغرفتي
دخل فهد غرفة جدتها ونزل هيفاء على السرير وريما تجري وراه
فصخت ريما عباية هيفاء ومدت رجلها فهد وهو معصب حده
فهد : انتوا كيف سمحتوا لها تركب الحصان وهي ما تعرف له
ريما : والله انا مدري وش السالفه ,,,
هيفاء : بصوت كله الم ,, رجلي تعورني
خذت ريما جزمتها تبي تشوف فيها اثر جرح ولا ورم ما حصلت شي
خذ فهد رجلها ولفها يمين ويسار صرخت شوي وسمعت فهد يقول
الحمدلله مافيها كسر شكلها رضه
وذراعها اللي طاحت في الارض تجرحت جابت لها ريما معقم وبلستر ونظفت الجروح
شوي الا ام طلال اللي اختفت من المكان رجعت معها الشغاله وهي مسويه لها لبخة اعشاب وحطتها على مكان الالم
فهد : يمه وش هالخرابيط انا باخذها للمستشفى وهم بيقومون بالواجب
ام طلال :اترك عنك السوالف هذا طب اهلنا ومافيه الا العافيه مير شف نتيجتها وبعدين خذها للمستشفى
هيفاء اللي حزن قلبها كان اكثر من الم جسمها مستسلمه للوضع بدون ادنى كلمه
واستغربوا هدوءها كلهم طلع فهد من المكان وبقت ريما عند راسها تبيها ترتاح شوي
ام طلال : ارتاحي الحين واللي تبين من اغراضك تجيبه لك ريما تقعدين معي هنا لين تقومين بالسلامة
هيفاء وهي تأشر لها بحاضر
جابت لها ريما مسكن وعطتها اياه وجلست جدتها في زواية الغرفه تقرأ في المصحف شوي وهي دخلها النوم
نامت بدون ما تحس وبعد فتره فتحت عيونها الا المكان مظلم وفيه نور من بعيد اضاءة الجلسه اللي في الغرفه
شافت الساعه في يدها كانت 8 بالليل قامت تبي تتحرك حست انها ثقيله :: (( يالله لطفك حست انها ضعيفه وتبي شي يقويها
ماعندها جوال ما تدري وينه فيه ما تبي تنادي احد اكيد مشغولين وكلن لاهي في عمره
رجعت راسها على المخده وزفرت بقوووه ,, رفعت عينها للسقف وقعدت تتذكر كلام مشاعل وريما وموقفها وطيحتها بالكامل
امتلت عينها ببريق الدمع فهد اللي جاء لحد عندها ما انتبهت له من كثر ما كانت مشغوله في اللي صار
وقف عند السرير وكلمها
فهد :: هااا الحين احسن
هيفاء : اشرت براسها بأي وهي تصد عنه ما تبي يشوف وجهها
تنهدت ومسكت لحافها تنشغل فيه
فهد : طيب اساعدك تقومين ؟؟
هيفاء وهي منصدمه منه ( يعني بيسوي طيب معي )) : تجي ريما الحين وتساعدني
فهد : خلاص براحتك يالله سي يو وطلع وهو يعطيها ظهره بغت تقول تعال ارجع بس عزة نفسها ما سمحت لها تقوله .
فهد طلع للخيمه عند نواف والشباب ومتضايق من الوضع اللي حط نفسه فيه ,,, نواف اللي حس به قاله تعال نتمشى برى شوي
نواف : ان شالله هي احسن الحين ,,
فهد : اي شكلها احسن
نواف : انت مو مرتاح من شي تكلم يمكن ترتاح من الضيقه هاذي
فهد : ما ظني الكلام بيجيب شي ,, جدتي قيدتني بحبل ما اقدر اتخلص منه والله يستر من اللي جاي
نواف : بسئلك فهد انت ليه رافضها ,, فيه شي ما يعجبك فيها ترى كل شي له حل فهمها واكيد بتسمع كلامك
فهد : فيها عناااد لو قسموه على البنات بيكفيهم وشايفه حالها مدري على وشو ,,تحسب بجي اترجاها مادرت ان نجوم السما اقرب لها
نواف وهو يضحك :: كله دلع بنات وكملوا مشيهم بس فهد ما صارح نواف باللي في قلبه ,,,
ريما جت لهيفاء وقومتها من السرير وساعدتها تدخل الحمام وجهزت ملابسها خذت لها قميص قطن واغراضها الشخصية

حست هيفاء بالانتعاش بعد الشاور وان الموية الحاره غسلت قلبها وجسمها زين وحست ان روحها ردت لها

لبست ملابسها وطلعت تعرج خفيف واكدت لها ام طلال انها بتصير احسن في الايام الجايه دام ما به كسر

جابوا لها عشاء في الغرفة وتعشت معها ريما وجدتها وحست بأهتمامهم الملحوظ

ريما :البنات يبون يسلمون عليك وقلت لهم بكره احسن
هيفاء :تسلمين يا عمري سويتي في خير احس مو مستعده لهم

ام طلال :ترى ما راح ترقين فوق بتنامين عندي هنا

هيفاء:انا مالي غنى عنك يمه وحضنت جدتها وهي تتمنى تلقى على صدرها الراحه اللي تنشدها

سعود وصل عمته مريم للطار وخذ هدايا لأولادها يتسلون في الطايره من دفاتر تلوين وقصص اطفال والعاب الكترونيه

مريم : غلبت حالك يا سعود

سعود : كم عمه عندي الله يخليك لنا ويرجعكم بالسلامه

وصلها المطار بعد ما تطمنت على وضع ابوها ووعدها سعود انه ما يفارقه لين يجون هل المزرعه


طلع فهد لغرفته بدون ما يمر على جدته وهيفاء لأن الوقت صار متأخر اصلا ولما دخلها وفتح الانوار حسها بارده ومالها طعم بدون هيفاء

كانت معطيه الغرفه حيويه ودفئ وحركاتها وهي منظمة المكان مساعد ان المكان فيه لمسة انثى

جلس على الكنبة وفي باله افكار كثيره منها ليه هيفاء كانت معصبه الصبح وتتكلم عن عبير ,,, طيب يمكن عبير هي تنكد عليها

اوووه شدخلني بين الحريم

لكن فيه ناس ثانيه جفاها النوم هيفاء وهي نايمه على مخدتها تمنت انها للحين في ديرتهم وانها ما عرفت اهلها لانهم السبب في وضعها الحالي ولا كان عرفت فهد ولا عبير

وهي مسترخية سمعت صوت جدتها معاها في السرير تقولها

ام طلال : هيفاء انتي وفهد ما اشوفكم تقعدون مع بعض ولا اشوفك انتي بعد تتوددين له ؟؟
فتحت هيفاء عيونها
ام طلال تكمل :ماقد سمعتك تقولين تعال للقهوه ولا تعال افطر ولا تعال بوريك شي

هيفاء ما عرفت ترد عليها ولا بغت تتجاهل كلامها اللي في محله بس حاولت تتكلم : يمه انا ما خذيت عليه وللحين مستحيه منه :::

ام طلال : الحياء زين يمك بس عاد مو ما تسألين مره
هيفاء حاضر يمه :::

في مساء باريس ووسط شارع الشانزليزية خذ فيصل لمياء وجلسوا في كوفي مشهور وطلبوا اسبيرسو

جتهم القهوة وفيصل مشغول يوري لمياء المعالم اللي في الشارع وهي مبسوطه عليه وعلى شرحه

جاه اتصال nnn وحطه فيصل سايلنت وانتبهت لمياء للحركه هاذي نفسها بس ما بغت تتكلم ,,
في الصباح بدري قامت هيفاء وحست براحه من رجلها ما تركتها جدتها الا حطت لها لبخة ثاني قبل النوم وشافت انها جابت مفعول ايجابي

قامت بهدوء ما تبي تصحي جدتها ,,, اووووه ما كان عندها اي ملابس ولا جابت لها غيار

فكرت تصحي ريما تجيب لها وترددت في اخر لحظه يمكن فهد لسى نايم
مشت للباب تبي تشوف اي حد في الممر من الشغالات وكانت تعرج خفيف
فتحت الباب ما حصلت احد مشت شوي للمطبخ التحضيري
الساعه للحين 6 والمكان خالي من الحركة
فتحت الادراج وطلعت اغراض القهوة وحطت الابريق على النار وجهزت قهوة معتبره تبي جدتها تتقهوى منها
جهزت الصينية واغراضها وحطت القهوة سمعت صوت عند الباب

فهد : صباح الخير ,,, وهو ما يقدر يشيل عينه منها حس انه يشوف تمثال من الشمع منحوت بدقه ,, سبحان الخالق
قرب لها فهد وهي ترد عليه بأرتباك : صباح النور حست نظراته تحرقها
كانت بقميصها الاصفر الهادي ومحرره شعرها
فهد : كيفك الحين احسن
هيفاء وهي ما تقدر ترفع عينها فيه من الاحراج : اي احسن الحمدلله حتى صوتها رنته في نبرة احراج ((( متى بيطلع يا ربي ))
فهد : لمين القهوة ؟؟
هيفاء وهي تتشاغل انها تحط التمر بالصحن : لجدتي
فهد قرب منها اكثر ورفع وجهها فوق : طيب ليه الاحراج ,, تعالي وشال عنها الصينية ومشت وراه وهي في قمة الاحراج فعلا ,,

دخلوا غرفة جدتها اللي قد صحت على حركة هيفاء وفتحت الستائر واول ما شافتهم طارت من الفرح انهم جايين مع بعض هذه اول مره تشوف انهم مثل اي زوجين ,,
سلم عليها فهد وحط القهوة على الطاولة ,,ما قدرت تقعد وهي بقميصها اول مره يكون بالقرب ذا
التفتت تدور شرشف الصلاة تغطي عمرها وسألتها جدتها وش تبي ما عرفت وش ترد قالت : لا بطلع للغرفه ابدل وارجع
ام طلال : حشى عليك ما طلعتي الدرج ,, ازهمي على ريما تجيب اغراضك
هيفاء : يمه رجلي الحمدلله شي خفيف وبيروح بعدين ريما نايمه اكيد
فهد وهو عارف انها محرجه منه بالمررره جاها ومسكها وفي لحظه الا هو يشيلها على الدرج بخفه لحد ما فتح باب الغرفة ونزلها وهي ما استوعبت الا انها صرخت تقوله لا بطيح
نزلها وهي قريبه منها مره وانبسط انها محرجه منه وما حس بنفسه الا وهو يضمها ويحب جبهتها ويطلع بسرعه ,,,
هيفاء وقفت في مكانها مو مصدقه حركته ابد معقول يكون فيه حنان كذا
ما قدرت تسمع الا دقات قلبها اللي من قوتها تحس بدفها عند اذنها
سكرت الباب والتفتت للغرفه اللي مرتبه على حالها حتى السرير اللي شكل فهد ما نام فيه ابد ودار فكرها يا ترى نام مع الشباب في الخيمة والا ما نام اصلا وليه ؟؟
لبست بنطلون جينز مرتب مع فستان من الجرسيه المطفي بلون الكبتشينو

وجدلت شعرها لأول مره على الطريقة الفرنسية ورفعت غرتها فوق بكليب صغير
حطت بودره خفيفه مع ظل هادي بالوان البرونز المطفي وكثفت ماسكارتها بشده

لمعت شفايفها بجلوس وردي فاتح جدا تعطرت ولبست صندل واطي جدا عشان ترتاح رجلها اليوم على الاقل ,, ونزلت لجدتها ثاني
اللي ما زال فهد عندها ومتمدد على الكنبة ومغمض عينه ,,
مرت من جنبه ولفت تشوف وش تقدر تغطيه به
فتحت دولاب جدتها وحصلت لحاف قطن خفيف ,, يالله يفي بالغرض
مدت عليه للحاف والتفت تبي تطلع الا يده تمسك يدها ارتاعت من حركته وصرخت صرخه خفيفه : خوفتني حسبتك نايم
فهد : صحيح نايم بس ريحة عطرك صحتني !!
تحركت هيفاء بسرعه من عنده ما تبي تسمع اكثر حست لو بيقول كلمة زياده يمكن تنهار قدامه ( يا قلبي يا هيفاء ))
طلعت تشوف وين جدتها لقتها في المجلس وتشوف اخبار العالم
جلست جنبها وهي بتطير من الفرح اليوم كله حلووو
ماعمرها حست بالمشاعر ذي رجفة القلب والأرتباك والأحراج
لايكون قلبي حبه لاالالاما يصير اسمح لنفسي احبه وهو بيتركني عشان عبير اللي ماتسوى
طيب وش صار اليوم ((يمكن يتسلى فيك)) ضاقت من الفكره وما بغت تخرب على نفسها فرحتها ,,
​

 

[((قاهرتهم))]

رد : (((عيوووون تحمل الغرق)))والله ماتندموون دخلووو

طلعت هيفاء فوق وحست بنكد ثقيل على صدرها اول من تصرف فهد وتهزيئه لها الصبح
في القصر ثم شنطته ثم سوالفه مع عبير والحين الاخ صار ولي امرهم ما يسون شي
الا يقولون له ما صارت
دخلت غرفتها وبدلت ملابسها خذت قميصها القطن اللي متعوده تلبسه دايم ولبسته
وفكرت وين تنام بس هي قد حلتها سلفا وتوجهت للكنبه وحطت مخدتها ولحافها عليها

اطفت النور وتركت نور جانبي ينور في الغرفه ومسكت جوالها ودخلت صندوق الرسائل
كتبت رساله جديده (( انا مشتاقه لك حدي ))
وارسلتها للمياء زفرت بحراره اااه يالمياء وينك عني
قلبت الجوال وماشافت اي شي جديد حطته على الطاوله وتلحفت ونامت على جنبها
وتغطت زين
​

 

[القوارير]

رد : (((عيوووون تحمل الغرق)))والله ماتندموون دخلووو

كملي متابعينج وبقوة
:yaaaaaarb::yaaaaaarb::yaaaaaarb:

 

[taboolaaaa]

رد : (((عيوووون تحمل الغرق)))والله ماتندموون دخلووو

eeeeee walla kmly 7beebty 7di metshawga o0 rbii :eh_s(9): :ggdw: :eh_s(9): :ggdw:
el.rewaya raw3aaaa :rerrerek: :rerrerek:​

 

["الزين كله"]

يسلمووو على البارت الروعه

وناطرينج يالغلا. *

 

[((قاهرتهم))]

رد : (((عيوووون تحمل الغرق)))والله ماتندموون دخلووو

كملي متابعينج وبقوة
:yaaaaaarb::yaaaaaarb::yaaaaaarb:

فديتج تسلمين يا قلبي:eh_s(7)::eh_s(7):

 

[((قاهرتهم))]

رد : (((عيوووون تحمل الغرق)))والله ماتندموون دخلووو

eeeeee walla kmly 7beebty 7di metshawga o0 rbii :eh_s(9): :ggdw: :eh_s(9): :ggdw:​

el.rewaya raw3aaaa :rerrerek: :rerrerek:​

حبيبتي فديتج
اهم شي عاجبتكم​

 

[((قاهرتهم))]

رد : رد: (((عيوووون تحمل الغرق)))والله ماتندموون دخلووو

يسلمووو على البارت الروعه

وناطرينج يالغلا. *

تسلمين يا الغلا

 

[ام دليار]

رد : (((عيوووون تحمل الغرق)))والله ماتندموون دخلووو

:rerrerek:

 

[((قاهرتهم))]

رد : (((عيوووون تحمل الغرق)))والله ماتندموون دخلووو

بنزل بااارت :eh_s(17)::eh_s(17):لعيوووونكم​

 

[((قاهرتهم))]

رد : (((عيوووون تحمل الغرق)))والله ماتندموون دخلووو

انتظرت ساعه خافت ان فهد يجي ما يجي وما حست الا بالنوم يتسلل لجفونها غصب
عنها

تجمعوا الجميع على الغداء والجميع سلم على هيفاء وهنوها بالسلامه
الا عبير اللي كلمتها من دون نفس
كل مرة تشوف عبير هيفاء تحسها تلفت الانظار وتغير من شكلها وطريقتها وتتذكر ان فهد يشوفها ويكلمها وش يبي بي عقبها بس لا لا لازم اسوي شي فهد لازم يظل لي نفس اول

استمر الوضع يومين اضافية في المزرعه بنفس الروتين فحست ام طلال ان القعده مالها داعي لو كانوا بالحالهم افضل لكن مع وجود المجموعه الكبيره ما حست ان فهد وهيفاء خذوا راحتهم
فكرت تقول لفهد انهم يرجعون بس ما تدري فيه شي منعها ذاك اليوم
هيفاء اغلب وقتها يا في غرفة جدتها او في غرفتها وما بغت تدخل في مشاحنات مع عبير اللي ما راح تعديها على خير

تعشوا الحريم كلهم الا عبير ومشاعل اللي كانوا مختفين عن الانظار ما ارتاحت هيفاء لهم ابد واذا ما جاوا على الاكل تاخذ راحتها فعلا
حست اليومين اللي راحت بسلام فعلي مع فهد صحيح ما يأخذ ويعطي معها بس سوى لها كم حركه تعطيها امل على قدام ,,

قالت لريما تمشي معها بعد العشاء شوي لان الجو خيالي ويرد الروح

خذت لها شال من القطن وحطته على كتفها وطلعوا من الجهة المخالفة لاتجاه الرجال

ومشوا والعنود تكلمها عن نواف وسوالف البنات اللي ماتخلص والمواقف اللي مرت بها

لين وصلوا لمكان فيه اشجار كثيفه فقالت لها ريما احسن يرجعون علشان ما يفقدونهم

رجعوا على الطريق والا الهواء يرد لهم الصوت وقفت هيفاء في مكانها ومسكت يد ريما وقالت لها بالاشاره تسكت
سمعت هيفاء صوت عبير تترجى وتصيح استغربت هيفاء من صوتها
مسكت ريما وخذت يدها واتجهت لمكان الصوت وشافتها بين الاشجار
ومعاها مشاعل والمفاجأة اللي ما توقعتها ابدا انهم يكلمون فهد وهو واقف يسمع لها وشتقول

ريما جت بتفتح فمها حطت هيفاء يدها عليها وقالت لا ,,

عبير : فهد انت لازم توقفها عند حدها ما كني بنت خالتك وما حشمتني
تصدق عاد شتقول عني اني ابي نواف هي ما تدري ان نواف يبي ريما
كفايه انك كنت بتاخذني وتركتني علشانها ,, ما يصير يا فهد وهي تصيح ودموع التماسيح تسبقها ,,

ومشاعل تأكد كلامها وتزيد شايفها حالها ومتحكمة في كل شي ومو حاسبه لأحد حساب على وشو عشان جمال بالطقاق هي اصلا مو مستوانا ومو متربيه قليلة الادب

هنااا فارت لمياء وحست بكره لهم ما ينطاق
جت صوبهم وظهرت لهم من الشجر : انتي اللي قليلة الادب يا ست مشاعل وما تربيتي الا على طولة اللسان

اما انتي يا عبير اقل كلمة بقولها لك انك صايعه تبين حد يسنعك ويلمك
وعبير تصيح شفت يا فهد
فهد : اقصري الشر يا هيفاء وروحي داخل كافي اللي جاء منك
هيفاء : الشر ما جاء الا منهم و انا متربيه غصب عنكم كلكم
فهد : الله يأخذ ذيك الساعه اللي جيتي فيها ,,,,
لمي اغراضك يالله انتي مالك قعده عندنا !!!!!!!!

ريما وهي تمسك هيفاء يرجعون للفيلا : الله يهديك يا هيفاء يعني ما كنك تعرفين عبير تبي تناحسك وترفع ضغطك وتطفشك شلون نزلتي لمستواها
هيفاء : هي اللي جابته لنفسها واخوك ما قصر بعد مصدقهم في كل اللي قالوه
اصلا يستاهل اللي يجيه والا ليش يقعد مع ناس مو محارمه وعادي
ريما : هدي يا هيفاء انتي المفروض تمسكين اعصابك مو كذا ناار وش عليك منهم ينطقون يقولون له اللي يبون هو مو مصدقهم اصلا

هيفاء : عقب هالكلام ومو مصدقهم خلاص يا ريما خلاص
ريما : هيفاء لاتاخذين على كلام فهد ,, هو يعصب بسرعه ويقط له كم كلمة بس بسرعه يرضى والله اخوي واعرفه قلبه طيب

هيفاء اللي تقلص الدمع وحست عينها ناشفه وفيها كره لهم ونار شابه في قلبها: ومن قالك اني بستنى لين يرضى ,, انا مستحيل اقعد هنا عقب كلامه ,,,,

دخلت غرفتها وريما معها وتهديها : انتي من جدك تبين تفجعين جدتي بطقاقكم انتي وفهد
هيفاء : ريما لو سمحتي انا ما عندي غير اللي قلت
فهد وهو واقف بينهم : ريما اطلعي برى ,,
ريما مستغربه جدا من فهد هو شصاير له اكيد فيه شي لا يكون حد صكه بعين
هيفاء كانت واقفه ولما شافت فهد قعدت على الكنبة وقوت نفسها بكيفه هو اللي بدى سمح لهم يتكلمون عني ويستاهلون اللي جاهم ليه يعطيهم فرصه اصلا

فهد : انا حذرتك قبل نجي هنا لكن انتي مافيك فايده اللي تبينه بتسوينه لا وتألفين من عندك قصص بعد ,, بس مو غريبه عليك هالحركات اللي قلتي كلام على لساني ما قلته ,, لا تستغربين اصدق اي شي عنك ,,,

هيفاء : والمطلوب ,,​

 

[القوارير]

رد : (((عيوووون تحمل الغرق)))والله ماتندموون دخلووو

بليز كملي من غير تقطيع
القصة مشوقه
وبصراحه اللي شدني بكتابتج ان الايحاءات اللي بالروايه ايجابيه وما فيها من الابتذال شي وخادمه القصه
اتمنى لج التوفيق يارب :eh_s(7):

 

[عسوله زوغه]

:eh_s(9):

 

["الزين كله"]

كملي حبوبه ناطريينج يالغلا

 

["الزين كله"]

كملي حبوبه
ناطريينج يالغلا

 

[taboolaaaa]

رد : (((عيوووون تحمل الغرق)))والله ماتندموون دخلووو

كملي حبيبتي ناطريج والله قمت اتشوق :eh_s(9): :eh_s(9): :eh_s(9):​

 

[القوارير]

رد : (((عيوووون تحمل الغرق)))والله ماتندموون دخلووو

كملي ناطرينج
:ggdw::ggdw::ggdw:

 

[((قاهرتهم))]

رد : (((عيوووون تحمل الغرق)))والله ماتندموون دخلووو

بليز كملي من غير تقطيع
القصة مشوقه
وبصراحه اللي شدني بكتابتج ان الايحاءات اللي بالروايه ايجابيه وما فيها من الابتذال شي وخادمه القصه
اتمنى لج التوفيق يارب :eh_s(7):

انشاءالله من عيوووني الحين انزل بااارت​

 

[((قاهرتهم))]

رد : رد: (((عيوووون تحمل الغرق)))والله ماتندموون دخلووو

كملي حبوبه ناطريينج يالغلا

فديتج يا قلبي اسعدني مرورج
:eh_s(17)::eh_s(17):