عيون الحب

[ساندى]

طبعا كلكم شفتو عيون الحب وكلنا تأثرنا بالمسلسل وبالفعل الممثلين ابدعو وخلونا نبجى ونصدق بقلوبنا ان المسلسل قصتة واقعية
خلال المسلسل اثار انتباهى شغلتين الهام شلون تسحر هدى وتعيش حياتها مع امها بالطول والعرض بدون تأنيب ضمير او اشفاق على الصغار اللى اخذتهم من حضن امهم وصرقت منها احساس الامومة
وبعدشلون تصلى الهام وامها واهم احتجوا على قسمت الله يعنى الحياة تصفى بدون تانيب ضمير انتوفهمتو قصدى
صج ابن ادم مايملى عينة الا التراب معقولة فى ناس تحس ان من حقها انها تاذى ناس وتشوفها تتعذب وهى تعيش حياتها تصلى وتحج ياناس تحج بيت الله وهى ظالمة كلة عشان الغيرة ذابحتها
سبحان اللة يمهل ولا يهمل انتو فهمتو قصدى

 

[Pwincess]

ee walla ..

 

[سبائك]

اي واضح قصدج حبوبه

بس في وايد ناس يفصلون بين الامور وما يحسون انهم قاعدين يسوون شي غلط مستمرين بحياتهم

يعني مثال بنت مو متحجبه وتصلي وتصوم شزينها من أحسن ما يمكن شلون!!ليش فصلت بين الحجاب والصلاة والصيام مع ان كلها اوامر من رب العالمين!!

والي يحفون حواجبهم كذلك يفصلون بين اوامر رب العالمين فيحللون الحف مع ان فيه لعنه وطرد من رحمة رب العالمين

وعسى الله يثبتنا يارب على صراطه المستقيم

المسلسل يعور القلب اليوم لما شافت ولدها عورني قلبببببببببببي

 

[الغاليه نونو]

المسلسل يبين لنا واقع بعض الحريم اللي مايخافون ربهم يركضون ورا السحر والطبوب ويخربون بيوت غيرهم حسبي الله عليهم وهالاشكال من وين ايييهم الضمير اصلا ماااااعندهم لاذمه ولا ضمير لويصلون مليوون سنه

قال صلي الله عليه وسلم.... من آتي كهانا أو عرافا فقد كفر بما أنزل علي محمد

يعني شكو بعد اكثر من الكفر ماكوووووووووووو كافر عنده ضمير يمالهم الويعه ذكرتيني باللي عفستني مع الشايب حسسسسسسسسسسبي الله عليهم ونعم الوكيل "

 

[الفراشه الرقيقه]

صراحه يشكر الكاتب عبدالعزيز الحشاش على هالرائعه اللي كتبهااا وهو ولد مبارك الحشاش اللي سواا رقيه وسبيجه

هذا الكاتب كتب هالقصه بهالروعه لانه في الاساس اخصائي اجتماعي عايش قصص كثيره من الواقع هي اللي جعلت قصته تطلع بهالمستوى

الله يوفقه

 

[.. مـــلاكـ ..]

هذي حال الدنيا والله موجود يمهل ولا يهمل

انا ما اشوف المسلسل الكل يتكلم عنه ودي اتابعه بس راحت علي ماعرفت القصة

 

[وجدان الكويت]

واللة هالمسلسل رد الدراما الكويتية لعصرها الذهبي وكافي انة من المسلسلات الكويتية النادرة اللي تقدرين تشوفينها ويا عيالج بدون لقطات تخدش الحياء
وبالنسبة للي ذكرتيه اي عادي صدقي في ناس وايد جذي ولما تناقشينهم بالشي الكارثةاللي سووه يغالطونج ولا جنهم سوو شي غلط
واللة يكافينا يارب شر السحر والمشعوذين

 

[FOZQ8]

انا تمثيل هدى حسين صدمني من روعته وااي تقطع القلب
وترى صج فيناس عندهم السحر شي عادي ويتمنون يسوونه ياربي شلون ينامون الليل واهما مخربين بيوت
حسبي الله ونعم الوكيل

 

[cute-q8cat]

صراحه هذا المسلسل الوحيد للي أتابعه..
لأنه يسوى

 

[بروق اليل]

اي والله المسلسل يعور القلب

وهدي حسين حيل ضابطه الدور

 

[روزالكويت]

هدى حسين من عمرها تمثيلها يشلع القلب انا ما انسى مسلسل لها قطري سوته عقب الغزوا يوم كانت بقطر كان دورها وحده مريضه بالسرطان قسم بالله بجتنا بجي صج صج ممثله يمااااااااااااه
والمسلسل هذا عجيب صراحه

 

[زهورة]

صراحة المسلسل عجيييييب

وعلى فكرة هالقصة واقعية قصة ام هدى حسين
قبل يومين مسوين معاها لقاء وقالت فيه انها قصة امها