عيــــــــــــــــــــــد الحب..........%%

[نونو قلب حمود]

الصراحة ودي احتفل معاه بس

تعبانة من الحمال ومالي خلق+ ماكو ميزانية

والا كنت مفكرة اعزمة ع مطعم المياس المكان حده رومنسي

بس طلعت المنحة راح تنزل 24-2 ومعاشي 25-2 يعني ماكو فلوس

لوووووووووووول

هههههههههههههههههههههه المنحه هذي بتسوي سوالف
اممممممممم..... الله يعينج ياقلبي بس حاولي تسوين لو شي بسيط عشان لايشوف شي بره خليه يلاقي كل شي عندج

 

[انا انت]

رد : عيــــــــــــــــــــــد الحب..........%%

ولا مرة احتفلت بعيد الحب

 

[dnyay_mll]

رد : عيــــــــــــــــــــــد الحب..........%%

ماراح اسـوي له شي

عيزانه صراحه خل اهو يسويلي

عاد قبل جم يوم اسولف معاه واتشرط ابي هديه وقلتله ابي هديتي هالسنه لاب توب

وقالي متى قلتله بعيد الحب عاد اهو قال حـرام

وانا مبققه عيني طول عمرك تحتفل فيه معاي شمعنى الحين حرام

عيارته عشان ما اييبلي لاب توب

عاد بطلعها من جبده وماني مسويتله شي

 

[خليفة العظماء]

رد : عيــــــــــــــــــــــد الحب..........%%

مابي احتفل بهالعيد لأني مسلمه

 

[خليفة العظماء]

رد : عيــــــــــــــــــــــد الحب..........%%

يسلموووو بس مابي احتفل وادش النار عندي السنه بكبرها حبكت هاليوم وبعيد الكفار اعوذ بالله$

 

[مسك وطيب]

رد : عيــــــــــــــــــــــد الحب..........%%

غريب امركم يا خواتي معترفين انه في شيء اسمه عيد حب وبعضكم يقول بينخالفهم ونحتفل بيوم غير ....

هاليوم للنصارى ومن تشبه بقوم فهو منهم ..

زوجج ملكج طوول العمر لاتحسسينه انه هاليوم مميز ومهم ولاتشاركون بالذنب ... الله مكثر الايام استانسوا وبدعوا فيها ...

والله يخليكم ازواجكم ويصرفكم عن الحرام ...

 

[مسك وطيب]

رد : رد: عيــــــــــــــــــــــد الحب..........%%

[QUOTE=نونو قلب حمود;22096679]هههههههههههههههههههههه المنحه هذي بتسوي سوالف
اممممممممم..... الله يعينج ياقلبي بس حاولي تسوين لو شي بسيط عشان لايشوف شي بره خليه يلاقي كل شي عندج[/QUOTE]


اختي الدال على الخير كفاعله وانتي بموضوعج هذا تشجعين البنات على الاختفال بهاليوم

مستعده تحملين وزر كل وحده احتفلت بهاليوم؟؟؟

وانتي مستعده تغضبين رب العالمين بهاليوم عشان زوجج مايطالع يمين ويسار

لاطاعة لمخلوق في معصية الخالق ...

ولاني احبج في الله قلت لج هالكلام ... تقبلي مروري:tek:

 

[al_jood]

نصيحه من اخت لاخواتي اللي فعلا احب لكم الخيييييييييير
هاليوم هذا والاحتفال فيه حرااااااااااااااااااااااااام اهو بدعه ابتدعها النصارى والكفار ليش احنا نوافقهم ؟؟؟؟؟؟؟؟
الله انعم علينا بنعمة الاسلام ونحمده ونشكره على هالنعمه فليش نغضبه بتصرفاتنا وذلك في تقليدنا التقليد الاعمى لاحتفالاتهم
شنو عيد الحب؟؟؟؟؟؟؟؟؟ شهالكلام؟؟؟؟؟؟
اعيدوا النظر في تفكيركم وارضي ربك وماراح تخسرين شي
اتمنى اني افدتكم

 

[KOKO_284I]

رد : عيــــــــــــــــــــــد الحب..........%%

قعده رومانسيه بسوالف بسيطه تكمل الفرحه

شوفوا توقيعي اذا اتحبون . كنتي بالبر بالبيت بفندق عدتج جاهزه

 

[لحن الغروووب]

حبيايبي الاحتفال بهذا اليوم حرام ولايقص عليكم الشيطان ويقول احنا مانقصد

وبعدين ازواجكم عندكم طول السنه وقفت على هاليوم

الله يفتح على قلوبكم

 

[لحن الغروووب]

فتوى اللجنة الدائمة


س _ يحتفل بعض الناس في اليوم الرابع عشر من شهر فبراير 14/2 ، من كل سنة ميلادية بيوم الحب ( فالنتين داي ) ، ويتهادون الورود الحمراء ويلبسون اللون الأحمر ويهنئون بعضهم وتقوم بعض محلات الحلويات بصنع حلويات باللون الأحمر ويرسم عليها قلوب وتعمل بعض المحلات إعلانات على بضائعها التي تخص هذا اليوم فما هو رأيكم ؟





فأجابت اللجنة : ... يحرم على المسلم الإعانة على هذا العيد أو غيره من الأعياد المحرمة بأي شيء من أكلٍ أو شرب أو بيع أو شراء أو صناعة أو هدية أو مراسلة أو إعلان أو غير ذلك لأن ذلك كله من التعاون على الإثم والعدوان ومعصية الله والرسول والله جل وعلا يقول : ( وتعاونوا على البر والتقوى ولا تعاونوا على الإثم والعدوان واتقوا الله إن الله شديد العقاب ) .

ويجب على المسلم الاعتصام بالكتاب والسنة في جميع أحواله لاسيما في أوقات الفتن وكثرة الفساد ، وعليه أن يكون فطناً حذراً من الوقوع في ضلالات المغضوب عليهم والضالين والفاسقين الذين لا يرجون لله وقاراً ولا يرفعون بالإسلام رأساً ، وعلى المسلم أن يلجأ إلى الله تعالى بطلب هدايته والثبات عليها فإنه لا هادي إلا الله ولا مثبت إلا هو سبحانه وبالله التوفيق . وصلى الله على نبينا محمد وآله وصحبه وسلم .

اللجنة الدائمة للبحوث العلمية والإفتاء .

 

[ام شووووق]

رد : عيــــــــــــــــــــــد الحب..........%%

خوش افكار

 

[عالمي المجنون]

بما ان نزل معاشي مبجر بحتفل لوول

بس بسئل من وين الاقي النجوم المضيئة؟؟

 

[Om Ghalia]

رد : عيــــــــــــــــــــــد الحب..........%%

up up up up up up