عيـــش فريج صويـــــلح .....!!!

[SaD FaCe]

السلام عليكم

بنات انا كلش ماعرف اسوي اعيش طعمه حلو كله يطلع ناشف او لين زياده عن اللزوم

انا حبيت عيش فريج صويلح لذيذ وفيه دهن شوي والحبه طويله والنكهه عجيبه

منو تعرف شلون طريقته تساعدني بلييييز :0bee2e8d89:

 

[Only You]

شوفي حبيبتي السر في طعم العيش الحمسه مالته
انا استخدم عيش "أنديانا قيت" حبته طويله ووايد حلو بالطباخ
اول شي نقعي العيش بماي و ملعقه خل ابيض صغيره يعني نص ساعه
بعدين حطي زيت في الجدر يعني غطي ارضيه الجدر بس مو كلها و عقب حطي بصل مقطع صغير و بعدين حطي ملعقه بهار انتي تطحنينه مو مطحون جاهز ترى الجاهز ماله طعم (هيل و مسمار و فلفل اسود)و خلطيهم مع بعض و حطي ملعقه فوق البصل و الزيت اللي بالجدر
بعدين صفي العيش من الماي و حطيه فوق الحمسه و قلبيه قلبتين بس علشان ما تتكسر حبه العيش
و عقب صبي فوقه ماي الدياي او اللحم خليه فوق مستوي العيش 5 سم و خليه يطبخ و الجدر مكشوف لم تشوفين الماي بدأ ينشف غطي الجدر و قصري على النار خليها وسط بعدين طلي عليه عقبها شوفي الماي اذا نشف حطي زعفران و ماي ورد و قصري عليه لين يتسكر عدل على راحته
و اذا بتقدمينه استخدمي شوكه الكبيره مالت الطباخ حركي العيش شويه علشان ما تتكسر الحبه و عقب نجبي بملاس
و بالهنا و الشفاء

 

[ANGELICA]

نفس التساؤل

 

[جارة القمر]

تفضلي طلبج

http://208.43.232.241/showthread.php?t=285561&highlight=%DD%D1%ED%CC


http://208.43.232.241/showthread.php?t=225948&highlight=%DD%D1%ED%CC

 

[شواخي]

Only YOu

روعــــــــــه طريقتج


شكرا ،،

 

[عتيبيه ناعمه]

مالى بالطباخ وما اعرف له بس قريت عيش فريج صويلح ودخلت صج صج رووووووعه نكهة العيش مو طبيعييه واللي ذقته مره مطبق زبيدى ومره برياني ربيان بس صج شي

 

[SaD FaCe]

يعطيكم العافيه لازم اجربهم واقولكم شصار معاي ههههه

 

[<<لمار>>]

عاد انا عليمية وللحين ماعرفت اطبخ العيش

 

[سموالاميره]

اقسم بالله حتى احنا طلبنا في البيت طعمه كااااااااان موطبيعي يعني تاكلينه حاااف.

ياليت اللي تعرف تقولنا.

تحياتي