السلام عليكم ورحمة الله وبركاته
*الحمدلله الذي اطعمني هذا الطعام ورزقنيه من غير حول مني ولا قوة*
شلونكم حبيبااتي الغاليات
هالعيش مع اللحم من الاطباق المفضله عندي..لذييذ ..ماينشبع منه
جربوه..امشوا على هالخطوات الي راح اذكرها لكم..وراح يضبط معااكم ..ان شاء الله
عليكم بألف عااافيه.
عليكم بألف عااافيه.
بسم الله الرحمن ..سبحانه ..نبتدي
نحتاج لحم تقطعينه الحجم الي تحبين وتغسلينه عن الدم والشوائب..وتنقعينه بماي دافي لمدة ربع ساعه ..علشان نتخلص من اي شي عالق فيه
وعقب نحمس بصلتين مقصصين ناعم بثلاث ملاعق زيت ..ولا تشوقروا نضيف كميه زينه من الثوم والزنجبيل المدقوقين
ونضيف اللحم المغسول..ونحط ملعقة اكل بهارات مشكله ونص ملعقة اكل فلفل اسود وربع ملعقة اكل كركم ونص ملعقة اكل كزبره مطحونه وشوية كزبره حب وجم حبة هيل نفتحهم شوي ونضيفهم واعواد دارسين ومسمار حب وورق غار وثلاث حبات لومي يابسة ومكعب ماجي..والي ماتحب الماجي لاتحط
نحمس عدل..على نار متوسطه..ليما ما يتحمش وجه اللحم شوي..و يتشرب البهارات ..
ويكتسب اللون الاشقر
ويكتسب اللون الاشقر
عقب تكونين مجهزتلج ماي حار بجدر ثاني..تضيفينه على اللحم..تخلينه يغمره ويغطيه بزيادة علشان نطبخ بماي اللحم العيش بعدين ..وتخلين اللحم يطبخ على نار عاليه لمدة 45 دقيقه ..وعقب تملحينه وتذوقين الملح وتخلينه 20 دقيقه يكمل سواه وتجيكين على اللحم اذا نظى واستوا ولا لأ..
واول ما تتشكل عندج الرغوة على وجه الجدر..تحاولين انج تتخلصين منها..علشان اي زفرة تكون عالقه فيها...
اذا استوى اللحم تطلعينه على جنب..واذا لأ
تخلينه شوي زياده ليما تتاكدين انه استوى
وهني طلعنا اللحم عقب ما استوى
تخلينه شوي زياده ليما تتاكدين انه استوى
وهني طلعنا اللحم عقب ما استوى
وتكونين حبيبتي مغسله العيش ومنقعته بماي دافي لمدة ساعه..عقب تجبسينه على ماي اللحم..وتخلينه يستوى ثلاث ارباع استوا..وديري بالج لا تطبخين العيش حيل..وينهرس معاج
نبيه شبه مستوي شوي ..علشان نكمل سواه بعدين مع اللحم
وهني جيكت على العيش
نبيه شبه مستوي شوي ..علشان نكمل سواه بعدين مع اللحم
وهني جيكت على العيش
وعقب شخلته بمشخال وخليته على صوب..لحين الاستخدام
وبجدرنا الي راح نطبخ فيه العيش واللحم
نحمس بقاعته بصل وطماط وفلفل اخضر بارد حسب الكميه الي تحبين ..وبالحجم الي مبين بالصوره..مع اضافة ملعقتين اكل معجون طماط
نحمس بقاعته بصل وطماط وفلفل اخضر بارد حسب الكميه الي تحبين ..وبالحجم الي مبين بالصوره..مع اضافة ملعقتين اكل معجون طماط
نحرك ليما تحسين ان الخضار شربت من المعجون وتحمرت شوي
نضيف اللحم ونوزعه على وجه الخضار.. ونرش على اللحم رشة بهارات مشكله ورشة هيل ناعم ورشة فلفل اسود..مع جم قرن علوب ..يعطي نكهة محببه..والي ما تحبه ..مولازم..ما راح يأثر
نضيف اللحم ونوزعه على وجه الخضار.. ونرش على اللحم رشة بهارات مشكله ورشة هيل ناعم ورشة فلفل اسود..مع جم قرن علوب ..يعطي نكهة محببه..والي ما تحبه ..مولازم..ما راح يأثر
وعقب نضيف العيش ليما نوصل لوجه الجدر...نرشه بماي ورد منقعين فيه زعفران وشوية من صبغة العيش وهيل ناعم مطحون
نسكر الجدر بفوطه نظيفه او قطعة قماش او قصدير..نغمته..يستوي من البخار..ونخليه على نار هاااديه ..لمدة نص ساعه.
طريقة الدقوس:
4 طماطات نسلقهم ليما تحسون انهم ذبلوا
عقب نخلطهم بالخلاط مع شوية من ماي السلق
وبجدر نحط كمية من الزيت ونضيف عليه خليط الطماط الي ضربناه بالخلاط
نحرك علشان يمتزج الزيت الحار مع الطماط ..ونضيف ملعقتين اكل معجون طماط ..وثوم مدقوق ناعم..وشوية فلفل اسود وشوية كزبره مطحونه وشوية لومي يابس..لاتكثرون لايصير الطعم مر..وأضيف عليه حوالي نص قلااص من ماي اللحم يعطيه طعم ولا اروع وشوية ملح
نحرك علشان يمتزج الزيت الحار مع الطماط ..ونضيف ملعقتين اكل معجون طماط ..وثوم مدقوق ناعم..وشوية فلفل اسود وشوية كزبره مطحونه وشوية لومي يابس..لاتكثرون لايصير الطعم مر..وأضيف عليه حوالي نص قلااص من ماي اللحم يعطيه طعم ولا اروع وشوية ملح
اخلي الدقوس على نار هاديه
وبهالأثناء اكون سالقة باميا مثلجه بجدر ثاني..واذا حسيت انها شبه مستويه اضيفها على الدقوس تكمل سواها معاه...واخذوا احلى دقوس باميه مع هالعيش الناطع
وسويت حشوو لذيذ عباره عن بصل شرايح تقلينه بشوية زيت واذا تشوقر وذبل اضيف له جزر مبشور..مع ملعقة ماي ورد..ورشة بهارات مشكله وشوية فلفل اسود وشوية هيل مطحون وملح.. وتحمسين ليما تحسين انهم تمازجوا..تسكرين عليهم الجولة.
والافضل إنه اذا جهز الحشو تحطينه على وجه العيش بالجدر على جنب يشرب العيش من نكهة البصل والجزر وهو على النار..
**وتفضلوا حبيباتي عيش ولحم بقاعة الجدر مع دقوس الباميه **
هني قلبت الجدر للنجاب عقب ما جهز العيش واللحم
حبيبااتي..لو تكرمتوا لحد يرد بنزل باجي الصور
التعديل الأخير:
