- إنضم
- 30 يوليو 2008
- المشاركات
- 1,496
- مستوى التفاعل
- 0
- النقاط
- 0
السلام عليكم
انا سويت عيش الروزيتو نفس هالطريقه بالظبط انا ماخذتها من وحده
روزيتو بالمشروم :
المقادير:
طبعا عيش الروزيتو اهو عيش ايطالي تشترونه من مركز سلطان السالميه او
سوق شرق انا حصلته بسوق شرق كرتونه لونه كحلي صوب العيش
والمعكرونه والكرتون كانه كرتون الكورن فليكس بس اصغر
ر
علبه ماشروم مقطع كبيره او علبتين صغار وممكن تاخذون مشروم طازج تقطعونه بس ما جربته
كريمه سائله kdd
بصل اخضر تقطعونه شرائح
فص او فصين ثوم هم تقطعونه شرائح
جبنه موزاريلا
زبده
ملح -فلفل اسود
الطريقه :
اول شي تسوون صوص ماشروم والطريقه انج تييبين الخلاط وتحطين فيه مقدار فنجال القهوه العربيه كريمه سائله مع قفشتين كبار مشروم (قفشه الاكل ) وشويه ماي وتحطين شوي ملح وفلفل اسود وتخلطينهم بالخلاط راح يطلع عندج صوص كانه شوربه
وعقب تيبين الجدر يكون صغير شوي نحط شوي زيت زيتون مقدار قفشه الاكل ونحط البصل الاخضر والثوم الي مقطعينهم شرايح ونحمسهم ونحط عليهم شوي ملح وفلفل اسود نحمسهم بودقيقتين وعقب نحط عيش الروزيتو مقدار قلاص جبن او قلاصين عاد على حسب الكميه الي انتو تبونها ونصب عليه الماشروم صوص الي سويناه ونحط معاه فطر مقطع علبه صغيره كامله هم على حسب المقدار الي انتو تبونه ونحمسهم مده 5 دقايق وعقب نصب عليه ماي نترس الجدر تقريبا المهم يكون اعلى من الحمسه الي سويناها ونقلب لمده 10 دقايق ونزيد ملح وفلفل اسود حسب المقدار الي تبينه اخذي شوي من الماي وذوقي ونسكر الجدر ليما يتشرب الماي وعقب ما يبدي يتشرب ونشوف ان العيش بدى يصير لين نقصر على الجوله ونييب الحديده المدوره تكون مخرمه طبعا اكيد موجوده بكل مطبخ ونحطه تحت الجدر طبعا راح يكون على نار هاديه نخليه لمده ربع ساعه او 20 دقيقه طبعا راح يكون العيش لين تحسينه شوي مايل للشوربه يعني مو سائل بس تحسين الاكله صارت ثخينه ومتماسكه قبل لانطفي البوتوجاز نحط شوي زبده يعني قالب الزبده مقدار ربع او اقل شوي ونحط شويه جبن موزاريلا بايدج تذرينه (تحطينه او توزعينه ) نحطهم مع الحمسه الي سويناها ونقلبهم بالجدر 5 دقايق ليما يختلطون وممكن اذا تبون تحطون جبنه بارميزان زياده بس مو شرط بس الموزاريلا شرط تحطونه وعقب تطفون البوتوجاز وحطيه بالصحن
وبالهنا والشفا
بس المشكله انه العيش يطول على ما يصير لين
فا كل اشوي ازيد ماي :eh_s(2):
قولولي اشلون اخليه يستوي؟
وبالنسبه حق الطريقه والوصفه الي فوق الي انا استخدمتها زينه والا فيها غلط؟:gr4uu:
بليز قولولي لان زوجي يبيني اسويه حق اهله فا مابي اتفشل وابه يطلع تمام:ggdw:
انا سويت عيش الروزيتو نفس هالطريقه بالظبط انا ماخذتها من وحده
روزيتو بالمشروم :
المقادير:
طبعا عيش الروزيتو اهو عيش ايطالي تشترونه من مركز سلطان السالميه او
سوق شرق انا حصلته بسوق شرق كرتونه لونه كحلي صوب العيش
والمعكرونه والكرتون كانه كرتون الكورن فليكس بس اصغر
ر
علبه ماشروم مقطع كبيره او علبتين صغار وممكن تاخذون مشروم طازج تقطعونه بس ما جربته
كريمه سائله kdd
بصل اخضر تقطعونه شرائح
فص او فصين ثوم هم تقطعونه شرائح
جبنه موزاريلا
زبده
ملح -فلفل اسود
الطريقه :
اول شي تسوون صوص ماشروم والطريقه انج تييبين الخلاط وتحطين فيه مقدار فنجال القهوه العربيه كريمه سائله مع قفشتين كبار مشروم (قفشه الاكل ) وشويه ماي وتحطين شوي ملح وفلفل اسود وتخلطينهم بالخلاط راح يطلع عندج صوص كانه شوربه
وعقب تيبين الجدر يكون صغير شوي نحط شوي زيت زيتون مقدار قفشه الاكل ونحط البصل الاخضر والثوم الي مقطعينهم شرايح ونحمسهم ونحط عليهم شوي ملح وفلفل اسود نحمسهم بودقيقتين وعقب نحط عيش الروزيتو مقدار قلاص جبن او قلاصين عاد على حسب الكميه الي انتو تبونها ونصب عليه الماشروم صوص الي سويناه ونحط معاه فطر مقطع علبه صغيره كامله هم على حسب المقدار الي انتو تبونه ونحمسهم مده 5 دقايق وعقب نصب عليه ماي نترس الجدر تقريبا المهم يكون اعلى من الحمسه الي سويناها ونقلب لمده 10 دقايق ونزيد ملح وفلفل اسود حسب المقدار الي تبينه اخذي شوي من الماي وذوقي ونسكر الجدر ليما يتشرب الماي وعقب ما يبدي يتشرب ونشوف ان العيش بدى يصير لين نقصر على الجوله ونييب الحديده المدوره تكون مخرمه طبعا اكيد موجوده بكل مطبخ ونحطه تحت الجدر طبعا راح يكون على نار هاديه نخليه لمده ربع ساعه او 20 دقيقه طبعا راح يكون العيش لين تحسينه شوي مايل للشوربه يعني مو سائل بس تحسين الاكله صارت ثخينه ومتماسكه قبل لانطفي البوتوجاز نحط شوي زبده يعني قالب الزبده مقدار ربع او اقل شوي ونحط شويه جبن موزاريلا بايدج تذرينه (تحطينه او توزعينه ) نحطهم مع الحمسه الي سويناها ونقلبهم بالجدر 5 دقايق ليما يختلطون وممكن اذا تبون تحطون جبنه بارميزان زياده بس مو شرط بس الموزاريلا شرط تحطونه وعقب تطفون البوتوجاز وحطيه بالصحن
وبالهنا والشفا
بس المشكله انه العيش يطول على ما يصير لين
فا كل اشوي ازيد ماي :eh_s(2):
قولولي اشلون اخليه يستوي؟
وبالنسبه حق الطريقه والوصفه الي فوق الي انا استخدمتها زينه والا فيها غلط؟:gr4uu:
بليز قولولي لان زوجي يبيني اسويه حق اهله فا مابي اتفشل وابه يطلع تمام:ggdw:
