لقد ناديت لو أسمعت حيا ولكن لا حياة لمن نتادي
ملينا الكل يشتكي مناهج سيئه سيئه تخبط بالقرارات ومنو ياكلها بالنهايه ولي الأمر والطالب
ومازلنا نعاني للأسف من المناهج من اسوء إلى اسوء إنفجعنا كلنا بالمناهج الحاليه عقدتوا اليهال نمط ويكونان وجداول الظرب إلي أول مره نسمع عنها شالسالفه
سمعوا أخر تفلسف والتفاهه بمنهج العلوم أولى إبتدائي سمعوا يقولك البذره إذا عطيناها ماء شنو يصير فيها ؟؟؟
يالله أبي الجواب طبعاً بالبديهيه بتقولون إذا تعرضت إلى الشمس راح تكبر وتنموا عدل ؟؟
لا يا جماعه الجواب غلط وأكبر غلط بالمناهج الحاليه يقولك البذره لي عطيناها ماي تصير رطبه رطبه رطبه تفاهه ما بعدها تفاهه
الله يستر إذا باجر خلوا التعليم إلكتروني إكملت السالفه بعد اليهال كتاب ومتعقدين هالمره كمبيوترات عزة الله عيونهم راحت فيها الكتاب لا يمكن الواحد يستغنى عنه لو شنوا
ما عمرنا درسنا عيالنا بأولى إبتدائي الحين لا لازم والله ندرس ونجابل مو مشكله نتابع بين فتره والثانيه أما إنا نشرح النمط وغيره جنه أول مره يسمع فيه لالالالالالالالالا مو حجي هذا ن إلي عنده أكثر من واحد بالإبتدائي ورابعه وخامسه شسوون مع المناهج الزينه الحاليه ؟؟؟
الكتاب الرياضيات والعلوم بالأبيض والأسود وأسئله ما أدري من وين يايبينها
إحنا ما نقول لا تطورن لا بالعكس طوروا وعدلو لكن بحكمه مو تخبط وسيده تعممونه مع إنه المدرسين نفسهم يشتكون على أولك عمموه
أرجوكم أعيدو النظر بالمناهج الجديده وبالأخص الرياضيات والعلوم ذقنا الأمرين منها يا حلو المناهج القديمه 1+1=2 بدون تعقيد (يكونان وغيره من التعقيدات )
يا جماعه مو كل أولياء الامور تخصصهم علمي بحيث يقدرون يحلون رموز منهج الرياضيات الجديد أو العلوم في ناس ما يفقهون بالحساب شي فيضطرون إييبون مدرسين خصوصين حق سنه اولى وثالثه حرام .
يا وزاره أرجوج ردي المناهج القديمه بدون تعقيد ترى تخرجو منه دكاتره وطيارين ومهندسين ومدرسين .
وما زلت أعيد وأقول
لقد ناديت لو أسمعت حيا ولكن لا حياة لمن نتادي
