عيدميلاد بنتي و محتاره

[khookhaaa79]

ان شاء الله بسوي عيدميلاد بنتي الله يحفظها ومحتاره في البوفيه منوين اييبه ,,, بسويه بالحديقه وابي شي بسيط وسعره معقول يناسب حديقه اللي جربت شي تحط لنا الله يعافيكم الرقم و السعر و تقول تجربتها عشان الكل يستفيد


و هم قولولي رايكم بوفيه و لا اييب شاورما و صاج ولا اليهال مايحبون جذي؟ وهم ودي اللي يسوي باستا بس ماعرف ؟؟
من صجي محتاره مادري شسوي شورو علي

 

[حساسة مصر]

رد : عيدميلاد بنتي و محتاره

مش عارفة صرااااااااااااحة


:blueSmCLR:

 

[Chic & Unique]

Up لعيونج

 

[sweet 30]

حتى أنا ابي حق عيد ميلاد ولدي

 

[khookhaaa79]

رد : عيدميلاد بنتي و محتاره

مشكورين على الرد حبايبي


و ياريت احد يفيدنه من تجربته

 

[ام اغلى الناس]

وانا بعد ما بقى شي على عيد ميلاد ولدي و محتاره
ان شاء الله اثبت على حل و اسويه واقولكم شصار

 

[ديانا سبنسر]

:n2006107:

 

[mrs.perfect]

ليش ماتسوينه بمطعم ترتاحين وكل اليهال بيستانسون
واذا مصرره ابحديقتج عندي صاج وشاورما احسن لليهال
بس المطعم بعد انظفلج ليش تسووين ابيتكم تتعبين قبل بالتجهيز وعقب بالتنظيف
وانا خبري ارخص

 

[مسك81]

احسن شي سوييه بماكدونالد وطلبي ساحر ورسم على الوجوه والله الكل بيستانس

 

[امووووما]

حبيبتي وايد حلوه الفكره انج اتسوينه بحديقه انا من ناحيتي احب يكون للحفله ثيم معين تلتزمين فيه ينسق الحفله ونفس الوقت يخلي الكل يندهش من الفناتق مثلا اذا بحديقه تقدرين اتسوين هاواي بارتي واتحطين نقازيه والتزيين كله يصير ورد وقش وجذي والكيكه تكون هم نفس الطريقه او اتسوين ترتر بارتي وكله الحفله اتصير داخل في ديكوراتها الترتر او ديزني بارتي احنا سويناها ووااااااااااااااااااااااااايد اعجبت الناس كانت فكره صج صج فنتق اما اكل اليهال طلبنا وجبات من ماكدونلدز انظف واحسن واريح الصراحه

 

[khookhaaa79]

رد : عيدميلاد بنتي و محتاره

الله يسلمكم انا مسويه بمطاعم جم مره جربت برجركنج و ماكدونالدز و بروي و بالحضانه هم سويت حق بنتي العوده بس الصغيره هذي ولا مره سوينالها مسكينه بخاطرها مكرم السامع حنطور ولا بوني و تبي نقازيه عشان جذي قلت بسويلها في بيت امي حديقتهم عوده و جدامهم براحه اقدر اييب حنطور :dddds: و فكرت اسويلها رينبو بارتي ابي كل شي ملون و لبس اليهال بعد بس الاكل اللي محيرني مادري من وين اييب ابي شي مايكلف يصلح حق امهات و اليهال

 

[dnyay_mll]

رد : عيدميلاد بنتي و محتاره

ييبي فلبينيه تسوي صاج مشكل

احسن من الشاورما ماتنفع لليهال

وطيبات الخليج جربته باستقبال مرت اخوي وايد حلو

واسعاره حلوه

بس ما اذكر الرقم

 

[khookhaaa79]

رد : عيدميلاد بنتي و محتاره

حصلت وحده تسوي صاج و بحاول ادور طيبات الخليج اللي قلتيلي عنه ان شاء الله احصله

بعد بنات عطوني افكار

 

[لمسه حزن]

رد : عيدميلاد بنتي و محتاره

حاولي تاجري شخصيات

وتسوين مسابقه

وعليها جوائز مثل لعبه الكراسي

والبالونات

وترتيب الصور يعني اشياء يحبونها

اليهال

جذي تسوي جو خاص بالحفله

 

[Roty]

رد : عيدميلاد بنتي و محتاره

انا عندي لج فكرة حلوة انشالله بس تكبر بنتي بسوي لها

في وحده بالمنتدى كانت منزله موضوع عيدميلاد بنتها مشالله حلوو

التجهيز كان من محل اسمه شخابيط مادري وينه بس عندي الرقم يسوون الاكل والمسابقات حتى الجوائز منهم وشخصيات

هذا الرقم
99114114

ادعولي بنات اللي تجربه ويعجبها

صج ما قلتي عمر بنتج الله يحفظها

 

[khookhaaa79]

رد : عيدميلاد بنتي و محتاره

بنتي اسم الله عليها بتكمل 3 سنين و يبت لها شركه تنظم الحفله مسابقات و دي جي ومكينة نفيش و شعر بنات و نقازيه و اهم شي بالحفله كلها الحنطور ههههههههه شرطها حنطور ولا بوني لانها شايفته مره بيت ييرانه يايبينه بحفلة و زاغ قلبها هي و اختها و قلت دام عيديلادها بشهر 2 و الجو حلو بسويه مع ان العوده اللي سويت لها مليون عيديلاد محتره لان ماسويته جذي لان يصادف شهر 5 حر

جني قرقت وايد :wqedqw:

بس الشي اللي محيرني ليلحين بس الاكل مادري من وين ابيه حق كبار و صغار مره وحده

 

[ام اغلى الناس]

بنات حطوا ارقام اللي يسون الشاورما و الحنطور و شعر البنات و النفيش لو سمحتوا
انا شكلي ان شاء الله باسويه بماكدونالدز ارخص من البيت بالف مره
15 طفل ب 55 و الساحر زياده 50 و تلوين الوجوه 15

 

[Roty]

رد : عيدميلاد بنتي و محتاره

اي والله ياليت تحطين لنا الارقام ومن وين

 

[دمثة]

انا اقول من اخت لاختج هالفلوس الي بتغطينهااا على حفله عيد ميلاد قطيها على شي يسوى غيري غرفتهااا


سافري تصدقي حرام تبدين سنة جديدة لبنتج بشي يغضب رب العالمين


وتنتي حرة مو غصب

الله يقر اعيونج فيها يارب

 

[*][ Royal N ][*]

حلوة سوالف المسابقات والساحر ومكينة نفيش و شعر بنات و نقازيه
وبالنسبة للأكل بسيطة مدام تبين شي للكبار والصغار حطي بوفيه وريحي عمرج
واذا تبين رايي انا شفت بروضة عيال خالتي شغلات حلوة مسوينها مدرساتهم للصف وحلو وايد للأمهات واليهال,,
حاطين نقازية اللي تشتغل بالهوا وحاطين نفس طاولات البوفيه عليها دونت , ورق عنب, كب كيك, سلطات متنوعه, أطباق معجنات و كيك , نسكافيه , عصير , ومأجرين وحدة تسوي صاج موطبيعي و مأجرين ماكينة آيس كريم وعندها واحد يحط حق اليهال ويضيف عليهم كاكاو او فواكه,, واذا ما تبين آيس كريم لأن برد كافي ماكينه النفيش وشعر البنات والصاج
بيطلع شي راقي وبسيط الكل بيستانس عليه بدال خبة البوفيه ما يصلح لليهال
هاذي فكرة حبيت أضيفها لج تستفيدين منها