- إنضم
- 30 أغسطس 2006
- المشاركات
- 3,127
- مستوى التفاعل
- 0
- النقاط
- 36
السلام عليكم
شلونكم بنوتات اليوم سويت عيدميلاد بنتي ببيز بيزا
وقلت اكتب لكم تجربتي بالنفصيل عشان لا تتوهقون مثلي
تكونون عارفين كل شي
طبعا حفلتنا كانت من 5-7 لان في ناس حاجزين 8-10
ويحتاجون ساعة للتنظيف
طبعا الوقت كان مبجر فما بدينا الا 6 لان محد يي مبجر
البرنامج هو 5 العاب بس لان الوقت قصير ما سوو الا فقرتين لعبة الكراسي ولعبة اطول نفس
وعطو الاثنين الي فازو العاب بو امية وبنتي لعبة بو امية اذا صورتها احطها لكم وعطونا الثنتين الزايدين
طبعا ما عندهم احد يتكلم عربي بس انجليزي واليهال صغار قعدنا نترجم لهم
لان ما فهمو منها الا ساي هاي خخخخ
وبعدين يي بارني الصغار خافو بس اللي اكبر شوي قامو يرقصون معاه استانسو
وفيه شغلة مثل كرتونة ومع عصاية داخلها حلاو يطقونها لين تنفتح هذي انا طلبتها زدت عليها 10 دنانير
واحنا يايبين الزينة اللي تتطشر الساعة 7 الا ربع طفينا الشمع وبنطشر الزينة جان السيرفس تعصب تقول عندنا
عيدميلاد الساعة 8 ما يمدينا ننظف لا تطشرون مع ان جدامهم ساعة و ربع
المهم طنشناها وبطيناهم خل عالاقل يستانسون اليهال جان تطنقر وتطفي الاغاني وحفلتنا باقي لها ربع ساعة عالموعد االي من حقنا
رحت حق المدير ولا يقول بقالكم ربع ساعة قلتله هذي طفت الدي جي قالها تشغله
وطبعا الكيكة مو منهم طلبتها من بريد تالك وكانت عجيبة بحاول احط لكم صورتها
وبعدين وزعو عاليهال الوجبات وخلوهم ياكلونهم برا عشان الوقت
وانا كنت يايبة حق اليهال العاب وصفارات بو 100 وزعت عليهم
واحد من اليهال شاف بالونة حمرا اللي مكتو عليها ايم المطعم قال يبي قلت لهم ولا يقولون لا هذا بس حق اللي يتعشون بالمطعم واحنا شنو بالله قلتلهم انزين بشتري قالو 20 وحدة ب 5 دنانير شدعوة تفاخية بربع وبرجر يعطون كل ياهل
قلت لهم بورقتكم حاطين مع الحفلة 30 تفاخية ولا يقولون اي هذيل اللي زينا فيهم
باختصار المكان صغير كنت ادري شايفته
بس حاااار ومادريت بهالشي الكل يقول حر حر
تعاملهم بايخ حدة
وحفلتهم ياخذون عليها 10٪ خدمة
طلبت حق الكبار 4 بيتزا وطلبنا 15 ببسي طلع الببسي الواحد ب 750 فلس والحجم الصغير شدعوة ايطاليا !!!
البكيج مالهم كان 20 طفل واللي يو بالضبط مع بنتي 20 شخص
صار الحساب مع السيرفس 92 دينار هذا وانا عندي خصم 15 يعني من غير الخصم 107
هذا غير الكيكة وغير الالعاب انا يايبتهم من برا
يعني فرق عن برجر اللي من عندهم الكيكة والتصوير والفقرات وحدة احلي من الثانية والمكان الواسع والتعامل الحلو
المهم حبيت افيدكم بتجربتي تحسفت صج لان ما كانت واو ولا حتى بمستوى الحفلات العادية كانت تافهة
بس اهم شي ان ذكرى حق بنتي الله يخليها لي يارب و توبة
مع ان للامانة ببتزتهم لذيذة مالت الكبار طبعا انصحكم فيها اما مالت اليهال لا قاصين عليهم
شلونكم بنوتات اليوم سويت عيدميلاد بنتي ببيز بيزا
وقلت اكتب لكم تجربتي بالنفصيل عشان لا تتوهقون مثلي
تكونون عارفين كل شي
طبعا حفلتنا كانت من 5-7 لان في ناس حاجزين 8-10
ويحتاجون ساعة للتنظيف
طبعا الوقت كان مبجر فما بدينا الا 6 لان محد يي مبجر
البرنامج هو 5 العاب بس لان الوقت قصير ما سوو الا فقرتين لعبة الكراسي ولعبة اطول نفس
وعطو الاثنين الي فازو العاب بو امية وبنتي لعبة بو امية اذا صورتها احطها لكم وعطونا الثنتين الزايدين
طبعا ما عندهم احد يتكلم عربي بس انجليزي واليهال صغار قعدنا نترجم لهم
لان ما فهمو منها الا ساي هاي خخخخ
وبعدين يي بارني الصغار خافو بس اللي اكبر شوي قامو يرقصون معاه استانسو
وفيه شغلة مثل كرتونة ومع عصاية داخلها حلاو يطقونها لين تنفتح هذي انا طلبتها زدت عليها 10 دنانير
واحنا يايبين الزينة اللي تتطشر الساعة 7 الا ربع طفينا الشمع وبنطشر الزينة جان السيرفس تعصب تقول عندنا
عيدميلاد الساعة 8 ما يمدينا ننظف لا تطشرون مع ان جدامهم ساعة و ربع
المهم طنشناها وبطيناهم خل عالاقل يستانسون اليهال جان تطنقر وتطفي الاغاني وحفلتنا باقي لها ربع ساعة عالموعد االي من حقنا
رحت حق المدير ولا يقول بقالكم ربع ساعة قلتله هذي طفت الدي جي قالها تشغله
وطبعا الكيكة مو منهم طلبتها من بريد تالك وكانت عجيبة بحاول احط لكم صورتها
وبعدين وزعو عاليهال الوجبات وخلوهم ياكلونهم برا عشان الوقت
وانا كنت يايبة حق اليهال العاب وصفارات بو 100 وزعت عليهم
واحد من اليهال شاف بالونة حمرا اللي مكتو عليها ايم المطعم قال يبي قلت لهم ولا يقولون لا هذا بس حق اللي يتعشون بالمطعم واحنا شنو بالله قلتلهم انزين بشتري قالو 20 وحدة ب 5 دنانير شدعوة تفاخية بربع وبرجر يعطون كل ياهل
قلت لهم بورقتكم حاطين مع الحفلة 30 تفاخية ولا يقولون اي هذيل اللي زينا فيهم
باختصار المكان صغير كنت ادري شايفته
بس حاااار ومادريت بهالشي الكل يقول حر حر
تعاملهم بايخ حدة
وحفلتهم ياخذون عليها 10٪ خدمة
طلبت حق الكبار 4 بيتزا وطلبنا 15 ببسي طلع الببسي الواحد ب 750 فلس والحجم الصغير شدعوة ايطاليا !!!
البكيج مالهم كان 20 طفل واللي يو بالضبط مع بنتي 20 شخص
صار الحساب مع السيرفس 92 دينار هذا وانا عندي خصم 15 يعني من غير الخصم 107
هذا غير الكيكة وغير الالعاب انا يايبتهم من برا
يعني فرق عن برجر اللي من عندهم الكيكة والتصوير والفقرات وحدة احلي من الثانية والمكان الواسع والتعامل الحلو
المهم حبيت افيدكم بتجربتي تحسفت صج لان ما كانت واو ولا حتى بمستوى الحفلات العادية كانت تافهة
بس اهم شي ان ذكرى حق بنتي الله يخليها لي يارب و توبة
مع ان للامانة ببتزتهم لذيذة مالت الكبار طبعا انصحكم فيها اما مالت اليهال لا قاصين عليهم
