عيب يا بيت التمويل...

[toosh]

اسمحولي انا موظفة في بيت التمويل وكنت مثلكم مفكرته بنك حرامى وبوااق...الخ

بس لما تدربت واشتغلت صج اكتشفت والله العظيم انه كل اللي تقولونه غلط وهذا من واقع تجربتي لمدة 3سنين الى الان وانا متزوجة وعندي بيبي وحدي مرتاحة واحنا نشفت بدوام العصر مولازم ندوام العصر كله بس يومين الى 3ايام بالاسبوع لمدة ساعتين يعني اعتبري نفسج جنج رايحه سوق او صالون او حتى نايمه الظهر...
عموما انا احب بيت التمويل مووت وكل تعاملاته حلاااااااااااااااااااال على اساس رأي علماء دين كبار مثل الشيخ خالد المذكور وغيره

ورجاء لحد يتكلم على شي من باب مع الخيل ياشقرا!!!

 

[toosh]

وعلى فكرة لما يعنينوج يدورون اقرب فرع يم بيتكم ويحطونج فيه ولايفرضون عليج اي فرع

 

[toosh]

واذا تزوجتي على طول بلغيهم يودونج الفرع اللي يم بيت ريلج ..

والمديرات مو كلهم بس اغلبهم يقدرون الظروف ويقدرون اي جهد تسوينه بالفرع والله اني اشهد انه الغالبية من مديرات بيت التمويل الحين قمه في الرقي والتقدير والاحترام ...

 

[حوووور]

توش حبيبتي شلون قدمتي عندهم عشان رفيجتي ودها تتوظف عندهم ؟

 

[شندوخه]

ياربي شنسوي والله اهو البنك الاسلامي الوحيد بالكويت
انا ناطره بوبيان ان شاء الله
وعسى الله يسهل علينا

 

[((MiSS CuTe))]

ما احبة تعاملة سيء في الحين البنك الدولي العقاري سابقا اسلامي بحححححححححت غير بوبيان صاروا 3 بنوك بدال بنك

 

[toosh]

التقديم على الوظيفة عن طريق kfh.com
تدشين على قائمة " عن بيتك" وبعدين "وظائف" وتدخلين كل بياناتج كاملة وانشاء الله يتصلون فيج طبعا اذا عندج احد ممكن يساعدج ليش لأ بس اذا ماعندج صدقيني يقبلون لان معاي بنات بنفس دفعتي انقبلوا بدون اي توصية او واسطة خصوصا اذا كان معدلج بالشهادة مرتفع يعني جيد جداوفوق

اما بالنسبة لشهادات الدبلوم يقبلونهم بجميع التخصصات و بالنسبة للجامعيين نفس الشي
بس الحلو فيهم وهذا اللي خلاني احبهم اكثر :eh_s(21)::eh_s(21): انه الجامعيين على طول يحطونهم R.O يعني مشرف مصرفي نهائيا مايشتغل كاونتر(teller) :eh_s(9):
عكس كل البنوك الجامعي يقعد يشتغل بالكاونتر لما الله يفتحها عليه

 

[غنوة ستايل]

ما احب البنك هذا ما ادري ليش

 

[ملح بدويه]

لا حول ولا قوه الا بالله كلامج صحيح
نفس الكلام قالته لي موظفه بهالبنك

 

[بنت الكويت العسل]

البنك المتاسلم الحرامي اكبر بنك حرامي بالكويت كلها مااقول هالكلام الا من تجاربنا معاه انا بس انطر اشوف البنوك الثانيه شنو مميزاتها وبعدها بسحب عيلهم سيفون البنك النصاب قال اسلامي قال

 

[سـكـر زيـادة]

انا ما اعرف البنك


وانا اتعامل مع البنك الوطني وخذيت قرض منه


بس والله يا بنات اني احس معاشي ما فيه بركه ولا اقدر استفيد منه بشي

حسيت انه بسبة الربا وعسى ربي يعافينا ويغفر لنا



بس لي نية بإذن الله اني اول ما اخلص قرضي اني احول للتمويل اقل شي انه اسلامي لو كان فعله غير ذلك


اقل ما فيها احس براحة الضمير وان كان فيه شي هالبنك ويدعون انه اسلامي عليهم مو علي

وخذيت عهد على نفسي ما اخذ قرض ابد

وان بغيت فلوس ادش جمعيات مع رفيجاتي واجمع وافتك من الربا :\




اللهم اغفر لنا ذنوبنا واعف عنا

 

[HoNeY_GirL]

تسلمين ياتوشا عالتوضيح

لو سمحتوا بنات مو كل وحده تدش وماتدري عن البنك شيء بس اتشوف غيرها يذمون واتذم معاهم

ومثل ماقالت الاخت كويتيه برسيتج ورنين شكله الموضوع ملفق وتشويه لسمعت البنك والله اعلم

وفي حديث واضح وصريح عن الربا

أخرج الإمام مسلم فى صحيحه عن جابر رضي الله عنه قال : "لعن رسول الله صلى الله عليه وسلم آكل الربا وموكله وكاتبه وشاهديه، وقال: هم سواء" (4093).

واعتقد الكل يعرف شنو يعني اللعنه ؟

يكفي انه مو بنك ربوي وبس واللي يصير بذمتهم

عسا الله يبعدنا عن الربا ومال الحرام

 

[شمس الأصيل]

والله عيب

 

[بسمة حياته]

فال الله عز وجل: (ذلك بانهم قالو انما البيع مثل الربا واحل الله البيع وحرم الربا)