عيالنا وعيال الاجانب!!!

[قوطي فيمتو]

رررررفع

 

[انصاريه قمره]

مووو شرط
صج انه التربيه لها دووور لكن في فرووق فرديه يعني انا بناتي كل وحده تختلف عن الثانيه الكبيره هاديه مطيعه تسمع الكلام ما تحن ان قلنا لاء يعني لاء بدوون نقااش حبوبه الكل يحبهاا الوسطيه حركييه اسم الله عليها مشاغبه ترادد لسانها طويل ما تخاف من احد تمشي وتكفخ بعيال العالم حنااانه اذا ما عطيناها اللي تبي تقلب الدنيا اما الصغيه ليلحين ما يندرا عنهااا شخصيتها مو واضحه لكن احس انها مثل اختها الوسطيه

 

[نور دنياه]

حلو الموضوع .. انا اتوقع من التربيه تلاقين الام والابو حازمين ويا عيالهم، احنا تلاقين الام مسكينه تحط قوانين وتعاقب ويجي الابو بارده مبرده يعطيهم الي يبون بدون مايتعب نفسه بالعيال..
انا وياي بريطاني بالدوام يقولي انا امس مانمت الا ساعه سهران ويا بنته مانامت عندهم بنتين والام وكل واحد مسئول عن بنت مع انه عندهم خدامه بس ماقطوا عيالهم عليها قلت بقلبي وين ريايلنا يتعلمون منك خخخخ يبطون
وبعد شخصيه الياهل لها دور في يهال يطلعون عسرين وفي يهال هادين

 

[M!SS.LOBY]

الخدم لهم دور في خراب التربية

 

[M!SS.LOBY]

والبيئة المحيطة بالطفل لها دور كبير

 

[M!SS.LOBY]

الموضوع حلو نستفيد

 

[Um Tuki]

الشي اللي لازم تعرفينه حبيبتي
ان عيال الأجانب شياطين و أباليس أكثر من عيالنا !!

لا تقارنين احد بأحد لأن غلط

و لين يبتي يهال بتعرفين هالشي

 

[أمـ مبارك]

بالعكس

اعرف ناس تربية خدامات وماشاء الله عقال عيالهم ومؤدبين ويخلفون من امهم وابوهم

واعرف ناس تعبت امهم بتربيتهم وقسم بالله عناد ولسان زفر ودلع وخياس




انا اتوقع التربيه والعيال العقال والعدوء شي وفضل من الله ورحمه

ومع هذا ماننسي التربيه شي اكيد والام والابو وتعاملهم



انا صح شفت عيالهم محترمين ومؤدبين وشي خيالي بالاماكن العامه عكس عكس عن عيالنا




بس تدرين ليش السبب اللي محد ذكره من النات





ان احنا عيالنا


مدلعييييييييييييييييين مدلعييييييييييين اي شي يبووووه ياخذونه غالي رخيص بطيخ ذهب ناخذه ناخذه




اهم اهناك لو اغنيا تلاقين ولد ابو عشر سنين بس ورقه وقلم او دبدوب بايده




احنا ابو ١٠ سنين واهله حافين منتفين وعنده ايباد وايبود وايفون ولا مع هذا مووو عاجبه



دليل ان احنا معودين اعيالنا علي البطره والطلع



ومعروف الدلع يخرب



وغير هذا ياكثر النماذج اذا طلبو اكل من المطعم الكلمه المعتاده وع شنو هذا ابي غيره ويلا هات اطلب غيره




بس الله يهدي عيالنا ويصلحهم يارب

 

[Bio_reem]

موضوع جميل جدا

انا اعرف اطريقة لان امي الله يخليها جابت 7 والكل يستغرب شلون تسافر فينا ومن غير خدم وتكون مستانسة
وشلون ماينسمع حس بشقتنا ودايما مرتبة، لما كبرت قدرت كل شي سوته واتمنى اعرف اسوي مثلها


1) اهي وابوي متفقين محد يقول لا والثاني يكسر كلمته ويقول اي، اذا فعلا شايف انها غلطت يتفاهمون بعدين بينهم واللي قال لا هو نفسه يرجع يغير رايه مع سبب بدون ماندري ان ابوي اللي غير رايها، بجذيه محد فينا اذاقالت لا ركض لابوي

2) كنا ببيت يدي الله يرحمه وعمامي وعماتي وايد ماشاء الله بس امي خذت موقف صارم اذا نبي شي وطلبناهم يقولون استاذني من امج اول ومعلمتنا اذا عطوكم شي تستاذنون مني اول ، وقايله لجدتي انتي حسبة امي اذا قلت لا وعطيتوها ما اقدر اقول لج شي بس هي بتصعد الشقة راح تتعاقب وبان امي فعلا ما تطوف كلمتها جدتي الحين تقول والله اخاف اعطيكم تعاقبكم تالي هالليل

3) جدولنا اليومي ثابت القعده مبجر سواء مدارس والا عطلة ، الغدا ينحط مرة وحده اللي ياكل ياكل اللي مو مشتهي ينطر الوجبة اليايه ماكو طلب من بره والا يطلع له خرابيط، العشا مبجر، الشور يومي والكل يدخل فراشه مبجر يقرا شي وينام وحتى لو مافيه نوم يكمل قراءه لين ينام ماكو سهر

4) الكل يحط الغدا يفرش ويشيل صحنه مع ان عندناخدامه بس امي تطبخ

5) كان عندنا عدد مهول من الالعاب من حول العام بحكم دراسة ابوي بامريكا وانه كنا نسافر وايد ،نقدر نطلع العابنا ونلعب بس لما تقول خلاص نشيلهم وندخلهم الكبت ، اي واحد تظل لعبته بره راح تنقط ومايشتري بدالها ، يعني اذا باربي مثلا حتى لو بعدين رحنا محل العاب تقول لي اختاري بس باربي ماكو كان عندج وقطيتيها ... طبعا عمر 3 والا عشر كلمن يشيل العابه الخدامه مالها شغل

6) الحنه، امي مريحه راسها، اذا طلبنا نطلع مثلا المدينه الترفيهية وقالت لا الاسبوع الياي، اذا رجعت حنيت عليها معناته حتى ماكو الاسبوع الياي... يصير بعده باسبوع بعد عشان حنيت، اذا بعد حنيت مره ما ظنتي اشوف المدينه الترفيهية مرة ثانية

7) العقوبة من جنس العمل، اللي تحذف هدومها تصير مسؤوله عن تسفيط كل الملابس بالكبت، اللي ما تلتزم بجدول غسيل الملابس بالغساله ( كل وحده لها يوم) تغسل هدومها بالايد، اذا اثنين تهاوشوا على شغله وشكينا تقول روحوا غرفتكم وتفاهموا مع بعض يا تتوصلون لحل والا هالشغلة تنشال عن الاثنين

8) تسمع لنا ودايما نسولف معاها ومع ابوي يطون فيه وقت كلنا نتجمع على فراشهم ونخطط للويكند، او سفره الصيف وكل شي بالتصويت وراي الصغير حاله حال الكبير.

9) النوم دايما مبجر، قبل النوم بنص ساعه نطفي الليتات ونخلي الاباجوره وكل وحده بيدها قصة يوم عربي يوم انجليزي ، ومرات تخلي الليقاعده تتعلم القراءه هي اللي تقرا علينا كلنا، وساعات تقعد بالنص وتقراها لنا ، القراءه كان شي ضروري عندنا، انا كنت اسال وايد وانا صغيره شرت لي موسوعه علميه من 13 جزء انهيت قراءتها بثالثة ابتدائي ، ومرات اسالها تقول لي ببساطه ما اعرف بس دوري الاجابة بالكتب واذا عرفتي علميني وكنت اتحمس لما اعرف شي ماتعرفه واعلمها اياه، خلاي احس بمتعه المعرفة

فيه وايد اشياء بس تعبت من الكتاب يمكن وقت ثاني اكمل

 

[Bio_reem]

بعد شغلة مهمة
عمرها امي ما جذبت علينا، اذا بغت تطلع ما تتحاش من ورانا ولا تقول بروح الطبيب وهي رايحه السوق
لا دايما تقول لنا انا بطلع وبرجع بعد ساعه والا ساعتين

وبالنسبة للكلام والسب حتى لو بنت عمي او وحده بالروضة قالته تقول لي احنا ببيتنا مانقول هالكلام مالنا شغل ببيوت الناس لكن داخل شقتنا ببيت يدي اذا قالت وحده من بنات عمي كلمه مش ولابد او سبت تخليها تنزل من الشقة تقول ببيتنا مانقول هالكلام ، عموما كل يهال العايلة اذا امي موجودة ما يطولون لسانهم
لان اهي من البداية تقول لعبوا عدل بدون صراخ وكلام مو زين وطق ممنوع ببيتنا

 

[opera]

لو عيال الاجانب مؤدبين ومتربين عدل جان ما صارو متمردين لمن يكبرون !! وجان ما سوو برنامج سوبر ناني تربي عيالهم

 

[انصاريه قمره]

بيو ريم مشالله عليهاااا امج الله يحفظها ويعطيها طولت العمر مثااااليه حيل اعجبتني شخصيتهاااا الله يحفظهاااا

 

[Bio_reem]

انصارية ويخليلج امج ويعطيها طولة العمر والصحة والعافية

اي هو انا احاول بس يبيلها شخصية قوية وثابتة واعصاااااااب بالبداية الياهل ممكن يعاند او يستمر يبجي فترة طوييييييله فتتعبين وتستسلمين
او تكونين راده من الدوم مالج خلق عناد فتتساهلين لكن انا ما اذكر مرة امي اخلت بقواعدها

هم يبيلها ذكاء اجتماعي مع اهل الزوج بالذات انا ماني قادرة احط حدود يدته تحس من حقها تعطي وتدلل امي ماخسرت عمامي بالعكس كاسبتهم ويدتي ام ابوي عندها ٧ بنات غير الاولاد اذا بغت شي تدق على امي وتفقدها تبيها تمرها كل يوم وتدق عليها يوميا .... يبيلها بعد ريل موافق على طول الدرب


صعبة التربية بصراحة فيه ناس على بالها التربية اكل وشرب ولبس ومشترى العاب وتدريس

 

[شوكلاتة سويسرية]

بيو ريم ماشاء الله امك امراأة عظيمة وذكية اللع يخليها لكم

 

[Bio_reem]

ويخليلج امج ويطول بعمرها