عيالكم جننونا

[$$درر والماس$$]

انا مره كنت العب مع اعيال اختى لعبة الكراسى علشان يطخون شوى وقبل لا يروح قلت حق ولد اختى لا تقول حق ابوك انى كنت العب معاكم

زين حبيبى جان يقول وانت ليش خبله تلعبين مع يهال

 

[اخت فايز]

رد : عيالكم جننونا

انا عكسكم قبل لا اتزوج اختي مااااااااااتفكر مجرد تفكير تخلي عيالها عندي لانها تدري ماااااااواطن الجهال والحوسه كانت تحطهم عند اختي الثانيه وانا مو حاسبيني منالعايله بهلموضوع....وبصراحه مرتاااااااحه

عاد تصدقين تزوجت وعيلت ولازلت ماتحمل العيال ولا احب حوستهم وكله معصبه ع الجهال حتى الجهال ماقاموا يجون صوبي لاني كله ازفهم

 

[الأميرة الحزينة]

لوووول حتى انا قبل ما اتزوج كل عيال خواتي على جبدي يقطونهم ويمشوون:RoadRunner: وانا كنت بيومها احب اليهال بس عقب كرهتهم خخخخ حتى امي تقول حق خواتي استاثمتوا بالبنت صارت ما تحب اليهال ولا بتتزوج عشان لا تييب عيال لووووول بس عقب الزواج بدت تنفج العقدة :wqedqw:

 

[عانيت بسكااات]

لوووووووووووووول شفتو شلون احنا متعذبين يالمتزوجات :krkrkr:

تذكرون هذي قومي ارقصيلي مرة هم كانت عندي ودق خالها على تلفون بيتنا راحت ركض وردت وطبعآ شنو تطلع الروح

على طول من تشيل السماعة الو كلنا نايمين ليسس داقين يالله باي حتى اللي عالخط ما يلحق يقول الوو :krkrkr:

المهم خالها رد دق وعصب عليها عشان تسمعه قالها وين امج قالت له بالطبيب ( طبعا هذا عذر الامهات لعيالهم عشان مايرحون معاهم ) :eh_s(2):

المهم قالت تعالي يبيج ،سألني عن اخته تالي سكر ،،

عقب ماسكر تقولي مو عيب تكلمين رياييل :eh_s(2): قلت له هذا خالج وانا خالتج يعني اهو اخوي :eh_s(4):

وقفت وتخصرت وقالت بكل برود وهي تهز راسها :krkrkr: انا مو ياهل هو ولد عمج وولد العم مو مثل الاخو :krkrkr:

 

[fdeet_shosho]

لوول انا عن نفسي عيالى اخليهم عند خدامتى بس ببيت امى يعنى لازم احد كبير بالبيت يراقبهم بس مو دايم اخليهم عند اختى بس عندى وحدة من خواتى الله يهديها عيالها اربعه وبدون خدامه تقطهم يوميا عند اختى بحكم دوامها واختى الصغيره توكلهم وتلاحقهم وتلبسهم بالاخير واعليا حاشتها حاله نفسيه وصداع مزمن والحين بس تمشي وتصارخ لووووووول تقول كرهتونى باجر لما يصير عندى عيال شلون اتحملهم - بس هذي فايدة الخوات الله لايحرمنا منهم

 

[Un-6be3iya]

ههههههههههههههههههه واااي اهم شي قومي ارقصيلي @@
واي اشوة اخوي واختي اصغر مني وكلنآ مو متزوجين !!

 

[aṕriliå]

رد : عيالكم جننونا

انا عند اخت عن مليووون ياااهل اوووووووووووف>>عصبت

 

[بتبوتااا]

هههههههههههههههه حلاتهاا والله الله يحفظهاا يارب

..

ذكرتيني بموقف قبل لا اتزوج كانت امي طالعه واخواني يحوسون بالبيت وقالت لي ديري بالج عليهم المهم
اسمع الباب يطق طق يخرع رحت ركضه بطلت الباب ولا خدامه تقول لي في بيبي واقف عالسطخ @@! . ؟

ركضت لسطح ولا اختي واخوي الصغير واقفين على سور السطح تخيلوووووووووووووو والله العظيم اني وقفت تخشبت بمكاني
واهم من خرعتهم يبون ينحاشون ولا اقول لهم بصراااخ لحظه لحظه خلكم مكانكم ولا حركه ورايحتلهم بالبطيء وجسمي يبرد بالبطيء
لمن مسكتهم اثنينهم ونزلتهم .. اهو طراق اهو فناقر اهوو طق سنه بسااعه فيهم وبعدين لميتهم وخفت عليهم امبي صج صج موقف ما انساااااه
من يومها وانا كله عيوني عليهم ..لين كبروو والحمدلله ..
الحين مع اني متزوجه وعندي عيالي الله يحفظهم دايما عندي ويمي ما احب اغفى عنهم .. وعندي اختي مرات تقط عيالها عندي يلعبون مع عيالي والعكس ,,
فعادي يعني متعوده عاليهال والازعاج واللويه والصراخ وكل حاقه ,,

 

[aṕriliå]

رد : رد: عيالكم جننونا

هههههههههههههههه حلاتهاا والله الله يحفظهاا يارب

..

ذكرتيني بموقف قبل لا اتزوج كانت امي طالعه واخواني يحوسون بالبيت وقالت لي ديري بالج عليهم المهم
اسمع الباب يطق طق يخرع رحت ركضه بطلت الباب ولا خدامه تقول لي في بيبي واقف عالسطخ @@! . ؟

ركضت لسطح ولا اختي واخوي الصغير واقفين على سور السطح تخيلوووووووووووووو والله العظيم اني وقفت تخشبت بمكاني
واهم من خرعتهم يبون ينحاشون ولا اقول لهم بصراااخ لحظه لحظه خلكم مكانكم ولا حركه ورايحتلهم بالبطيء وجسمي يبرد بالبطيء
لمن مسكتهم اثنينهم ونزلتهم .. اهو طراق اهو فناقر اهوو طق سنه بسااعه فيهم وبعدين لميتهم وخفت عليهم امبي صج صج موقف ما انساااااه
من يومها وانا كله عيوني عليهم ..
مع اني احب اليهال ودايماا معاهم الاعبهم وادير بالي عليهم طبع فيني .,
والحين مع اني متزوجه وعندي عيالي اختي مرات تقط عيالها عندي يلعبون مع عيالي والعكس ,,

امبيييه انا احس اعظامي بردت

 

[غيوره ومغروره]

لوووووووووووووووووووول حده موضوعج عجييييب
قبل ما اتزوج كنت الحاضنه الرسميه لعيال الفريج ؟ اقصد خواتي
بس بعد ماتزوجت قمت ااسافر واخلي اعيالي عندهم الحين

 

[روحي تحبه غصب]

لوووووووووول

موضوع عجيب اب اب للوناسه

 

[أم فتوته]

رد : عيالكم جننونا

هههههه
امبيه يحلاتهم اليهال والله يضحكون ولا هذا قومي سويلنا عصر آنا والشباب ههههههههه يحليييله

 

[لـك وحـشـه~~~]

رد : عيالكم جننونا

لووووووووووول


آمبيه


عاد انا اختي بس وحده اكبر مني


وعندها بنت ولد


شششششنو مزعجين

مره كنت قاعده ولا ولد اختي يقولي انتي ماجربتي الطراق


جان اقول لا


جان يقووم يصكــنـي ذاك الطراق

و أهو عمره 5 سنين

اسم لله عليه


يماا عيال اخر زمن

 

[So0oKaRa]

مححححححححححححححد تحمل عيال خواته كثرييييييييييييي
وخروووووووو قلبي متروسه قلبي طافحه
يامه خربو مكياجي يامه حفرو حمري بصابيعهم اللي مال عض
ولا القهر لما امهاتهم يردون يعصبون علي ليش دقيتي ليش منفسه ليش موغاسله ويه عيالنا
اقول استريحووووووووو
مره كنت توني شاريه عدسات يدد يهبلون وخاشتهم عشان اليهال مايلعبون فيهم
ماشوف الا ولد اختي قاعد عند المغسله ومندمج
يوم اروح ولا فاتح علبه العدسات وقاطهم بالمغسله
قلتله ليييييييييييش
قال قاعد اغسلهم لج
آآآآآآآآخ اشوه تزوجت وافتكيت منهم لووووووووول

 

[الجفول&]

رد : عيالكم جننونا

ياو ماتحمل ازعاج الجهال بالذات ولد اختي عمره 5 سنين من بد احوانه موذي ومزعج واااااااقشر اقشر حيل يمه يجنني اذا هو موجود البيت يستنفر الجهال كله يشيشون معاه شنو يسوي يسون مثله..والله حتى السوالف مانعرف نسولف لازم يحذف علينا شي مره عصبت عليه جان اخذه احطه تحتي واقعد عليه بس مطلعه راسه عاد اناضيعفه وهوضعيف امي تقولي ياهبله انت حامل يعورج قلت ابيه يهجع بنسولف بتقهوى نبي هدوء شوي حتى وهو تحتي طايح فيني تقرص وعض هههااااي هاليومين هاب بلعبه جديده يقلب الكنبه ويقول يله انتزحلق وطبعا كل الجهال معاه

 

[*peace*]

لوووووووووووووووووووووووووووول

عاد انا خواتي يستانسون لي وديت بنتي عندهم

 

[دنيتي غلا]

رد : عيالكم جننونا

انا اتذكر مره خذيت ولد اختي معاي السوق عبالي هادي بريح امه منه لان حامل وتعبانه وتخليوا بنات كل مامرينا محل يمشي ويقطع باوراق الاسعار وربي فشله م قلب ومن بعدها حرمت اخذ بزران معي صدق بلشه .............

والله يعين امهاتنا علا عيالنا ولا البنات مايطقون خبر .............

 

[*sweetgirl*]

انا قبل تزوجت واخوي توه يايله ولد وكان مولود مافيه ازعااج

بس الحيين انا يالله اتحمل عيااالي علشان اتحمل عيال اخواني وخواتي كل واحد يمسك عياله عنده ومايشوف شر خخخخخ

اذا يهال مايتحركوون يعني اقل من سنه او 6 شهور مو مشكله مقدور عليهم

<< واصله حدها لوول

 

[ريتااجي]

رد : عيالكم جننونا

أنا ولدي ماأخليه عند أحد

حتى أمي دااايم تقول لي إذا طلعتي أو بتروحي مكان خليه عندي

بس أنا أخاف عليه أحد يعصب عليه أو يضربه

بس أختي والله تخلي عيالها عندنا فرضا بتروح مستشفى أو سوق أو مطعم

تخليهم عندنا وتروح وشوفي الازعاااااااااااااااااج والهواش على اصوله

ولما نقول اليها ازعجونا أو تهاوشوا أو اسم الله عليهم شياطين تزعل

لوووووووووووووول

 

[bnfsjiya]

وووووووووووووووووووووع تكفيييين سسكري على هالموضوع امبييييييييييه لايعه جبدي من شي اسسمه يهال .,~

احنا واايد احفااد عندنا بالبييت .,~ ولايعه جبدي منهم بكل معنى الكلمه لا اقدر ادرسس ولا انام ولاشي لااازم لااازم اذا فترة امتحانات اطقها بجوووه .,~

وماقدر اتكلم .,~ وامي هم ماتحب تتكلم ولا تقول شي

وانا اللي ماكلتها بهالبييت .,~

وحريم اخواني مو مقصرين كلهم يعاندون امي مع انها مسسكينه والله وااايد حبوبه معاهم وعشان اهيا سساكته عنهم كله قاطين عيالهم عندنا .,~

اووووف فيني قهر والله خليني سساكته .,~