عيادة دنتل كير للاسنان...زينه...وفيها دكتورة..؟؟

[زبــــــــدة]

السلام عليكم

بسأل عن عيادة دنتل كير اللي بالسالميه زييينه...وفيها دكتوورة ولا بس دكاتره رياييل...
وشلوون اسعارها...

واللي تعرف عيادة زينه واسعارها مناسبه وفيها دكتورة تقولي ^_^

:tek:

 

[الـغـــلا]

اعرف دكتور اسنان ممتاز اسمه صلاح الكندري عيادته في المهبوله قدام بيت السيندباد

واسعاره مناسبه واذا تخافين من الابر يخدرج بمادة جل عشان ماتحسين فيها

 

[.:بحر:.]

حبيبتي انا ماعندي فكره عن العياده ولا جربتها

بس اذا كنتي مفكره فيها لازم تروحين هاليومين وباجر الصبح دقي اخذي موعد لان عندهم خصم 30% لي نهايه شهر 8 وحرام يطوفج



انا يبتلج الرقم وانشالله تستفيدين لاني سمعت انهم وااايد زينين

5721201




ودمتم سالمين :tek:

 

[زبــــــــدة]

مشكووورين بناااااات

ثانكس بحر حبيبتي

 

[ذلتهم عيوني]

انا سويت عندهم تلبيس قبل جم سنه طبعا استشاري التجميل والامور هذي دكتور بدر الانصاري اخذلي المقاسات من اول مره واعدني بعد اسبوع عشان يوريني مجسم اسناني بعد التعديل لما عجبني اتفقنا على السعر وطبعا انا احتجت امور كثيره منها علاج لثه وعلاج عصب وتنظيف كل دكتور بالعياده له شغلته مره حولني على دكتور هنديه علاج عصب ولما احتجت تنظيف وحشوات حولني على دكتور كويتي نسيت اسمه وفي الجراحه دكتور فلبيني بس شغلهم زين

 

[زبــــــــدة]

ذلتهم عيوني

جم كلفج كله

انا بعد ابي علاج لثه وتلبيس اسناني اللي جدام؟؟؟

جم كلفج يعني؟؟

ومشكوووووورة

 

[الفزاعة]

وحده من الاهل تعاملت معاهم من جم سنة وماتمدحهم
نسيت السبب بالضبط
يمكن تسنعوا الحين ما احط بذمتي

 

[ريومةالمزيونة]

لا لا لا لعيادة دنتل كير...نصيحة لوجه الله لحد يروح لبدر الانصاري
والله العظيم موشي...امي صار فيها رعب من الاسنان بسبته..واهي لي اليوم تدعي عليه..لعب فيها عدل حسبي الله عليه وما عنده خوف من الله..خلاها تنزف وراح يكلم بالتلفون ولما لحتقته وقلت له امي اغمى عليها...توقعو شقالي؟؟؟
اوووووووووه ما تشوفيني اكلم بالتلفون ورقع الباب بوجهي..تالي دقيت عالاسعاف شالوها
والله والله هذا اللي صار ..ونصيحة من مجرب لحد يروحله هذا قصاب مو طبيب ولا تغريكم الاعلانات اللي يحطها بالجرايد
مثل مانغرينا فيها وبالتالي اكلناها؟؟؟

 

[sara al3soola]

انا سويت عندهم تبييض اسنان خرابيييييييييييييييط والله قطيت 150 دينار عالفاضي ولا ولا شي مو شي هالعياده

 

[أميرة الحزن:)]

اي فيها
وايد زينه
انا اختي كانت تودي عيالها على دفعات منالك عدلت كل ضروسهم ماشاءالله
الخربانه
بس الدكتوره وايد زينه
تهبل
وشغلها منييييييييح كتيييييييييييييييييييييييييييير

 

[أميرة الحزن:)]

اها سوري انا اتلخبطت حصبالي دنتل ايت
بس يوم قريت السالميه عرفت
لا عياده دنتل ايت بحولي بمجمع البحر :denya:

 

[احلى حلوه]

انا عالجت اسناني العصب والحشوات والخلع كل شي بدانتل كير الي بالسالميه او الشعب مو متأكده وين
شغل الدكتور يهبل اسمه شفيق لبناني ايده خفيفه وهذا اهم شي عندي يعني اول ما اقعد عنده اغمض عيوني وانطره متى يقولي خلاصنا قومي بدون ما احس بشي مشاء الله عليه ويقولي: اذا حسيتي بشي بسيط كل الي عليج انج ترفعين ايدج وانا بوقف وازيد البنج ..والله يا بنات ولا مره رفعت ايدي عنده لاني ما احس بألم كلش .
بعد ما خلصت العلاج بدنتل كير بغيت اركب تقويم بس ما عجبني دكتور التقويم عندهم غالي بالفين دينار ومدته التقويم اطول قالي سنتين ونص
رحت لعيادة الحمكه وركبته ارخص بالف دينار ومدته سنه ونص يعني فرق كبير

 

[راقية باخلاقي]

اب اب

 

[ماريوتا]

انا توني مركبه تقويم بعياده ابهاا

شغلهم لو ومرتب ونظيف

ومسوين خصم عالتقويم 10% وعلى باقي الشغلات 15 %

وهذا رقمهم 23721607 او 23721507

واذا عندهم دكتوره انا الي ركبلي التقويم هنديه

وشفت والله فلبينيات يحوسون بس مادري حق شنوو

دقي عليهم واستفسري

ماتشوفين شر انشالله

 

[أحبك خفاا]

اعرف دكتور اسنان ممتاز اسمه صلاح الكندري عيادته في المهبوله قدام بيت السيندباد

واسعاره مناسبه واذا تخافين من الابر يخدرج بمادة جل عشان ماتحسين فيها

هلا حبوبة مجربتة شلون اسعاره ياليت تفيديني اكثر انا سمعت عنه بس مو متاكده

 

[asd345]

لوسمحتم عايزة اعرف يعنى اية تلبيس اسنان بالاخص للامامية وكم السعر لة بالظبط

 

[elzyn]

من قلب اقولج وخري عن هالعياده خربوا اسناني وكلهم التهبوا علي وفوق كل هذا حرااااميه واسعارهم نااااااااااااااار