عووور قلبي ولدي

[مس أسد]

قبل يومين طهرت ولدي عند الدكتووور معرفي بالفحاحيل وحست إن اطهارته مو شي أمس ولدي مايبجي حيل واليوم بس يبجي يغط شوي ويرد يبجي أنا أعرف ان مع الوقت يخف ما يزيد العوار وشكله احمر حييل ودكتوور ما عطاني إلى كريم أسمهTraumaplant وموعد الاسبوع الجاي يشوف الطهاره شسوي الحين؟

 

[keep smilling]

حطي له خواجوا وان شاء الله يصير احسن

 

[روووح ابوها]

عااادي انا ولدي مايبجي .. وكان احمر حييل يخف لا تحااتين اهم شي يبول ..

 

[روزي25]

انا ماحب طهاره د.معرفي

عيالنا كلهم عند طارق المخيزيم بالفحيحيل مشاء الله ايده خفيفه ومايعور وبسرعه يطيب

انتي حطي له كريم فيسيودين اللي عليه اسد مرتين باليوم ونقطي له مره بحفاظته عشان ما يلتهب

وبيخف ان شاء الله

 

[om Firas]

الله يشفيه يااارب

 

[tmtmt]

ياقلبي ان شاءالله مافيه الا العافيه

 

[ديانا سبنسر]

الله يشفيه اهم شي حطي مرة علشان الطيب لاياثر عليه وعزج الله ترا بوله يبريه

 

[لمساتـي]

مثل ماقالت اختى سكيب

حطيله خوا جواا روووعه راح يرتااح ولدج

 

[مس أسد]

مشكوورين على الردوود بس بغيت أسال أنتو تسبحوون عيالكم وهم توهم مطهرين يعني الصابوون أذا حاش المنطقه عادي وبعد ودي أنقعه بماي وشوية ملح وبنفس الوقت خايفه يعوره مع إن الملح معقم شرايكم؟

 

[‏إنگِسَارْ آلشَـوْق ..!]

الله يشافيه ويخليه لج
ماعندي فكره

 

[حب الرّمان]

انا ولد اختي طهرت ولدهااا بمستشفى المواساة وقايل لها

نقعي بماي وملح ولمدة ثلاث ايام وترا موشرط يبجي بس وقت تغيير البمبرز عرفتي ومافي ألا العافيه

 

[حب الرّمان]

وعادي على السبووح تسبحينه مالا شغل بالطهور

 

[ام ريان3]

السباحه عادي اختي وماي وملح وماعليه الا العافيه واحسن لج وديه المستشفى تطمني

 

[آهات الليل]

لايحوشه صابون وسبحيه عادي
نصيييحه مسحي عالجرح بالمره والله زين وبيلتام الجرح وحطي خوا جوا

 

[الفدنه]

سبحيه عادي بس لازم الصابون مومعطر
ونقعيه بماي وملح مايحرقه بالعكس يريح<<<مثل الخياط بعد الولاده شلون نرتاح لي تنقعنا بالماي والملح
واذا يبجي عطيه ادول يخفف عليه العوار
وانشالله طيب وماله شر