خل البكا عنك كف الدمع بهدابك
ماعاد ينفع رجاكي لو ترجيتي
قبل تشوفين دمعك ويش سوابك
شوفي وش اللي مع الايام سويتي
رحتي لوقتك وخانك وقتك وجابك
لاتقولي انك عشان الود رديتي
عودت قلبي على فرقاك وغيابك
كل ماسألني أقول انك توفيتي اللي قبل كان يكتبلك ويقرالك
في عز ماكان محتاجك تخليتي
غلاك كذبة عمر عاشوا بها احبابك
كذابه لو قلتي انك بيوم حبيتي
كل الدروب الوداع اليا مرت ابابك
وكل الاماني ضياع اليا تمنيتي
وجهك ذبل حنينك طارت اسرابك
حتى القلب ماسلى في يوم مريتي
بالصدق كانت دموعي تحرق اعصابك
ماكان خنتي وفا قلبي وتضحيني
زرعت حلم الزمان ومات في ترابك
وغرك صمتي في البعد وتماديتي
يكفيني اللي خسرت وضاع بسبابك
شكرا على الحزن كفيتي وفيتي
انا انتهتبي سنيني مااقدر ابدابك
ودعت الاوجاع من رديت عافيتي
وانتي تركتك على آخر سطر بكتابك
ذكرى رحلتي عن البال وتلاشيتي
لوسامحتك السنين ودمعة اعتابك
مايسامحك حلم اليا من مر صحيتي
ولو كنتي العمر ماعاش بك وعنابك
مثلي تركتيه للفرقا وصديتي
ردي علي الحزن انتي شرك اولابك
خلك حزينه وروحي مثل ماجيتي ..
