عودت بنتي وتوهقت!! :(

[FuSheYa]

السلام عليكم

بنااات تكفوووون اللي عندها خبره تساعدني

انا بجر وبنتي اسم الله عليها ان شاءالله 15 الشهر تكمل شهر... انا ليلحين بالنفاس

المشكله اني عودتها على الشيل!!! كنت مستانسه اول بيبي وكله اشيلها اول اسبوع او 10 ايام
فالحين تعودت ماتنااام الا مشيووله
واذا حطيتها بالفراش تكمل النومه واذا حست اتعفر ما تسكت الا لما نشيلها

صج صج تعبنا اسم الله عليها تخرع تصير طلسه من البجي قلبي يعورني

مرات اقول بخليها ماني شايلتها بش قلبي مايطاوعني تكسر الخااااااااطر حياتي :"""""""(


تكفوووون شسوي
كافي عليها البجي والتعصر من المغص والغازات بعدقلبي (((((


نقذووووني

 

[دنيتى زوجي M]

انا كنت جذي بس امي قالت لى تعودت على رحتج خليها بفراشها وحطي يمها ملفعج اي شي فيه ريحتج

وعلى المغص والغازات شنو ترضعينها ؟ اذا مو طبيعي لازم تغيرين حليبها يمكن مو مناسبها

 

[noo7a]

نفس الحاله
يقولون لي لمن يبجي لا تشيلينه
يبجي شوي و يسكت
بس انا قلبي مايطاوعني على طول اشيله

 

[GaLbI t7aWaL]

والله عاادي آنا الكل كان يقولي لا تعودينها ولا تعودينها

بس من تكبر بعد جم شهر خلاص عوديها ع القعاديه وجبال التلفزيون

 

[فلافل وبطاط]

فديت البيبيات ... اذا ما وراج شي شيليها خل تشبع
منج وشبعي منها ...

لا جد هي لي كبرت راح يتغير طبعها انا مثلج جذي
لان بجري بس بلشت بعد الشهر احطها بسريرها ..
واذا بجت اهزه عالخفيف لين تتعود ... لان صج راح
تتعود على ريحتج واتأذيج ...

 

[al7our]

فيه شراب اسمها الهملايا حيل حلو للأطفال للغازات روحي للصيدلية و سألي عنه

 

[FuSheYa]

مشكوووووين حبايبييي

والله تعبت اليوم اسم الله عليها الصبح من الساعه 6 لي 11 الظهر بس تبجي... هذا توقيتها كل يووووووووومممممم
والله تبجي وانا ابجي معاها مادري شفيها
نظيفه وشبعانه وافر فيها الدار تسكت وادري فيها حدهاا دايخه بتنام بس مو قادره

انا صارلي يومين الحين واليوم الثالث عقب الساعه 12 بليل ما أعطيها حليب اذا ياعت أعطيها ينسون او جاي البيبي مال المغص من الحواي
صج تعفر ماتبي اقعد ساعه ونص وانا اشربها بين كل لقمه والثانية بجي 3 دقايق :"""((((((


وعن الشيل تهقون متى تبدي يتغير هالطبع؟
انطر والا اعودها على القعده بالفراش بدون شيل؟؟
والله والله اني تعبت... يمكن بعضكم حاس فيني لان مر بهالتجربه :"(

 

[FuSheYa]

على الحليب أعطيها بيبيلاك بس اليوم اول مره أعطيها ابتميل بجربه يمكن ترتاح عليه اكثر

والقطرات للمغص عندي غاز و انفاكول
غير ماي غريب و الينسون وجاي الأعشاب

 

[ام عفاف الكويت]

البطن حيلج باليانسون
والغاز بمبي اللى من الصيدليه
ماي الغريب احسن شي اخذي من المستوصف يسونه بشكل اسبوعي مو مبيت او محفوظ
بالنسبه للشيل انا بجري كنت جذي ولدي لا خليته بالقاع
قالوا لي خليه يبجي ويسكت والحمدلله

 

[April 29]

انا نفسج لما عودته
خليها تعفر تعفر لما تشوف ماكو فايده وتسكت
واذا قلبج ما طاوعج خلاص شيليها وترى من تصير شهرين او ثلاث خلاص تتغير طبعها
قعديها عند التلفزيون على كرسيها اللي يهز وخليها بتتعود تكون على الاقل بدت تشوف وتستوعب

 

[زينانه]

مشكوووووين حبايبييي

والله تعبت اليوم اسم الله عليها الصبح من الساعه 6 لي 11 الظهر بس تبجي... هذا توقيتها كل يووووووووومممممم
والله تبجي وانا ابجي معاها مادري شفيها
نظيفه وشبعانه وافر فيها الدار تسكت وادري فيها حدهاا دايخه بتنام بس مو قادره

انا صارلي يومين الحين واليوم الثالث عقب الساعه 12 بليل ما أعطيها حليب اذا ياعت أعطيها ينسون او جاي البيبي مال المغص من الحواي
صج تعفر ماتبي اقعد ساعه ونص وانا اشربها بين كل لقمه والثانية بجي 3 دقايق :"""((((((


وعن الشيل تهقون متى تبدي يتغير هالطبع؟
انطر والا اعودها على القعده بالفراش بدون شيل؟؟
والله والله اني تعبت... يمكن بعضكم حاس فيني لان مر بهالتجربه :"(

ويي اكيد راح تبجي لانج تعطينها شي ماتتحمله معدتها
حرام عليج لا الينسون ولا شاي الحواج يفيناسبها
عطيها بس حليب وماي ومغلي الكمون ومنقوع ماي وتمر
بس
اذا شفتيها متضايقه اخذي ماي مغلي وصبيه عالكمون الحب وخليه ينقع 10 دقايق عقب شربيها
وكذلك ماي التمر يهبل اخذي 4 تمرات واهريسهم بماي حار ويذوبون خليهم شوي ليما ينزل التمر تحت ويبقا الماي فوق صبيه لها بالرضعه وشربيها

 

[زينانه]

وترى شي طبيعي جدا ان البيبي اول جم شهر
يبجي بجي وغازات ويتعبج
بعدين يتغير
حتى الشيل والهز يقولون لاتشيلينه راح يتعود
انا اشوف اذا راحته وراحتي بالشيل ليش لا
ومع الوقت بيكبر وينسى الشيل
مالج شغل بهالحجي

 

["*آآآنؤؤؤقهـ*"]

هو على التعود الله يعينج


وعلى الغازات ماي غريب


وعطيها يانسون



والحليب لاتغيرين حليبهاا

واذا بتغيرين مو علطول. قفشه من حليبها الاول وقفشه من الجديد


بو جم يوم وعطيهل لاجديد بروحه




الله بخليها لج

 

[A7la-SmiLe]

عندنا وعندج خير
نفس بنوتي وانا بجر وياتني بعد 4 سنين ولله الحمد
وماتطيح من ايدي تخيلي وألحين مااسكت الا من تشيلوني عمرها شهرين بعد عمري
اكيييد دكتورتج ريم قنواتي عدل ؟ لان قالت لي بعد الساعه 12 عطيها اعشاب !!
المهم اذا على الشيل شيليها شبعي منها وخليها تشبع منج
--------- خراب هالبنت
سوي طريقة الدكتوره الي قالت لي عنها ,, الياهل مايفرق بين الصبح والليل ف من اتيي الساعه 12 بدليها وغيري حفاظتها وعطيها رضعتها من الحليب وسكري الليتات يعني جو ليل حتى ابجوره لاتفتحين طرفي باب الغرفه وعندج الليت الخارجي وتشوفين ,, خليها بفراشها واذا بجت خليها 10 دقايق واذا استمرت بالبجي شيليها رضعيها .. يوم يومين وبتتعود واذا على البجي خليها تبجي على قولة اميمتي يبجي ويسكت مارح يصير فيه شي !! خلي الارض اتربي
عطيها يومين ورا بعض يسون وتمي يومين لاتعطينها الا الحليب وبعدها يومين تمر
لان الينسون تكرمي كل يوم يسهل بطن البيبي
في دوا اسمه انفاكول للغازات واايد زين يريح وهم ينوم البيبي يعي ينام مرتاح
للامانه في ناس يذمونه وناس تمدحه وانتي سوي سيرج وهم سألي بالنسبه لبنوتي ارتااحت عليه

وعسى الله يخليلج بنوتج ويبلغج فيها عروس​

 

[FuSheYa]

البطن حيلج باليانسون
والغاز بمبي اللى من الصيدليه
ماي الغريب احسن شي اخذي من المستوصف يسونه بشكل اسبوعي مو مبيت او محفوظ
بالنسبه للشيل انا بجري كنت جذي ولدي لا خليته بالقاع
قالوا لي خليه يبجي ويسكت والحمدلله

توها اقعدت وشربتها ينسون بعدقلبي
حبيبتي مشكوووووره عيل بروح أخذه من المستوصف ماي غريب

انا نفسج لما عودته
خليها تعفر تعفر لما تشوف ماكو فايده وتسكت
واذا قلبج ما طاوعج خلاص شيليها وترى من تصير شهرين او ثلاث خلاص تتغير طبعها
قعديها عند التلفزيون على كرسيها اللي يهز وخليها بتتعود تكون على الاقل بدت تشوف وتستوعب

بحاول ان شاءالله من باجر اخليها ان شاءالله اقدر
حبيبتي مشكوووره

 

[FuSheYa]

ويي اكيد راح تبجي لانج تعطينها شي ماتتحمله معدتها
حرام عليج لا الينسون ولا شاي الحواج يفيناسبها
عطيها بس حليب وماي ومغلي الكمون ومنقوع ماي وتمر
بس
اذا شفتيها متضايقه اخذي ماي مغلي وصبيه عالكمون الحب وخليه ينقع 10 دقايق عقب شربيها
وكذلك ماي التمر يهبل اخذي 4 تمرات واهريسهم بماي حار ويذوبون خليهم شوي ليما ينزل التمر تحت ويبقا الماي فوق صبيه لها بالرضعه وشربيها

والله عطيتها منقوع التمر بس ماستمريت عليه الصراحه
انا حسيتها أرتاحت على الينسون الحمدالله
وان شاءالله بجرب الكمون

وترى شي طبيعي جدا ان البيبي اول جم شهر
يبجي بجي وغازات ويتعبج
بعدين يتغير
حتى الشيل والهز يقولون لاتشيلينه راح يتعود
انا اشوف اذا راحته وراحتي بالشيل ليش لا
ومع الوقت بيكبر وينسى الشيل
مالج شغل بهالحجي

حبيبتي مشكوووووره اهم شي ترتاااااح ان شاءالله

هو على التعود الله يعينج


وعلى الغازات ماي غريب


وعطيها يانسون



والحليب لاتغيرين حليبهاا

واذا بتغيرين مو علطول. قفشه من حليبها الاول وقفشه من الجديد


بو جم يوم وعطيهل لاجديد بروحه




الله بخليها لج

حبيبتي مشكوووره
امبيه عاد عطيتها الحليب اليديد مساع كانت اخر رضعه

 

[FuSheYa]

عندنا وعندج خير
نفس بنوتي وانا بجر وياتني بعد 4 سنين ولله الحمد
وماتطيح من ايدي تخيلي وألحين مااسكت الا من تشيلوني عمرها شهرين بعد عمري
اكيييد دكتورتج ريم قنواتي عدل ؟ لان قالت لي بعد الساعه 12 عطيها اعشاب !!
المهم اذا على الشيل شيليها شبعي منها وخليها تشبع منج
--------- خراب هالبنت
سوي طريقة الدكتوره الي قالت لي عنها ,, الياهل مايفرق بين الصبح والليل ف من اتيي الساعه 12 بدليها وغيري حفاظتها وعطيها رضعتها من الحليب وسكري الليتات يعني جو ليل حتى ابجوره لاتفتحين طرفي باب الغرفه وعندج الليت الخارجي وتشوفين ,, خليها بفراشها واذا بجت خليها 10 دقايق واذا استمرت بالبجي شيليها رضعيها .. يوم يومين وبتتعود واذا على البجي خليها تبجي على قولة اميمتي يبجي ويسكت مارح يصير فيه شي !! خلي الارض اتربي
عطيها يومين ورا بعض يسون وتمي يومين لاتعطينها الا الحليب وبعدها يومين تمر
لان الينسون تكرمي كل يوم يسهل بطن البيبي
في دوا اسمه انفاكول للغازات واايد زين يريح وهم ينوم البيبي يعي ينام مرتاح
للامانه في ناس يذمونه وناس تمدحه وانتي سوي سيرج وهم سألي بالنسبه لبنوتي ارتااحت عليه

وعسى الله يخليلج بنوتج ويبلغج فيها عروس​

واااااي حبيبتي مشكوووره
انا دكتورتي امل الراشد وعلى الأعشاب وقطعت الحليب بعد 12 والله رفيجاتي قالولي اسوي جذي اذا اكملت شهر تقريبا
انا المشكله اني ما أنام بليل فأخلي الليت مبطل
توني لما قريت ردج صكيت الليتات وبس على التلفزيون
انا اعطيها انفاكول بس مو كل يوم والله بس اذا حسيتها وايد متعسره
واسم الله عليها ما تشيش الا الصبح
من ال 6 تقريبا لي 11 بس تبجي مادري شفيهااا قلبي يعورني *

 

[om MaRyooM]

البنات ماقصرو


بس عاد اذا فحطت واايد لا شيليها حرام .. هم خوفج على سرتها لا تنتفخ او تورم من كثر البجي علبو انه بتعودينها لوول

بس لما تروحين انشالله بيتج عوديها عالكرسي . . واذا قاعدة ساكتة خليها بالكرسي او بفراشها تلعب لاتشيلينها الا وقت اللزوم

 

[ريحانة_14]

تحن شوي وتالي بتسكت

 

[๓ίşś зśŏłả..!]

اي لانج عودتيهآ
بنتي البجر عودتهآ اني اشيلها وصج توهقت حتى النوم ماذقته
بس بنتي الثانيه كلش ما عودتهآ وهذا احسن شي واريح
انا مع دنيتي زوجي خلي ملفعج او شي خاص فيج يمهآ تشم ريحه وتنآم
واذا عن عوار البطن والغازات عطيها يانسون او ماي غريب
والله يخليها لج