عوارات ومغص دوره وانا حامل

[sweet fashion]

السلام عليكم
بنات انا بالاسبوع السادس امس سويت سونار بين الجيس والبيبي نتفه الحمدلله
بس والله احس بعوارات جنها طلوق مع مغص الدوره كل العوار صوب الرحم
ماني قادره اتحرك من الالم
كلمت الدكتور قال بس ريحي وصارلي يوم كامل مريحه
الله لايوريكم الالم

بنات منو صارلها جذي؟

 

[ام ريومه.]

رد : عوارات ومغص دوره وانا حامل

ريحي حبيبتي ماكو انشالله الا العافيه اقري ع نفسج واذا ماخف لي باجر راجعي احسن الله يثبت حملج انشالله وتقرعينج بشوفة البيبي بحضنج يارب

 

[fufu el7lwa]

ريحي ولا تمشين ولا تشدين وخلج هاديه وراجعي الدكتوره

 

[ام ريومه.]

رد : عوارات ومغص دوره وانا حامل

اي وسمعت ان الحامل مع كل موعد دوره اتحس بالم الدوره لااتخافين

 

[sweet fashion]

مشكوريين بنات
الله كريم يارب
والله يسمع منج ام ريومه

اكلت باسكوبان وماخف العوار الله يعين

 

[الباحثات عن الجمال]

راجعي الدكتوره يا حبوبه وبالعافية إن شاء الله.

 

[دآنة آلرشآيده]

اقري صوره البقره
وكلمي الدكتور خل يعطيج ابره مثبته
والله يتمم عليج يارب

 

[sweet fashion]

مشكورين بنات
دقيت على العياده محد يرد
ماادري شسوي عوار يذبح
والله انه طلوق وااي

 

[هوازن العتيبي]

رد : عوارات ومغص دوره وانا حامل

شوفي يالغلا انا بدايه السابع صار نفس ماصارلج طلوق بغيت اموووووووت اروح المستشفى العدان يقولي ريحي وماكو الا العافيه
بس بغيت ااموت قلت لالالالالالا لو شنو ماطلع من عندكم افحصوني انشالله لو داخلي بس افتك من الالم اتضح عندي التهاب في البول ("تكرمون)
بكتريا حاده بس ربج حفضني انا وجنيني واكتشفت الالتهاب
لا تخلين روج انا ماابي اخرعج بس الالم انا مجربته وحاسه فيج

 

[sweet fashion]

بنات تدرون ان الالم اللى جاني بعده صار اجهاض
الحمدلله ياربي
الله كريم ان شاءالله

 

[Om 3zo0oz_2011]

رد : عوارات ومغص دوره وانا حامل

الله يعوضج يارب

 

[+ Gloom +]

رد : عوارات ومغص دوره وانا حامل

حبيبتي ولله فاشن ربي يعوضج ويعوضني معاج وكل وحده تبي الحمال لا تتكدرين انا هذي السنه طرحت مرتين وقلت الحمدلله لان ربي كبير انشالله

 

[mooma]

حبيبتي ارتاحي و لما تنامين حطيلج مخده تحت ريلج
بتقولين صغيره شتسوي هذي بس تسوي عمايل هالصغييره ترى
و انا كان يحووشني مغص و عوار بطن و كل شوي عزج الله اروح الحمام
بس ديري بالج لا تتعصرييين عادري العوار
و انا الحين بالاسبوع ال 12 و ليلحين يحووشني الم جذي
و دايم بفترة الدوره يحووشج الم الدوره من كل شي هذا شي عاادي
بس ارتاااحي و الله يثبت ما في رحمج

 

[غنوة ستايل]

اذا العوار مع افراز غامج شوي . او اصفر . اخذي مثبتات
اذا بس عوار عااااادي .

 

[sweet fashion]

مشكورييين بنات بس خلاص انا طرحت
قلوووووووم ان شاءالله ربي يعوضني انا وياج امين
تدرين هذا ثاني اجهاض الله يكون بالعون
الحمدلله يارب

 

[ام صاالح]

رد : عوارات ومغص دوره وانا حامل

الله يعوضج يارب

 

[اختكم بالله]

الله يعوضج ان شاءالله

 

[Miss-_-Fl0wer]

الله اعوضج حبيبتي انتي وغلووووم

 

[LiL MaMa]

رد : عوارات ومغص دوره وانا حامل

الله يتمم عليج و يرزقج الذريه الصالحه

عليج بالراحه التامه

وانشالله مافيج الا العافيه

 

[شوق شوقى]

الله يعوضج ان شاءالله