اااااااااااااااه بس
السلااااااام عليكم بنووووتات حباااايبي انتوووا والله جد جد اااااسفه و مادري شسوي عشان اعبر عن اسفي :0bee2e8d89:
المهم ماني مطوله و يالله هذا الي قدرت عليه سامحووووني
...........: شنـــــــــــو؟! حآآآآآآآآآآمـــل؟!
ام ناصر: اي والله يمه حامل
بدر: بس أكيد مو مني!
ام ناصر (بكل هدوء الدنيا): اهي شقالتلك بالضبط؟ ما بررت لنفسها؟ ما قالت شي؟
بدر (نزل راسه بأسى): بلى يمه..قالت انـها مظلـومه..وانها ما سـوت شي..و انهـ ...
ام ناصر (تقاطعه): انا شقايلتلك؟ مو قلتلك ما تتصرف الا لما تسمعها شتقول؟! بتينني انت؟ هالبنت طول عمرها جدامي و عارفتها عدل..و عارفه تربية اهلها لها.. مستحيل تكون غلطت..والحين انت سودت ويهي جدامهم! طق و طقيتها.. فضيحه و فضحتها و خليت حتى اهلها يمدون ايدهم عليها! ماتخاف ربك انت؟!
بدر (تنرفز و قام): يممممه! انا ولدج شلون تصفين وياها ضدي؟! ابيج عون تصيريلي فرعون؟!
ام ناصر: انا ما عندي ولدي ما ولدي..انا مع الحق
بدر: و هذا حق يعني؟! البنت مخربطه...شنو تبيني اتم وياها طول عمري؟! عيالي تصير امهم بنت شوارع؟! و شوفي الحين هي حامل!
ام ناصر: احترم نفسك يا بدر ولا تقول عنها بنت شوارع..تذكر انه عندك خوات ما تزوجوا..ماخفت عليهم؟ ماخفت انك تظلم البنت و يصير هالشي بأختك؟ ترى حوبتها ما تعداك لو كنت صج ظالمها..
بدر: (قام) اوهوووووووو انا طالع
ام ناصر (عورها قلبها عليه بس شتسوي؟ ما تبي تكون ظالمه)
.............................................................
بالمستشفى....الساعه 2 بالليل
شيخه: (فزت من نومها...معرقه...حرارتها مرتفعه..مخترعه) هئئئئئئئئ بسم الله الرحمن الرحيييم اعوذ بالله من الشيطان الرجيم اعوذ بالله منه!
التفت حوالينها...تبي تشوف اي احد يمها يطمنها..يقولها هذا كابوس و بتقومين منه مثل ما قمتي الحين...بس وين يا حسره؟ مـــــــــــاكو احد
شيخه: (غطت ويهها بايدها و اطلقت العنان لدموعها) لييييش ياربي لييييييش انا شسويييييت بدنيتي عشااان تكون هذي يزاااااتي...آآآآآآآآآآآآآآآآآآه ياااااااارب تعبااااااااانه تعبااااااااااانه...يااااارب يا حي يا قيووووووم يا رب يا غفوووور يا رحييييييم اللهم اني انا المضطر وانت المجييييب لااا اله الا انت سبحانك اني كنت من الظاالمين..اللهم اني اسألك حاجة في كامن القلب انت ادرى بها فحققها لي انشاءالله...اللهم امييين اميييييين
.....................................................................................
.....: ايييي بس يابووو خالد!
بو خالد: لا بس ولا شي...الي اتفقنا عليه انا و الجماعه يأم خالد يصير
ام خالد: حرااام عليكم والله حرااام ماتخافون ربكم؟ بنت بنتك هذي شيخه يا بو خالد اصحى الله يخليك اصحى
بو خالد: عقب ما سودت ويوهنا!؟ شووفي تروحين الصبح تبلغينها طيارتها عقب باجر تروح تسوي العمليه و ترجع!
ام خالد: (بجت) حسبي الله عالظالم حسبي الله عليه
...................................................................................
.....: الووو؟ طلوووول؟!
طلال: (بنفسيه) اي انا طلال اخ بدر
بدر: هلا هلا والله...ولهت عليك يال....(ماكمل كلامه)
طلال: (انفعل و قام يصرخ) اسمعنييييييييي زييييين يا بديييير والله والله ان صااااار باختي شي ماتلووووووم الا نفسك فااااااااااااهم؟!
بدر: (انصدم)....
طلال: طوووول عمري وانا اتخيلك ريل شيووخ...اتخيلك يمها...رافع راسك فيها و رافعه راسها فييييك...بنيت لكم احلى الاحلام بخيااااالي...تخيلتكم احلى اثنين... عطيتك اياها وحلفتك بأغلى شي عندك انك تصووونها و تقدرها...وعدتني انك تحطها بعيووووونك....
بدر: (عصب) انتوا شنوووووووووووووووو ماتحسوووون فيني؟! والله والله لو اي وااااحد منكم مكاااني جان عذرنيييي.....يااااخي تعبت منكم خلااااااااااص كل واحد يلومني و يقط علي جم كلمه تسم البدن من صوووووب....ما ارتاح من اهلي تيييني انت؟!
طلال: لااااااا لو كنت مكانك ما سويت جذي....افكر بعقلي قبل قلبي...هذي فيها سمعة و شرف و حيااااة بنت! اختي بغت تروووح من جيس اهلها ليييش؟ لانك ما سمعتها و لا صدقتها....انا رفييييييجك يابدر رفيج درررربك....وهذي اختي انت يمكن عارفها احسن مني....واثق بتربيتها و اخلاقها...طول عمرك تدش و تطلع علينا والبيت بيتك...ااااخ بس اااخ يا بدرررررر
بدر (حس بذنب شوي): الحين شلونها؟
طلال: بيسفرونها بره
بدر: @@ ليش عسى ماشر!
طلال: (بكل حزن) بيسوون لها اجهاض
بدر: نعــــــــــــــــــم؟! منو و شلوووووون؟ حرااااام يا طلااااااااااال
طلال: (خانته دموعه) وانا شسوووووي قوووولي شبيدي اسوي؟ والله انا تعبااااان
اصارع من كل الجهااااات....ماقدر انا بروحي اوقف بويه الكل!
بدر: لا حول ولا قوة الا بالله...انزين مممم تهقى شيخه ترضى ارد لها عقب الي سويته فيها؟
طلال: مادري والله...عالعموم انا وصلت الحين عندها و بدش الغرفه
بدر: اوكي...طمني عليها و حاول تجس النبض شوفها تردني ولا لا
طلال: خلاص تم و اسف لو غلطت عليك بكلمه ولا شي بس من حرتي على اختي والله
بدر: هههههه يالغالي حصل خير
طلال: خوش عيل...يالله فمان الله
بدر: فمان الكريم..
صكه طلال و دش الغرفه...شافها بحاله هيستيريه
شيخه (تتصارع ويا الممرضه): ماااااااااااااااااااااابي ماااااااااااااااااااابي ماتفهميييييييييييييييين انتييييييييي؟! وخريييييي عنيييييييييي (رفعت راسها و شافت طلال) طلوووووووووووووووول حبيبي الله يخليك وخرها عني شوووووفها بتقزني ابره ماااابي ...تقولي مهدي...انا مافيني شي مابي اهدى وخرهاااااااااا
طلال: (ركض صوبها) اسم الله عليج شيخه تعوذي من ابليس انتي حرمه كبيره خلاص يبه اهدي اهدي
شيخه: (لمته) لا تخليني...بياخذون ولدي مني قبل لا اشووووفه طلااال
مسح على شعرها بكل حنيه..
"والله الي تشوفينه مو شويه...يااارب اعنها و صبرها يااارب"
طلال: اهدي انتي الحين و الي كاتبه ربج يصير
شيخه(امتلت عينها دموع): يعني صج بسافر؟
طلال: (اكتفى بانه ينزل راسه)
شيخه: طلول..انت مصدقني صح؟ انت تدري اني ما سويت شي غلط صح؟
طلال: اي عارف حبيبتي عارف
شيخه: عيل ليش ما وقفت بويههم؟ طلال حرااام ينذبح ولدي و اهو بعده ما انولد والله حراام
طلال: شيوخ...بدر يقول مممم
شيخه: (فز قلبها) شيقوووول؟!
طلال: مممم اهو واايد متندم و وده يرجعلج...انتي شرايج؟
شيخه(مصدومه):....
طلال: لا تستعيلين بالرد عادي اخذي وقتج..اهم شي تسوين الي انتي ترتاحين له و تشوفينه صح
شيخه: طلال انا.....
مشاعر مختلطه.....حب.....شوق....حقد...ضياااع....كرامتي فوق كل شي!
أسامح؟ انزل من قدر روحي؟ الي سواااه مو شوي!
بس اهو تندم!
صراع بين العقـــل....والقلـــــب
اااخ يالتفكــــير....
شنو رد شيخه لطلال؟
بترد لبدر؟
احمد و شهد وينهم مختفين؟
سوري بنات هذا الي قدرت عليه اتمنى تسامحووني...الحين يالله يمديني احط راسي و انااااام....سامحوني عالقصور و عالغيبه الطوويييييله
يسلمو
