عنـدج خـدامـة ؟ متى يبتيهـا بأي ظـرف ؟ و شنو شغلها بالبيـت !! فيدونـا

[اخت خالتهم]

السـلام عليكم ورحمة الله وبركاته

شلـونكم بنات شخبـاركم !

سـؤالي متى يبتي الخدامه اذا عندج خدامه و شنو شغلها بالضبـط ؟
ودي أشـوف آرائكم و تجاربكـم ..
يعني هل كل شغل البيت عليها !! والا بس اذا زوجج راح تدخل الشقة تعـدل و ترتب !!
و الا بس تمسك الياهـل !


فيدونـا قواكم الله

 

[اخت خالتهم]

و أخيــرا نـزل

أب
أب



و أي جنسيـة تنصـحـون ؟​

 

[Moim]

ما عندي خدامه بس اب لعيونج

 

[رنيم الروح]

ههههههههههه حبيبتي بالنسبه لي انا ماعندي خدامه عايشه بروحي
بس اشوف بيت اهل زوجي انه يعتمدون عليها بكل شي حتى الاكل
وبيت اخت زوجي الكبيره تعتمد عليها بس ترتيب تنظيف وغسيل لكن طباخ لا

 

[اخت خالتهم]

مشكـورين بنـات

أب
أب

 

[mira]

آنا بصرآحه ببيت اهلي متعوده ع الخدامه شغل البيت كله عليهآ
والحين تزوجت وتورطت صرآحه بس قلت لزوجي آحمل من هنا وتجيب الخدامه من هنا يعني ان شاء الله مع اول طفل لي يكون عندي خدامه واخلي كل شيء عليها الا طفلي !!
آتمنى افدتك بشيء

 

[أم ميميتو]

انا ساكنه بروحي بس ما عندي خدامه وما احب الخدم نهائيا امي ما عندها وام زوجي هم ما عندها ان شاءالله البنات افيدونج انا بالنسبه لي لو كان في خدامه بالبيت تكون حق التنظيف وبس اما الطبخ لا والف لا وهم بعد حق اليهال لااااااااا

 

[مجنونه هواهـ]

انا بنسبه لي يبت خدامه حق شغل البيت
الظرف الي يبته اني حامل وما اقدر اشتغل كل شغل البيت
انا الي اجلس شوي مع ريلي وبس هاذا الي اقدر وهي باجي الشغل عليها
انا ما احب الخدامات بس شسوي انا عندي هنديه مشاءالله حلو شغلها ونظيفه

 

[أغلى حبيبه]

الخدم اللي ايوني للمساعده

يعني انا اغسل الملابس واهيا تضرب اوتي

انا اطبخ واهيا تغسل المواعين

ترتب الصاله والغرف وتنظيف الحمامات

عيالي مالها شغل فيهم ولا باكلهم ولا لبسهم انا اللي اطبخ واغسل لهم

ويبتها الله يسلمج قبل لا اييب بجري يمكن كنت بالسادس واهيا موجوده عندي

 

[++MesK++]

شوفي يا محفوظة السلاامه

انا يبت خدامه عقب ما صار عندي طفلين الله يحفظهم


لاني موظفه و ساكنه بروحي و ماقدر كل يوم اقطهم عند اهلي و انا رايحه الدوام وايد صعبه علي



شغلها تنظيف البيت + تدير بالها على عيالي بغيابي فقط ....



غسيل الملابس + الطبخ + تنظيف غرفة نومي و حمامي و غرفة التبديل = انا اللي اسويه


لان ماحب اكل من ايد الخدم , و ماحب تدخل غرفتي تحوس فيها و تبلغ شفها


و بس سلامتج ,, اي استفسار ع الخاص ​

 

[اخت خالتهم]

مشكورين بنات ما قصـرتوا
لان ودي اييب خدامه .. انا حامل و جامعتي من الصبح ليي العصر واحيانا المغرب ..
واحاتي البيت وصاير مالي خلق اعدل كلللللللللللش

 

[ام الدرر]

مشكورين بنات ما قصـرتوا
لان ودي اييب خدامه .. انا حامل و جامعتي من الصبح ليي العصر واحيانا المغرب ..
واحاتي البيت وصاير مالي خلق اعدل كلللللللللللش

حبوبة الحين انتي وريلج بس
يعني الشقة ما فيها ذيج الحوسة والوصخ مجرد تتيب اخر الليل قبل لا تنامين
وعندج غسيل الملابس والكوي غسلي الملابس اول باول والكوي اخذي الاساسيات اللي تحتاج كوي لبيت امج نص الاسبوع يكوونهم
والمطبخ مو شرط تطبخين كل يوم اذا جدولج لي متاخر
الخدامة بتحتاجينها اذا ولدتي بالسلامة
تساعدج بشغل البيت
فطلبيها بشهورج الاخيرة على ما توصل وتتعلم
والخدامة انصحج بالفليبينية
عسى يعطيج هون الطلق وزين الخلق ويقومج بالسلامة​

 

[قآنون كيفكـ!!]

الله يثبت حملج يارب ..
من رايي توج على الخدامة اللي تقدرين علية بشغل البيت سوية واللي فوق طاقتج خلية ..
لان وقت دوامج صبح وعصر ووالوقت هذا ريلج وين يكون يرد البيت وتوج عروس من عدادج لج خمس شهور بدري عليج والله
خليها على مايشرف ضناج ...

 

[أكذب عليك]

عن نفسي من قبل وانا ابيا اهلي ماعرف شي ماحب الكوي ولا الغسيل
وكنت كل يوم اخذ من خدم اهلي لما كنت ادرس حيييل تعبت والشقه كبيره 
الحين لما حملت قدمت ع فلبينيه وحاليا عندي خدامه بس تكويلي وتنطف
بس ماتلمس المطبخ انا ماحب احد يلمس قلاص او ملعقه بشقتي بس ان شالله
الفلبينه تكون زينه لانه مالي خلق نطرره

 

[فوفو22]

حبوبه سؤالج غريب

كل وحده ظروفها تختلف

في الموظفه وفي ربه البيت

وفي من عندها خدامتين واكثر وفي ...............الخ

بشكل عام والمفروض

الخدامه تسد مكان الزوجه اذا هي بالخارج

ولكن ربعنا نسوا دورهم وصارت هي ماما ميري ......وهي ابله ميري تدرس انكليزي .....وهي كل شي

فوفو

 

[shak!shoka]

امممممم
تبين نصيحتي
قدمي ع الشغاله من الحين

انا قدمت ثلاث مرات و كل نره انطر ٣ شهور و اخر شي يقصون علي

مقدمه ع الشغاله من كان عمر بجري ٦ شهور !! الحين سنتين وانا حامل و هاذي ايامي تخيلي


لا خدامه و لا بطيخ !


الله يعيييييينج

 

[ام كداوي]

سلام بما ان زوجي متزوج قبلي فيابلي خدامة عشان مااقعد بروحي بالبيت وهو عند مرته الاولى عشان اخاف من النوم بروحي مع انو والله الخدامة مخوفتني اكثر من عقب مانسمع عليهم من جرايم بس الله يستر
المهم انا ماشالله مرة نشيطة ومو موظفة ومااحب الكسل فانا لي اخدم الخدامة ههههههه انظف غرفتي اطبخ اقعد مع بنتي ماخليها تجي صوبها يعني الخدامة غسيل وكوي وتنظيف باقي الشقة ومرات اساعدها حتى انو الخدامة مستانسة علي

 

[بيتي بوب بس كويتيه]

انا قبل لا اييب بجري ما يبت خدامه 3 سنين ويبت بجري وظليت 6 شهور على ما يبتها
واهيا للحين عندي صارلها 3 سنوات
والشغل البيت تنظيف وخمام وغسل مواعين
ومجابل اليهال طبعا مو دائماً ولدي الكبير سمله عليه حوسه واهيا تراكض وراه لأني ساكنه عند حموله فلازم اهيا تكون معاه اذا بيلعب
اما الثاني عندي دايم لانه توه 3 شهور
والطباخ علي وغسيل الملابس علي حتى ملابس عيالي انا اغسلهم

 

[اخت خالتهم]

مشكورين بنات و اساسا اذا يبت خدامة الللحين بخليها تخدم خالتي
لان انا في بيت حموووله و حملي صعب حتى الدكتورة تقول ادعي ربج يثبت
والله كريم

 

[فـراوله]

حبيبتي شوفي بشنو حاجتج لها وجيبيها كل وحده لها ظروف

​