عندي مقابله بمكان مهم

[اغلاغلا]

بسم الله الرحمن الرحيم
قووووووه بنات شلونكم
عفيه بنات انا محتاجتكم حييييييل وابيكم تنقذوني
انا الصراحه عندي مقابله في معهد الكويت للابحاث العلميه
وخايفه وحتاره حيل ومادري شنو نو عيه المقابله ولاادري شنو الاسأله
*لاني اول مره اسوي مقابله فيها
الي عندها خبره او خلفيه او تشتغل هناك تساعدني
لاني بجد ضايعه وخايفه وا لا انام اليل
سااااااااااعدوني
الله يارب يفتح بوجيه من يساعدني ويناولكم الي تبون

 

[awashamen7asha]

اول شي الله يوفقج و اقري اذكار و ادعية
دخلي سايتهم تصفحيه عدل و حفظي معلومات عن المكان
يمكن يسألونج اشياء لها علاقة بتخصصج او الادارة الي بحطونج فيها
اكيد بيسألونج عن نفسج اسأله عامة. ليش اخترتينا؟ و تكلمي باختصار عن نفسج؟ و جم سؤال ينرفزون يبون يشوفون ردة فعلج

هذي اشياء عامة بكل المقابلات
اهم شي ردج يكون قوي و واثقة من نفسج و اجوبتج واضحة ووافية (مو : لأ , نعم, مادري, يمكن, انشالله)

توكلي على الله وخليج واثقة بنفسج وابتسمي و لبسي رسمي.

 

[Peony]

رد : رد: عندي مقابله بمكان مهم

ماشاء الله كفت الي فوقي ووفت
اسئلة عن المعهد
وليش قدمتي عليهم
وليش مو متوظفة ليمن الحين
وهل قدمتي على مكان غيرنا حتى لو الديوان ؟؟؟
وعن تخصصج
ووو التزمي بالي قالته الي فوقي بكل شي حتى اللبس ولاتقعدين معاهم بنظارتج الشمسية ديري بالج
وو موفقة حبيبتي

 

[نـعـومـه]

رد : عندي مقابله بمكان مهم

اهم شي الثقه بالنفس هذا اللي يبونه

متى كان التقديم ؟؟ ماتدرين متى يفتحون التقديم مره ثانيه ؟؟

 

[نـعـومـه]

رد : عندي مقابله بمكان مهم

وحاولي انج تنسين سالفه الاجازات او الطبيات لاتسألينهم الا عن طبيعه الشغل وجذي

واذا قالولج ترا عندنا ضغط ولا كرف مستعده حق هالشي قولي ايييي

 

[دانة))))]

رد: رد : عندي مقابله بمكان مهم

مرحبا بنات
انا معاكم قلبا وقالبا

الله يعينكم

 

[اغلاغلا]

مشكورين وااااايد الصراحه كفيتم وفيتم
ويارب يناولكم الي تبون ياحي ياقيوم ويجبر بخاطركم
بس مو مشكله انا راح التزم بالي قلتوه واخلبه بين عيوني
الي سالت عن التقديم ومتي يفتح الصراحه مادري لكن وقت تلمقابله بسالج وان شالله القي اجابه

 

[اغلاغلا]

مشكورين وااااايد الصراحه كفيتم وفيتم
ويارب يناولكم الي تبون ياحي ياقيوم ويجبر بخاطركم
بس مو مشكله انا راح التزم بالي قلتوه واخلبه بين عيوني
الي سالت عن التقديم ومتي يفتح الصراحه مادري لكن وقت تلمقابله بسالج وان شالله القي اجابه

 

[Om_il3ubed]

رد: رد : عندي مقابله بمكان مهم

انا قابلوني من زمان ولا ردولي خبر ههههه

انا حللت طبيعة الاسئله شوفي ياويخيتي

اهو مثل ما قالو البنات

كل واحد من الي مقابلينج بيده ورقه ويسالج اسئله.. الورقه على ما اعتقد فيها 10 خانات لازم يقيمونج فيها..

من ناحية معرفتج بالتخصص
معرفتج بالمكان
طبيعة الشغل
الشغل الجماعي
التفكير بالمستقبل
الثقه بالنفس
العمل تحت الضغط
وجذي عرفتي

انا الي كانو بمقابلتي 3
وحده من العلاقات العامه.. مسؤول القسم الي مقدمه عليه انا و وحده باحثة علميه او شي جذي

انا مقابلتي كانت اغلبها انقلش

الله يوفقج ويوفقني ويهديهم ويدقون علي لوول..

انا قدمت شهر 9 و امتحنت شهر 10 و الامتحان الثاني شهر 11 و المقابله شهر 12 والحين ناطره اشوف قبلوني او لا

 

[اغلاغلا]

انزين حبايبي بغيت اسال انا سمعت ان المقابله بالانقليزي
انا مو ملتعه بالانجليزي يعني مستواي يعتبر متوسط
والصراحه خايفه من هالنقطه
لانه اذا كانت الاسئله كلها بالانجليزي راح اتوهق
ابي اعرف شكثر نسبه الانقليزي بالاسئله
وعلي فكره انا مقابلتي عند وحده اسمها ماجده خليل
ابي اعرف زينه ولا عسره

 

[اغلاغلا]

انزين حبايبي بغيت اسال انا سمعت ان المقابله بالانقليزي
انا مو ملتعه بالانجليزي يعني مستواي يعتبر متوسط
والصراحه خايفه من هالنقطه
لانه اذا كانت الاسئله كلها بالانجليزي راح اتوهق
ابي اعرف شكثر نسبه الانقليزي بالاسئله
وعلي فكره انا مقابلتي عند وحده اسمها ماجده خليل
ابي اعرف زينه ولا عسره

 

[frawlah_83]

رد : رد: عندي مقابله بمكان مهم

بالتوفييق ان شاء الله البنات كفووا ووفوواا واهم شي الثقه بالنفس .. في بالقسم مووضوع مثبت عن مقابلات العمل اخذيلج في فره واقري شنو الاسئله الي تنسأل...