عندي مشكله :(

[زينب 12]

مرحبا
قبل يومين فأجاه نزل علي دم وكان احمر مثل دم اذا كنتي مجروحه من شي
قمت علطول رحت الطوراى وسوى لي الدكتور سونار وقال الحمدلله الجنين عايش
عقبها رحت الحمام وانتو بكرامه عشان تحليل البول الا كلي دم ونزلت جم قطعة دم
قام الدكتور سوى كشفيه وقال ان عنق الرحم مسكر وان الجنين بخير
ويوم 2 راح الدم الوايد بس صار اذا مسحت بكلنكس مع الافرازات دم بني غامج وايد
واليوم 3 الحمدلله ماكو دم بس الافرازات صايره ورديه
وايد خايفه انا اجهضت قبل لما كنت بالاسبوع. 7
والحمدلله الله عوضني وحملت وباجر ادخل اسبوع. 12 بإذن الله
احد صار له قبل مثلي وان الجنين بخير مابي افقده تعبت فيه وايد :eh_s(16):
وان شالله باجر موعدي مع دكتورتي عشان اطمن
دعواتكم
وربي يرزق كل محرومه والحامل ربي يتمم عليها ويرزقكم ويرزقني بالطفل السليم

 

[جوزائيه مغروره]

ربي يتمم عليج ويثبته لج حبيبتي

ارتاحي واخذي مثبت ولو امكن يكون ابره افضل مفعولها اقوى

انا اتوقع المشيمه نارله لانها صارت فيني

نزل علي اول مره دم وبالثانيه دم مع قطعه

 

[Behtar2]

يمكن مشيمه او رحمج ضعيف لازم ترتاحين
بس ليش ماعطاج مثبتات ؟

 

[مذهلة2013]

عادي حبيبتي ارتاحي حييييل حيييل
اكيد كنتي باذله مجهود قوي
واخذي مثبتات يا تحاميل يا ابر ياحبوب
واقري عليه ترا وايد ناس نزل عليهم دم عادي

 

[# غنوجة بيبي #]

وايد ناس نزل عليهم دم و ثبت البيبي

بس خليج مرتاحه لا تتحركين


انا قبل صارلي نفسج و اجهضت و السبب اهمالي ما ارتاح و امشي

وصلت 13 اسبوع و اجهضت

و بعدها انقرصت هالحمل ما امشي وايد خفيف

يعني اخذي حبوب التثبيت و يفضل ابر تثبيت مفعولها اقوى

و تحاميل تثبيت

و نامي و حطي تحت ظهرج نهايته مخده و رفعي ريولج

لا تتحركين كلش بس اللهم الحمام

و لا تستخدمين الحمام العربي.. استخدمي الافرنجي

و اذا بتروحين الطبيب ركبي ول جير لا تمشين

والله اكثر اللي ينزل معاهم دم يثبت حملهم


و تطمني قطعة اللحم اللي جنها جبد هذي المشيمه مو البيبي

يعني الحمدلله البيبي عايش

بس ارتاحي

و سمعت بعد النشا حيل مفعوله قوي في تثبيت الجنين


و الامر الاول و الاخير بايد رب العالمين

لازم تكونين مؤمنه و واثقه برب العالمين

في كل شي خيره سبحان الله

الله يثبته يا رب.. حاسه فيج لاني مريت فيها قبل

 

[بنوته زوجها]

ايه صح زي ماقالت مذهله
وايد حريم ينزل عليهم دم مرات يكون شوي ومرات يكون وايد
الدكتور قالج ان الجنين سليم ومافيه اي شي .. الحمدلله طمنج
لا تتوترين ولا تشيلين هم
انتي ريحي نفسج ولا تجهدين عمرج وايد
الله يثبته يارب
الله يثبته يارب
الله يثبته يارب

 

[زينب 12]

مشكورين كلكم
اليوم رحت موعدي والف حمد وشكر لله طمنتني دكتورتي على الجنين
اللهم لك الحمد والشكر وربي يرزق كل محروم وكل من يتمنى الذريه الصالحه وربي يتمم على كل حامل وعلي يارب ويرزقنا الطفل السليم يارب ياكريم ..

وطبعا كلش ماتحرك ولاسوي شي بالبيت ..
بس يوم اللي نزل علي دم كنت منظفه شوي بالبيت ..
ودعواتكم دعاء المومن لأخيه المومن بظهر الغيب مستجاب ان شالله .. فلاتنسوني من دعائكم .. ان الله يخلف علي تعبتي ويتمم علي هالحمل ويرزقني وياكم الطفل السليم يارب ياكريم..

ومازلت خايفه احس اني عايشه بتوتر وقلق خايفه على الجنين ربي يحفظه

 

[أأأميرة الورد]

ياحياتي الله يثبته لج ويطمنج عليه

ويقر عيونج بشوفته بصحة وعااافية

 

[ام الحلوااات]

اللــــه يــطــمـــن قــلــبــج ويـــثــبــت حــمـــلــج
ويــتــمــم عــلــيـــج ويـقـوومــج انـتـي وضــنــاج بـاالـسـلامـه

 

[جذابه بنت ذيابه]

الله يتمم عليج نفس ماصار لي ارتاحي حبيبتي واتوقع اللي ابطنج بنووته ��

 

[Aloe Vera]

صار نفسج في بجري و الحمدلله تم الحمل على خير بس اهم شي الراحة و اخذي مثبتات و الله يثبته و يتمم عليج على خير يا رب

 

[ملح الكون]

الله يتمم لج على خير يارب وتفرحين فيه ضناج بصحه وعافيه ان شاء الله ..

 

[cramela]

اللهم امين ربي يقر عينج في البيبي مالج يارب ويفرح قلبج فيه ولا يحسرج عليه نفس اللي قبله توني مسقطه٧ اسابيع ادعي لي الله يعلفيج قلبي جمره علي البيبي اللي راح الله يعوضني يارب ويرزق كل محروح يارب ويشفي كل مريض يارب

 

[# غنوجة بيبي #]

الله يثبته و يرزقج شوفته

 

[بدون بس مغتربه]

الله يثبته ويفرح قلبج...
انا مااعرف شي بس سمعت احتمال احيانا النزيف يكون جنين ثاني وطاح من بدايته... والله اعلم.
انا بعد كلش مااعرف اقعد واحوس ...


الله يثبته ويقر عينج بشوفته

 

[برنسس أوراق]

ربي يثبته ويفرحج فيه
ويرزق كل وحدة تتمنى ذرية صالحة

 

[camilia]

الدكاترة كلامهم خرطي
شنو يعني البيبي بخير وانتي قاعدة تنزفين دم متجلط؟ لا تصيرين نفسي الكل قالي مافيج شي اخير شي اللي قاعدة أنزفه مشيمة متنتفة و اجهاض
طلبي سونار واضح جدا يكشف حالة الرحم والمشيمة عدل عشان تعرفين سبب منطقي حق هالدم

وارتاحي لا تفارقين الفراش الا حق قضاء حاجة هذا حلج الوحيد مع الدعاء