عندي مشكله محتاجتكم حيل حيل

[dectora 7elwa]

الله يجمع شملكم ويهنيكم
اضن زوجج ماقصر التزم بالاتفاق
توكلي على رب العالمين والرزاق بالسما
ذهبج ومجوهراتج عندج كشخي فيها
والملابس السنعه اخذيها وقت السيل كلنا نسوي جذي
بس الاحلى ان ينصك عليج باب واحد انتي وزوجج وعيالج

 

[نوني وميمي]

فديتكم والله
الله لا يحرمني منكم
والله يحقق لكل وحده اللي تتمناه
راح أخذ بنصيحتكم وراح اقدم استقالتي
والله يعوضني خير

 

[أعشقه]

زوجك اهم من ها الاشياء .. وعيالك حسسيهم بوجودك لبسك وكشختك ماراح تدوم لك
لا راح زوجك وعيالك
.

 

[قلبي عبدالله]

قرارك صائب خيتو اهم شي زوجك وعيالك

ومن زين وظايف القطااع الخاص عندنا علشان متمسكه فيه

لارواتب ولاامتيازات ودوام يهد الحيل

 

[فيفي محمد]

حبيبتي اشتري راحتك وراحت زوجج واعيالج وطيررررران عالكويت وخلي الكشخه تولي عنك وعفوا لاتكونين انانيه ايكفي بهدلت زوجج بين اخوانه واخته وخلاص اختاري الاستقرار والله بيسر لك امورك وحطي في بالك لاتستسلمين للجوله الاولي من ضيق العيش اللي راح يصير لك راح انشاالله تتاقلمين مع الوضع الجديد ومع الوقت بتتعودين مع تمنياتي لك بالسعاده والاستقرار

 

[Killer^Girl]

انتي على اساس تستقرين الكويت السنه الجايه صح ؟
والله نصيحه يا أختي لاتقدمين استقالتج الحين ماتدرين شنو الضروف اشتغلي وجمعيلج من معاشج مني لي سنه
وخليهم وديعه في البنك مع الفلوس اللي عندج وانسيها .. وبعدين لم تطلعلج الجنسيه الكويتيه ماراح تشتغلين دايركت يبيلج عالاقل سنه ثانيه بعدها تنطرين ديوان الخدمه على مايعينج

معاها
قزروها هالسنه ويمعي لج مبلغ زين تستفيدين منه على مايقبلونج بوظايف بالكويت
والله يوفقكم

 

[فوفو22]

مستغربه منج من الاساس اشلون تتحملين زوجج يتبهذل طوال هالسنوات

بدون اي رحمة او شفقة منك

حتى وان كان فيه شروط ولكن الواقع العملي ومرور سنوات للزواج

يصير فيه رحمه للطرفين بين بعضهم

بدون كلام او اطلبات او شروط

اتشيلين اغراضج وتتبعين زوجج وين ما كان

اما الماديات فحاليا غيرهامه

اولا الاستقرار ولم الشمل

فوفو

 

[blue bunneh!!]

Follow your heart
and youll find the answer

 

[رنين]

راح تقولون ليش مستعجله انا كرهت الدوام ماعاد أتحمل العمل مرهق ومافي امتيازات ولا في مرونه ولما يتعبون عيالي ما اقدر اطلع واشوفهم ما تخيل أني راح اقعد السنه الجايه فيه وودي أتفرغ حق عيالي واريح امي من مسؤوليتهم
ما ادري يابنات ابي نصيحتكم حدي محتاره

لا حبيبتي ماراح نقول ليش مستعجله بنقول شمأخرج؟
روحي مع ريلج و توكلي على الله و تحملي الظروف ....ريلج و عيالج و راحة بالج اهم وايد من المعاش و الكشخه و الا شرايج؟

و عسى الله ينور بصرج و بصيرتج

 

[مذهلة 78]

حبيبتي توكلي على الله وقدمي استقالتج ولمي شمل الاسره
حرام تعيشون مشتتين ويا قلبي ان شالله اذايتي تقدرين تقدمين بمدارس خاصه او بحضانه او تشوفين شركات محتاجين موظفات وصدقيني بالكويت العيشه سهاله و كل شي فيها عالاقل حتى لو تستلمين راتب بسيط بس هالاقل يسد احتياجاتج لين الله يفرجها وتطلعلج الجنسيه

 

[حمامة مكه]

البنات صادقين اهم شي راحت زوجك وعيالك

يعني لو صبرتي سنه ويش بيكون استخيري واتوكلي على الله سافري مع زوجك مافي احلى من الاستقرار والامومه

 

[Tom ♥ Jerry]

،


يعني تبين الطلاق مثلا ! من صجج آنتي و لا تتغشمرين
مو كآفي وآعليا الريال كل ساعه رآيح رآد
يحبج و يبيج و يحب عياله
ليش تسوين فيه جذي ؟ ليش تتزوجين بره ديرتج عيل ؟
دآم تبين تكشخين !
يا قلبي فكري بالعقل !
أهم شي زوجج و عيالج على الاقل ردي الجميل له
آهمه تحمل 4 سنين رآيح رآد
و آنتي بروحج تقولين انه صاير مثل الغريب عند اهله
و مع هاذا حآفظج و صاينج !
يعني شنو يسوي عشان يبوق بنك عشان تكشخين
خو الي يقدر عليه رآح يسوي لو آن شاء الله يعطيج من ماي عينه !
لا ترفسين النعمه ! و ماشالله 70 حلوة شدعوة عليج
كل شهر 70 وآيد حلوة !
تعالي معآه الكويت مآ تدرين يمكن الظروف تتعدل بعدين
و يزيدون معاشه و آكيد رآح يزيدج
أو آنتي تشتغلين بالكويت كل شي يصير حياتي !
زوجج مسكي فيه لأخر نفس بحيآتج ديري بآلج تهملينه
و لا تفكرين تخلينه !
مثل هالريال ينحط على الراس !


.

 

[خاب ظن الشوق بك]

حبيبتي لا تعالي معااه الكويت واستقري اهني واذا اهوا موفرلج كل مصاريفج اصلا بيمر اشهر حتي ال 70 ماتصرفينهم
وبعدين لحقي على نفسج لا يقولج مليت وطقت جبدي

وانتقلي من هالشهر لا تنطرينه بعد شهرين :\

 

[جوري 2007]

بالنسبه لليهال اشوف انها صعبه على امج الكبيرة بالسن ترعاهم كل هالوقت حررام

بس بالنسبه لوضع زوجج انا مااشوف انه زوجج شكالج الحال حتى يوم قلتيله بستقيل وبيي عندك مارحب بالفكرة وقالج الاجارات والمصروف

ومادري شنو

انا اقول نطري سنه تركض بغمضة عين بس بالنسبة لعيالج ييبي خدامة ثقه ووكلي امرج لله لين تخلص هالسنه

والراي اولا واخيرا لج ، موفقه

 

[كنوشة 2009]

اكيد الافضل والاحسن والاريح انج تعيشين مع زوجج بالكويت وتتحملين سنة
الي ان تشتغلين احسن من ان زوجج متبهذل بين بيوت خواته واخوانه وكل اسبوع يطق طريج
الي السعودية واذا تحملتي هالسنة راح تكبرين بعينه وايد

 

[الغاليه ام احمد]

استخيري وشوفي نفسج وفكري تقدرين تعيشين ب70 دينار

حبيبتي انا اقول تقدرين ادري الاكثريه بيقولون ما تقدرين لان الكويت غاليه

انا اقول انتي طبعا عندج ملابسج واغراضج كلها يعني تقدرين تتحملين هالسنه بالطول والعرض

انج ما تشترين الا الاشياء الضروريه فراح تكون ال70 دينار راهيه وكافيه

حبيبتي فكري بريلج والطريق اللي كل اسبوع يمشي فيه والخطر اللي ممكن يصير من هالطريق والتعب المسكين على ما يوصلكم

الا تافل العافيه

فانتقلي للكويت الحين مع ريلج والله يرزقكم بالخير وهم انتي عندج مبلغ يساعدج على ما تشتغلين

والله يسعدكم ويهنيكم

 

[كويتيه مذهله 87]

والله ما ادري شلون ريلج صابر 4 سنين مسكين من بيت لي بيت يطر نومه وأكل وانتي بعيده عنه شنو فايده هالزواج

 

[مناير البيت]

حرام الله يعينكم على هالوضع الوضع صعب حيل !!

مادري هل وضع زوجج صعب لدرجة انج محتاجة للوظيفة اللي بالسعودية ؟؟

ماظن الوظيفه وراتبها اهم من لمتج انتي وزوجج وعيالج في بيت واحد ,,

عيالج بحاجة ابوهم وانتي بحاجته وهو بعد ترا التشتت وعدم الاستقرار للرجال مو بصالحج ولا بصالح زوجج,,

توكلي على الله واستقري عند زوجج ولاحقة على الوظيفة والاستقرار وخلي هالسنتين راحة لج وحاولي تعوضين زوجج عن فراق

الاربع سنين ,, الايام تركض وفرصة انج ترتاحين شوي وتجابلين نفسج وعيالج وزوجج ترا تعب الشغل ,

والله نداوم ونحس اننا

مقصرين في حق عيالنا ومضغوطين م الدوام نرد البيت مالنا خلق لهم ومن يتكلمون سكتناهم من صداع الدوامات وتعب القايله

ولي جا الليل وشفاهم رقود حنت قلوبنا عليهم ونقول باجر نعوضهم ,,ساعات ودي استقيل عشا اجابلهم,

اخذي بريك سنتي وريحي ولاحقة عالوظيفة ​

 

[أسم والسلام]

روحي من حبيبج بوعيالج وخلي الوظيفه توووووولي يكفي صابر 4سنين

و4سنييييين نتطالع بالعيووووووووووووووووون خخخ أغنية نوال الكويتيه

 

[احلى ديما]

الفلوس ماتييب السعادة ياقلبي اللي ييب لج السعادة اهو وجود زوجج يمج اخر الليل تنامين على صدره تشكيله ويشكيلج مو كشخه ولبس وخرابيط