عندي كمية بطاط كبيره محتاره شسوي فيها

[[]نهاوند[]]

السلام عليكم ورحمة الله وبركاته


بنات عندي كمية بطاط واااااااااااااااااااجد ومحتاره مادري شسوي فيها اخاف تخترب

انا خذيت كميه منها وسويت فيه كبة بطاط وحطيتها بالفريزر حق رمضان بس باقي بطاط واجد مادري شسوي فيه :0bee2e8d89:

بليز بنات ساعدوني​

 

[الأم الصغيره]

طرشي حق الجيران او اح خخواتج يسون منها كبب او اي شيء

 

[[]نهاوند[]]

الجيران احسها فشله اطرش لهم بطاط واختي الكبيره حسبت حسابها معاي وسويت لها كبه

مشكوره حبيبتي على الرد ​

 

[ميسوره]

عندي حل سوي لي لنا ونشتريه منج
ها شرايج اخاف يجوزلج الوضع وترفعين السعر عاد

 

[[]نهاوند[]]

ميسوره خوش فكره :eh_s(6):

مالقيتي الا انا اسوي وابيع ياحظي خل الخق على شغل البيت بس

الا صج ليش ما ابيعه على الحريم اللي يسوون كبب حق رمضان :dddds:

مشكوره حبيبتي على الرد ​

 

[bambena]

قصصي اصابع حق فرايز وفرزنيه للقلي

 

[مس كراميل]

عندي خوش طبخة بالبطاط اسمها بطاط لندن طريقتة باختصار تاخذين بطاطة متوسطة تشلين طرف البطاطة بالعرض تشوينها بالفرن لما تنضج تهرسينها بالملح الزبدة فلفل اسود تصير جنها صحن تحشينها باي حشوة تحبينها بعدين تحط على الوجة صلصة الجبن تحمرينها اي استفسار انا مستعدة بالهناء والعافية

 

[[]نهاوند[]]

bambena... خوش فكره مادري شلون راحت عن بالي مشكوره حبيبتي عل المساعده

مس كراميل ... طبختج حلوه حيل عجبتني خصوصا اني من عشاق البطاط المسلوق مشكوره حبيبتي على المساعده ​

 

[just flower]

سوي الماش بوتيتو على طريقه جارة القمر الله يعطيها العافيه


>> ترى لذيييييييييييييييييييييييذه


http://q8yat.net/showthread.php?t=262641


وادعيلي

 

[[]نهاوند[]]

بنت الفيحاء .. الماش بوتيتو ماله قبول واجد عندنا اذا سويته مو الكل ياكله بس مو مشكله بجرب طريقة جارة القمر وبدعيلج ان شاءالله

مشكوره حبيبتي على الرد ​

 

[جارة القمر]

سوي


منه شوربة بطاط

سوي مرق لحم


سوي أطباق بطاط


وممكن تحفظينه بالفريزر


شوفي هالطريقة

هاتى البطاطس بالقلي وقطعيها صوابع وتكونى محضرة طاسة فيه ماء مغلى وحطى شوية خل وملح وحطى البطاطس وخليها تغلى لمدة دقيقتين وبعدين حطيها فى مصفاه لغاية لما تبرد وعبى كل كيس علىقد الطاسة لان عند القلي بتوضع فى الزيت وهى مجمدة وفى زيت ساخن وغطى عليها بعد كام دقيقة تلاقيها فكت من بعضها وتتحمر عادى خالص جربيها لو فى كميه بسيطة الاول وبعدين ردى عليه بعد تجمدها واستعمالها

منقوووووووووووووول

 

[zoooom]

ممكن تقطعى البطاطس للقلى وتحطيها بالفريز وقت ما انتى عايزاها طالعة فبل شوى والقى البطاطس انا اسويها بتطلع حلوووة

 

[شاي مهيل]

​

سوي صنية بطاط بالفرن والباقي علي ماقالو البنات ثلجي :dddds:

 

[[]نهاوند[]]

اليوم سويت لهم على الغدا طبخات مادري شلون صايره كلها دخلت فيها بطاط :dddds:

وقصصت كميه كبيره وثلجتها حق القلي وبكمل الباقي وبسويه كبه لرمضان

مشكورين بنات ويعطيكم العافيه ​

 

[caramela 85]

حبيبتي سوس سمبوسه بطاط حق رضان بتنفعج
بس حطي مع البطاط اجار او اذا ماتبين حطي فلفل وشويه كاري بيصير الطعم واااو

 

[caramela 85]

حبيبتي سوي سمبوسه بطاط حق رضان بتنفعج
بس حطي مع البطاط اجار او اذا ماتبين حطي فلفل وشويه كاري بيصير الطعم واااو_03ba:

 

[^^ام ميمي^^]

سوي كبة بطاط بشبنت بعد و سمبوسة تحشينها حمسة بطاط و سوي بعد فيه كبة بطاط بالجبنة


الظاهر انتي مثل حالتي شريتي خضرا وعطوج جم كرتون بطاط هديه


انا شريت من الجمعية خضرا وعطوني كرتونين خيار هديه

ونقصتني جم شغله من الخضرا رحت الجمعيه الثانية وعطوني كرتونين بعد خيار لووووووووووول


واهلي كلهم مسافرين للاسف


على الاقل انتي عندج بطاط تقدرين تتفنين فيه بس الخيار مشكله


اشرايج اعطيج كرتونين خيار مقابل كرتونين بطاط

 

[[]نهاوند[]]

caramela 85 ... مع اني مالي خلق حق لف السمبوسه بس عجبني فكرتج عاد ببدع بالخلطات بحط كل شي ويا البطاط مشكوره حبيبتي على الرد

ام ميمي ... الحال من بعضه حتى انا اهلي مسافرين عشان جذيه الخضره متكدسه عندي تقريبا كلها ثلجتها لكن مشكله البطاط ما ينفع بالثليج بس ثلجت اللي اقدر عليه حق القلي واذا تبين كل البطاط اللي عندي ما يغلى عليج مشكوره حبيبتي على الرد ​

 

[Dandona]

سوى مفركة البطاطا طريقتها انج تقشرين البطاطا وتقصصينها مربعات صغيره وتغسلينه بعدين تشوحين البصل بشوية زيت وتحطين البطاطا وتحطين البهارات اللى تبينها وحطى ربع بيالة ماى وخففى النار خليها هاديه وخليه نص ساعه بعد ما يستوى حطى عليه بقدونس مفروم ناعم وقلبيه وعليكم باالعافيه...

تقدرين تسوين باالباقي سمبوسه شنكار..


وعوافى على قلوبكم....

 

[عهود الحب]

تقدرين تسوين حشوة للسمبوسة ولأي شي
انا افرزن الحشوة عادي بصحن بلاستيك
الحشوة المفضلة بزاليا وبطاط ودجاج وبهارات


شكلي حشوات و حطي بالفريزر وكل حشوة دخلي فيها شوي بطاط شتسوين ههههههههه
بس تعالي



من وين شارية بطاط هالكثر شنو قصته البطاط < فضول هههههههه