عندي كفته امريكانا ...شنو ممكن أسوي فيها؟ضروري للغدا متوهقه

[ام زهره]

السلام عليكم
الموضوع باين من عنوانه ابي افكاركم الخطيره
:bye22:

 

[زمردة الكويت]

سوي فيها مرقة كفته مع عيش مشخول دايما اسويها اذا كنت متوهقه سريعه و سهله و لذيذه

حق المرقة قصي طماط و بصل و دقي شوية ثوم و شوية كزبر و بطاط مقصص مكعبات صغار مو كبار علشان تستوي معاج

اول شي اقلي الكفته نص قلية بعدها

اخذي الجدر و حمسي البصل لمن يلين وياج بعدها ضيفي الثوم و الطماط و حطي بهاراتج (بهارات مخلوطه - كاري - فلفل اسود - لومي بودر + كركم + شوية دارسين ) و نص مكعب ماجي ... بعدها لمن تحسين ان الطماط بدا يذبل حطي معجون الطماط و حطي البطاط و الكفته و فوقة ماي كمية مناسبة .. و خليه يطبخ و من يبقببق <<< خخ حلوه هذي صكري راس الجدر و حطيه عالشولة الصغيرة بعدها بربع ساعة شيكي عالملح اذا ناقص حطي النص الثاني من الماجي .. و خليها لمن يستوي البطاط سكريه و رشي عليه الكزبر المقصص و قدميه مع العيش المشخول و بالعافيه ...

و دعواتج

 

[عيش و مرق]

هلا اختى بحط لج طريقه وحده هنى مسويتها وانا سيفتها على امل اسويها بحط لج الرابط وانتى طيرى على هههههههه
http://www.q8yat.net/showthread.php?t=100368

 

[ام زهره]

سوي فيها مرقة كفته مع عيش مشخول دايما اسويها اذا كنت متوهقه سريعه و سهله و لذيذه

حق المرقة قصي طماط و بصل و دقي شوية ثوم و شوية كزبر و بطاط مقصص مكعبات صغار مو كبار علشان تستوي معاج

اول شي اقلي الكفته نص قلية بعدها

اخذي الجدر و حمسي البصل لمن يلين وياج بعدها ضيفي الثوم و الطماط و حطي بهاراتج (بهارات مخلوطه - كاري - فلفل اسود - لومي بودر + كركم + شوية دارسين ) و نص مكعب ماجي ... بعدها لمن تحسين ان الطماط بدا يذبل حطي معجون الطماط و حطي البطاط و الكفته و فوقة ماي كمية مناسبة .. و خليه يطبخ و من يبقببق <<< خخ حلوه هذي صكري راس الجدر و حطيه عالشولة الصغيرة بعدها بربع ساعة شيكي عالملح اذا ناقص حطي النص الثاني من الماجي .. و خليها لمن يستوي البطاط سكريه و رشي عليه الكزبر المقصص و قدميه مع العيش المشخول و بالعافيه ...

مشكوره حبيبتي ...خوش طبخه تسلمين ياقلبي:eh_s(15):....والله يحقق كل اللي في بالج

 

[desert rose]

حبيبتي انا اعلمج طريقه حلوه حتى اليهال راح يستانسون عليها ولذيذه وايد


تاخذين الكفته واتقلينها بالدهن بمقلى تيفال بعدين اطلعينها واتحطينها على صوب

بنفس المقلي حطي بصل مقطع شرائح

بعد ما يذبل انضيف فلفل بارد مقطع اصغار + علبت مشروم + علبة ذره + جزر مشور

بعد ما يذبلون انضيف خلطه اللي اهي

( كريمة كي دي دي - قوطي اي نوع مو مهم قيمر - 3 ملاعق اكبار جبن قلاس اي نوع وتخلطينهم مع بعض )

بعدين اتضيفينهم على الخلطه السابقه واتضيفين الكفته اللي امقليتها بعد معاهم

بعدين ما تحسين اشوي قام يغلي طفيه وحطيه ببايركس وصبي فوقه جبن موزريلا ودخلي الفرن شغلي بس اللي فوق عشان يحمر وطلعيه


وبالعافيه حبوبه طبقيها وادعيلي

 

[جارة القمر]

مشكوووريييييييييييييييين


تفضلوا طلبكم


http://q8yat.net/showthread.php?t=115200&highlight=%DF%DD%CA%E5


http://q8yat.net/showthread.php?t=503928&highlight=%DF%DD%CA%E5


http://q8yat.net/search.php?searchid=3554714


http://q8yat.net/showthread.php?t=249171&highlight=%DF%DD%CA%E5


http://q8yat.net/showthread.php?t=475662&highlight=%DF%DD%CA%E5