عندي قطوه ساعدوني :( ...

[vegitto]

هلا بنوتات :68_asmilies-com:

عندي قطوه صغنووووووونه تهبل :001:
بس ممكن جدول امشي عليه بتربيتها لان ماعرف متى تاكل ولا شنو احسن نوع للأكل و متى اسبحها و اي شامبو .. ابي نصايح يا بنوتات مابيها تموت عندي

 

[تيم]

السلام عليكم

انا بعد عندي قطو صغيرونو شرازي
شريته لما كان عمره شهرين
اول شي
تشترين له اكل قطط صغيرة مكتوب عليه كتن
وتوكلينه بكميات قليلة خمس مرات باليوم
واشتري لها بسكوت للقطط الصغيرة مهم عندهم البسكوت لانه مثل الوجبة الخفيفة
القطو غللي عندي ياكلهكل ما يقعد من النوم
بعد فترة ياكل الوجبة الرئيسية
واذا حطيتي له الاكل وما كلاه خليه بعد فترة ترجع تاكله
وخلي مكان واحد يروح تاكل فيه لا تغيرينه علشان اذا ياعت تعرف وين تروح
قاعدة اكلمج عنهم مرة صيغة ذكر مرة انثى ملاحظة
لأن إلي عندي ذكر
المهم يا محفوظة السلامة
اشتري له شامبو خاص للقطط بمركز سلطان يبيعونه او مكان ما شريتيها
وسبحيها مرة وحدة بالاسبوع تسبحينها بالمغسلة او الحوض بالدش كيفج على حجمها
اهي راح تخاف من الماي بس مسكيها من رقبتها
بس حطي بالج بعد ما تسبحينها غسلي مكان اللي سبحتيها فيه
وخصصي لها فوطة صغيرة تجففينا قبل لا تطلعينها من الحمام لان اذا حاشها الهوا تمرض
ونشفيها من الشسوار بالهوا اذا ماتخاف من الصوت العالي
ووحرصي على تطعيماتها مهم جدا وكل ما تطلع اظافرها وديها الطبيب يقصونهم وينظفون الاذن بعد
ولا تعطينها حليب لان يسويلها اسهال
واستري لها حوض كبير مو صغير لانها تتضايق تكرمين لما تدش الحمام وما تاخذ راحتها وبعدين توصخ عليكم في البيتمع تراب بالجمعية ينباع مو تحطين تراب عادي لان يطلع ريحة خايسة
في تراب اذا لقيتيه تمام جيسه شفاف وشكله مثل الثلج فيه لون ازرق بعد
هذا حق شهر وما يطلع ريحة بعد واذا ما لقيتي عادي اي نوع
وهذي من تجاربي مع القطط

وتسلمين

 

[vegitto]

قديتج و التطعيمات من متى لمتى ؟ .. انا ماعندي تراب .. و القطوه مسويتها بس في بقايا من ورى ريحه فشلون يتنظف ؟؟ اغسله انا ولا لما في تراب يروح ..؟

 

[دمي مـטּ ذهب]

كل شيئ تلقينه بالقسم بالموضيع المثبته

وان شاء الله يفيدونج البنات بردودهم اكثر

ومبروك ع القطوه اليديده تتربى بعزج

 

[بــدويه]

حبيبتي في مووضووع ..

دليل مواضيعنا عن القطط منجدد .. لـ سوويت كيك..

إن شاااء الله تلقين فيه كل اللي تبينه وإي أستفسار انا والبنات مآ نقصرر ويآج ..

 

[ياعشيري جعلك السلال]

اذا وصخت من ورا واجد غسليها بس من ورا ونشفيها عدل

وحطي اكل وترابها بمكان

وضروري ضروري ضروري تشترين التراب الخاص فيهم لانه ما يطلع ريحه

وسبحي القطو 3 مرت بالاسبوع عشان يتعود ومايصير وصخ ومحمض خخخخ

والاكل اذا صغير عمره اقل من الشهرين حطيله شويه سيريلاك مرة باليوم اذا شفتي صار فيه شويه اسهال قطعيه انا الي عندي ماصار فيهم وماشين ياكلونه

وحطي شويه بسكوت مال الصغار الكيتنز وحطي عليه شويه ماي مرتين او ثلاث مرات مع السيريلاك واذا ما مشى السيريلاك حطي 5 مرات باليوم بسكوت وماي

وبس

 

[ياعشيري جعلك السلال]

ايه وصح تذكرت

شوفي لما تحطين التراب في البوكس ويبيعون معاه الجياس الي تحطين الجيس بالبوكس وتحطين التراب عشاان اسهل لج بالتنظيف

ولا تنسين القفشه الي تشيلين فيها وعلى طول من يصير التراب وصخ نظفيه شيلي الوصخ بالقفشه عشان اذا انترس القطوة راح تسويها بمكان ثاني

 

[تيم]

كل شي ينباع بمركز سلطان التراب وكل شي

وسلميلي على قطوتج