عندي سوال عن امتحانات الابتدائى

[احبج ياكويت]

السلام اشلونكم بنات وابلات المنتدي ابي اسالكم سؤال صج الي سمعناه ان الابتدائى خامسه ورابعه راح يمتحنون الكتاب كله طمنونا وانشالله الخبر مو صحيح ( ماني عارفه اشلون ادرس طفل ابرابعه ابتدائى المنهج كله مو جنه ضغط ) ويعطيكم العافيه

 

[غنغوش]

الله لا يقوله عفيه احد ياكد المعلومه صج موووو خووووش

 

[alnor]

ابييه من صجكم وين ابلات المنتدى بلغونا ان الخبر هذا مو صج ابييه شلون بدرس ولدى كل الكتاب التربيه شنو يبون يعطون شهاده نجاح والا شهاده وفاه حق اليهال صراحه اذا كان هذا الكلام صح فهذا قرار غبى للان الثانوى ما يمتحنون الكتاب كله شلون ياهل صغير وينكم يا ابلات المنتدى بشرونا وقوولوا الخبر اشاعه

 

[شباصه ريش]

للرفع

 

[alnor]

وين الابلات نبى خبر يطمن

 

[ريان الحلوه]

اشدعوه والله لو عيالنا عباقره ما يمتحنون الكتاب كلا ،، ليش التربيه ما يشوفون مدارس امريكا ولا حتى لو مصر قاعدين يخففون على الطلبه مو يضغطون عليهم
بس ما انقول الا حسبنا الله ونعم الوكيل ،، يبون اعيالنا ما يتخرجون:krkrkr:

 

[شجن2005]

والله انا بعد سمعت ان الفتره الثانيه الكتااااب كله طمنونا ياابلاااات

 

[أم حمني المزيون]

بكل اجتماعات المدرسة حضرت وقالوا نفس الشي الامتحان للفترة الثانية بكل الكتاب حسبي الله على من حط هالقرارات التعبانة ودعوة المظلوم مستجااااابة....الله المستعان ....
مو حاسين ان هذول يهال ....صج الوضع مو طبيعي بالمرة بمدارس الحكومة من رديء الى أردى وأردى ويحسبون ان جذيه بيطورون المناهج ...!!!أي تطوير هذا الحمدلله والشكر....

 

[ماسه كويتيه]

وينكم يا ابلات المنتدى نبى احد يجاوبنا

 

[احبج ياكويت]

وين راحو الابلات ولا وحده ردت

 

[شهد_77]

الخبر صحيح انا كنت باجتماع ولدي اهو برابعه وقالولنا ان الفتره الثانيه راح تكون الامتحانات باللي خذوه الفتره الاولى مع الفتره الثانيه ماقول الا حسبي الله ونعم الوكيل

 

[CHEESE CAKE1]

والله حرام عليهم .. هذوله ابتدائي ... احنا ما امتحنا بالكتاب كله إلا بالثانوي .. شنو هالقرارات حسبي الله عليهم ... بيعقدون عيالنا

 

[أم عبووووود]

الخبر صحيح 100%

الامتحانات راح تكون بالكتاب كامل وحتى القرآن راح يكون بك السور اللي خذوها

واسم الله على عيالنا اللي يصير له دور ثاني يمتحن بالكتابين

اشفيكم عيالنا بيصيرون فلته ودكاتره وهما صغار

 

[السنعة2]

الخبر صحيح حق 4 و5 ابتدائي امتحان نهاية الفصل يكون بكل ماسبق دراسته
وراح يكون كنترول للتصحيح نفس الثانوي
و4 ابتدائي امتحان موحد من المنطقه التعليميه
و5 امتحان موحد على مستوى الوزاره
والي ياخذ دور ثاني يمتحن في كتاب الفصل الاول وكتاب الفصل الثاني

عاش التطوير

 

[**سهام**]

الله المستعان

 

[اخت خالد]

أنا معلمة وسألت عن الاختبارات اذا بنسوي حق هالفترة الجاية نهاية الفصل قالت رئيسة قسمي لا ماراح تسوون لأن الاختبار راح يكون من المنطقة وعليه 60 درجة

يلله همتكم يا أهل الكويت ترى ما في أسهل من جذي

(( الله يعييييييييييييين عيالنا ))

 

[قلبي ابيض]

الخبر صحيح

كلام ابلات بنتي

 

[msmshasnsn]

واااااااي حسبي الله ونعم الوكيل على اللي حط هالقرار
اللي يسمعهم يقول بيطلعون عيالنا عباقره
الله يكون بالعون

 

[ايمان احمد]

الله يعينكم علي تدريس اليهال لان المنهج دسم خصوصا خامس الرياضيات القسمة والهندسةة والعلوم والاجتماعيات والتربية الوطنية

 

[جولي لولي]

حسبي الله ونعم الوكيل

حسبي الله ونعم الوكيل

الظاهر اني بقعد ولدي من الدراسه ولا اخليه يتعقد