عندي سؤال وجوابكم يهمني !

[بيـاض الثلج]

بنات عندي سؤال شنو عدج أهون لقب مطلقة ولا عانس؟؟
يعني تتزوجين بعدها تتطلقين أهون عليكم من إن مـا تتزوجين وتـظلـيـن عانس ؟؟
ولا العكس ؟؟؟​

 

[MRS.coupe]

ليش يهمني اللقب اذا العيب مو فيني ؟
لا هذا ولا ذاك

 

[Miss Basma ..}]

ما يفرق بالنسبة لي ، أهم شي الوحدة ما تقط نفسها على أي رجال بس عشانها مطلقة و إلا عانس
بس لو تطلقتي ممكن يكون عندج عيال يملون وقتج

 

[Pink_Roses]

كل واحد وظروفه يعني المطلقة ما ختارت تتطلق الا للشديد القوي والعانس الله يعينها صراحة اكيد نفسيتها تعبانه تشوف الكل متزوج وعنده عيال الا اهي

لا تفكرين شنو الناس تقول فكري باحساس الثنتين وكل شي قسمة ونصيب

 

[شندوخه]

اكون عانس افضلي من مطلقه مو عشان شي بس المطلقه يكون كاسر قلبها رجل مايستحقها والله يعوض خواتي المطلقات بالمنتدى كل خير يارب

 

[شوشو الشقيه]

والله العانس احسن
الرجال ما فيهم خير
طز في الرجال شنو عبالهم احنا بنموت بدونهم
طززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززز
سوري على كلمة بس ابي احد يعمل لي حظر على عضويتي
ما في الا أكون قليلة ادب عشان يعمل لي حظر
تعب أقول اريد حظر على عضويتي بالطيب لا احد يسمعني

 

[Pinky -cat]

فيج شي بمخج شوشو ههههههههه ، شحقة تبين حظر بالله ؟؟؟

يبا رايج قوليه ومو ضروري ولا من شروط المنتدى انج تحبين الرياييل هههههههههههههههه

 

[فجوره البطه]

ماااتفرق بس الاحلا انه العيشه من غير زوج

 

[فاطمة 25]

هلااا

بالنسبه لي اشوف الوحده تتزوج وتفشل

احسن من انها تبقى بلا زواج
وكلا تخاف من الفشل
كلمة للبنات جميعا
ياختي جربي الزواج ولا قعدتج ...إن جاك الكفؤ
بس اختاري الي تشوفين حياتج بتكون سعيده وياه
لاترضين تتزوجين واحد انتي مو مقتنعه فيه
وبعدين تطلقين
الطلاق حااار والله ..
انا مطلقه
بس مو خايفه اتزوج مره ثانيه وثالثه ورابعه
اكيد ما ابي هالتجربه المره تتكرر
ولا ابي اطلق
بس اقول الزواج جدا حلووو
لاتخلون الموف يمنعكم منه
والرجال السنع يجمل حياة زوجته
لأن الزواج سنة رسول الله ص

 

[Om_HoBi]

اثنينهم نصيب اول شي نظرة الشخص حق نفسه بعدين نظرة الناس
لو وحده ماياها نصيبها ما يعني انها مو حلوه و محد يبيها فمو ذنبها فاهي اذا حطت ابالها هالشي راح تتقبل نقد الناس بس اذا اهي تفكر ان انا عانس و شفيني مافيني اكيد حتى الناس جذي بتفكر

و المطلقه في وااايد اسباب للطلاق فالواحد مستحيل يقدر يحكم ان المرا مطلقه يعني اهي مو زينه
لأن وااايد اسباب تخلي المرا تتطلق واهي مظلومه فليش ننقد عليها مسكينه واهي مالها ذنب

فمافي شي ارحم من شي
الارحم انها متزوجه و متهنيه طبعا

 

[A72x]

اكيييد العنوسه ولا الطلاق لأن الكل يفكر تفكير مو زين بالمطلقة اما اذا عانس قوليلهم نصيبي مايالي !!!

 

[gala q8]

بصراحه ولا واحد ما يهمني اللقب !
إذا عانس الله ما كتب لي نصيب
و إذا مطلقه الله كاتب إن احنا ما نكمل نفس الطريج !

و مو عيب إن اولحده تكون عانس أو مطلقه .. !
المهم إهي البنت ترتاح .. بحياتها !

 

[mathic.planet]

لاتهتمين بالألقاب المهم عيشي حياتج لان الناس ماتخلي احد بحاله

 

[ظبية بوظبي]

افضل العزوبية على الطلاق
لان اقلها ما يجيني واحد يخليني احمل لقب مطلقه واتعذب نفسيا من هالوضع الجديد وهو عايش حياته
واحد حسفني نوعا ما
وفوق هذا كله يمكن يكون عندي منه عيال اشيل همهم العمر كله
هم صحيح رزق بس ممكن ما اقدر اتحمل مسؤوليتهم لحالي
وممكن حتى يعرقلون رغبتي باني اتزوج مرة ثانية
وهذا غير هم بعد بيعانون انهم ما تربوا فالتشكيلة الطبيعيه للاسرة

وبعدين معروف الاهل يتقبلون وضع بنتهم المتاخره فالزواج ولكن المطلقه غالبا الاهل يستثقلونها وخصوصا لو عندها عيال
وبعدين المتاخره فالزواج تكون مطلوبه اكثر في نظري من المطلقه وحظها يكون احسن ..
غالبا المطلقه ياخذونها الي يبون منها تربي عيالهم

وغير فكرة الناس عن المطلقه ما تكون زينة
بعكس المتاخره ممكن تكسب تعاطفتهم (ولو ان حتى التعاطف محد يحبه ) بس افضل من صورة ان المطلقه ممكن ما تطلقت الا لانها مب قد المسؤوليه وغيرها من الامور
والله يستر ويوفق الجميع يارب

 

[Tom ♥ Jerry]

لا هاذي و لا هاذي ياثرونعلى البنت الي واثقه من نفسها و ما يهمها كلام الناس، صدقيني في وأيد متزوجات مو مرتاحين بخياتهم، ترا الطلاق مو عيب و العنوسه شي بيد الله مو بايد المره ،

 

[حديث الروح]

من رايي مو متزوجة أحسن. من مطلقة وما يتبعها من معاناة ومشاكل
والمسألة في الأساس تختلف من وحدة لأخرى
لكل وجهة نظر .

 

[اميرة غامدي]

السلام عليكم
يا بنات الي تتزوج ممكن تحصل على عيل افضل لها من العنوسة
انا عمري 38 عندي 3 عيال كانت اموري سيئة مع زوجي والحمدلله صارت ممتازة بفضل الله على يد شيخ اسمه ابو العزم الشامي

 

[بنوته كيكه]

السلام عليكم
اول شي كل شي قسمه ونصيب وصدقيني محد راح ياخذ شي او يصيبه. اللي وربي كاتبه له والله سبحانه يقول
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. وهذي اهي الحياه ماندري شنو اهو الخير لنا

 

[تمره بحلاوتها]

سؤالج غريب!
اجابتي *نصيب وخيره*
العانس ماتزوجت لان هذا نصيبها حتى لو انها رفضت خواطيب شكثر
المطلقه تطلقت لان هذا بعد نصيبها مهما كانت اسباب الطلاق واذا في اولاد او لا
كل شي يصير ان كان مو حلو فهو خيره لصاحبه سبحان الله

 

[دكتواره]

المتزوجه تتحلطم على اعيالها...والزواج
والعانس بكامل حريتها مو مرتاحه؟
ومطلقه افتكت من شر رجالها وهم مرتاحه؟
برايي شخصي مهما كان حالج كوني راضيه ومقتنعه فيه عشان تعيشين حياه سعيده��