عندي جم استفسار ضرووووري للي عندها خبرة ببانكوك وبوكيت

[Bamya]

هـــــــــــالــــــــــــــو

:68_asmilies-com:






بنات بسألكم عن جم شغلة

(1)

السفر لتايلاند يحتاج فيزا؟؟

الموظفة في مكتب السفريات تقول اي لازم فيزا ... ولما دقيت على السفارة التيلاندية قالوا : الكويتيين ما يحتاجون فيزا دام ان الاقامة أقل من شهر .. المطار دايركتلي يعطيهم إقامة لمدة محدودة بدون فيزا

عدل هالكلام؟؟؟


(2)

الطيران الداخلي .. أحجزه من الحين أحسن والا من اهناك أرخص؟؟



(3)

فندق Embassador في بوكيت ... شلونه؟ من ناحية النظافة والموقع؟؟ (اهو بشارع العرب في بانكوك)

شنو الشغلات اللي قريبة منه؟


(4)

فندق كورال بيتش في بوكيت ... هم بعد شلونه؟؟



(5)

آخر شغلة حبايبي ادري انكم ماراح تقصرون معاي أبي نصيحة من كل وحدة راحت بوكيت وبانكوك تقول لي شنو أجسن اماكن ما تتطوف اهناك ولازم أمر عليها سواء مجمع أو مطعم أو متحف أو أي شي يخطر على بالها مكان مميز نستمتع فيه انا والعايلة


يعطيكم الف عافيه

 

[Bamya]

لا لا لا بليز ترى صج أزعل لحد يطنش

 

[منووور]

ردو عليها لا تزعلونها يا خبيرات تايلند

 

[أمواج البحر]

اولا ... تايلند ما تحتاج فيزا للكويتيين وفعلا الفيزا تسوينها بالمطار وماتاخذ منج 5 دقايق

ثانيا ... الطيران الداخلي احنا ساعات نحجز من اهني وساعات من هناك .. ما يفرق وايد

للعلم في شركات طيران داخلي اهناك رخييييصه بس احنا ما نجازف ونحجز عليها ما ادري ليش!

ثالثا ... فندق امباسادور ما اعرفه والله بس دام انه بشارع العرب يعني كل شي يمه

والكورال بيتش حلو بس بعيد شوي ( اذا ماكنت غلطانه ) واغلب السياح يسكنون في الباتونغ بيتش

بوكيت كل شي حلو فيها ... واغلبها رحلات مثل بي بي ايلاند و الفانتسي شو وغيرها

ترى وااايد رحلات و اغلبيتها للبحر

بانكوك ... احلى ما فيها سوقتها ... اهي وصخه لكن حق التشري عجيبه

بس بانكوك لا تطولون فيها ما يسوى وبتملون ... خاصه ان اغلبها مجمعات وسوقه

بوكيت تستاهل امممم 10 ايام ومثل ما قلت لج كلها رحلات

وان شاء الله اكون افدتج

 

[برميتا]

أولا السفر لتايلند ما يحتاج فيزا.
ثانياً الطيران الداخلي حجزي من الحين احسن يطلع ارخص وترتاحين نفسياً
ثالثاً انا مارحت بانكوك يعني ماقدر افيدج فيها بس رحت بوكيت
رابعاً الأكل عندهم الله يزيد النعمة موحلو لذلك حسبوا احسابكم اخذوا فندق فيه مطاعم زينة
وإذا تحبون اخذوا معاكم سناكس بفك مكسرات هالسوالف فيه ناس يشترون من السوبر ماركت عندهم توست وجبن ويقزرونها
خامساً بوكيت حلاته تروحون رحلات وإلا ماراح تستانسون

الرحلات الحلوة عندهم : ركوب الأفيال - فنتازي شو - رحلة لجزيرة وحده ما أفضل أكثر من جزيرة لأنه لويه والجزر نفس بعض
أهم شي تسبحوا بالبحر خصوصاً بالجزر عندهم المايه اتينن - فيه رحلات صيد سمك هم وناسه

 

[عسولة الأبلات]

هلا حبوبه - تايلند ماتحتاج فيزا للكويتيين
بالنسبه للطيران الداخلي احجزيه من هناك احسن وارخص لاسمح الله تتأخر طيارتكم من الكويت خاصة بجونا هالايام وتروح عليكم الطياره من هناك وفارق الوقت ما تضمنينه والرحلات الداخليه متوفره هناك على طول كل ساعتين تقريبا يعني انشالله بتحصلون وايد
والفندق الاول ملعرفه بس دام انه بشارع العرب يعني قريب من كل شي اما الثاني بعيد شوي رح تاخذون تاكسي بكل مكان افضل مكان الباتونج بيتج كل شي يمكم بس انه مزدحم غير هاديء
وبانكوك سوقها حلو ولا تطوفون سوق الاحد فيها وافضل فندق بيوك سكاي اهوعباره عن برج من 88 دور بس نظيف وقريب من كل شي وعندكم دريم لاند ملاهي روعه
ولا تكثرون بالاغراض عشان الوزن خلكم عالقطنيات والاشياء الخفيفه والاكل متوفره عندهم مطاعم حلوه عربيه حلال
انا عن نفسي الاكل والمطهرات اشتريهم من الجمعيات هناك احسن وارخص وانتبهو عاليهال انا ولدي ماخذتله جدر كهربائي وغلايه عشان اسويله الاكل بالفندق وما اضطر اعطيه من اكلهم لانه الصغير ما عنده مناعه
وانشالله رحله موفقه

 

[عسولة الأبلات]

والجزر البحريه اللي تسوا تروحونها ببوكيت
بيبي ايلاند ويسمونها بعد فيفي ايلاند ورحلة جيمس بوند وما انصحكم بالقوارب الصغيره اخذو اليخت افضل ولاتخلونهم اذارحتو جيمس بوند يدخلونكم تحت الانفاق اللي بالبحر كلها خفافيش تخرع والموج اذا ارتفع وانتو بالنفق خطير
وسلامتج

 

[ميسوره]

بوكيت لازم لازم تروحين فنتازيا حيل حلو ويشوق حده
ترى في كارفور في احد المجمعات ما اذكر اسمها

وبانكوك في حديقه اسمها دريم لاند حلو تهبل راحولها تو الليل انا حيل استانست فيها ردتني طفله صغيره برئيه

والسوق
ام بي كي
طوكيو
ديسكفري (محل شغلاته غريبه للبيت خميت شغلات حلوه)
سيام سنتر
وسيام براغون
زين (في اول ما دشين البوابه طريقت كشكات كبيره على يمينج وسارتج فيها بدلات حركاتها حلوه وغريبه)
سنترال
سلوم نايت بازار روحيله عالتك تك (طقطاقي حسينوه) عندهم فلاتات شغل ايد الوانهم تشوق وعليهم قرقاشه
والبنات ماقصروا

 

[Bamya]

يعطيييييييييييييييييكم الف الف عاااافية ما قصرتوا هذا العشم

 

[^ام حمني^]

ماشاءالله

البنات كفوو و وفوو

 

[كيوت فاشن]

تايلند ماعليها فيزا مدام تقعدين بس شهر الشغلة الثانية فندق امبسادور حلو بس ديربلك اخذي شطاف الوضوء لانهم مافي الحمام شطاف الشغلة الثانية شارع العرب وايد فية مطاعم فماراح يضيق خلقك عشان المطاعم الحلال​