عندي اسئله ضروريه مو عارفه لقطوتي :/

[ورده حمره]

السلام عليكم


بنااات شريت قطوه شيرازيه صغيره عمرها شهرين

عندي جم سؤال ياليت احد يجاوبني


1- جم وجبه لازم تاكل باليوم على الاقل ؟


2- انا احطلها هالنوعيه زينه؟ لحم غنم مكتوب ؟

بس اللي عندنا مكتوب للكبار عادي ؟

3- اللي يبيعهم قال لازم تغسلين عيونهم بالقطن مع الماي

شلون الطريقه ؟ المشكله شيطانه ماتوقع تثبت لما انظفها ؟

4-من وين احصل هذي ؟

انا حاطه لها حوض رمل الحين بس لازم اشيل الوصخ عزكم الله

5- جم ساعه ينامون القطاوه باليوم تقريبا ؟



محتاجه للردود

وشكرا مقدما سواء للي تجيب على كل الاسئله او بعضها :ggdw:

 

[عسوله تحب بطسايه]

^_*

عسولتي البنات ما بيقصرون وياج

والله يبارك لج في قطوتج

 

[ورده حمره]

مشكووره عالدعوه

ودي انظف عيونها الحين بس ابي احد يعلمني اخاف اعورها

 

[عسوله تحب بطسايه]

عادي نظفيهم شوي شوي

حطي الي الدوا الي بتنظفين فيه على قطنه

وجانب عيونهها لوصخ مسحي عليه شوي شويه

 

[ورده حمره]

نظفتها من بعد معاناه

الكليكنس مانفع يالله بعود القطن وغصب :/

 

[عسوله تحب بطسايه]

يالله نعيما

^_*

 

[حنونة المزيوونه]

1- جم وجبه لازم تاكل باليوم على الاقل ؟

توكلينها 3 وجبات باليوم ويفضل تنوعين لها الاكل


2- انا احطلها هالنوعيه زينه؟ لحم غنم مكتوب ؟
اي عادي عمرها شهرين تاكل لحم بهالعمر
ايي انا عندي هالنوعية افضل شي مع فليكس


بس اللي عندنا مكتوب للكبار عادي ؟

اي عادي عمرها شهرين تاكل لحم بهالعمر
3- اللي يبيعهم قال لازم تغسلين عيونهم بالقطن مع الماي

شلون الطريقه ؟ المشكله شيطانه ماتوقع تثبت لما انظفها ؟

شوفي الله يسلمج حطيها بحضنج وخليها تقعد قصبن عليها خخ ومسكي راسها شوي شوي ومسحي عيونها بالقطنه

4-من وين احصل هذي ؟

اتوقع يبيعونه بمحل مستلزمات الحيوانات



5- جم ساعه ينامون القطاوه باليوم تقريبا ؟

اهمه بلييل ينامون نفسنا وساعات العصر

 

[ورده حمره]

مشكوووووووووره حنان عالمعلومات

 

[MoonDiamond]

حنان ما قصرت..

والمكرافه مالت الوسخ عزكم الله تلاقين منها بمركز سلطان اشكال والوان

وديري بالج عليها..

واذا عيونها تطلع غمص (وع) لازم تودينها البيطري عشان يعطيج قطره احسن

وما تشوفون شر

 

[^glamour^]

نصيحه لاتوكلينها من العلب لان انا قطوتي متعوده على العلب الي بالجمعيه وطاح شعرها بشكل مو طبيعي ولما وديتها البيطري قالي مو زينه العلب اطيح الشعر واكل البيت وايد احسن لها بس ممكن اتوكلينها من العلب في حال تغديتوا بره ولا طبختوا شي ماتاكله اهني تقدرين اتحطيلها من العلب

 

[boOnita]

1- جم وجبه لازم تاكل باليوم على الاقل ؟

3 مرات لي 4 مرات في اليوم

2- انا احطلها هالنوعيه زينه؟ لحم غنم مكتوب ؟

لا حبيبتي هذا حق الكبااار وعليا شلوون بتاكله ما عندها ضرووس تقطع في اكل يكون مطحون حق البيبي اللي مثلهاا عندج مثلا فريشكس وايد زين لها ولسنها​

3- اللي يبيعهم قال لازم تغسلين عيونهم بالقطن مع الماي

حبيبتي عادي بللي القطنه بالماي ومسحي عيونها وحاولي تمسكينها عدل

4-من وين احصل هذي ؟

وااايد تلاقينهم بمركز سلطان

5- جم ساعه ينامون القطاوه باليوم تقريبا ؟

كل قطوه تختلف عن الثانيه


واتمني اني فدتج

 

[boOnita]

2- انا احطلها هالنوعيه زينه؟ لحم غنم مكتوب ؟
اي عادي عمرها شهرين تاكل لحم بهالعمر
ايي انا عندي هالنوعية افضل شي مع فليكس


لا حرام ما تقدر تقطع اللحم يبيلها اكل للبيبي

بس اللي عندنا مكتوب للكبار عادي ؟
ي عادي عمرها شهرين تاكل لحم بهالعمر

اذا صار عمرها فوق ال 3 اشهر ذيييك الساعه عطيها ويسكس او فليكس بس الحين لا لازم اكل مطحوون لها علشان تقدر المسكينه تاكله3

 

[ورده حمره]

حنان ما قصرت..

والمكرافه مالت الوسخ عزكم الله تلاقين منها بمركز سلطان اشكال والوان

وديري بالج عليها..

واذا عيونها تطلع غمص (وع) لازم تودينها البيطري عشان يعطيج قطره احسن

وما تشوفون شر

انشالله بدور المكرافه

بالنسبه لعيونها مادري اتوقع عادي

يعني مو طبيعي ؟

تهقين مريضه ؟

انا بوديها للبيطري يقولون لازم ابره مادري

 

[ورده حمره]

نصيحه لاتوكلينها من العلب لان انا قطوتي متعوده على العلب الي بالجمعيه وطاح شعرها بشكل مو طبيعي ولما وديتها البيطري قالي مو زينه العلب اطيح الشعر واكل البيت وايد احسن لها بس ممكن اتوكلينها من العلب في حال تغديتوا بره ولا طبختوا شي ماتاكله اهني تقدرين اتحطيلها من العلب

احس اكل البيت مايشبع ؟

بس هم ودي انوع لها شوي

وغير هالعلب في مثل البسكوت نخلطه مع الاكل مكتوب في فيتامينات

 

[ورده حمره]

bo0nita

فرشكس اللي قلتي عنه مطحون ؟

بس العلب وايد نيي ومطحون ؟

بس احس انها ماتاكل وايد منه

يعني بالوجبه الوحده احط لها ربع العلبه تاكل شوي وتخلي الباجي :/