حبيباتى ابى اغير شخصيتى واسلوبى كله
انا حدى الل بقلبى على لسانى حتا لو زعلت وكل شى اخذه على اعصابى لما ازعل ابجى لين احس بمووت وغير جدى كله استحى وما اقدر اقعد اسولف مع احد ابى اصير جريئه وحبوبه وابى اتعلم اسلوب حلو بحيث لا تكلمت معاى احد يعجه اسلوبى ياليت تفيدونى بتجارب او مواقف او شنو اسوى ودايم احس انى وحيده رغم هالناس والاهل
اول شي ابي اعرف عمرج اذا ممكن ؟؟عشان اقدر اساعدج...
بس اذا موحابه تقولين عمرج عادي بتكلم بشكل عام ..
اول شي..
اللي بقلبج على لسانج ...هذي ميزه مو مشكله ..بس حاولي تمسكين نفسج لما تحسن انج بتخربين السالفه:dddds:
واذا زعلتي توضي وصلي ركعتين (هذي مو وصيتي وصيه الرسول صلى الله عليه وسلم) وصدقيني والله راح ترتاحين حيييييييييييييل
وعالحوار والجرأه..عودي نفسج مع القراب منج وبعدين وسعي الدائره لما توصلين للكل ..وحاولي تسوين تدريبات جدام المنظره وتكلمين كانه حوار راح تاخذين عالوضع ..
وصدقيني اذا كنت بعمر صغير اقصد تحت العشرين اوحتى 20 او21 او22 عادي ((اقصد اذا كنتي بسن مراهقه)) وضع طبيعي وعادي بس كم سنه راح تكون شخصيتي وبتجرأين اكثر ..
وانصحج تقرين مواضيع تنميه الذات واداب الحوار والشخصيه الجاذبه وهالسوالف راح تلقينها مليانه بالنت ..
ولاتفكرين بالموضوع حيل لانه راح تكبر وتكبر المشكله وتصير واقع ماتقدرين تغيرينه ..بس شوفي هالشي لازززززززززززززززززززززززززززززززززززززززززززززززم تنتبهين عليه..
(((((فكري باشياء ايجابيه وتحبينها بشخصيتج وتخيلي دايم الشخصيه الي تحبين تكونين فيها ..جريئه واسلوب حلو وحريصه ..تخيلي ان هذي شخصيتج صارت واقع ..)))
ولاتفكيرين بشي سلبي وانج ماتقدرين وصعبه وحاولت وفشلت ....ترى والله سهل تحصلين على اي شي تبينه خاصه بالشخصيه لما تغيرين تفكيرج ..)))
قرقت شكثر :cxxxp:
موفقه حبيبتي وان شاء الله تكونين باحسن حال دايما وانا احس انج بعد فتره بعد ماتقرين مواضيع ونصايح بهالخصوص راح تغيرين ))
