عندمـــا تكون (( كـــــارثة الجهــــراء )) أضحوكهـ عند البعــــض .....!

[EleGanZa]

امبي شالقلب .........!!!!

في اشياء صارت ضحكنا على الطنازه اللي اطلعت عليها ..

بس بهالجريمه لا ..! ما يضحك ...!!

عيل مطفأه مجانا .. !

حسبي الله ونعم الوكيل ..!


جذي يحرقون قلوب الاهالي والله ..

مو بس الاهالي حتى اهل الكويت والحريم بالذات ..

 

[tota kim]

استغفر الله العظيم

 

[CUTE ENGINEER]

بعد شتقولين فيه ناس ماعندهم حيا ولا إحساس

 

[EleGanZa]

صدقتي ..!

 

[امواج الكويت]

حسبي الله على كل انسان ما عنده قلب واللي بالحريق يتمون اعراضنا حتى لو ما نعرفهم لان شعب الكويت بيت واحد

بس اخ وين اللي يحس

 

[ReeM ^ Style]

جزاج الله خير على هالموضوع فعلا اختي اذا مات القلب لاتستغربين من شي

هذيلا ناس قلوبهم ماتت ماعد يحسون في شي

حتى لوشافوا المشهد قدام اعيونهم نايعتبرون ان لله وان اليه راجعون

 

[roses_77]

حسبي الله ونعم الوكيل

 

[EleGanZa]

هذول مال نحبسهم بغرفه كلها فيها صور الحادثه يمكن يحسون ..!!

 

[قطوة@@]

الناس وين و هالسوالف البايخه وين

الله يرحم الموتى و يشافي المرضى

لا حول ولا قوة الا بالله

 

[EleGanZa]

^
^
^
^

آمييييييييييييييييين

 

['Basma']

عيب والله عييب.. ماكو تقدير للارواح اللي راحت

 

[بنت الفيصليه]

الله المستعان الله يهدي اللي مسوي الكاركاتير لوامه او اخته اوزوجته او اي احد عزيز عليه وغالي بيرضى بها التعليقات
اتوقع اللي مسويها ماله داااعي في الحياة حنا يا السعودييين مانعرف احد من اللي احترقوا والله احترقت قلوبنا معهم
الله يصبر اهليهم اللهم امين

 

[FOZQ8]

وبكل فخر حاط اسمه ... تافه

 

[EleGanZa]

مشكورين عالمرور ..

 

[العـذوب]

هذا ما يحس

احنا في الامارات قلوبنا مفجوعة.. أنا الله العالم نفسيتي دااااون من هالموضوع


وهذيل يستظرفون دمهم

 

[ريووم]

امبييي حرآآآآم

اهو بس يت عل كاريكاتير النكت اشتغلت :×

صج لو كان واحد من اهلهم شاف الي شافو لا سمح الله جان يحسون شوي

الله يرحمهم ان شاء الله ..

 

[كيوت_25]

السلام عليكم....

هلا إختي......اولا اشكرح على هالموضوع.....

ثانيا...انا قايلة ماراح أرد على أحد او أدش هالقسم من كثر ماقريت أشيااااااا كذب وتجني وتشهير وضحك وإستهزاااء..


تعبت ارد وأوضح بس هم ارد وأقرى بلااااااااااااااوي بدون مراعاة لمشاعر أحد اللي تكتب نلعب لعبة كارثة الجهرا؟؟؟

...واللي تكتب هذول بدوون واهل العرس هكرى؟؟....واللي تسمعلها سالفة وتسدحها بموضووع بدوون ما تتاكد

قسم بالله حزني وضيقتي يزيدوون من أقرى هالأموور والكذب...انا أعرف اهل العرس وأغلب اللي استشهدوا أهلي وجماعتي

..وعمتي وخالتي كانوا بالعرس وأقدر اقول ثلاث ارباع اللي انكتب بهالقسم كذب وإشاعات...مو عيب؟؟؟ مو حرام

كويتيااات؟؟؟... بدال ماندعي للضحايا وأهلهم ...وندعي للمرضى ؟؟ ندش هنيه ونكتب مواضيع سخيفة وإشاعات...

..وإحنا نقرى ويصير الجرح جرررحين؟؟؟....اللي تستهزئ وتضحك ونرروج إشاعات ومعترررضة وشاكة....

تجي الجهرا وتلف فيهااااا وتشوف الفاجعة من قلب كل مترين اعلان تعزية ؟؟.....في امور انا عارفتها وسامعتها ومتأكدة

منهااا بس ما فكر اقولها وأكتبها إذا فيني شدو كتابة مواضيع ..ادش ادعيلهم وأطلب الدعااااء لهم....هالشي يفيدهم..مو أحط

اخبار وإشاعات واقعد اكتب عرفت فلانة وشفت علانة..وقالوولي وحطووولي.حراااااااااااااااااااااااااااااااااااااااااااااااااااااام

ماقول إلا حسبي الله ونعم الوووكيل.....

حسبي الله و نعم الوكيل

يا ويلهم من ربهم


اللهم لا تؤاخذنا بما فعل السفهاء منا

استغفر الله و اتوب اليه ​

 

[EleGanZa]

^
^
^
^

آمين يارب ..

 

[يمّه مني]

اصعب شي بالدنيا انسان مجروح ويي واحد ثاني يدندن على جراحه


اللي صار حق اهالي الجهرا مسنا كلنا
كلنا نبجي وكلنا ندعي لهم انه يخفف عنهم

اليوم انا وامي قاعدين انقول باجر رمضان اشلون بيمر على اهلهم
امس البيت متروس اليوم فاضي

الموت حق وكلنا بنموت مودايم الا ويه الله سبحانه
بس استغفرالله الحادث اللي صار شي كبير محرقه جماعيه

لاحول ولا قوة الا بالله
يالله انك تلطف فينا وتحرم جلودنا واهالينا عن النار

الله يرحمهم برحمته وينزلهم بفسيح جناته ويشافي مرضاهم ويهون عليهم

 

[روح الرياض]

اعوذ بالله منهم ما عندهم انسانيه انا للحين اتذكرهم وابكي وانا ما اعرفهم واتخيل شلون عيالهم بيصومون


رمضان بدون اهلهم ياربي تهون عليهم وتصبر قلوبهم