عندما يصبح الجمال نقمة >>>> ابي حل لحقوني مع دكتوري

[الغلاااااا]

اذا دشت محاظرة الدكتور الشايب لاتطالع فيه
خل تشغل نفسها بالنوته تشخبط تكتب اي شي واذا كلش كلش تسمع المحاظره بس تركز عيونها على طاولة الدكتوره او السبوره خل تحقره وهو راح يحس مالت عليه مايستحي

 

[ورد]

اذا نقاب ما تبي تتنقب
وما تبي تحذف المادة
وما تبي تترك الجامعة

يعني وش الحل برايج ؟؟؟
وما اعتقد هي اول او اخر وحدة في الكويت الي جمالها يلفت
جيت الكويت وشفت البنات
والي شفته بعد شباب الكويت زي الي عندنا ،، ما تمر عليهم بنت الا كأنهم اول مرة يشوفونها

يعني المشكلة مو من الي حواليها ،، منها هي ،، شايفة نفسها بالدنيا وان الكل ميت عليها
حتى لو كانت حلوة وما اقدر انكر اواثبت هـ الشي
بس مو معناته مررررة عاد شباب الكويت كلهم متعطلين عليها !
والناس اذواق يمكن هي وانتي تشوفونها حلوة بس ناس ثانين يشوفونها عادية !!
يعني ليش مكبرة الموضوع وشككت بالدكتور !!!

 

[cherry67]

والله حتى المتنقبة ما يخلونها بحالها هني عندنا الكويتيين بصراحة عيونهم زايغة كل شئي يطالعون واحسن شئ تتحجب وبس

 

[toti-fruiti]

اشدعوا ليش امكبره الموضوع؟؟؟
شنو يعني حلوه المفروض تستانس انها حلوه وتكون عندها ثقه بنفسها البنت المستوره محد يتجرأ عليها ومحد يقدر يمنع الناس من انها اطالع
حتى الجيكره يطالعونها ويتحرشون فيها بعد
وبعدين اشدعوا سوت الشباب والرياييل كلهم وحوش بياكلونها
ترا الوضع جدا" عادي وحده حلوه ويطالعونها...بس اذا احد تجرأ خل توقفه عند حده

واللي تقول ميساء مغربي مو حلوه ومي عزالدين وايد بيضة!!!
أقولج ميساء قمة بالأناقه والأنوثه
واذا بياض مي عز الدين موحلو جان ما شفتي خلطات التبييض تارسه المنتدى​

 

[Bent Ameer]

شكثر بنات جميلات ويعانون من هالمشكله بس عادي تطنش بعد شتسوي

 

[عاشقها هجرها]

رد: رد : عندما يصبح الجمال نقمة >>>> ابي حل لحقوني مع دكتوري

والله من صجج عاد شنو لهالدرجه شبابنا وبناتنا وشيابنا ملاهيق ومو شايفين خير

سوري حبيبتي بس انتي متاكده انج عايشه بالكويت

ترا الكويت اغلب بناتنا حلوين الحمدلله والي مو حلوه الله يخلي الميك اب والعدسات ماكو وحده مو حلوه الجيكره تصير واو

وشنو يعني يغازلووونها واهي ما تبي الكل يتغازل بالشارع حتى الصخله وانتي بكرامه يغازلووونها شنو يعني كرهت نفسها

يعني مثلا اذا الوحده غازلوووها ما تطلع يعني معناتها كلنا ما نطلع واذا اهي صج نا تلبس ضيج ولا تحط فل ميك اب ومحترمه محد بيي صوبها ويخافون اصلا يقربون منها لانه معرووووف الشباب اول مره يحاولون بعد بعدين الاحترام يفرض نفسه

والي تقولها تنقبي ومادري شنو شكووووووووو البنت متحجبه النقاب مو فرض ومو لازم تلبسه اذا اهي ما تبيه

وصج الدكاتره ما يستحون ياااااااما شفنا وسكتنا اهم شي اهي تحظر محاضراتها وما تعطيه ويه وتعامله جنه ابوها وتطنشه

شنو هذا ما تروح الجامعه عشان حلوه لكل منبهر فيييها اخاف احنا بالبر بس وشبابنا مو شافين حلوين اصلا معروف شباب الكويت اكثر شباب شايفين خييييييييير من كثر الاشكال الحلوه الي عندنا !!!!!!!

معاها ... :eh_s(20):

 

[&& دعاء &&]

رد : عندما يصبح الجمال نقمة >>>> ابي حل لحقوني مع دكتوري

تسحب الماده وخلاص

 

[رفاعيه]

خل تلبس عبايه وتحجب وماتبرج وبس انحلت المشكله

 

[shoshowoo]

حبوبة خليها تقعد ورااااا بعيد عنه ولاتعطيه ويه وتتجنبه وتلهي نفسها باي شي الله يكون بعونهاااا على مايعدي الكورس

 

[نبتة غلا]

ماشاءالله تبارك الرحمن
زين وعقل
الله يزيدها يارب ويحرسها
قوليلها تعطي الناس اكبر طااااااااااااااااف بالدنيا
وختحط فبالها انها تنسى نظرة الناس لها عشان ماتتعقد وبعدين توسوس
دام انها جميله مانقدر نقولها ختجكر عمرها لانها صعبه
بس مالها الا النقاب
واذا على اهلها
تقنعهم انها تلبس النقاب بس بالدوام وبرا تفصخه
عشان تتحاشى نظرات الي يضايقونها
وانا اعرف اشكثر منقبات ملكات جمال
جمال مو طبيعي ماشااالله
بس النقاب ساتر عليهم ف تصير اشكالهم عاديه بالنقاب وماتلفت النظر وتتحاشى العيون
مالها غير هالحل مؤقت بس بالدوام
والله يعينها

 

[eman84]

الله يهنيها بجمالها

 

[ود الحربي]

شسالفه الي زوجها حلو يلحقونا البنات والي حلوه ويلحقونها الشباب لووووووول

 

[ضايعة بدنيتي]

رد : عندما يصبح الجمال نقمة >>>> ابي حل لحقوني مع دكتوري


سبحان الله كل شي ربنا امرنا فيه وله حكمة !!! الالتزام بالحجاب الشرعي هو اكبر ستر للبنت . ما عليها من اهلها . دام وجهها فتنه خليها تغطيه عالاقل بالجامعة بس وانا مو فاهمة ليش تقولين انها ما تقدر تلبس نقاب !! خليها تلبس عبايه بالأول وبعدين تتعود تلبس النقاب ( عالااقل بالجآآآآمعة وبس ) . دخيل الله في المحاضرة هذي بالذات تلبسها !!

الحل مو صعب بس انتوا مصعبينه ! والله يحفظها من العين

 

[foshia girl]

رد : رد: عندما يصبح الجمال نقمة >>>> ابي حل لحقوني مع دكتوري

اذا نقاب ما تبي تتنقب
وما تبي تحذف المادة
وما تبي تترك الجامعة

يعني وش الحل برايج ؟؟؟
وما اعتقد هي اول او اخر وحدة في الكويت الي جمالها يلفت
جيت الكويت وشفت البنات
والي شفته بعد شباب الكويت زي الي عندنا ،، ما تمر عليهم بنت الا كأنهم اول مرة يشوفونها

يعني المشكلة مو من الي حواليها ،، منها هي ،، شايفة نفسها بالدنيا وان الكل ميت عليها
حتى لو كانت حلوة وما اقدر انكر اواثبت هـ الشي
بس مو معناته مررررة عاد شباب الكويت كلهم متعطلين عليها !
والناس اذواق يمكن هي وانتي تشوفونها حلوة بس ناس ثانين يشوفونها عادية !!
يعني ليش مكبرة الموضوع وشككت بالدكتور !!!

مع كلام البنت 100%

صاااجه اصلا بعض شباب الكويت اذا شافوا البنت جنه اول مره يشوفون بنت يتشفقووون استغفر الله
وترى مروا علي شكثر جذي كانت رفيجتي جذي والله العظيم ماابالغ اذا قتلج انها من كثر ماهي واثقه بعمرها ماكو سالفه ولا كلمه الا واااااي الناس كلها تشوفني واااي مريت والريايل كلهم التفتوا واااااي رحت المستوصف الكل شهق فيني اشدعوااا هاذا من كثر الثقه ومره طلعت معاها بشووف صج الكلام اقسم بالله محد يدري عنها وطول واهي قاعده واااي فوشيا شوفي هاذا يطالعني وهاذا يخزني وربي محد يدري عنها بس عشان اهي عودت عمرها على هالشي ,, يعني وااايد في بنات حلوووين مايسووون جذي ويطلعون يروحون كل مكان صج ان الناس تشوفهم بس مو لدرجه ان الكل يلتفت والحين ماشالله بنات الكويت قمه بالجمال منو مو حلوووه حتى الجيكره لي حطت عدسات وصبغت الشعر اشقر وسوت تاان استخفوااا عليها ,,

وبالنهايه ربي يهديهااا ويوفقهااا ويعمي عين عيال الحرام عنهااا ​

 

[&موناليزا&]

رد : عندما يصبح الجمال نقمة >>>> ابي حل لحقوني مع دكتوري

في وااااااااايد جميلات بالكويت ماشالله

لاتعطي مجال للدكتور

تسحب المادة وتاخذها الكورس الياي

وصدقيني اذا فرضت احترامها عليه راح يحترم نفسه ومايتحرش مره ثانيه فيها

وياربي يستر على بنات المسلمين

 

[smily girl]

قوليلها تتنقب

مو ربي امرنا بالستر مو من فراغ كلش له حكمه

ذكريها انها تتحمل ذنوب كل هالبشر لان حرام فيه شباب محترمين بس غصب ينفتنون فيها اذا اهي جميله

 

[بنت حمووله]

رد : عندما يصبح الجمال نقمة >>>> ابي حل لحقوني مع دكتوري

مممم بخصوص الدكتور خالد اللي قرضوا فيه جم بنيه
ما اقول الا...عسى الله لا يوفقه جليل الحيا

 

[♥ąϻᴑŁ♥]

خل تلبس نقــآآب حق الجامعه ., :/

 

[LittLeQueen]

خل تتنقب بس بالجامعه

 

[الملاكـَ]

بسيطه
لمن اتدش محاضرته بس خلها تتنقب وتحاول تتجنب مكان اهوو فيه

امبيييييييييه انا مرت علي هالحاله
دكتوري كان كله يناديني اروحله المكتب عاد لمن اروح عبالي عنده شي
يقولي حطي درجات الطلبه سويلي هالشي بالكمبيوتر وانا على نياتي
عاد كان يحطلي قريد زين لين تزوجت خذيت عنده ماده ( ثالث ماده اخذها عنده ) وكنت حامل وكله لايعه جبدي وحالتي حاله قالي ها اشوفج ماتداومين قتله والله تعبانه دكتور وحامل
قال حااااااااااااامل .؟؟!!!!
قتله اي قال اها اوكي ومشى لوول

عاد يحليله عطاني دي
وما سالته ليش ولاشي قلت بالطقاق المهم انجح

صج ساعات الجمال يصير نقمه