عندما تتحرك المشاعر لأجل اعز صديق واخ قصة تعبر عنمعنى الصداقة (خالــــــد وجاســــم)

[((أمي حياتي))]

حبيبتي متى تنزلين بارت

 

[((راقية بذوقي))]

حبيبتي متى تنزلين بارت :eh_s(2):

 

[برشلونيه q8]

متى البارت طولتي الكل عطل و طلعت النتايج عــسى المانع خير حبيبتي و ناطرينج على ناار **;

 

[((راقية بذوقي))]

متى البارت حبيبتي

 

[الصمت الغامض]

البارت الثامن
جاسم مشى وقعد على صخرة وكان عيونه حمرة وطالع خالد وابتسم : سلامتك بس حسيت بضيقة شوي .
خالد :افا ضيقة وانا مجود اجل انا شنو شغلتي علمني ها .
جاسم : خالد ممكن اطلب طلب اذا سمحت .
خالد قرب وقعد جنب جاسم: انت بس اشر واللي تبيه اجيبة اجيبة لو اذبح عشانك انا اليوم ذباح.
جاسم يرمش ويالله مسك دموعه ويتلفت يمين ويسار عشان مايبين لخالد :ابيك تخطب رهام وتزوجها .
خالد بطل عيونه : ههههههههههه بس كل هذا ومعصب عشان سالفة ماتسوى .
جاسم : خالد انا اكلمك من صجي مو قاعد العب ^نزل راسه ^ انا شفتها اليوم ومن نضراتها انها تحبك وانا مابي اخذها واعذبها .
خالد : انا اقول انت لازم ماتقعد بروحك وتعطي استنتاجات على كيفك اسمع ياولد الحلل البنات مو نفسنا وانا معاك ادري انها معجبة فيني ركز على هالكلمة ماقلت تحبني هذا يسمونه اعجاب اللي تسميه حب يكون لازم مشاعر متبادلة بين طرفين .
جاسم : لا تقعد تفلسف انت ماخذها ماخذها .
خالد قام : اقو لانت اللي تسمع الحين مو انا اللي اخذ امنية رفيق دربي واخوي تسمع انت بس مو فاهم تراكيب الحياة صح شوف البنات غيرنا حنا الشباب الولد عنده الحب مو ثابت واذا حب اليوم وماتت ينسى باجر اذا تزوج غيرها لكن المرأة اذا حبت الحين بايام المراهقة هذا مايسمونة حب يسمونة لعب ورعان لعب جهال لكن ياتزوجت تنسى اللي كانت تحبة وابوه وجدة واللي جابه وعندها زوجها كانه هو الرجال الوحيد فهالدنيا اما الرجال ياحب قبل الزواج يضل يحبها حتى لو تزوج هذا اذا كان مخلص فهمت المغزى يعني ياتزوجتها تخليها تنساني بلحظة وماتشوف غيرك .
جاسم عدل قعدته واستانس : صج وشلون اخليها تشوفني بس.
خالد يغمزله : عاد هذا عليك بعد الزواج قولها ياعسل ياروحي انا ومن هالكلام وتفنن عاد انت .
جاسم يضحك : هذا الرفيق وله بلاش .
انتهى البارت ياحلوين

 

[الصمت الغامض]

اسفة عالتاخير كنت مشغولة شوي

 

[**BESTGIRL**]

عادي حيااتو خذي راحتج متى ما تنزلين <<<< ومشكوورة ع البارت

 

[>>jojo<<<]

مشكوره حبيبتي على الباااارت
بس يا ليت اطولين البارت اشوي <<< لا تزعلين خيتوو
...... جار الانتظار ......

 

[الصمت الغامض]

البارت التاسع
جاسم اتصل عليه ابوه
جاسم : هلا بنظر عيوني هلا بابوي .
ابو جاسم: اوف شنو اللي نزل عليك عشان ترحب بالتراحيب هذي .
جاسم : الحبيب خالد علمني هالكلام شفت شلون هذا الرفيق عندك نفسة ماعندك .
ابو جاسم : ردينا على خالد لا حول ولا قوة الا بالله انا مدري شمسويلك هالولد .
جاسم : اه بس شقول وشتكلم لو اقعد اتكلم يجي باجر وانا ماخلصت .
خالد لف وجهه وقعد يضحك ورد يطالع جاسم : استح على وجهك وفر كلامك هذا لزوجة المستقبل .
جاسم يبتسم : وهذا انا قاعد اتدرب على الرومنسية .
ابو جاسم : رومنسية شنو ياللي ماتستحي ها انا قايل هذا يبي يخربك انا داري انا عارف .
خالد:هههههههههههههههههههههههههههههههههههههههههههه.
جاسم يعض على اسنانه : لا انا قصدي شي ثاني احم احم ^يحاول يرقع السالفة ^ شنو بغيت يبة عسى الأهل مافيهم شي .
ابو جاسم : فال الله ولا فالك تعال ابيك بشغل ماعندي الا انت شسوي .
جاسم : امر مسافة طريق واكون عندك يالله مع السلامة .
جاسم سكر التلفون : الله يعيني عاد عالموال اللي بيجي .
خالد يضحك : الله يعينك عاد شره علي انا .
جاسم : مالك شغل لو يذبحني ماني مخليك اللي مثلك مايلقونه بهالزمن لو بين الف .
خالد تلعثم وماعرف يرد : مشكور والله ماادري شقولك .
جاسم : بس بس ادري انك بهالأشياء ماتعرف تتكلم منو يصدق خالد المثقف اللي كل سالفة يعرف يتكلم فيها يوقف عند هالأ شياء ماعليه ياخوي ماله داعي تتتكلم انا عارف اللي تبي تقوله ^غمزله^ وهالشي اللي يميزني عن باقي الناس .
جاسم ركب سيارته وخالد واقف عند الدريشة .
جاسم: مع السلامة سلمني عالربع وتعذرلي منهم .
خالد : ماله داعي تقول انا اعرف هالأشياء ماتشوف شر واحذر بالطريق .
جاسم يضحك : لا توصي حريص .
حرك جاسم وراح للبيت عند ابوه وخالد ضل واقف يطالع سيارة جاسم وهي تمشي
انتهى البارت

 

[>>jojo<<<]

مشكوره حبيتي ما قصرتي
ناطرين البارت الياااااي
......... جار الانتظااار ........

 

[الصمت الغامض]

البارت العاشر
خالد كان واقف وقرب من عنده سعود
سعود بنفسية : خااالد .
خالد لف : هلا لبيه بغيت شي .
سعود : لا بس اعمامي يبونك داخل بالدوانية .
خالد بقلبه : وليه قصدك العصابة يبوني الله يعيني بعد شمسوي انا.
خالد :أي حاظر جاي معاك .
دشوا وكان موجود بالدوانية بس اعمامه وسعود وترى سعود اخو رهام .
ابو سعود : حياك خالد اقعد .
خالد يقعد : الله يحيك عسى القعدة خير ان شاء الله .
ابو مبارك عمه الثاني : الخير بوجهك شوف حنا سمعنا وشفنا خبر والاثبات عندك .
خالد بقلبة :لايكون مسوي جريمة وانا مدري .
خالد يضحك: وشنو الخبر هذا اللي جمعكم .
ابو سعود بعصبية : بأختصار انت متحرش في بنتي رهام .
خالد بصدمة : شنو شقاعد تقول انت .
ابو مبارك : اسمع ولد جيرانه وسعود شايفينك تكلمها وانت واقف عند باب السيارة وكانت الجام مفتوحة بسيارة سعود .
ابو سعود : واذا كان على رهام فحنا ادبناها لما افتحت الدريشة لكن المشكلة ان اطلعت اشاعات عن تربية عايلتنا وان حنا ناس مانستحي .
خالد مذهول وتذكر الموقف لما نسى عقالة فوق سيارة سعود وعرف ان البنت اللي كانت داخل السيارة اهي رهام وانصدم اكثر.

خالد بارتباك :لاياعمي فاهم غلط وبنتك ماله داعي تظلمها بالعكس سوت الصحيح لما افتحت الجام لاني انا كنت موداري ان في احد بالسيارة وكنت قاعد اعدل شماغي هذا كل اللي صار وهي لما فتحت الدريشة نبهتني على ان في احد بالسيارة وعشان ماالصق بالجام .
سعود : صج وله خفت لما شفتني ونحشت .
خالد : افا ياسعود تشك فيني انا وفي اختك اصلا اختك اعتبرها اختي وبعدين انا من الصدمة نحشت وماعرفت شنو اسوي واصلا ماادري انك كنت موجود وتطالع وبعدين اللي يبي يغازل مايغازل جدام البيت والاهل مو صحيح كلامي .
سعود هني سكت .
ابو سعود : انزين اذا كنا حنا ندري ان مو كان قصدك الناس شنو اللي بعرفها انك مظلوم بهالسالفه مالك الا حل واحد .
خالد : امر واللي اقدر عليه اسويه .
ابو سعود : باجر نملك عليك وعليها .
خالد بطل عيونة وبصدمة قوية : مستحييييييييييييييييييييييييييييل .


انتهى البارت وانظروني في بارت جديد وابي توقعاتكم حبايبي

 

[>>jojo<<<]

مشكوره
لا صج مستحيييييييل ياخذ رهام
يارب ما يأخذها ولا يجبروونه عمامه
حرام ولو يدري جاسم بيموووت <<< سوري اندمجت بالقصه ههههههه
ناطرين حبيبتي
.......... جار الانتظار .........

 

[w7shia]

لااااييييوقف لاااايييووووقف لاااايوقف

ناطططرينج حبيبتي لا اطووولين !

قوآج الله ع الرواية الرووعه

 

[((راقية بذوقي))]

متى تنزلين البارت

 

[احلى قدساوية]

~يعطيج العاافيه يا قلبي​

الروايه قاريتها من قبل بالمنتدى شكثر بنات كتبوها~​

 

[الصمت الغامض]

شكرا لمرورج احلى قساوية بس انا كاتبتها من خيالي فشلون احدد كتب نفسها او يمكن قريتي مالتي قبل وحسبالج وحدة ثانية لاني انا صارلي شهر تقريبا توني اكملها
وشكرا لمتابعة راقية بذوقي ووحشية وجوجو مشكوين بنات ع المتاابعة

 

[الصمت الغامض]

البارت الحادي عشر

الكل وسط حالة ذهول ويطالعون خالد
ابو سعود بانفعال شديد: نننن نعم شقلت ياخالد يعني انت تثبت بهالكلمة ان فعلا في شي صح وله بنتي مو عاجبتك وله طايحة من عينك هاا ماترد .
خالد مرتبك : لا موقصدي وبنتك مافيها الا كل الخير والادب .
ابو سعود :اجل شنو المشكلة ماتعلم .
خالد وصل حدة وعيونة حمرت وصار يطالع يمين ويسار
خالد بقلبة : مااقدر مااقدر انا وعدت جاسم ماقدر اتزوجها وماافدر اقول مابيها عشان جاسم يبيها هذا سرك ياجاسم ماقدر اخذها وماقدر اقولهم بعدين راح يشوفون نفسهم عليك وزيدون بالطلبات ويذلونك لانكرتبي بنتهم والاهم اني مستحيل ولو حد السيف ع رقبتي اقول سرك مو انا اللي يفضح ربعة ششنو اسوي جاسم مابي احطم حلمك .
ابو سعود بصراخ :خالــــــــــــــــــــد
خالد انتبه بلع ريجة وقعد يرمش وعيونة حمرة بتدمع : لان لان لاني الحين بكلية الضباط وانا هههذا حلمي ومابي اخرها وخليه تنطر اربع سنين .
ابو سعود عدل قعدته : اذا هذي المشكلة ماله داعي تنطر شوراها وباجر نعلن خطبتكم .
خالد حاشتة الرعدة وبدا جسمة ينتفض
ابو مبارك : يالله مبروك عليكم وباجر الغدا بمناسبة خطبة خالد .
خالد وقف وهو يرتعش : اسمحولي بروح الحمام .
خالد دش الحمام وقفل الباب وحط ايدة على الباب وعض شفتة السفلية بقوة :لا هذا اللي صار جذبة اكيد جذبة لاااااااااااااااااااااااااااااااااااااااااااااااااااااااااااااااااااا ^بداا دموعة تنزل لدرجة انه ماقدر يطالع وترك الباب وطاح على ظهره على الطوفة لان رجولة ماقدرت تشيلة وبصوت خفيف :جاسم ^بدا يشهق من البجي ^جاسم تكفى سامحني سامحــــــــــني والله والله مابي لا انا مستحيل اخلي هالشي يصير ^رفع راسه فوق وحط ايدينة على راسة ^اه اه أي قلبي جاســــم جاسم
انتهى البارت وانتظروني في الحلقة القادمة

 

[الصمت الغامض]

وشكرا لمتابعة بست قيرل وبرشلونية وكاتمة الاهات وامي حياتي واسفة اذا نسيت احد

 

[>>jojo<<<]

مشكوره حبيبتي
.... جار الانتظار ......

 

[دانة قحطان..))]

مشكوره اختي :::واحنا ننطر البارت الجاي بفارغ الصبر