عندج هوس بالماركات تعالي عطينا رايج

[كويتيه 82]

السلام عليكم خواتي

انا ملاحظه انه في هالكم سنه اللي فاتو انتشر هوس مو طبيعي بالكويت خصوصا واللي هو

هوس الماركااااات

يعني من ساعات لي جنط لي عزكم الله جواتي لي ملابس بيبيات والخ الخ

اللي ابي اعرفه شنو الشي اللي يخلينا نقط 400 دينار على جنطة وبعدين نكتشف انه في منها تقليد لااااا ودرجة اولى بعد

يعني شالسالفه ابي افهم هالشئ هذا يرضي غرور بأنفسنا والا شنو بالضبط

يعني مو مشكله ندلع اعمارنا بس بالمعقول

انا اتكلم عن نفسي اولا وما انزهها بس بعد ابي رايكم

هل تشوفون الشي اللي قاعد يصير طبيعي والا فسق

وترى كل شئ لي زاد عن حده ينقلب ضده

ابي اراء الجميع ونبيه نقاش هاااادف من غير تجريح وتفلسف

والاختلاف بالرأي لا يفسد للود قضيه

اترك لكم المايك حبيباتي

:ggdw:​

 

[al_gardenia]

انا عن نفسي مستحيل استري بهالقيمه اذا بدش جمعيه عشا ن اشتري اشياء حقي

اخذ لي نطه ماركه سعرها معقول واقدر بنفس الوقت اشتري ساعه ماركه هم سعرها معقول واشتري بدل الي بخاطري

واقدر اروح اطلع اغير جو اسافر اونس عيالي اطيب خاطر امي وابوي

اشتري هديه حق ريلي

اشتري حق عيالي الي بخاطرهم

ولا احب المراكه الغاليه هالشي مايرضيني كلشششششششششش

 

[سحيله_الحلوه]

كل شي له وقته يعني الماركه 24 ساعه ملاغه ..!!
واذا كل ماتميت بيصير عندي مبلغ حلووو ليش ماشتري فيه استانس!!

 

[bnt_7waa]

mo kel yom elnas t86 400 KD
o b3den ele yshtre 78 ro7a 7ta lw fe nfsha cope t8leed esm ele 3nda a9lya

o akeed btkon 3agbtaa elgn6a

 

[أحب ترابها]

الساعه قيمتها فيها تسوي تكون غاليه بس الجنطه احس ملل نفس الجنطه استخدمها علي طول علشان قاطه عليها مبلغ وقدره وفيه ناس الله معطيهم يعني قيمة الجنطه مو متعبه ميزانيتهم طبعا احس الي تجري ورا الماركه وتحط ديون او تقصر علي نفسها هذا جنون-

 

[Anestazya]

صح الساعه فيها قيمتها لو تلبسينها 10 سنين ولان اللي يرفع سعرها الالماس بس بعد ما ابالغ بسعرها

واللبس والجناط كل شي له وقته يعني اذا بطلع من النفاس اشتري جنطه بس شنو ماتعدى 250 واللبس بعد يعني بالمناسبات بس مولدرجة المبالغه لاوالله ماعندي عشان ابالغ هههههههههههه

 

[فطومه]

والله انا احب الماركات.......للطلعات العاديه البس الماركات الدارجه جس...كوتش...بي بي......اما الزواره والرزه البس عاد شى كشخه
سيلين برادا هالسوالف الواحد لازم يمتع روحه...واللى ماعنده يلبس على قده وعلى قد لحافك مد رويلاتك

 

[رايقة1980]

انا راتبي ماشاء الله قوي

بس ما اشتري ماركات غالية جنطه فوق 100 دينار ما اشتري >> ما احب.. اممم ما اقتنع ... فيه شي يمنعني!!

والساعات اغلى ساعة عندي بالف.. ما اشتري اكثر

..

الملابس نو للماركات

الاحذية نو للماركات


..

وسلامتكم

 

[chocolate cake]

والله انا الصراحه اقط على الماركات

حق نفسي و ولدي و ريلي

و هالشي مو لانه نشبع غرورنا او شي جذي بالعكس

انا احب اكشخ و البس و اكون مميزه

و حتى اذا بشتري جنطه ماركه اكيد راح اشتري شي يسوى و سعره فيه

و الحناط كل يوم نشيلهم فبتطلعين قيمتها

حتى الملابس و الجواتي تكرمون

و و لدي اشتريله ماركات و خصوصا حق العيد احس يصير شكله رزه و حلووو

و هذا مو معناته ان كل لبسنا ماركااات لااا مو لي هالدرجه

و انا الصراحه ما احب البس شي تقليييد

مو عن شي بس انا بالنسبه لي ليش اشتري تقليد

يا اشتري ماركه اصليه يا اشتري شي عاااادي

يعني مثلا اذا ميزانيتي ما تسمح اشتري ماركه مااا اروح اشتري تقليييد
لااا اروح اشتريلي اي جنطه عاديه بالنسبه لي احسن



مشكوووره عالموضوع و يعطيج العافيه حبيبتي

 

[كويتيه 82]

تسلمون بنات على ردودكم الحلوة

طيب انتو تأيدون ان الوحده تشتري الماركة الاصليه بالشي الفولاني والا تاخذ تقليدها درجة اولى اللي صعب انك تفرقينه عن الاصلي

انا دايما لما اشوف برامج الموضه الاجنبيه بعضها يحطون فقرة شلون تقدرين توفرين اكثر بحيث تشترين فستان او اي قطعة اكسسوار تكون تقليد للماركة الاصليه ويحطون القطعتين او عارضتين يعرضون الملابس ويسألون الجمهور وين الاصلي خخخ
وبعدين يعرضون الاسعار اللي تكون فااااارقه ويعرضون اسم المحل بعد

 

[love love]

انا احب اشتري متى ماقدرت وميزانيتي تسمح اذا ما اسمحت لا مو ملزومه

بس مايمنع انه محد يشتري انا شخصيا احب اشتري لنفسي مو علشان الناس تشوفني

 

[ام السيف1]

انسى اشتر ماركة ليش اقط 400 دينار على جنطة بعدين تلوع جبدى منها بالهال400 اشتر 10 جناط تقليد ماركة درجة اولى بنت خالتى سافرت الصين وشرت من هناك30 جنطة تقليد ماركة درجة اولى زووووووووووغة للحين ماشفت منها بالكويت والكل عبالهم ماركات

 

[opera]

الي عنده خل يستانس ويمتع نفسه بس المشكله بلي ماعنده .. يعني معاشه يدوب مكفيه ومعيشه اهني يصير ماله داعي بس وين الي يسمع انا وايد اعرف ناس يحطون على نفسهم ويشترون ماركات غاليه بالفيزا بس عشان الناس يشوفون انهم كشيخه .. مع العلم ان كل واحد عارف مستوى الي حواليه

 

[ديرتي الغاليه]

مادري,,,,,,,,,,,,, انا اللي صدمنى ان في محل معروف يبيع جناط الاصليه <تعرفون الاصليه ......بعدها اكتشفوا انها تقليد درجه اولى وكان التاجر الله يسامحه يغش اللي فيهم هووووووووووس ههههههههههه .............يعني اللي تشتري الماركه حتى و عندها فكره عن الاصليه بس مستحيل تاكد الف بالميه ان هذي ماركه الاصليه ..............,,

اللي ودج تقطينه علي الساعااااااااات لانها تضل معااااااج سنين مو مثل الجنطه تملين منها بسرعه ودووووووم يشوفونها معاج علي اساس انج قاطه عليها مبلغ وقدره ............؟

 

[opera]

مو شرط

انا اعرف وحده من بنات الملايين صارلها سنتين على نفس الجنطه كل يوم اشوفها شايلتها

الفقاره اهم الي كل شهر جنطه اما التجار يعرفون يخشون فلوسهم

 

[ثلاثينية]

انا بوجهه نطري انه مو الجنطه اللي تونسني
ممكن شايله ماركه ومو مرتاحه .... اللي احب اقوله حلاته انه الوحده تكون متواضعه بلبسها
انا من النوع اللي يسافره وايد واحب اشري الجنطه اللي تعجبني وتناسبني يمكن لاني احب الغيير وما احب التزم بلون معين؟؟
في مره من المرات شريت جنطه لونها اورانج وسألوني عن سعرها ,,, وقدروها ب 50 دينار وللعلم انا شاريتها ب دينارين
ومره شريت جنطه ( dkny ) من تايلند وكان الموديل توه نازل ب 80 دينار واخذت جنطه نفس الماركه ب 7 دنانير ما تصدقون شنو صار؟؟
البنات ينو على الجنطه اللي قيمتها 7 دنانير ,, لانها حلوه وايد
من يومها لا ماركات ولا بطيخ

 

[bnt_kwt]

والله خوش موضوع
بالنسبه لي
لما اكون مريشه والميزانيه حلوه عندي اشتري الماركات مو حسافه الصراحه
بس اذا ما عندي لا ما اضغط على نفسي

ولو اموت ما اشيل تقليد ماركه يا ماركه اصليه يا عادي مو لزوم اشيل تقليد ماركه

<<<< وجهه نظر

 

[ياعشيري جعلك السلال]

انا ما احب اشتري شي تقليد

بالنسبه لي انا للحين ماتوظفت فأشتري اشياء عاديه بس مو بوطقه

بس اذا اشتغلت بصير نفس امي كله ماركااتبس مو 24 ساعه

 

[love love]

والله خوش موضوع
بالنسبه لي
لما اكون مريشه والميزانيه حلوه عندي اشتري الماركات مو حسافه الصراحه
بس اذا ما عندي لا ما اضغط على نفسي

ولو اموت ما اشيل تقليد ماركه يا ماركه اصليه يا عادي مو لزوم اشيل تقليد ماركه

<<<< وجهه نظر

صح نفسي اي اصلييييي يا لا

عندي اشتري شي عادي من محل عادي ولا اشيل تقليد لو 1000% درجه اولى

 

[@سنووايت@]

حبيبتي انا عن نفسي اشتري بس مو بخبال اي شي يعني بالمعقول كل سنه اسافر لندن ومن هناك اشتري الماركات ولانه بعد مو تقليد يعني ما تخافين منهم وللعلم ولا مره شريت من الكويت ماركات لانه جم وحده انغشو فيهم يعني اسافر واخزن لي مؤنه تكفي لي السنه اليايه