عندج مهر وماتدرين من وين اتجهزين .. حياج

[هنـــد]

الله يسلمكم

وحياكم الله

 

[كويتية فاهمة]

حبيبتي في شغلة بس حابة أسأل عنها مهمة لكل العرايس بنت عمي تسألني ومنحرجة تسأل منو اهيا عروس بعد ثلاث شهور ان شالله

بالنسبة للمنطقة الحساسة شلون تبيضها؟؟؟؟

وآسفة عالسؤال بس ياليت ترديلي عالخاص يا هنوده لاااااااااااااااااااااااااااااا ترديني
أبي شغلة طبيعية ماتضر يالغلا

 

[هنـــد]

حبيبتي في شغلة بس حابة أسأل عنها مهمة لكل العرايس بنت عمي تسألني ومنحرجة تسأل منو اهيا عروس بعد ثلاث شهور ان شالله

بالنسبة للمنطقة الحساسة شلون تبيضها؟؟؟؟

وآسفة عالسؤال بس ياليت ترديلي عالخاص يا هنوده لاااااااااااااااااااااااااااااا ترديني
أبي شغلة طبيعية ماتضر يالغلا

هلا والله حبيبتي

والله مادري

بس خلي تسوي تقشير وتحط كريمات التبيض او اتشوف قسم العنايه بالبشره

والله يوفقها

 

[MOOON&M]

العطورات والبخور والمكياج

راح انحط اسماء المحلات اللي نقدر عليهم الموجوده بالكويت

فافافوم
دبنهامز
وجوه
عبدالصمد القرشي
بودي شوب
زهور الريف
سيد جنيد ( مو موجود بالكويت موجود بمكه او دبي )
ميك اب فور ايفر
ماك
محلات المنصور
الشايع

طبعا ما انكثر عطورات وبخور من الكويت لان بنروح لمكه المكرمه ودبي ونشتري من اهناك احسن
وفي بنات بيشترون من الكويت كله هالشي اهيا اللي اتحدده

اول شي العطورات الفرنسيه بالكثير 10 عطور ( نشتري 5 منهم طقم كامل و5 عطورات)

يكونون عطورين او ثلاث مو موجودين بالكويت كلش ( يا انج تشترينهم من دبي لانهم ينزلون اخر العطورات عندهم او أي احد بيروح فرنسا ضروري اتوصينه لانه في عطورات بفرنسا ماتنزل للكويت )
والعطورات اللي راح تشترينهم من الكويت راح يكونون اخر عطور واصله للكويت وكل محل ادشينه تسألينه ( راح تنزل عطور يديده خلال الاشهر اليايه اذا قالو ايه حطي رقمج عندهم وقوليهم دزو لي مسج ضروري واخذي منهم التاريخ ضروري )

وسجلي المحل الفلاني راح ينزل عندهم عطورات خلال الاشهر اليايه بالتاريخ الفلاني ( وطبعا لازم يكون عندج مذكرات اتسجلين فيها كل شي )

قبل لا انروح للسوق نكتب اسماء العطور اللي نبيهم بورقه وكل ماحصلنا شغله شطبنا عليها وضروري الورقه عشان اتعرفون شنو لكم وشنو عليكم

وطبعا اذا رحتي بدون ورقه راح تشترين شغلات انتي مو محتاجتها كلش وكل ما ادشين محل بيقولج اخذي هذا وهذا احسن وطبعا عشان راح يكون اول شي نجهزه وعندنا مهرنا

عشان جذي راح تشترين شغلات كلش ماتحتاجينهم واخر المهر بتحسفيني طقيتي على شغلات ماتسوى وخليت الشغلات الضروريه

ولا ننسى العطورات العربيه ( من سيد الجنيد والعربيه وأجمل والشايع والمحلات الثانيه)

مثل ماقلنا راح نشتري طقم عطر كامل مع اللوشن والشور جل

بس هم في شغلات ماستغنى عنها وخاصه داخل بودي شوب ( من شور جل وكريمات الجسم واللوشن )

ولا ننسى خمريات الشعر مهمه جدا وهم في خلطة يسووونها حريم لريحة الفم من الاعشاب وهم انتي تقدرين اتوسينها ذكروني اسأل خالتي شنو مكوناتها
والدهن العود

وطبعا البخور كل محل يقول الزين عندي واشتري علبتين من محل عبدالصمد القرشي واثنين من العربيه للعود هذيلا خاصين فيج ( اوي أي محل اتفضلينه وتقدرين اتنوعين بين المحلات )

وبخور خاصه حق شقتج

و خلطات حق المفارش والبيت

وهم كريمات الجسم واطقم الحمام وانتو بكرامه مهم من صابون وشامبوهات واللوشنات وكريمات حق النعومه والتقشير ومن هالسوالف ( كل وحده وشطارتها )

الحين المكياج

بصراحه كل وحده اتفضل ماركه معينه بس لا تكثرين مكياج وايد
يعني اشتري 6 حمر من جيرلان احلى ماركه للحمر الماسكرا من لانكوم ( يعني اشتري لج مسكرتين بالكثير )
ومحددات واي لاينر وكريمات الويه ( اخذي الخفيف والمتوسط وخافي العيوب )
وصبغ الاظافر ( مو عشان انتي عروس بتخذين كل مكياج ديربالكم بنات يعني صبغ الاظافر الالوان الاساسيه )

والعدسات ( هم الالوان الاساسيه )

وفي وايد شغلات ماذكرتهم من بودره وقلم اسود للعين والاضاءاه والخ

وطبعا خالتي كانت شتسوي قبل لا تشتري أي شي من المكياج تسأل رفيجاتها خواتها انتو سألو بنات المنتدى احلى الماركات مو شرط ماركة جيرلان حلوه للحمر اروح ارص اغراضي كلها منها لا اشتري من كل ماركه الشغله المميزه والحلوه

وايد شغلات للمكياج انتو شتسون اشتروهم مره وحده كتبي بورقه طويله عريضه كل شي حتى لو شي تافه كتبيه وبعدين روحي اشتري اللي تبينه انتي( الموجود بالورقه)

ولا تنسون اهم شي صحة الويه اذا في مشاكل لازم تتعالج قبل لا تعتنين فيه ( وهم راح يكون بند بروحه عن عناية بالبشره والجسم )

يعني تشترين صابونج وتغسلين ويهج ثلاث مرات ( بالصابونه الطبيه )
وكريم الليل والنهار وتقشير مره بالاسبوع
والحمايه من الشمس

ولا ننسى الايدين كله راح نتكلم عنه بالعنايه ( بند بروحه )

ما قلتيلنا عن خلطه ريحة الفم هنوده

 

[MOOON&M]

رفع

 

[بكالوريوس انوثه]

يعطييييج العآفيـــــــــــهـ..,

 

[هنـــد]

حياكم الله

 

[رحيق الورد]

يعطيج العافية قلبي ..

الموضوووع مفيد ..

 

[شاذن!]

مفيدددد مشكوره

 

[بيلسسان]

تسسسسسسسسسسلمين

 

[ماركة انثى‘]

مـــشـــكـــورة

 

[عنزية مبدعة]

يسلمووووووووووووووووووو على الموضوع الاكثر من رائع