عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[الصابرة المحتسبة]

يازينج ياريم ويازين سوالفج

 

[Betty]

هالصندوق المبيت لي من قدي
مشكووره الصابره المحتسبه ماقصرتي
اي ريم هالاغنيه كنت سامعتها و كله اسأل عنها و محد يعرفها مشكوره

 

[الصابرة المحتسبة]

اي بيتي لج وخشي اغريظاتج فيه

 

[الصابرة المحتسبة]

يلا الغطاية الثانية

رقيق طحنه ، لذيذ طعمه ، ينبت عظمه على لحمه ؟؟؟؟

رفع

 

[الصابرة المحتسبة]

وينكم من غير شر؟؟؟

 

[daloola]

مساكم الله بالخير
شلونكم وعساكم بخير

حياج الله ريم بينا ... الساعه المباركة
يدتي كل تقول : مريم الريم ... شيخة الحريم

شعلييييييج اسمج معاهم

ميخالف نزيد معاج معلومات:
الدشداشه الشتويه يسمونها مقطع
والغترة يسمونها جتايه
واذا الوحدة تقول اخبار والا سالفه مرة صح ومرة غلط يقولون عنها ( دلو و دلو )يعني مرة صح ومرة غلط
واذا انتي قعدتي تقولين طبخة والا طريقه غير عن اللي اهم متعودين عليها يقولون لج ( غيرج المعلم : ويعلمونج الطبخة )
واذا ييتي بنص السالفه وماعرفتي شيقولون وطاقتج البوهه وبتعرفين شالسالفه ومحد معطيج ويه يقولون ( لا حرة ولا شفيه : ويعلمونج السالفه) يعني لا تحترين ولا تشفين عالسالفه وغالبا ماتكون السالفه سخيفة كل تصير فيني

واغنيه يا عصاقل يا مصاقل هذا واحد عندة حرمتين وحده متينه ووحده ضعيفة
ليله الضعيفة يغني يا عصاقل ... وليله المتينه يغني يا متينه يا سمينة

ينبت عظمة على لحمه ... سامعتها بس ناسية
يصير نسوي سيرج

تقبل الله طاعتكم ...

 

[الصابرة المحتسبة]

هلا دلول الغطاية حالينها من قبل ؟؟؟؟؟

 

[ريم الرشيقة]

هلا فيكم أكثر
عاد صرت كلما انقالت كلمة قديمة او لي غناية
افكر احطها
بس الحين بروح الدختر
ماني بصويحية
بعيد الشر عنكم

 

[جاي الضحى]

عيدكم مبارك وعساكم من العايدين والفايزين.

ولهت عليكم وايييد.​

 

[الصابرة المحتسبة]

عساج من عواده ويعل ايامج كلها اعياد

 

[الصابرة المحتسبة]

السلام عليكم
شلونكم ؟؟؟

 

[CuTiE PiE]

تذكرت غناية يقولونها المتان حق الضعاف والعكس
هي تقول
يا عصاجل يا مصاجل
حبي لج بالقلب صاجل
خششيني دسسيني
عن دبادب لا تجيني


وترد عليها المتينة وتقول

يا متينة يا متينة
يا دكاكين المدينة
خششيني دسسينس
عن عصاجل لا تجيني
يحليل الأولين

لووووووول ريم يالله ذكرتينى بايام قبل اذكر امى حبيبتى كانت دايما تغنيها.....

 

[الصابرة المحتسبة]

السلام عليكم

شلونكم حبايب قلبي؟؟

 

[نونيا]

وعليكم السلام تماام حبوبه

 

[ريم الرشيقة]

هلا صويحباتي شلونكم

 

[no-on]

رقيق طحنه ، لذيذ طعمه ، ينبت عظمه على لحمه ؟؟؟؟

الــــبــيــض
مادري اذا حالينه من قبل او لا

 

[الصابرة المحتسبة]

هلا ياريم

 

[الصابرة المحتسبة]

اجابتج صح وتستاهلين هالثوب المسرح

 

[الصابرة المحتسبة]

جويهه شلونج يعمري؟؟؟

افندية عسى المانع خير؟؟؟

دلول من غير شر؟؟؟

 

[daloola]

مساكم الله بالخير
شلوووووووووووونكم
شخبااااااااااااركم

شلونكم مع العيد؟
عساكم من عوادة

بعد قلبي مشكورين كل من سأل عني وفقدني...أثره لي فريه

رجعنا الى قواعدنا .... عدنا والعود أحمد
انشالله نرجع مثل قبل كلنا نشاط وحيوية


انا هاليومين باجازة
اييييييييييييييييييييييييييييي
ابشركم اختي ولدت بالسلامة... وانا انفسها
على طاري النفاس
يقولون الاوليين اللي بالنفاس تفرك ويهها بكركم ...عشان يصير اصفر ويبين عليها التعب...عشان محد ينظلها