عندج ريال يحب الحجي تدشي

[saja_al-laiyl]

سلام عليكم

حبيباتي بدش بالموضوع دايركت

مشكلتي ان زوجي يتكلم واجد ما يصكر حلجه كل شي انسويه او اسولف وياه بسالفة ينقلها لاهله و ربعه

بتقولون وين المشكلة

انا طبعي هادي وما احب اسولف وايد بس اني احاول اكسر جو شوي عند ريلي واسولف معاه عشان لت يقول كله ساكته

مثلا يسولف عن خالته و عيالها اقط تعليق بسيط عالسالفة عالاساس بيني وبينه يروح يوصلها لهم حتى احس انهم يكشون مني

و امور الحمل يناقشني فيها جدام اهله وبوجود ابوه و خوانه <<<< تعالي دوريني بهالموقف ينقص ويهي

و هالسالفة اني اطلع اروح مكان كل البيت يدري وين رحت وشنو سويت و ياخذون بخاطرهم اني رحت للمكان الفلاني و ماخذيتهم معاي


بنات انا ابي خصوصية في حياتي ما احس نفسي متزوجة ولي اسراري مع زوجي

غير انه معاشه يطيره كله وبعدها ابوه يصرف علينا باجي شهر حده ينقص ويهي من هالسالفة

وغير جم وحدة طحت عليها بلاك بيري وكنت باول اسبوع من عرسي هذي قصة ثانية او بالاصح فلم ثاني


بنات والله مصدومة من كل هذا دايما اسمع ان زوجة اهي سبب المشاكل و مافي بيت يخرب الا المراة نفسها خاربته

لكن الي اشوفه بالواقع غير


بتقولولي كلميه و ناقشيه كلمته وناقشته ويقولي اوكي

بس كله حجي ما شوف فعل

ابيكم تشورون علي بخبرتكم يمكن وحدة مثل حالتي وقدرت تعدلها

 

[mira]

ونآسسسسسه آنا أول وحدهـ ترد
بصرآحه ماعندي سالفه بكذا موضوع لأني جديده ع الزوآج أخليها للي اكبر وآعرف مني

آآآب ..)

 

[مدام فراوله]

الله يعينج حبيبتي على قولتهم كثر الدق يفج اللحام والله انا كنت زيج انتي جيب بالطيبه وقولليه كل شي بيناتنا اسرار وكل مره قولليه ومع الايام بيتغير ..

 

[ابي اصير ممثلة]

خخخخخخخخخ رجاجيل ينقلون حجي لاهلهم العادة الحريم المهم البنات الي بلاك بيري تسليه ما يحبهم

 

[! بــدويه وآآيــد !]

،


اتوقع الطريقه الي تصلح مع اغلب الرجال التنقيد يعني تنقدينه على روحه مثلا
سولف جدام اهله واخوانه عن الحمل وصعدتوا داركم قولي له حسافه نسيت تقول لهم شنو احلى قميص عجبك ؟ والا قلت من وراي خوو انت برنت برنت
اذا دروا وين رايحه ووين راده بس تقعدون بروحكم قوليله امس دروا انك جامعتني او لا ؟ بعد الي يدري شسوي برا اتوقع يدري شسوي داخل ؟
قوليله جذي ونقديه بس على ضحك وانتي مبتسمه

شوي شوي اذا تعود على التنقيد دشي له من باب الدين ودزي له حديث مسج ( قال صلى الله عليه وسلم: ان من أشر الناس عند الله منزله يوم القيامة الرجل يفضى الى امرأته وتفضي اليه ثم ينشر سرها . رواه مسلم )

وشوي شوي تفاهمي معاه بس اهم شي التنقيد اهي الطريقه الي يستاهلها الرجال

وسالفة الفلوس حددي لج مصروف كل مايستلم المعاش يعطيج
وعوديه بعد اسبوعين او قبل الوقت الي يطير فيه فلوسه تردين تطلبينه عشان لايتعود على مصروفج الي يعطيج وبس

والله يسخره لج

 

[حظ من عنده انا]

طريقة اختي بدويه وايد حلووه


اللي هي التنقيد


او مثلا اسسكتي فتره واذا سالج ليش ماتسسولفين


قولي انت كل كلمه تقولها لاهلك

وانا مااحب الرجال اللي جذي

اعرف هذي سوالف بعض الحريم اللي عقولهم الله بالخير


وكل مره اضغطي عليه

كرهيييه بهالششغله والله يعيييينج بصرراحه

 

[KOKO_284I]

اخذي موقف منه زعلي

وقوليله انا اسرار بيتي ما اتعده عتبه الباب

ولا غير جذي بسولف عنك عند اهلي او شوفي شنو نقطه ضعفه

 

[دلوعة صلوح]

اااااااااااااااااااااااااااااب

 

[بنت 511]

خخخخخخخخخ رجاجيل ينقلون حجي لاهلهم العادة الحريم المهم البنات الي بلاك بيري تسليه ما يحبهم

ياماما تسليه شو
وهو متزوج
حلو هذي يخونني واسيبوه
اقولك اكسري راسه ولا تسكتين له لو هو اللي ماسكها ضايفه رجال كان طلقها وشهر فيها هو حرام ماحد يفضحه ومسكين يتسلى وهي لوتنمسك خلاص مسويه جريمه ومحكوم عليها بالاعدام والكل ضدها
وبالنسبه للحكي اللي ينقله والله عيب عليها رجال اخر زمن انا وانا بنت وربي ما احب اسولف كثير ولا احب القيل والقال ونقل الهرج اللي زيي كذا مانسميهم رجال هذولا اشباه الرجال
اعذريني ع الكلمه

 

[زوجة عزيز]

الله يعينج سالفة يتكلم جدام الكل يمكن هاي طبعه بس سالفة يكلم بنات وانتي باول اسبوع صعبه الله يهديه

 

[q8 83]

الي بريلج هذا طبع و للاسف ابو طبيع مايوز عن طبعه بس حاولي تسوين فيه موقف

يعني مثلا تذكرين سالفه اهو ما وده يقولها حق احد جدام اهله حرجيه عشان اذا قالج قوليلة نفس الشعور لما تحرجني بسوالفك جدام اهلك

يمكن هالحركة تقلل من طبعه و الله يعينج لان طبعه حيييييييييييييييييييييييييييل بايخ يكره الريال نقال الحجي

 

[ام كوثر2007]

راحت رياييل العازه و بقت رياييل الطنـازه

صراحه امره عجيب .. وماله دبره غير اللى قالته بدويه .. حاولي تنقدينه علي روحه جود يحس ..

والله فشله .

 

[خالف تعرف]

عايريه قوليله انا مره وما اتكلم عند اهلي ولا اهلك ولا الناس انتا ريال وجذي عمايلك

 

[FeShinGoOo]

عصبي عليه وكبري السالفه عشان يخترع بالمرات اليايه ولا يستهين بالموضوع شالعيشه الي مافيها خصوصيه .. استغفر الله مابي احرضج واخليج تعصين ريلج بس لازم قرصه ..

 

[بعد روحي]

لو ما اعرف نفسي جان قلت ان انتي آنه !!!!!!!!!!!!
لان نفس المشكلة بحذافيرها من اول كلمه نطقتيها لآخر كلمه حتى سالفة المصروف
وسالفة البنات من أول اسبوع والخصوصية!!!!!!
آنه في النهاية مليت منه وتطلقت .. عشت معاه بس سنه وحده

الله يهديه لج

 

[saja_al-laiyl]

مشكورين بنات عالردود

وبشوف اي طريقة بتنفع معاه

والله يكون بالعون

 

[دلع العتبان]

عسى الله يصلحه لج يارب