عندج خبره بتربية اسماك الزينه ؟ << حياج

[Ańwăr Almlěssờń]

السلام عليكم و رحمة الله و بركاته :68_asmilies-com:

:eh_s(3):

شلونكم ان شاء الله كلكم زينات :eh_s(12):


المهم يا بنات انا بشتري حوض سمج زينه بس كلش ما افهم فيهم شي :eh_s(1):


يعني الي عندها خبره و مربيه اسمج زينه تتفضل و تكتب كل شي تعرفه انا استفيد و غيري يستفيد :eh_s(7):


يعني بخصوص الاحواض و الاكل و انواع السمج و اشكالهم و امراضهم و الاهتمام فيهم و كل شي :080402ask_prv:


و اكون شاكره لها :eh_s(7):


وشوكرآ :eh_s(8):

 

[VET-Nour]

< لما قريت موضوعج استوعبت انه ببيتنا فيه سمج و لآ وجودهم و عدمهم واحد

بصراحه الي اعرفه ,
الاكل جنه مرتين او ثلاثه باليوم
و الحوض تبدلين مايه كل يوم عشأن ما يتوصخ

و بسسس هذا الي اعرفه
بحاول اطلعلج عن تربيته

 

[Ańwăr Almlěssờń]

< لما قريت موضوعج استوعبت انه ببيتنا فيه سمج و لآ وجودهم و عدمهم واحد

بصراحه الي اعرفه ,
الاكل جنه مرتين او ثلاثه باليوم
و الحوض تبدلين مايه كل يوم عشأن ما يتوصخ

و بسسس هذا الي اعرفه
بحاول اطلعلج عن تربيته

لوووووووووووووووول حياتي

اذكر ببيت يدي الله يرحمه حوض سمج كبير و كان فيه اضائه و شكله يهبل وايد كنت استانس و انا ياهل اروح اقعد عندهم :eh_s(9):

وياي بنفسي جيي اشتري الحوض مال الاضائه و احط فيه سمج و جي و اسكر الليتات واااااااااي منظر خياااال

بس كلش ما افهم فيهم ولا بأنواعهم ولا بأسعارهم ولا بشي كلش

 

[صدع القلب]

احنا من سنه كان عندنا حوض سمج حجمه متوسط لا كبير و لا صغير و كان فيه اضائه و يهبل
بس للأسف يانا صبي هندي " house boy " عليمي و لما نظف الحوض حط حق السمجات ماي حار و ماتوا :eh_s(2): فاحهم المينون يعله الضربه :eh_s(14): عقبها انسدت نفسنا و هونا
بس انا بقولج اللي اعرفه
كان عندنا سمج الزينه البرتقالي تقريبا ثمانيه " عيبهم يموتون بسرعه ليش ما ادري كل شهر وحده طافحه و كنا كل ما تمينا يبنا بدالهم "
و كان فيه ثنتين زرق ماشاء الله هذيل ما ماتوا
و كان معاهم سمجه اسمها " الز باله " هذي وايد حلوه حق احواض السمج لأنها تاكل الوصخ مكرم السامع طول اليوم حلجها عالجام و تشفط :rerrerek: تمت عندنا سنه و شوي صارت شطولها
نوكلهم باليوم مرتين الصبح و المغرب و ما نحط اكل وايد ، كمشة ايد كافي عليهم تشوفينهم ياكلونه و انتي واقفه
و كنا حاطين فلتر ننظفه كل 3 ايام و نرد نركبه عشان ينظف الماي و يخليه صافي
و تنظيف الحوض كل اسبوعين نفضيه و نحط السمج بسطل او تب فيه ماي معتدل " لازم يكون مو بارد و لاحار " و نغسل حوضهم بماي و صابون و نغسل الصخر لأن بالأرضيه مالت الحوض كنا حاطين صخر فسفوري و زرع صناعي و سوالف

و بس :eh_s(17):

 

[ربي رجوتك]

وبزيد على معلومات الحلوين فيه ترمو متر مقياس حرارة الماء اذا ارتفع تحطين بموية السمك ثلج كم مكعب لين تعتدل الحراره طبعا هذا بالصيف بالشتاء تقربين منهم دفايه لمده معينه وتزيد مويتهم مويه دافئه موووو حاره وفيه فيتامين تحطينه لهم كل فتره استفسري من البيطري اكيد بيعلمك اسمه ووووواذا تذكرت برجع اقولك
كان عندنا سمك وجونا ناس الله يهدي عيالهم دخلوا كبوا كل الاكل للسمك ومسكوهم وماجاء اليوم الثاني الا كلهم طافيين على وجه المويه

 

[Ańwăr Almlěssờń]

احنا من سنه كان عندنا حوض سمج حجمه متوسط لا كبير و لا صغير و كان فيه اضائه و يهبل
بس للأسف يانا صبي هندي " house boy " عليمي و لما نظف الحوض حط حق السمجات ماي حار و ماتوا :eh_s(2): فاحهم المينون يعله الضربه :eh_s(14): عقبها انسدت نفسنا و هونا
بس انا بقولج اللي اعرفه
كان عندنا سمج الزينه البرتقالي تقريبا ثمانيه " عيبهم يموتون بسرعه ليش ما ادري كل شهر وحده طافحه و كنا كل ما تمينا يبنا بدالهم "
و كان فيه ثنتين زرق ماشاء الله هذيل ما ماتوا
و كان معاهم سمجه اسمها " الز باله " هذي وايد حلوه حق احواض السمج لأنها تاكل الوصخ مكرم السامع طول اليوم حلجها عالجام و تشفط :rerrerek: تمت عندنا سنه و شوي صارت شطولها
نوكلهم باليوم مرتين الصبح و المغرب و ما نحط اكل وايد ، كمشة ايد كافي عليهم تشوفينهم ياكلونه و انتي واقفه
و كنا حاطين فلتر ننظفه كل 3 ايام و نرد نركبه عشان ينظف الماي و يخليه صافي
و تنظيف الحوض كل اسبوعين نفضيه و نحط السمج بسطل او تب فيه ماي معتدل " لازم يكون مو بارد و لاحار " و نغسل حوضهم بماي و صابون و نغسل الصخر لأن بالأرضيه مالت الحوض كنا حاطين صخر فسفوري و زرع صناعي و سوالف

و بس :eh_s(17):

لوووووووول شوقتيني بس مادري ليش يموتون

شكلي بشتري السمج الكبار


امانه شوفي :eh_s(2):

http://www.youtube.com/watch?v=qtH48iKHxW0


:eh_s(2): ابي نفسهم واااي

 

[Ańwăr Almlěssờń]

وبزيد على معلومات الحلوين فيه ترمو متر مقياس حرارة الماء اذا ارتفع تحطين بموية السمك ثلج كم مكعب لين تعتدل الحراره طبعا هذا بالصيف بالشتاء تقربين منهم دفايه لمده معينه وتزيد مويتهم مويه دافئه موووو حاره وفيه فيتامين تحطينه لهم كل فتره استفسري من البيطري اكيد بيعلمك اسمه ووووواذا تذكرت برجع اقولك
كان عندنا سمك وجونا ناس الله يهدي عيالهم دخلوا كبوا كل الاكل للسمك ومسكوهم وماجاء اليوم الثاني الا كلهم طافيين على وجه المويه

المشكله اني ما افهم بالسمج شي

وقريت بالنت ان بعض السمج ما يتفقون مع النوع الثاني يعني لو احط حوض فيه كذا نوع ممكن يموتون

وانا ما اعرف انواعهم اساسا لووووول

مشكوره حبيبتي ع المعلومات :eh_s(7):

 

[صدع القلب]

لوووووووول شوقتيني بس مادري ليش يموتون

شكلي بشتري السمج الكبار


امانه شوفي :eh_s(2):

http://www.youtube.com/watch?v=qtH48iKHxW0


:eh_s(2): ابي نفسهم واااي

وااااااي شفت الفيديو :eh_s(22): هذيله ينمسح عليهم نفس القطوطه ، و حيييل كبار
اللي فهمته انه هالسمجه اسمها سمكة الكوي و اهيه يابانيه سويت بحث صغير عنها و ما أظن تصلح للتربية المنزليه لأنها سمكة برك و ليست سمكة احواض ، و حتى لو صارت صعب تلقينها اهني و يمكن تكون غاليه زياده على جذيه راح تحتاج حوض وااااايد كبير ...... راح اتعبج و انتي توج باديه

انا ما ابي اتكلم وايد بس المشكله اني ما اعرف اوصل أفكاري بكلمات قليله ّ" هذره " ، اللي اقصده انه انتي كمبتدئه بتربية الاسماك يفضل تختارين اسماك الزينه الصغيره العاديه اللي اسعارها رمزيه و مناسبه و تشوفين نفسج اذا حبيتي الموضوع اتدرجين بالهوايه حق الاسماك الاكبر و الاغلى .

و على قولتهم ماكو احسن من التجربه و اسأل مجرب و لا تسأل خبير انتي شوفيهم و جربي تربيتهم
ريحتهم لأنهم سمج ريحتهم مو ذاك الزود بس ما تبين الا اذا قربتي منهم و فتحتي الحوض
اكلهم حتى اكلهم اهوه جنه خبز رقاق بس ريحته فظيييعه
بليل لازم تطفين الاضائه عشان يعرفون انه صار بليل و ينامون " ما ادري السمج ينام و لا لأ بس هذا اللي كنا نسويه "
او لما نغير الماي لازم نشيلهم بشبكه عشان نحطهم بالتب الخارجي على ما انظف الحوض و لما نطلعهم من الماي يتحركون وايد لأنهم مو قادرين يتنفسون يصيرون يخرعون بالذات اذا كبروا جم وحده نطوا و طاحوا بالارض و قعدنا نركض وراهم عشان نصيدهم و نحطهم بالتب الثاني
وواااايد اشياء ما راح تعرفينها الا بالتجربه :eh_s(15):


و في الغالب المكان اللي راح تشترين منه السمجات راح يعلمونج على طريقة اكلهم و يعطونج انواع ممكن تعيش مع بعض ، يعني ما راح يعطونج سمج صغير و كبير و لا انواع تاكل بعض و يصير عندج مجزره بالحوض :eh_s(6): لا راح يعطونج السمج المناسب و التعليمات المناسبه .

و بالاخير و رغم كل شي اهيه هوايه جدا حلوه و مو متعبه نفس باجي الحيوانات ، لو ما الاكل ممكن تنسين انهم موجودين نفس ما قالت " يا حلاتني " فوق ههههه و مو مكلفه الا بالبدايه شويه مو وايد لما تشترين الحوض وهالسوالف بس هم ارخص من الجلب و القطو و غيرهم و السمج لما تشترينه اسعاره حيل بسيطه و رمزيه و شكله و اهوه يتحرك بالحوض و لا اروع ممكن تقعدين نص ساعه و اكثر تطالعينهم و ما تملين .

 

[حلوه بس جيكره]

االســـــــــــــــــــــــــــــلأاااااااااااااااااام عليـــــــــــــــــــــــــــــــــــــــكم ........
انا مو وايد اعرف للسمج الزينه بس اكثر شي اعرف انه في انواع ماتصير مع انواع بنفس الحوض من السمج لانه في بعضهم يكون للزينه بس مفترس يعني ياكل النوع الثاني اللي معاه
انا صراحه ماصدقت ورحت شريت المفترس مال لزينه وعادي وحطيتهم بحوض بنفس اليوم بليل
لقيت في 3 متقطعين لانه ا لسمج المفترس كلاهم ولازم يوميا يتغيرالماي اللي بالحوض وفي بعض السمج الزينه يحتاج الجهاز اللي ينحط داخل الحوض مال الاكسجين بس في بعضهم عادي مو مشكله ولازم الكل مايقل عن مرتين باليوم ولا يكثر عن اربع مرات باليوم وماتكون الكميه كبيره عشان مايموت السمج وبس هذا اللي اعرفه :ggdw::ggdw::ggdw:
واتمنى:yaaaaaarb: اني اكون فدتكم بشي .........
واشوفكم على خير حبايبي :eh_s(8):

 

[7alom]

احنا بيتنا وايد يحبون السمج وكان عندنا احواض عوده

انا ما يمديني اقرى ردود البنات بس ان شا الله برد اقراهم

بس اقولج الاكل مرة باليوم ومقداره حسب كمية السمج الي عندج

ان الحوض عود وفيه وايد سمج لازم فلتر

الماي يكون دافي تحملي تحطينلهم بارد او حار يموتون

في سمجه اخوي يقول اسمها زبالة او مزبلة عزكم الله ( وظيفتها تاكل وصخ السمج )

اذكر كنا حاطين لهم سوالف داخل الحوض الصخر الملون والجسر شكلهم يونس وهم يسبحون ويدشون داخله

تلاقين سوالف وايده بسوق الحمام روحي شوفي

 

[اشتاق الى ربي]

السلام عليكم ..
كنت مربية اسماج درجة اولى :eh_s(9): من زماااان الحين هونت وكنت اربي سلاحف زينه بعد :eh_s(15):

سمعي

الحوض لازم فيه فلتر الهواء اللي يطلع فقاعات عشان السمك يتنفس فيه .. ان جبتي حوض بدون هوز الهواء اسبوع ويموتون وطبعا الهوز معاه بلاك عالكهربه

احنا كان عندنا حوض كبييييير كله قلعات واضاءات وصخر ملون وقواقع واشجار صناعية ينخشون وراها السمج كان روووعه بس كرهناه وقطيناه بالسطح من تعب التنظيف !

وانا من جم سنه جبت حوض وسط لداري وشريت قلعات وسمج البرتقالي يطول اشوي والغالبيه يموتون كل اسبوع اتلاقين سمجه طافحه فوق :rgewrg: .. السمجه السودا اهي الزباله وانتي بكرامه اهي اللي اتنظف الجام اشكبر شفايفها هههه والباجي سمج انواع عاد انتي وكيفج

مشكلتي حطيت مع حوض السمج سلاحف زينه اصغنونه ( نذل صاحب المحل قال عادي يعيشون مع السمج ) عاد كل يوم اشوف عظم اسمجه من اسمجاتي واعصب اعرف ان السلحفاة ماكلتها :eh_s(2): ليما فصلت السلاحف عن السمج

الاكل يوميا مره وحده اشويه بس عشان ما يموتون بس اخذي نتفه بايدج وفتتيه وقطيه بالماي .. مو يكسرون خاطرج وتحطين اكل واجد ديري بالج راح يتوصخ الماي ..

التنظيف كل اسبوع او 4 ايام لي شفتي الماي تغير لونه ... افففففففف عاد هاذي اللحظه اكرها :rgewrg:

تجيبين حوض ماي فلتر لا بارد ولا حار وتاخذين شبكه وتنقلين السمج او بايدج هههه دايما يدغدغوني ههههههه وبعدها تجمعين الصخر الملون واتغسلينه بالمشخال والقلعات بالماي والصابون لان بتلاقين شي لزج عليهم ويييييييع :eh_s(10): طبعا لبسي دسوس
وغيري الماي بعد ما اتغسلين الحوض بالصابون اففف تعب لان الحوض زجاجي وثقيل :eh_s(16):

وبس

الله يعينج الحين ماعاد اشتريهم مليت منهم ..

اذا تبين عنايتي بالسلاحف( ذكرتيني ب دولي وزيتونه سلاحفي اللي ماتوا :eh_s(2): ) والطيور قوليلي خخخخخ

 

[Ańwăr Almlěssờń]

لووووووووووووووووووووووووول يعطيكم الف عافيه و شوكرآآى مشرفتنا الحلوه

توني ييت من سوق الطيور شريت حوض فيه اضائه و فلتر و شريت سخان ينحط داخل و يدخلي الماي دافي اذا كان بارد

وصخور و زرع زينه

و شريت سمج وايد و شريت حلجزونه و سمجيتن الزباله كااااااااك

الحلزون حي ميت يمه يتحرك شكله يخرع لوووول المهم كاا هذيل الصور

وهذا الحلزون

امم شرايكم ؟ حلو او يبيله تعديلات !

 

[7alom]

ما شا الله حدهم كيوت
وناسة انا ناوية ايب لبيتنا حوض عود وهلسوالف

مممم سؤال شلون نزلتي الصور بالمشاركة ؟

 

[Ańwăr Almlěssờń]

ما شا الله حدهم كيوت
وناسة انا ناوية ايب لبيتنا حوض عود وهلسوالف

مممم سؤال شلون نزلتي الصور بالمشاركة ؟

ثانكس حبيبتي لوووول يهبلون قطوتي حاطه الكرسي و قاعده تخزهم كاااااك



الصور رفعتهم بموقع الرفع من الفون حفظتهم باللابتوب بعدين دخلت لموقع الرفع و رفعت الصور و طلعوا لي روابط

و هذا احسسسسسن موقع للرفع http://www.mlfnt.com

 

[7alom]

اي نفس حالتي شريت 6 سمجات لعيال اخوي والاخت جابلتهم عبالها حقها لوووووووووول

خلاجرب ارفع الصور الي عندي وان شا الله يضبط معاي الموقع
تسلمين

 

[Ańwăr Almlěssờń]

اي يحلاتهم ودي اطلع سمجه وحده حقها اخليها تاكلها كاااك


الله يسلمج ان شاء الله يضبط و اذا ما ضبط قولي لي اساعدج

 

[عود ومسك]

لووووووووووووووووووووووووول يعطيكم الف عافيه و شوكرآآى مشرفتنا الحلوه

توني ييت من سوق الطيور شريت حوض فيه اضائه و فلتر و شريت سخان ينحط داخل و يدخلي الماي دافي اذا كان بارد

وصخور و زرع زينه

و شريت سمج وايد و شريت حلجزونه و سمجيتن الزباله كااااااااك

الحلزون حي ميت يمه يتحرك شكله يخرع لوووول المهم كاا هذيل الصور

وهذا الحلزون

امم شرايكم ؟ حلو او يبيله تعديلات !

اننااااه شو حلوين عليج بالعافيه
والله وناسه ترا بس انا كرهتهم من ماتو وشكلهم لما ماتو وطفحو وعيونهم انتفخت :eh_s(16):

كنت مكشخه الحوض والاضاءه وكنت شاريه معاهم دولفين
ينباع الحبه جنه ب4 او 5
بس مسكين مات لاني ماشريتله صديقه تونسه
وبعدين فجأه ماتو يمااا كرهت شكلهم :eh_s(2):

والعيب الثاني كان صوت الحوض مادري يمكن حوضي كان فيه عله
كان في صوت شغال وزززز من الفلتر الظاهر او شي ثاني
بس استانس على الاحواض والمنظر يريح الاعصاب لما اقعد اطالعهم..متعه
بمطعم لي نوتر اللي عالبحر بالذات داخل عزكم الله حمامهم احواض
لما ادش الحمام انسى نفسي واقعد اطالعهم هههههههههههه واختي تقول لرفيجاتي اكييييد مجابله الحوض ما تطول هالكثر
بس لو اعرفلهم عدل جان ضبطت حوضي مره ثانيه وجابلته بس والله ماعرفتلهم
الحين عندي سمج بنتي حطيت صورته بموضوع شريتي شي جديد حطي صورته
وللحين الوضع اوكي ماماتو ولا صار فيهم شي لانهم مو بحوض كبير ولا محتاجين فلاتر

 

[Ańwăr Almlěssờń]

اييي حتى حوضي يطلع صوت الفلتر كاااااااااك الظاهر كلهم

و اليوم ماتوا سمجتين لووووووووووووووول طاح حظهم ما مداهم

 

[عود ومسك]

ههههههههههه لالا من صجج؟
ليش ماتو؟
لما شريتي الحوض علموج على طريقة الفلتر؟

وبعدين لا تكثرين اكل
قبل فتره ماتو سمجات بنت اختي والسبه خدامتي الغبيه من كثر ما اهي حريصه تترس لهم اكل
فا من كثر الاكل فطسو هههههه
فا هذا شي تعلمته ان مايصير نكثر اكل والشي الثاني الحرص عالفلتر اذا شغال وجذي

 

[اشتاق الى ربي]

هلا حبيبتي وي ليش ماتوا بهالسرعه اكيد وقف قلبهم من عيون القطوه اللي تخزهم .. حرام والله تعذيب نفسي للقطوه وللسمج

اللي شرت دولفين من وين خاطري اربي دلافين واشلون احجامهم ؟ وناااسه