عندج اخطااء؟؟؟ عالجيها و طوري نفسج!!

[نواارهـ]

ثاانكس بنات على هالموضوع

لانه انتوو مثلي مااعرف ارد واعصب واجامل و مااعرف ابدا بحوار

والطيبه ومشاكل وايد اتمنى اني اغيرها فييني

لانه الناس مايستاهلوون كل واحد مايحترم غيره وبس يغارون ويبون يحطمون النفسيه

ويااليت فيي حلل

 

[Q.8.h]

موضوع يعور القلب

 

[عســوgلــه كــوggلـ]

بناااات عندي نصيحة بخصوص طريقة فتح الحواااار
اهم شيء الابتسامة و ثاااني شيء حاووولي انه تربطين السالفة اللي بقولينة بشيء صااار او موجود و تدريجيااا الى الموضوع اللي تبينه..
ثااالثااا و اهم شيء لااا تتكلمين وااايد عن نفسج


بليــــــــــــيييز اللي عندهاا نصيحة بخصوص ضبط الاعصاااب تعلميني بلللليززز

 

[شراديه]

وااااي آنه بعد نفسكم يابنات لما أحد يقولي شي يحرني أسكت ولما أرد البيت أحتررررررررررررر لأني ما رديت عليهم وتقعد الكلمه تفففففففففرك ابقلبييييييييييييييييييي إليييييييين ينقطع انسمي والله ان الساني ينربط وما اقدر اتكلم اااااافففف تعبت من هالشي ساعدوني

 

[عســوgلــه كــوggلـ]

شرااادية:

المشكلة موجودة عندنااا كلنااا >< اتمنى لو ندخل دورة تعليم ردود سنعة

 

[قلب راشد]

يالله انا ببدي اول وحده.......... مشكلتي واييد متسرعه ويعدين بسرعه اندم واتحسف

نفس مشكلتي :/

ما ادري شالحل :gr4uu::gr4uu:

 

[عهود الحب]

خوش موضوع
اهم حل لكل شي الثقة بالنفس
لما تنمين ثقتج بنفسج راح تقدرين تردين او تطنشين


انا مشكلتي اني على النيه حييييييييييييل واصدق بسرعه
يعني الي بتلعب فيني اصدق بسرعه

فيني سذاجه موطبيعيه مع اني مرة شكبري وام عيال



وبعد عندي مشكلة ثانية في معاي موظفه دعله بمعنى الكلمة
يا شرايج فيني وليش فلانه تكلمني جذي امانة شقالت عني
امانة شرايج وشرايج
او شسالفة وين رايحة
او اسئلتها تكون حيل متطفلة وحيل تسأل اسئله تفشل



بصراحة ملوعة جبدي حيل وكثر ما ادقر فيها مافي فايدة وجهها عريض
والعمل يفرض علي احتك فيها



مشكلة ثانية كثر ما ازفها يأنبني ضميري لانه انا مسالمة وطيبه واتضايق لما ازفها قسما
ولما ارد الاقي مافيها الا العافيه متعودة عالتدقير فيها


وبعد


ماعرف اخش سري كلش

دايما لساني مفتلت
كثر ما احاول موب قادرة احس فيني عادة خايسه لازم اسولف
ماعرف ادح بريك بالسوالف



ههههههههههه شكثر مشاكلي

 

[عســوgلــه كــوggلـ]

وااااي يا شين لا صااارت عندج وحدة دعلة و قثيثة لوووول ^_^
ودج تنتقل من المكان مو احسن لولولو

 

[العصيمية]

:denya:

:denya:


:denya:

اولا .. الموضوع ععجيب واللي حطته تهبل .. نفس موضوعها ..
صراحه بنات من غير لا اذكر اسم اسم فيكم ... كلنا عندنا هالمشكله او هالمشاكل
او اغلبنا ..

شوفوا ..اللي مشكلتها .. وحده تلزق فيها وتروح وين ماتروح وراها ؟

الحـل : انج ماتقوين العلاقه وياها واساسا ماتقولين لها وين تروحين
او اذا اضطريتي كلش قولي بروح الطبيب بسوي تحاليل
ولا رديتي وشافت معاج اغراض قولي خلصت ورحت شالمشكله ؟
وحسسيها دايم ان الانسان له خصوصيه لازم تحترم ..
ويوم عن يوم بتعرف هالشي ,., ولو اضطريتي اشكره قطيها بوجهها
< هذيل الدعاله طبعا اللي ما يستحون .. قوليلها والله على راسي يابعد قلبي
بس والله ماقدر اخذج لان عندي مشوار حده خصوصي ..


واللي مشكلتها ما تعرف تبطل حوار ,,,,؟
الحل : اول شي تبتسمين ..لها وعقب تتكلمين عن موضوع بالمكان اللي انتي فيه
مثلا :

يعني انا بالجامعه وقاعده باللوبي .. ووحده يمي بشوشه ودي ابطل حوار وياها
او زميله وبسولف وياها
اذا ماعرفها اقولها .. انتي اهني بالكلييه ويانا
اذا قالت ابدي اسال اي سنه وصج هالتخصص صعب
والله يعينا .. ووو وووووو الخ ..

اذا زميله لج بس ماتعرفين تبطلين حوار ..قوليلها شلونج مع هالماده
اذا قالت ردها قولي والله الماده صعبه الله يعينا ويعينج
وووو ابدي بالسوالف دكتور فلاني .. ماده فلانيه
وجذي

واللي مشكلتها .. جريئه وتقط كلام يجرح للناس ..؟
اقولها:0bee2e8d89: حرام عليج جذي بتكرهين الناس فيج
وتنفرينهم من حولج
الحل .. مثل ماقالوا البنات
لاتكلموا و انتقدوج او قالوا اي شي .. مو عاجبج حتى لو ما يخصج
حاولي تردين رد دبلوماسي .. الله يعين الجميع
والله الناس اذواق ..
واستغفري ثلاث مرات عقب ردي ..واهني الله بسيهلها لج

ونجي للمشكله الاعظم .. اللي الكل فيها

انه عصبي ومايعرف يرد على اللي جدامه ولا يقدر يضبط اعصابه وبالاخير اهو يطلع الغلطانه والي تاخذ الناس بالصيحه واللي ماعندها فن الحوار؟
شنو الحل :

انا اقولكم : والله يا خواتي انا كنت نفسكم لين قلت للست الحكيمه (امي الله يخليها لي)
اقولها يما ارد البيت وانقهر اني ما رديت على فلانه او قهرتني وماقدرت ارد

فقالت لي شي حلو .. قالت اللي تقط عليج كلمه وتغار منج ..وووووو حاقده الخ
احفظيها لها اذا ماقدرتي تردين عليها بنفس الموقف ..

شلون ؟ يعني الحين اجرحتني او قثتني ؟ ومارديت
شسوي .. انطر
لين يصير فرصه وياها واسوي وياها مثل ما سوت وياي او اجيب طاري الموضوع اللي اهي انتقدتني فيه
مثلا قالت لي وع مثل ما قلتو الضعف شين عليج
بطلي الموضوع مره ثانيه قولي ذاك اليوم خالاتي وووو الخ فزوا فيني واي كلهم عجبهم الضعف علي
الحمدلله على النعمه والله يابنات الضعف حلو .. واذا ردت مره ثانيه (هاذوول وقاحه وواجد منهم ) وقالت لج بس
لوتمتنين احسن .. اقولها والله يا فلانه .. الناس اذواق وانتي ذوقج فيني ابدا مو عاجبني بعد عمري صج لازم اتقبله
بس ماتتصورين شكثر انا محلوة بنظر الناس اللي احبهم وهذل اهم شي عندي وعلى طول اكسري الموضوع
قولي تعالي يافلانه وحده ثانيه شصار على ذاك الموضوع بعني لاتعطينها مجال ترد وتجادل ..
وان ردت وجادلت قولي ( فديييييييييتج .. الفال لج ان شاء الله ماعليه لو كانت امتينه تضعف وان كانت ضعيفه تمتن:ggdw )

وجذي .. يعني يا بنات لا جيتوا جمعه دايم تذكروا انكم بتردون البيت وبتتحسفون واخذوا عهد على نفسكم انكم
ماتردون وانتوا منقهرين .. وحاولووووووووووو كثر ما تقدرون
انكم تكونون بشوشين وسوالفكم حلوة والمجلس كله لكم من سوالفكم وقعدتكم اللي ما تنمل وتثبت وجودها


هذا اللي اذكره من مشاكلكم .. واي سؤال من عيوني

 

[العصيمية]

عهوووووووووود الحب ..

لاااااااا وانا اختج كلش ولا اسرارج .. اولله هاذي اقوى مشكله
المشاكل الي فوق كلها تهون مالتج ومالت البنات
بس اسرارج


ديربالج والله انصدمت يوم قريت ردج يا بعد قلبي انتي اسمعيني ..

محد بينفعج ولا احد بيجيبلج الخير .. سرج قوليه لامج
او اقرب قريبه لج اختج او اقرب بعد

ويفضل تقولين اسرارج لزوجج بس او امج ..
والله ان هالمشكله اذا كررتيها بتصير مشاكل واجد
البيوت اسرار .. ولازم تحفظين سرج
ومحد يستاهل يعرفه خاصه اسراربيتج وبيت زوجج
ديربالج

هالمشكله مافيها حل .. كثر ما فيها انتباه لازم تنتبهين على نفسج
وتعرفين وتتيقنين انه السر سر .. مو لازم احد يعرفه
والله يا حبيبتي ناس واجد صارت لهم مشاكل ورا هالمشكله
ديربالج وخيتي

 

[ام هباش]

والله الطيبه الزايده عيزت وانا القالها حل بس مالقيت
يعنى حقى واايد ينوكل وما اقدر ارد

 

[جوك احلى جو]

خوش موضوع

 

[العصيمية]

ام هباش ,, حاولي تسيطرين على نفسج حبيبتي ,,
صج الطيب حلو لكن بحدود
حاولي دايما تعرفين منو يستحق الطيبه ومنو لا
ومن اهني تسوين كنترول على نفسج

 

[عهود الحب]

هلا العصيميه
صحيح كلامج
انا اصلن مالي صديقة الا وخياتي واميمتي والله
والباقين زميلات فقط !

بس تدرين مرات مااحس بروحي الا انا قاطه كلمة بدون مااحس

مادري شفيني فيني زلات لسان موطبيعيه


حاولت


ومرات من كثر ماخاف اقرق امسك لساني واسكت
بس مودايم نادر امسك روحي
احاااااااول مير مامن فود فيني

 

[العصيمية]

هههههههههه عهود الحب والله ضحكتيني ..

ماعليه مثل ما قدرتي تمسكين نفسج مره راح تتعودين ..
تدرين شنو تسوين .. كل ما جيتي مكان يعني دوامج
وانتي توه صاير لج سالفه سريه وودج تقولين ها
اقعدي بمكتبج وقولي مارح اقول
واستعيذي من الشيطان
وقولي محد يستاهل
انا هبله عشان اقول للي هب ودب اسراي
حاجي نفسج بهالطريقه

< متعلمتها من دوره كيفيه التحكم بالذات

وصدقيني بتفيد معاج

 

[عســوgلــه كــوggلـ]

هههههههههه عهود الحب والله ضحكتيني ..

ماعليه مثل ما قدرتي تمسكين نفسج مره راح تتعودين ..
تدرين شنو تسوين .. كل ما جيتي مكان يعني دوامج
وانتي توه صاير لج سالفه سريه وودج تقولين ها
اقعدي بمكتبج وقولي مارح اقول
واستعيذي من الشيطان
وقولي محد يستاهل
انا هبله عشان اقول للي هب ودب اسراي
حاجي نفسج بهالطريقه

< متعلمتها من دوره كيفيه التحكم بالذات

وصدقيني بتفيد معاج

يسلمووو يا الغالية ع الردود الروعة ^_^ والله انج مبدة ^^

انا عندي مشكلة و اعتقد الكل يعاني منها الا وهي
الكتاب المفتوح
اختي دايما تقول ان كل تعابيرج طالعة على ويهج
يعني اذا الشخص اللي جدامي ما اطيقة يبين من ويهي مها حاولت اسوي...

بليـــــــــــــززز مساااعدة