عنايــتي بالعطله.

[روعة ذاتي]

مرحبـــــــآ
يا صبايا

شلونكم مع العطله إن شاء كل أموركم تمام
ألف مبروك للخريجات
للعرايس
و للي توهم ملجين و اللي مخطوبين الله يتمم عليهم »عن الهذره ودشي بالموضوع

سيداتي سادتي لا بس سيداتي ههههههههه

موضوعي عن عنايتي بالعطله


( للوجه)
Himalaya
اللي في خط برتقالي بالجوز و نواة القمح
رووعه يا بنات من أول استخدام بشرتي نعووووومه مع إن بشرتي حساسه حيل و مو أي شيء تتقبله بس لما شفت وحده من العضوات للأمانه مايحضرني اسمها الحين لكن كانت أغلب عنايتها هيمالايا بس جد روعه

Eskinol
خذيت منه نوعين بالليمون والشفاف كلهم حلوين تحطين منه بالقطنه و تمسحين في المكان اللي تبين طلع من رقبتي بلاااااوي مع أني بيضا و اللي يشوف رقبتي مايقول فيها شيء بس هالمنتج هم حييل حلو


تقشير الهيمالايا مره بالأسبوع و الإسكينول مرتين باليوم
و ماسك الحليب والشوفان و ماي الورد أخلطهم مع بعض و أخليهم ليما تتشربهم البشره بعدها اغسل وجهي بماي دافي


للهالات السودا»متعقده منهم
حطيت ألفازلين والكركم و إن شاء الله يآرب آشوف نتيجه

للجسم

سويت خلطه هم بعد حق عضوه من إلمنتدى
اللي إهي
اللوز المر + جليسرين الأحمر + ليمون + فيتامين سي الفوار لكن أنا من الكسل ماحطيت فيتامين سي بس هم روعه الله يجزاها خير


شريت من حواج ابو سعيد اللي بالفردوس ق 3
قلت عطني زيوت حق الجسم طلع لي اللوز المر »غرامي
و جلسرين الشفاف و الخروع حق الجسم

و لقيت عنده شغله لونها أخضر سألتها عنها قال هذي الحنه المغربيه حق تبييض الجسم و الطريقه نفس طريقه الحمام المغربي و بإذن الله راح أقولكم عن نتائجها

لكن الشي الوحيد إلي ماني عارفه استخدمه زيت الخروع يأليت أحد يفيدني شنو أحط معاه

و الحماااام المغربي
أحط منه بصحن الكميه اللي تكفي جسمي و أعصر معاه ليمونه
و أخليه تكرمون بالحمام عالرف على ما اطلع ملابسي وكريمات الترطيب والسؤالف هذي و بعدها اقتحم الحمام عزكم الله و اتفرك فيه

( الأيد)
مرطب سيباميد حق الأيد والاظافر

(ألقدم)
فازلين مع ليمون أو مع دم الغزال
أحطه بالليل واربطهم بجياس و الصبح اغسلهم

الركب
شريت بوهلي و توني بداية استخدامه


( الشعر )
سدر + حلبه مطحون +ماي حار
أو
سدر+ مغلي الحلبه
الحنه بقشر الرمان و زيت الخروع أو زيت الزيتون الأصلي أنا إلي عندي من الأردن
و قشر الرمان أنا مجففته وطاحنته بالبيت
بصراحه روعه خف تساقط شعري و أحس بدأ يتحسن مأشاء الله لكن.مشكلتي الوحيده القشره اللي تروح و ترد
هذي عنايتي بالتمام والكمال

بس باجي عندي هدف واحد اللي أهو زيادة الوزن»عصصله
سمعت عن أم مفرح و في بنات يمدحونها و في بنات يقولون تحط كرتزون »و أنا ضايعه بينهم ههههههه
أتمنى تفيدوني

وسلامتكم وتعيشون و لا تحرموني من دعواتكم
إلئ اللقاء :eh_s(7):

 

[زهرة الحسن]

للمتن اخذي حبوب فيتامينات من الصيدليه تفتح الشهيه وفي طريقه ثانيه اهي الحلبه تشربين كل يوم كوب تخليك دبه

 

[ضنـآني الشوق]

ماشالله
الله يهنيك حبوبه

 

[سمو الغلآ]

ماشاء الله خوش عنايه..

بالنسبه للتمسين خلطه المكسرات والرهش حييل يمدحونها للتسمين ماجربتهاا..

والله يتمم عليج هالعنايه..

 

[روعة ذاتي]

أسعدني مروركم فردا فردا. :*

 

[ريـ’ـآنـهـ‘]

خووش عناية ماشاءالله



الحلبة تمتن


وحليب بالموز بعد



وعندج حبوب جينسنق الاصلية تمتن




وعسل فاتح للشهيه

 

[روعة ذاتي]

ريانه أسعدني مرورج يالغلا. :*

 

[روعة ذاتي]

Up
Up
Up

 

[Tom ♥ Jerry]

,

حلوة عنايتج ..
عليج بالعافيه

 

[RO0O7Y KUWAITYA]

علييييج بالف عاافيه حبيبتي

 

[خيال و مطر]

[تسلمين على الموضوع خالتي كانت حدها ضعيفة كانت تشرب حليب مع حلبة و امتنت و انا الحين قاعد اشرب يوميا وزدت علية هيل عشان ريحة الحلبة و طعمها و ماراح تحسين بطعمها كلش و ان شاء الله تستفدينsize="6"][/size]

 

[أنثى تشرين]

حلوه عنايتج استمري
بالنسبه للمتن مثل ماقالو عسل حلبه رووووعه وتمر اكلي واااجد
واخذي فيتامينات من الصيدليه تمتن

 

[caramella <3]

ماشاءالله عنايتج تهبببببببل ،، و الله يهنيــــــــج بالنتايج حبيبتي

 

[Withered flower]

يعطيج العافية

 

[روعة ذاتي]

أسعدني مروركم جميعا :*
جاري تطبيق الحلبه تسلمؤون

 

[al_sheikha]

حلووووة عناايتج
وان شاءالله تصيرين مثل ماتبين ^_^

حتااا اناا ابي اسمن بس مافي شي فايد معااي

 

[عالية~]

الله يتمم عليج ويبارك لج
اشربي حليب كاكاو قبل النوم مع حبيتين بسكوت دايجستيف
تعرفينه ؟ الاحمر الي بالقمح وفيه نوع بالكاكاو
واخذي من الصيدلية حبوب الخميرة تاكلين حبة او حبتين في اليوم بعد كل وجبة
والله يحقق لج الوزن الي تبينه بصحة وستر وعافية يارب