عنايتج وقت الدوره الشهريه..??

[مطيريه ووبس]

السلام عليكم بنات شلونكم عساگم بخيرر .،،،،،مبين من الموضوع شنو بتكلم هو عنايتج وقت الدوره الشهريه ...انا بالنسبه لي استخدم فوط ناعمه وحللللللوه مثل فااام. ...طبعاااا بالنسبه لما تشرف الدوره يكوونن عذاااب خصوصاا اول يوم تكونين معصبه ومالج خلق هذا غير الالالم الي تجي. ..باول. يوم و24 ساااااااعه انتي بالحمام لدرججه انتج تحفظينه هههههههههه بعدين ثاني يووم يخف الالم والعوار .......واخر يوووم. طبعاا. اخر. يوم مصيبه لانه لازم تشلين ،،،،،،،بعدها تجيج الحريه. والراحه ...شلون تعتنون وقت الدوره. ....ٓابي تفاعلكم. معااااي

 

[Smchoocha]

موضوعج عجيب
قبل كنت استخدم اولويز بس كان يسبب التهابات فبدلته باي نوع المهم مو اولويز
اشرب حليب حار مع فلفل اسود او جاي اخضر و زنجبيل او زعتر مغلي
ابعد عن البيبسي و ربعه و الاشياء البارده و اشرب ماي وايد
اهم شي الدلاغات ماتطيح من ريولي
و اول يوم ماتسبح بس بعدين ماتحمل لازم اخربها

 

[Smchoocha]

و نسيت اكتب مطاره الماي الحار اللي نستخدمه عشان الحراره اسويلي كل ساعتين و حطه على بطني و ظهري

 

[الكوويت حره]

^^


المطاره الحاره على البطن تسبب أمراض وسمعت انه مو زينه وتسبب تجلط الدم

 

[تبيني آرضى عليك]

اشرب اشيااااااااء دافيه وابعد عن المشروبااااات الغازيه والاشياء البارده

 

[فراولةksa]

اشرب حليب من ثالث يوم بالزنجبيل والفلفل الابيض

ابعد عن الغازيات واشرب المويه في حرارة الغرفه


البس دلاغات

 

[داعسه]

مرحبا للجميع .. مشكوره اختي عالموضوع
بالنسبه لي أنا زيكم بس آكل أدويه قبل الوجبات
بس بهالحر احاول ماكلها عشان ماتحرجني ريحتها
اعوضها بشرب الشاي بالزنجبيل وشرب شاهي الاعشاب خاص بالدوره

 

[<miss botamba>]

ولا شي عالمزاج والصراحه ما عندي ايمان بالشغلات هذي احسها نوعا ما خرابيط

اذا لي مزاج ممكن اشرب دارسين او استعمل الفلفل الاسود بالاكل بس بالغالب ولا شي

 

[داعسه]

:eh_s(17)::eh_s(17):

ولا شي عالمزاج والصراحه ما عندي ايمان بالشغلات هذي احسها نوعا ما خرابيط

اذا لي مزاج ممكن اشرب دارسين او استعمل الفلفل الاسود بالاكل بس بالغالب ولا شي

بالعكس حبيبتي ... لاخرابيط ولا شي ولوو تجربينها بتحسين بالفرق :rerrerek:
وخاصة لاصرتي متزوجه ...:eh_s(15):

 

[حنانو 89]

١-اول شي ما اتسلح اول يومين او ثلاث
٢- اشرب حليب حار مع فلفل اسود
٣- اشرب زعتر مغلي
٤-بصراحه هم اشرب نسكافيه عاد ما ادري عادي ولا لا
٥- ما اشرب بيبسي طول ايام الدوره ولا اي شي بارد والماي بدرجه حراره الغرفه
٦- البس ملابس ثقيله ودلاغ ثقيل لان صج احس جسمي بالدوره حييييل حساس وابرد من اي شي ما ادري ليش

وبس

ان شاء الله بتابع موضوعج الحلو يمكن احصل شي يفيد اكثر

 

[Gorgeous ~]

انا ما اعرف اعتني بنفسي

بس اشرب اشياء حاره

يبالي اتثقف شوي خصوصا الحين عرسست

عطوني نصاايييح ^^

 

[Smchoocha]

^^


المطاره الحاره على البطن تسبب أمراض وسمعت انه مو زينه وتسبب تجلط الدم

مشكوره حبيبتي على المعلومه ماكنت ادري انه مو زين

 

[هدوووشه]

انا مااهتم من يومي ان شاءالله الايام الجاية

 

[مطيريه ووبس]

مشكورررين على الردود وتفاعلكم معاااي

 

[<miss botamba>]

:eh_s(17)::eh_s(17):
بالعكس حبيبتي ... لاخرابيط ولا شي ولوو تجربينها بتحسين بالفرق :rerrerek:
وخاصة لاصرتي متزوجه ...:eh_s(15):

الوسطيه بكل شي مطلوبه عشان جذي انا ما احب الاهتمام الزايد

وعادي لمن تنزل الدوره تنزل عدل بدون هالاشياء

وهم ماعندي ايمان ان بيفرق اذا تزوجت او لا


وهم وااايد دكاتره ماينصحون بالشي هذا لان اذا استعملتيهم لازم تستمرين واذا ما استمريتي الجسم مراح يعرف ينظف نفسه الا فيهم


فانا الله عطاني جسم فيه مليون معجزه مراح احتاج حسو والا مادري شنو عشان يتنظف

اذا الرحم قادر بقدره ربج يطلع بيبي وقت الولاده مراح يطلع جم نقطه دم وقت الدوره


فكري فيها

 

[A.H.B]

اشرب نعناع دافي ماعرف إذا زين ولا لا

 

[عاشقه رويشد]

اسويلي زعتر مرميه ودارسين وزنجبيل لازم اشربه بكل شهر واااايد يريح البطن ولازم اتسبح ماعرف لاني اعرق وايد بوقت الدوره وبس

 

["* حلا *"]

أنا استخدم فوط اولويز بالكريم المرطب للبشرة الحساسه
ناااعمه حيل ومريحه و طبعا قطن 100٪ احط 2

وطبعا لازم البس شورت قطني مريح والأفضل انه ما يضغط عالجسم
واشرب جاي أعشاب (شاي اخضر+ بابونج + نعناع)
يدفئ الجسم ويرخي العضلات

ولازم البس دلاق متين بالبيت وادفي نفسي واقلل او امتنع
عن المشروبات الغازيه و الايس كريم

وعن انتفاخات الجسم وقت الدوره علاجها جداً بسيط
واهو انج تكثرين شرب الماي عشان لا يحتبس الماي بجسمج

واذا العوار قووي روحي المستوصف واخذي ابره
مفعولها وحده بوحده

واهم شي بوقت الدوره الراااااحه + الدفى

يعني اذا حسيتي انج وايد تعبانه وجسمج ضغيف
اخذي طبيه من الدوام وريحي نفسج ونامي

او خلي احد يسويلج مساج حق ظهرج (مو بطنج)
راح يخف العوار انشالله

اما خلطات الأعشاب القويه اللي تنزل الدم و اللي مالت النفاس
أبدا ما تحتاجينها اذا ما كنتي تعانين من مشاكل .. خلي كل شي ينزل طبيعي

 

[Bio_reem]

ليش ما تسبحون بالدورة؟

حتى بمادة الاقتصاد المنزلي قالولنا انه عادي وزين الحمام الدافي

انا عن نفسي عادي ما اسوي شي ولا احس انهةلازم اسوي شي، يمكن المشروبات الدافية تريح بس مو اكثر
وما عمري بطلت برد على اساس دورة، لان البرد ( ايس كريم) ماراح ينزل مثل ماهو للرحم ... الجسم مو جربه
بيخل المعده عبر البلعوم ويتفكك وبعدين الامعاء وبعدين الدم ... الا هو بنفس درجة حرارة جسمج

 

[ام كداوي]

اي صح شلون البريد ياتر على الدورة