أنا بادية من الحين ..
البايو أويل
زيوت لشعري مرتين أسبوعيا وحمام كريم
أخذ فيتاميناتي ( الحديد يقلل اسوداد الرقبة)
سكراب مرتين كل أسبوع ( بأي نوع سكراب أو سنفرة)
وحمام مغربي كل 3 أسابيع ( ما يضر يا بنات الا 10 دقايق في البخار ) ..
وكريمات الجسم والويه ما قطعتها ..
بادية أمشي علشان جسمي يرجع لطبيعته بسرعة بعد الولادة وعلشان الولادة تكون هينة وما أثقلوايد في التاسع إن شاء الله ..
بس مخلية كمن شيء لبعد الولادة .. مثل اني بقص شعري لكن ما بغير لونه ولا طوله ناوية أقصه مدرج خفيف لأنه طويل وأحبه طويل ..
شيء ثاني أكيد بلبس المشد
وناوية أشتري مشد نيوترشن الضاغط اللي يرص الارداف بعد
أدور لي فلبينية تسوي مساجات تكسير علشان تييني 3 مرات بالاسبوع بيت أمي وأنا في النفاس بعد ما أكمل اسبوعين
وأكيد تنظيف بشرة وماسكات إضاءة الويه بسويها بالنفاس إن شاء الله وفضيت
