عمليه خشمي بطهران عند الدكتور شاهين

[ماي زعفران]

شدعوا شكثر مشاهدات ومافي ردود

 

[ماي زعفران]

يسعدلي مسائكم

طبعا انا عضوه قديمه واايد بس من زمان مادخلت وضاع حسابي والحين دخلت من حساب بنت خالتي العسوله

اول احب اقول هذي ثاني عمليه لي العمليه الاولى كانت فاشله عند الدكتور "بشار رباح" تقريبا قبل سنه ونص

وهل عمليه قررت اسويها عند دكتور محد مسوي عنده ويكون مميزه وغير اللي نشوفهم

طبعا الدكتور عرفته من بحثي للدكاتره في الانترنت واكثر شي حسيت شغله بيرفكت واخترته
انا اخترت طهران لانه دكاترتهم افضل واشطر من دكاتره مشهد وارخص بواايد بعد
وعلا فكره دكاتره مشهد هذولي للخليجين والدليل اسعارهم
دكاتره طهران افضل وسعر العمليه مايتعدا 800 دينار كويتي

بعد بحثي المتكرر حبيت شغل هل دكتور طبعا تواصلت معاه بالايميل وقتله بيك بس ماعطيته موعد
فلمن رحت بسوي العمليه تاخرت 5 ايام لانه زحممه عنده بس مو زحمه خليجين لا زحمه ايرانين وماشالله ماشفت خشم الا وعجبني
ولمن رحت قالي شعرفج فني لمن قتله بالنت ماصدق وقالي انتي سادس وحده من العرب تيلي لاني مومعروف عن العرب وبحط لكم بعد موقعه تشوفون شغله

شقووولكم واايد احداث وكلام صار
والعيب بالعياده انه مافي موعد للاستشاره بالدور اللي يي قبل يدخل قبل ومن كثر ما الدكتور متفهم عاادي يقعد معاج بالاستشاره ساعه ويلطع الناس بره يعني محد له وقت معين عنده استعداد يرد على اجوبتج لي باجر وحبوب ويتكلم انقليزي طبعا


طبعا ثاني عمليه معروفه تكون اغلا
وهذي ثاني عمليه لي

اول شي طلب من تحاليل واشعا وبعدها ب 3 ايام سوالي العمليه

والخلل اللي عندي كلشي لحميه وانحراف وغير جذي اتنفس بس من فتحه وحده غير الغروف الداخلي مكسوور

طلبت منه يكون خشمه طبيعي ومومرفوع بس اهوا سوا اللي يشوفه على ويهي


وعمليتي كانت بتاريخ 19\1\2013 يعني توني صارلي اسبوعين مو واييد

والطيران كان على الكويتيه لانه الطيران الوحيد اللي دايركت لي طهران

والفندق سكنا بوايد فنادق لاني رايحه بروحي يعني لا حمله ولا مترجم على الانقليزي

وافضل فندق كان اسمه هتل امير ويمه الاسوقه وكلشي قريب منه ونظيف وسعره حلو

بس التكاسي والفنادق بطهران وايد اغلا من مشهد للعلم لاكن الطب والتجميل طهران ارخص وافضل

ومده الرحله كان 17 يووم اول خمس ايام كانت سياحه بين الجبال والثلوج وبعدها العمليه وبعد العمليه بسبوع رحت مشهد زياره وقبل ردتي للكويت بيومين رديت طهران راجعت الدكتور وبعدها رجعت الكويت


لانه ثاني عمليه لي فكلفتني العمليه تقريبا 800 دينار
ومده العمليه كانت 8 ساعات لانه كان عندي بلاوي بخشمي صلحها

بالنسبه للتعب فتعبت واايد اول يومين كنت بين الحيا والموت لانه كثافه دمي كانت ضعيفه شوي واايد نزفت وحالتي حاله وحتن الدكتور استغرب انه نادر تمر عليه جذي حاله بس حمدالله على كل حال
بس بعدها صرت احسن

وااايد تكلمت ومادري شقوول صراحه بحطلكم الصور و هذا ثاني سبوع يعني خشمي رااح ينزل وراح يفش وخصوصا هذي ثاني عمليه نتايجها تبين اكثر من اول مره يعني طول اكثر

وبس اي استفسار حياكم



خشمي بعد عمليتي الاولى







وخشمي بعد العمليه الثانيه













وخشمي كل يوم له شغل وكل دقيقه غير


وهذا موقع ادكتوور

Nasal Plastic Surgeon - Dr. Sami


وحياكم

وهذي صوره بعد شهرين من العمليه

 

[أسرار الجمال]

ماشالله حلو خشمج وانت حلوة بعد تبارك الرحمن مشكورة عالتجربة

 

[NOZOO]

وهذا موقع ادكتوور

Nasal Plastic Surgeon - Dr. Sami


وحياكم


مبروووووك
حلو خشمج قبل وبعد
بس انت تقولين الدكتور شاهين والموقع اسم الدكتور سامي
الحين الدكتور سامي ولا الدكتور شاهين.

 

[بيبي قيرل]

اشلون التنفس معاج بكل امانه؟؟ كل شي تمام ؟؟

 

[Diana *]

بسم الله تبارك الرحمن
يهبل مره حلو
رفعته بعد حلوه و مناسب وجهك
تتهنين يارب
​

 

[Diana *]

نبي نشوفه على الجنب كيف صار ألحين
​

 

[سكتلز]

وايد مرفووع من قدام بس بشكل عام حبيت عملياتة بالوبسايت حقة .. شلون التنفس معاج؟وعاجبش الشكل اللحين ولا ؟خاطري اسوي عندة خشمي بس تعديلات بسيطة جدأ

 

[STILL G L A M ~]

حلو

تتهنين فيه يارب

 

[STILL G L A M ~]

انصحج بس تركزين ع صورت خشمج لان عيونج وويهج وشفايف طالعين عاد اتوقع الي مايعرفج بيعرفج
نصييييييييييحه

 

[caramil]

الشغل نظيف و ممتاز جدا
مالج شغل بلي يقولج مرفوع وإئد لأن الخشم ينزل بسرعه أول 3 شهور بعدها يستقر و بعد السنه يرد ينزل يهبط هبطه عجيبه غريبه
يعني أهوا مارفع خشمج وإيد عبط إهو حاط في اعتباره النزله اللي راح تصير و بعدها راح يتعدل شكل خشمج من جدام لان الحين مسموت بسبة الرفعه و حتى أمسوي مسافه بين شفايفج والارنبه بعدها راح كل شيء يستقر
تتهنين فيه و حافظي عليه خصوصا بهالفتره لا تييج طقه أو فلعه لأن كلش مو زين و يأثر لان ستل لين تحاشيه كثر ماتقدرين و لا تنامين عليه أو تعرضينه للدش بشكل مباشر

 

[حلوة سبيشل]

عن تجربه كان مثلك ويوم قالي الدكتور بينزل ماصدقته لكن كلها بالكثير سنه ونزله نزله جامده هههههه تتهنين فيه والحمدالله ع سلامتك

 

[ماي زعفران]

ماشالله حلو خشمج وانت حلوة بعد تبارك الرحمن مشكورة عالتجربة

حبيبتي ذوقج الاحلى تسلمين ليي يارب

 

[ماي زعفران]

وهذا موقع ادكتوور

nasal plastic surgeon - dr. Sami


وحياكم


مبروووووك
حلو خشمج قبل وبعد
بس انت تقولين الدكتور شاهين والموقع اسم الدكتور سامي
الحين الدكتور سامي ولا الدكتور شاهين.

اهلا حبيبتي الموقع اظاهر حاط اسمه المختصر بس لمن رحت له العياده طلع اسمه الكامل شاهين فتحي سامي شي جذي والله مادري شلون اساميهم وشاكرتلج مرورج نورتي

 

[ماي زعفران]

اشلون التنفس معاج بكل امانه؟؟ كل شي تمام ؟؟

تنفسي ماشالله 100% اهوا عدل فشل عمليتي الاولى اللي كان كاسرلي الغظرووف وما اتنفس عدل

والحين ماشالله حمدالله ردلي كلشي طبيعي عدلي الاخطاء السبعه كلها ههههه

 

[ماي زعفران]

بسم الله تبارك الرحمن

يهبل مره حلو
رفعته بعد حلوه و مناسب وجهك
تتهنين يارب​

فديتج حبيبتي انتي الحلوه

 

[ماي زعفران]

نبي نشوفه على الجنب كيف صار ألحين ​

اهلا حبيبتي اعتذر عن التاخير تفضلي
هذي الصوره بس تو الناس توني كملت 3 شهر وقالي راح ينزل ويفش اكثر بس يبيله وقت

 

[ماي زعفران]

وايد مرفووع من قدام بس بشكل عام حبيت عملياتة بالوبسايت حقة .. شلون التنفس معاج؟وعاجبش الشكل اللحين ولا ؟خاطري اسوي عندة خشمي بس تعديلات بسيطة جدأ

اي وايد مرفوع بس رااح ينزل خلال سنه حمدالله اهوا صححلي تنفس عمليتي الاولى لانه ماقمت اتنفس والشكل مقتنعه فيه وااايد حمدالله

انصحج فيه لانه جدا جدا شاطر واحلا شي فيه انه يضبط فتحات الخشم ويسوي شي مناسب على الفيس

 

[ماي زعفران]

انصحج بس تركزين ع صورت خشمج لان عيونج وويهج وشفايف طالعين عاد اتوقع الي مايعرفج بيعرفج
نصييييييييييحه

مشكووره حبيبتي ايي نا ماتعمدت بس عشان البنات يشوفون شكل الخشم من البدايييه

وشاكرتلج مرورج الحلو

 

[ماي زعفران]

الشغل نظيف و ممتاز جدا
مالج شغل بلي يقولج مرفوع وإئد لأن الخشم ينزل بسرعه أول 3 شهور بعدها يستقر و بعد السنه يرد ينزل يهبط هبطه عجيبه غريبه
يعني أهوا مارفع خشمج وإيد عبط إهو حاط في اعتباره النزله اللي راح تصير و بعدها راح يتعدل شكل خشمج من جدام لان الحين مسموت بسبة الرفعه و حتى أمسوي مسافه بين شفايفج والارنبه بعدها راح كل شيء يستقر
تتهنين فيه و حافظي عليه خصوصا بهالفتره لا تييج طقه أو فلعه لأن كلش مو زين و يأثر لان ستل لين تحاشيه كثر ماتقدرين و لا تنامين عليه أو تعرضينه للدش بشكل مباشر

فديييتج حبيبتي انتي الاحلى ايي هوا بعد قاالي هل كلام انه راااح ينزل بعد فتره وما احاتي
تسلمين لي فديتج ....