عمليتي التكميم يوم الاثنين ......حدي خايفه

[donat]

الحمدالله على سلامتج كلها 4 ايام و امورج تصير تمام لا تحاتين

 

[الفريده]

توكلي علي الله وسويها انا سويتها والصراحه راحه ما بعدها راحه بس اول شهر تعب بعدين تحسين نفسج خفيفه وتحسين بالثقه بس بعد العمليه عليج بالرياضه والمشي والله يتمم عليج ويوفقج

 

[om_mimi]

حمدلله عالسلامه حبيبتي

انا لاحقتج وعمليتي ان شاءالله يوم الاحد هم عند الشرهان واليوم بدا الخوف والمحاتاة تشتغل عندي
بليز قوليلي التفاصيل شصار وشصار وشصار وجم يوم قعدتي بالمستشفى وجم ثقب عمليتج انا الدكتور قالي بسويها بالثقب الواحد وهل يابلج معدتج عقب ماقصها؟؟

 

[om_mimi]

عندي سؤال بعد حبيبتي الحين بخصوص الدفع شلون
لان انا الدكتور كتب بورقة الدخول اللي حق المستشفى مدفوع بس انا طبعا مادفعتله ولا دفعتلهم مادري شسوي ومافهمت عليه حزنها شقالي فابي تقوليلي انتي شسويتي متي عطيتيه المبلغ وشكرا

 

[ام جــابر]

هلا om_mimi


الله يسلمج حبيبتي انا سوستها بثقبين واحد بالسره والثاني ع يسارها وفي فتحته استغربت منها ولما سالت عنها الدكتور مادري شقالي كنت مفهيه حدها صغيره تحت الصدر بالنص بس مكانها يعور شوي اول يومين
المهم انا دخلت المستشفى الساعه 12 بليل وعمليتي الصبح طبعا صايمه واول ماييت خذو وزني و طولي وسحبو مني دم و جنى عطوني دوا مو متأكده وركبولي بايدي الابره بعدها نمت وقعدت الساعه 6 يتني الممرضة معاها لبس العمليات لبست ونطرت لي الساعه 9ونص يوني بسرسر العمليات حزتها من الخوف قمت اضحك ورحت للمعليات ومابقى احد ماسألني من الدكاتره اسمج ؟ عمرج ؟ وتاريخ الميلاد؟ دكتورج؟العمليه شنو؟ يمكن 4 اسألوني من الدكاترة المهم قعدت ساعه او اقل بعدين يا دوري ود خلت وعقب قعدت والا اسمع واحد يون يمي ريال من التعب مسكين وانا لاشعوريا اسأل الممرضه خلص العمليه؟خلصت العمليه؟ وحمدت ربي ع السلامه ونمت وقعدت لما وصلت غرفتي ع 1ونص كنت دايخه والبنج مأثر علي ماحسيت بشي بسبه المسكن بس بليل تعبت من الغازات الي ابطني ودي ارجع والم فظيع ف ي البطن والي ارجعه هواء يمكن 4 مرات صادفتني ومارجعت الا ثاني يوم الصبح وطبعا اليوم كله مسكن ومغذي ثالث يوم ياني الدكتور الصبح وسالني دفعتي ولا لا قلتله ليلحين المهم يابولي عصير وماي مشوربه طبعا طلهم سوائل شفافه تقريبا ع الساعه 10 وقبلها من 8 يابولي ماي خلوني اشرب 30 ملي كل نص ساعه وكان صعب لان كل دقيقه اتريع هوا بسبه الهوا والغازات وانا اتعب من المشي لان مكان العمليه يعورني ويشد شوي ولازم المشي عشان يخف العوار ويروح الالم المهم قبل لانطلع رحت المحاسبه ودفعت الفلوس العمليه زياده عليهم فرق الغرفه لان غيرتها وماعجبتني ة 22 دينار ادويه و 20 دكتور الخدير و 30 للمرفق يعني طلع علي حدود 2900 والحمدلله على كل حال طبعا تحسفت قد شعر راسي لما رديت البيت وعزت على نفسي بس الحين الحمدلله احسن بس المشكله انا ما ساعد نفسي كلش المفروض اشرب العصير وانا لاغيته لاني ماشتهيه والماي يمكن سكانه طول اليوم والشوربه 5 قفشات ان ذبحت روحي وهذا غلط بس ماقدر شبعانه واحس بلوعه وغير جذي الغازات ملوعه جبدي والي مأزمني اكثر الدوره يتني اليوم يعني الم من و مني ههههههههههههه يالله العافيه بس ولله ليلحين مدري كل شي يبين بعد شهر والله يوفقج ويقومج بالسلامه


و مشكورين حبايبي ع دعواتكم فديتكم كلكم

 

[بنت احلام]

الله يسهل علييييج يارب وتصيرين رشيقه عليج بالدعااء

 

[badlya]

الحمدالله على سلامتج
تمشى وشربى ماى وتروح الغازات
ان شالله نسمع عنج اخبار ساره

 

[ARNOoOBA_86]

حبيبتي الحمدلله على سلامتج
الصراحه شجعتيني
انا محتاره اسوي عند الشرهان ولا الخياط دار الشفا

 

[HOT^CHOCOLAT]

الحمدالله علي السلامه وغدا شرج ام جابر وكل هذا بروح وترتاحين انشالله

 

[أم علي الرفاعي]

الحمد لله عالسلامة وتصيرين رشيقة ان شالله ...

 

[ام جــابر]

الله يسلمكم حبايب قلبي
بس اشتهي الاكل صرت اشم ريحته ههههههههههههه مو جوعانه كلش
وحتى اعصب روحي ع الماي والشوربه لان لازم اشربهم
وانشالله يوم السيت موعدي عند الدكتور
بس بنات عندي سوال انا ليلحين ماشلت البلاسترات الي ع سرتي خايفه ولا الفتحه الي فوق الدكتور ماشالها قال خليها لين ماتيني انا اشيلها لج اخاف اروح ويقولي ليش مشلتي الي بسرتج بس عتقد ليلحن الجرح واخاف اتعبث ينفتث ولا يتلوث​

 

[taybaa]

حمدلله على سلامتج وما تشوفين شر

 

[أأأميرة الورد]

الحمد الله على سلااامتج

 

[ARNOoOBA_86]

انا عندي سؤال
شلون سوالج العملية من السره ماياثر بعدين يعني يسوي فتاك شي سمله عليج

 

[ام جــابر]

لا الحمدلله ماكو شي ولحين صار وزني 100

 

[shams2008]

الخياط ماانصح فيه