عمليتي التكميم في مستشفى الاميري ..

[تيناا]

انا عمليتي سبوع الياي عند الدكتور احمد نفسه و امدحولي يا و رفيجت اختي مسويه عنده و الحمدالله مافيها الاالعافيه و الله يقومج بالسلامه و انشالله

الله يقومج بالسلامه يارب ، طمنيني حبيبتي شنو يصير وياج

 

[تيناا]

سوالي عملية المراره حبوب و طيب

و الي سوالي عملية التكميم دكتور خالد العنزي الله يوفقه ياااااارب

صح هو حبوب وطيب وان شاء الله الله يجيب اللي فيه الخير

 

[تيناا]

azouni

ان شاء الله الله يسهل علينا ونقوم بالسلامه انا خايفه ومتشجعه بنفس الوقت

 

[azouni]

هاي بناات شلونكم , سويتها و الحمدالله توني طالعه من المستشفى و تينا ابشرج الدكتور اينن و حده طيب و المستشفى كله الصرااحه السسترات ما قصرو ولا الدكتور كل يوم الصبح ايلي و كلش ما تعبت بس يوم واحد و عطوني مخدر و بعدها ماكو شي الحمدالله و ااذا عندكم اي سؤال انا موجوده

 

[رﯘآيـہ]

اي انا والله عندي سؤاال
بليز ريحيني العوار تم للحين ولا راح وشلون عوار يوم العمليه شسالفه

 

[om MaRyooM]

الحمدلله على السلااااااااااااامة ياقلبي



بس عندي سؤال .. جم لازم تكون كتلةالجسم عشان يسوون العملية ؟؟ اللي اهيا body mass ولا على الوزن ؟؟؟


وشلون حطيتي موعد عنده عشان تدخلين ؟؟

 

[azouni]

اختي روايه العوار خفيف كلش جنج صايمه و مو متسحره امس و بطنج يطلع اصوات والله و اول يوم اكيد في بس مو لي درجه اني بمووووت لاا عادي اول ما قلت ايييي ولا بغزوني ابره المخدر ولا انا نايمه جني جذابه

 

[azouni]

و ام مريووم الكتله لازم تكون 40 و فوق انا كنت 41 مادري 42 و لما رحت خذيت رقم و نطرت دوري و بعدين دشيت قالي فتحي ملف و لما خلصت رحت عطاني اوراق على شان اروح اخذ مواعيد حق المنظار و سونار و تحليل دم و هم اوه يعطيج موعد حقه اوه على شان تراجعينه عقب ما تخلصين من المواعيد و المنظار و السونار شوي مواعيدهم بعاد سبوعين و فوق و لما تروحين عنده يقولج راح نتصل فيج انقولج متى الموعد و اهم مواعيدهم كله من سنه او ينه و نص و انا اقولج لحقييي لنه زحمه و الدكتور ما يتطوف و اغراض العمليه اب 1100 بس سوي طولت عليج بس حبيت تعرفين بالتفصيل

 

[azouni]

حبيت اضيف شي ادري بتقولون هاذي قرقه بس قبل العمليه بيوم و انا عند دكتور التخدير قالولي ان لما تطلعين من العمليه و نوديج الغرفه راح نحطلج بنج طبعا و معا جهاز مخدر بس احس بألم على طول اضغطه و بس يخف الالم و يكون يم راسج بس مشكلته انه يزيد اللوعه و يخليج تزوعين بس شوي مو وايد و مرات ما يطلع بس لوعه لان معدتج فاظيه و شكرا :$

 

[تيناا]

هاي بناات شلونكم , سويتها و الحمدالله توني طالعه من المستشفى و تينا ابشرج الدكتور اينن و حده طيب و المستشفى كله الصرااحه السسترات ما قصرو ولا الدكتور كل يوم الصبح ايلي و كلش ما تعبت بس يوم واحد و عطوني مخدر و بعدها ماكو شي الحمدالله و ااذا عندكم اي سؤال انا موجوده

الف الحمدلله على السلامه azouni ويارب تضعفين بصحه وعافيه ، حبيت اسأل شلونج الحين تقدرين تتحركين عادي ؟ وشلون النوم معاج ؟ وفي تعليمات قبل العملية ولا شلون ؟ قوليلنا كل شي بالتفصيل علشان نستفيد نبي قرقه

 

[azouni]

لووول اي والله امس نمت على بطني و لما قمت عورني عوار خفيف بس ماكو تعليمات بس قالولي ديري بالج من الككاو و الدهن اي شي في دهن كلش مو زين حق اول اسبوعين و اتحرك عاديييييي بس ما اعبر اجندس اذا شي طاح لازم شوي شوي لنه توني بس عادي اول ما طلعت الصبح من المستشفى رديت تسبحت و قاعده ويا اهلي سوالف و عادي رفيجه امي سوتها و ثاني يوم طلعت راحت الافنيووز :s شي غريب بس على حسب الوحده و انشالله الله يساعدنا و اليوم وزنت نازله كيلو و نص وناسه 5 ايام من يوم العمليهو انشالله اكثر.

 

[أم صالح]

الحمدالله على سلامتج. والله يتمم عليج بالصحه والعافيه