عمليتي التكميم باجابياتها و سلبياتها مع الدكتور فهد الاصفر

[وعد2006]

رد: رد : عمليتي التكميم باجابياتها و سلبياتها مع الدكتور فهد الاصفر

حبيبتي سلامتج ما تشوفين شر .. والله قلبي عورني عليج .. إن شالله قريب الرشاقة تنسيج كل هالتعب

الله يسلمج حبيبتي
اميييييييين :yaaaaaarb:

 

[وعد2006]

مافيج الا العافية

اشدعوه شهالرد الغريب !!!!!
عموما يجي منج اكثر ما قصرتي

 

[Heaven Light]

الحمدلله على السلامة ما تشوفين شر ..

جم كان وزنج وجم صار ؟؟

​

 

[وعد2006]

كان وزني 150 والحين 125

 

[مسك81]

الحمدلله على سلامتج

 

[تمنيتك]

مشاءالله زين نزلتي جم كيلوو

 

[om MaRyooM]

حمدلله على سلاااااااااااااامتج

 

[نجدية ستايل]

السلام عليكم و رحمة الله و بركاته
بنات و لله الحمد انا سويت عمليت التكميم بالاميري عقب مواعيد طويله و تحاليل مالها اول من اخر و بعد سنتين من المراجعات سويت العمليه
كانت عمليتي بتاريخ 3-2-2011 دخلت العمليات و انا مستانسه و كانوا الاطباء مرحين جدا حطولي الكمام و كانوا يقولون انتي بتصيرين ضعيفه و رشيقه ماكوا الا وانا نايمه
طبعا انا طلبت منهم انهم ما يقعدوني كلش عقب العمليه فخلوني نايمه لي الساعه 12 بليل و صاروا يقعدوني يبوني اروح الحمام و انتوا بكرامه و انا اقول لهم مو حسرانه و قلت خلوني و عصبت عليهم وقلتلهم وخروا عني وبعدين دخلو عندي دكتورين و قعدوا يقولون يا اختي مايصير اني مسويه العمليه من الصبح و كل هالدربات و للحين مارحتي الحمام ما يصير قلتلهم وخروا عني انا مو حسرانه و قعدوا يلحون علي لين ما السسترات جابولي و انتوا بكرامه القيصريه و ما سويت شي
و بعدها صارت الكارثه قمت قلتلهم برجع جان يقعدوني والا السرير كله دم و قعدت ارجع دم وخشمي ينزف دم و العمليه كل فتحه ينزل منها ده طبعا السستر صاحت و نادت السسترات و اتصلوا بالدكاتره و شافوا الحاله بقالو لازم انركبلج بربيش للبول لا يكون فيج نزيف داخلي و اتصلوا على زوجي عشان لو بيسون عمليه ثانيه لكن الحمدلله الله ستر ما صار فيني نزيف داخلي
بهذاك الوقت انا كنت حيل تعبانه و طبعا ركبولي دم عشان يعوضون الدم اللي راح مني و الكسجين نزل معاي و وصل اربعه لتر طبعا دقوا على الدكتور فهد الاصفر و كان بالوفره و على طول جا حتى اتذكر ابن الحلال كان لابس غتره و دشداشه :d طبعا وقفوا ابر السيوله على طول
المهم ابن الحلال باشرني و كان على طول يمرني حتى خارج اوقات العمل لين و لله الحمد طلعت من المستشفى لكن للاسف يا فرحه ما تمت
بعده بيوم كنت اصيح من الالم لكن مو من العمليه لا كان الالم اعلى اليمين تحت الصدر و كان الم غير محتمل فرحت المستشفى و خلوني بالملاحظه من 9 الصبح الى 8 باليل و رحت ثاني يوم عند دكتوري الرحووووم فهد الاصفر و كنت زينه و ما طلعت منه و وصلت البيت رد الالم اكثر من امس و رحتله و باشرني ابن الحلال و سوالي سونار جان يطلع معاي تجمعات دمويه تحت الجلد بسبب النزيف اللي صار معاي عقب العمليه
المهم قرروا اني اسوي عمليه ثاني يوم عشان يسحبون الدم لكن سبحان الله صار معاي حراره خلتهم يهونون عن العمليه و كنت متضايقه و تعبانه و اعاني من الالم الشديد لكن الدكتور قرر اني ما اسوي عمليه عشان لا يصير فيني نزيف لانه اكتشف ان جسمي قابل للنزيف و مايبي يعرضني للخطر مره ثانيه و مشاني على المضادات فتره طويله و لله الحمد و المنه انا الحين زينه و احمد ربي انه جنبني العمليه الثانيه
بنات انا بصراحه احب اشكر هالدكتور الانسان اللي ما خلاني ولا يوم و كان على طول يسال عني و يدق تلفون و يزورني حتى خارج اوقات عمله والله ان كلمة مشكوووووورر ما تكفيه
اسفه اني طولت عليكم و اي سؤال انا حاظره و من عيوني الثنتين

الله يعينج صج اللي يشوف مصايب غيره تهون عليه مصيبته الحمدلله على سلامتج وانا بعد عانيت من الترجيع وغيره المهم حبيبتي شلون نفسيتج الحين وجم نزلتي:eh_s(7):

 

[نجدية ستايل]

رد: رد : عمليتي التكميم باجابياتها و سلبياتها مع الدكتور فهد الاصفر

اشوه اني سويت العمليه قبل ما اقرا موضوعج ولا جان هونت اصلا كافي اللي انا في الحين

شتحسين فيه ومتى سويتيها؟؟ انا احس بكابه مالها اخر وكله متضايقه وكارهه حياااااااااااااتي ومالي خلق لاي شي ولاي احد

 

[alazezh]

الحمد لله على سلاامتج حبيبتي

وااااااااااااااااااااااااااااااااااي خوفتيييينييييي
انا عمليتي ان شاء الله يوم 25 \ 5
وبرووحي خايفة والحين خفت اكثر
الله يستر وتعدي على خير امانه بنات ادعولي ​

 

[وعد2006]

الله يعينج صج اللي يشوف مصايب غيره تهون عليه مصيبته الحمدلله على سلامتج وانا بعد عانيت من الترجيع وغيره المهم حبيبتي شلون نفسيتج الحين وجم نزلتي:eh_s(7):

الله يسلمج يا قلبي نا الحمدلله تمام الحين وبالنسبه حق النزول نزلت للحين 30 كيلو ووقفت :eh_s(11):

 

[اميره بكلمتي]

اشلونج وعد الحين

 

[وعد2006]

رد: رد : عمليتي التكميم باجابياتها و سلبياتها مع الدكتور فهد الاصفر

شتحسين فيه ومتى سويتيها؟؟ انا احس بكابه مالها اخر وكله متضايقه وكارهه حياااااااااااااتي ومالي خلق لاي شي ولاي احد

انا اللحين ولله الحمد مافيني شي وسويتها بتاريخ 3-2
حبيبتي والله حاسه بالكآبه اللي انتي فيها وانا كنت قبلج جذي ولكن الحمدلله سويتها و محد من اهلي كان يدري لانهم ماكانوا راضين
حاولي تسوينها وصدقيني راح تتحسن نفسيتج وراح ترتاحين
يا قلبي لا تكرهين الحياة ترى مالها ذنب واذا حابه اكون صديقتج ترى ماعندي مانع و راسليني ع الخاص عشان نلقى طريقه للتواصل :eh_s(15):
:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[وعد2006]

الحمد لله على سلاامتج حبيبتي​

وااااااااااااااااااااااااااااااااااي خوفتيييينييييي
انا عمليتي ان شاء الله يوم 25 \ 5
وبرووحي خايفة والحين خفت اكثر
الله يستر وتعدي على خير امانه بنات ادعولي ​

عسى الله يقومج بالسلامه انشالله و فالج الرشاقه

 

[شعريي]

ماشاءالله ياقلبي والحمدلله عالسلامه ياقلبي
وإن شاءالله ألحين أحسن طمنينه عنك ياقلبي

 

[ii DareeN ii]

حمدالله على سلامتج ان شاء الله تشوفين نزول حلو ينسيج التعب كل شي في اولة ممكن تصير له نكسات بس بعد ثلاث شهور كل شي بيتعدل

 

[وعد2006]

ماشاءالله ياقلبي والحمدلله عالسلامه ياقلبي
وإن شاءالله ألحين أحسن طمنينه عنك ياقلبي

الله يسلمج يا روحي الحمدلله انا الحين احسن

حمدالله على سلامتج ان شاء الله تشوفين نزول حلو ينسيج التعب كل شي في اولة ممكن تصير له نكسات بس بعد ثلاث شهور كل شي بيتعدل

الله يسلمج يا قلبي والله بالنسبه للنكسات موجوده لكن الحمدلله انا احسن من غيري

 

[وعد2006]

اب اب اب

 

[Lola Al Lola]

وعد حبيبتي وينج طرشتلج عالخاص التفاصيل باركيلي اخيرا سويتها
وصرت شجاعه
<<<<<<<<ولا شافت الشجاعه الا ميته خوف ودلع ههههههه

 

[sheraZia_Q8]

شلونج الحين من سويتي العمليه للحين يريت لو تطمنينا عنج يا قلبي