عملية خشمي عند خالد الصبيح

[سموالاميره2009]

يااااااااااااااااااااااااااااااااارب يطلع خشمك حلو وبعدين لاتبجين عادي لازم تورم اول شهر وتمر عليج افلام رعب هههه.... عسى الله يوفقج انشالله وارتاحي نفسيا,,,,,انا عمليتي الاربع 15\6يعني مابقا شي الله يعين يارب

 

[uae_asma_uae]

ان شاء الله النتيجة بتكون احلى من توقعاتج

 

[رمشْ الحَيآ]

اب اب لعيون اثور

 

[manal-q8]

اثيير عسى ماشر طولتي الغيبه....
طمنينا عليج شلونج الحين؟؟؟؟؟

 

[اثير الدلع]

مشكوررين بنااات فديتكم اللي سألووو عني اهني وبالخاااص انا الحمدلله زينه بس الدوره نزلت علي هدت حيلي وكلش موو وقته ان شاااء الله الاربعااا اشيل الجبيره وانشالله التفخااات تروح بس بنااات بسألكم اذا شاال الجبيره يخلي اللزقات والا يشيلهم لان بصراحه تعبت من قعدة البيت وهم عيالي زهقووو يبون يطلعووون وماابي اطلع واللزقاات على خشمي

 

[ريسان]

اثير اشتقنالج عسولة لا ما راح يخلي اللزقات بس المفروض يكون معلمج طريقتهم اول مرة يوم شال الجبس و بس راح يعلمج المساج و يقولج حطي لما بتنامين كل يوم مدة شهرين بس مو تنسين قوليله شلون طريقة المساج لان انا يوم رحتله قالي سوي مساج و توه بيطلع جان يقولي عندج سؤال قتله اي ما علمتني طريقة المساج

 

[اثير الدلع]

حيااااتي تشتاق لج العافيه قلب ان شاء الله باجر مراجعتي ويشيل الجبيره واللزقات وافتك لان احس سووو لي صداع والله كريم

 

[REMI]

الحمدلله على سلامتك اثير وان شاءالله يطلع انفك احلى واحلى مع الايام
انا بعد ما شلت الجبيره حط لي الدكتور اللزقات وقال لي خليها يومين او ثلاث وشيليها
بس لازم تنتبهين من اشعة الشمس وحاولي تتجنبينها لمدة 3 او 4 اشهر بالكثير ولا تشيلين اشياء ثقيله لأنها تأثر على العمليه

 

[اماراتيه هيبه]

الحمد لله على سلامتج اثير .. انا بعد بكمل اسبوع بعدني ماشلت التقويم الحديد من خشمي بشله يوم الاحد ان شاء الله
وعمليتي سويتها في لبنان عند د.نادر صعب

 

[رمشْ الحَيآ]

اثثثووور وينج والله احاتيج عالمسنجر ماتبينين ولا هني ؟؟؟ طمنيني بليز

 

[اثير الدلع]

هاااااي بنااااات اناااااا حددي مستاااااانسه خشمي الحمدلله وااايد وااايد حلووووووو امس شلت الجبيره وحتى وانا بالعياده جم وحده كانووو يايين يسوون خشومهم كاااانو مترددين شافوووو خشمي جان يقولون لا خلاص بنسوي مابذناااا مااااي لوووووول ورديت البيت وبدلت وطلعت واستااااانست الحمدلله صج صج حدي مستااااانسه الحمدلله

 

[اثير الدلع]

رمش الحياااا منو انتي ماعرفتج سوري بيبي

 

[رمشْ الحَيآ]

ياااشقول انا انسه لين مسوية نيولوك هههههههه الف الف مبروك

 

[اثير الدلع]

هههههههههههههههههه ضحكتيني ياااحلوج شلونج شخبارج فديتج الله يبارك فيج حياتي والفال لج حبي *

 

[غلا الجوري]

اثير الف الف مبروك على النيو لوك وانشالله الفال لنا لما انشيل الجبيره بنتي اتقولي احبج ماما بس مابوسج فيج دم والله قلبي عورني

 

[^حرامية غسيل ^]

الف الف مبرووك اثيير ,
وعسى الله يتمم عليج ياقلبي

وبصراااحه شجعتني اكثر واخذت مووعد عنده بس زحمه وحطوني على الويتنق

بس بسالج صج ماايغير بالخشم وايد ؟؟ ولا على الطلب !

 

[غلا الجوري]

وينج اثير شنو اخر مستجداتج

 

[manal-q8]

اثييير اشلوونج الحيين؟؟
بنااات انا عمليتي يوم الاثنين يعني بعد باجر الصبح عند الصبيح
وحدددددددددددي خايفه اول مره اسوي عمليه بحياتي........ قاعده افكر بالعمليه والنتيجه والله تعبت ومخترعه من البنج الكامل
قلبي يدق من الحين
اثيير كلمتي الدكتور قبل العملية انا ودي اكلمه اقدر ... اخاف يكون مستعيل وعلى طول يدخلوني العمليات لازم اكلمه
ولا اروح عياده باجر واكلمه احسن؟؟؟مادري شسوي
واللي مسوين عمليه شلون تتنفسون بالعمليه وبالافاقه يحطون كمام حق التنفس ولا شلووووون؟؟؟؟؟؟؟؟يااااويلي انا كل شي احاتيييييييه

 

[ريسان]

منال لا تخافين انتي ما رحتي حق الدكتور؟ لما تودين الصور حق الدكتور لازم تشوفينه انا قبل عمليتي باسبوع شفته و هم يوم العملية قبل ما يعطونج البنج اييج الدكتور و يخطط على خشمج لازم يشوفج لا تحاتين و البنج ما يخرع عادي بس راح يقولونلج اول ما تخلص العملية تنفسي من حلجج اذا ما رحتي حق الدكتور ضروري تروحينله اليوم عشان ترتاحين

 

[manal-q8]

فدييييتج رسون حبيبتي زين طمنتيني انا رحت له قبل 3 ايام وكلمتة بس في شغلات وايد نسيت اقولها
يقولي يبي يحطلي غضروف انا خشمي طويل ماله داعي غضروف اخاف يطوله زياده ؟؟ الغضروف هذا عظم ولا شنو
ماعرف حق هالسوالف...
خلاص عيل اشوفه قبل العمليه احسن عشان ما ينسى كلامي.